Morgunblaðið - 03.04.1993, Blaðsíða 2

2
MORGUNBLAÐIÐ LAUGARDAGUR 3. APRÍL 1993
Air Atlanta leig-
ir tvær Júmbó-
747 breiðþotur
150 nýir starfsmenn verða ráðnir,
þar af 30 til 40 íslenskar flugfreyjur
AIR ATLANTA Jiefur tekið á leigu tvær Jumbó-breiðþotur,
Boeing 747, og að sögn Arngríms Jóhannssonar, forstjóra Atl-
anta, mun félagið leigja þær í verkefni í Saudi-Arabíu með
áhöfnum og allri þjónustu er lýtur að vélunum. Arngrímur sagði
í samtali við Morgunblaðið að þeir myndu ráða um 150 manns
til vinnu vegna þessara tveggja breiðþota, þar af um 110 flug-
freyjur, en reiknað er með að þriðjungur þeirra verði íslenskar
flugfreyjur, en hinar frá Svíþjóð og írlandi. Hluti flugmannanna
á Júmbóþotunum verða íslenskir lánsflugmenn frá Cargolux.
Fyrir rekur Atlanta nú sjö 737-þotur og starfslið er um 100
manns. Með fyrirvara um samþykki íslenskra stjórnvalda tekur
Atlanta við vélunum 18. apríl nk. og þá koma þær hingað til
lands 19. apríl undir íslenskum skráningarmerkjum.
Það eru bandaríski bankinn
Cemical og hollenski fjárfeslinga-
bankinn NIB sem leigja Atlanta-
breiðþoturnar, en þær voru í eigu
bandaríska flugfélagsins TWA. Vél-
arnar eru leigðar til áramóta með
möguleikum á framlengingu. Vél-
amar og áhafnir þeirra verða stað-
settar í Jedda í Saudi-Arabíu.
Pílagrímaflug
Meðal verkefna vélanna verður
pílagrímaflug. 481 sæti er í hvorri
Júmbó-þotu Atlanta. Tvær 737-þot-
ur Atlanta eru nú í farþegaflugi í
Indónesíu, ein í Víetnam, tvær í
Indónesíu og ein er gerð út frá Luton
i Bretlandi fyrir BP-olíufélagið með
farþega og frakt til Rússlands og
ein vöruflutningavél er gerð út frá
Köln.
Gengisfellingu hafnað á aðalfundi íslenskra sjávarafurða hf.
Endurbætur á götum og gangstéttum í borginni
Götur koma
frekar illa
undan vetri
ENDURBÆTUR á götum og gangstéttum
í borginni hefjast strax eftir páska, en
götur virðast koma frekar illa undan
vetri, að sögn Sigurðar Skarphéðinssonar
gatnamálastjóra. Utboð hafa farið fram
vegna framkvæmda og efniskaupa og er
verið að opna tilboðin þessa dagana. A
vegum Hitaveitu Reykjavíkur fer fram
endurnýjun á dreifíkerfi og eru þær fram-
kvæmdir boðnar út í þremur áföngum.
Að sögn Sigurðar Skarphéðinssonar gatnamála-
stjóra er gert ráð fyrir að kostnaður vegna fram-
kvæmda við malbik verði um 45 til 50 milljónir í
sumar. „Þær eru um það bil að hefjast," sagði hann.
„Búið er að opna tilboð í viðgerðir á gangstéttum og
tilboð í malbiksframkvæmdir verða opnuð í dag.
Ákvörðun um hvaða tilboði verður tekið mun liggja
fyrir þegar búið er að fara yfir tilboðin en ef ekkert
óvænt gerist með tíðarfar þá getum við byijað strax
eftir páska. Götumar koma svona frekar illa undan
vetri en ég hef oft séð það verra.“ Kostnaður vegna
kaupa á gangstéttarhellum er áætlaður 28,6 milljónir.
Endurnýjun á dreifikerfí
Endumýjun á dreifikerfi Hitaveitu Reykjavíkur er
boðin út í þremur áföngum og hefur þegar verið tek-
ið 22,1 milljón króna tilboði lægstbjóðanda, Víðis
Guðmundssonar, í 1. áfanga. Tilboð hans er 70,1%
af kostnaðaráætlun en sjö tilboð bárast í verkið. „í
fyrsta áfanga er gamli vesturbærinn," sagði Gunnar
A. Sverrisson verkfræðingur hjá Hitaveitu Reykjavík-
ur. Svæðið afmarkast af Hringbraut og Tjarnargötu
og þaðan að sjó.
Ánnar áfangi afmarkast af Hringbraut að sunnan,
Ingólfsstræti að vestan og Lönguhlíð að austan.
Áætlaður kostnaður við áfangann er rúmlega 41
milljón. „Sum svæði era minna hreyfð en önnur en
hlutfallslega verður mest unnið í Þingholtunum,"
sagði hann. Þriðji áfangi er endumýjun á um 20 ára
stofnlögnum í Fellahverfi milli Norðurfells og Suður-
fells í Breiðholti III. Tilboð í þann áfanga verða opn-
uð 29. apríl næstkomandi.
Götur víða illa famar
UMHLEYPINGAR og saltburður í vetrarfærð-
inni hafa haft slæm áhrif á götur borgarinnar
eins og sjá má.
ÍS verður opið hlutafélag
RUMLEGA 38 mUljóna króna hagnaður
varð af rekstri Islenskra sjávarafurða
hf. eftir skatta árið 1992 á móti tæplega
52 milljóna hagnaði 1991. Hagnaður án
dótturfélaga var 24 milljónir króna í
fyrra en 80 milljónir 1991. í fyrra var
816.000 dollara, eða 46,9 milljóna kr.,
hagnaður af rekstri Iceland Seafood
Corp., dótturfyrirtækis ÍS í Bandaríkj-
unum, á móti 736.000 dollara tapi 1991.
Hins vegar var 2,6 milljóna kr. halli hjá
Iceland Seafood Ltd. í Bretlandi og 23
milljóna kr. halli hjá Útvegsmannafélagi
samvinnumanna hf. 1992. Þetta kom
fram á aðalfundi ÍS, sem haldinn var á
Hótel Sögu í gær, en þar var samþykkt
samhljóða að breyta ÍS úr lokuðu hluta-
félagi í opið hlutafélag, þannig að engar
skorður verði á framsali hlutabréfa.
ÍS og dótturfyrirtæki þess seldu sjávarafurðir
fyrir 16,4 milljarða króna í fyrra á móti 17,4
milljörðum árið áður, þegar búið er að taka út
sölu milli dótturfélaganna. Útflutningsvelta ÍS
var 13,2 milljarðar króna 1992 en 13 milljarðar
1991, sem er 2,9% samdráttur.
Á fundinum var samþykkt ályktun, þar sem
segir m.a.: „Lausn vandans verður að leita í
sámræmi við upptök hans. Þess vegna er því
hafnað að gengisfelling geti leyst vandann við
núverandi aðstæður í sjávarútvegi."
Leitað nýrra leiða
Sem úrræði út úr vandanum er nefnt að leit-
að verði allra leiða til þess að auka aflamagn
og framleiðslu þar með. Leggja verði áherslu á
leit að nýjum miðum og rannsóknum á þeim og
einnig þeim miðum, sem þegar séu kunn. Taka
verði allar skuldir sjávarútvegsins til skoðunar,
breyta lausaskuldum í löng lán og lengja eldri
lán verulega.
Þá þurfi með öllum ráðum að lækka vexti.
Það sé ekki sjávarútvegi og öðra atvinnulífí í
hag að ganga nærri afkomu banka og annarra
lánastofnana. Þess vegna verði ávöxtun innlána
að lækka jafnhliða því að ávöxtun útlána lækkar.
Ennfremur að vinna þurfi að sameiningu fyrir-
tækja í sjávarútvegi, þar sem það er hægt, enda
verði kostnaði við þá rekstrarfjármuni, sem tekn-
ir verði úr notkun, Iétt af fyrirtækjunum, tíma-
bundið eða að öllu leyti. Stefnt verði að því að
leggja niður fyrirtæki, sem ekki hafa full verk-
efni og færa verkefni þeirra yfír á önnur fyrir-
tæki, sem geti tekið við þeim án fjárfestingar.
Til þess að svo megi verða getur þurft fjárhags-
lega fyrirgreiðslu.
í aðalstjóm ÍS voru kjömir Hermann Hans-
son, Gísli Jónatansson, Jón Guðmundsson, Frið-
rik Guðmundsson, Atli Viðar Jónsson, Jón Þór
Gunnarsson og Þórólfur Gíslason. Úr aðalstjóm-
inni ganga Guðjón B. Ólafsson, Einar Svansson,
Rögnvaldur Friðbjömsson og Sigurður Markús-
son.
Fegurst í
Reykjavík
Fegurðardrottning Reylg'a-
víkur, Brynja Vífilsdóttir.
Brynja
fallegust
BRYNJA Vífílsdóttir, 19
ára Kópavogsbúi, var í gær
kjörin Fegurðardrottning
Reylgavíkur.
Vinsælasta stúlkan í hópi 16
stúlkna, sem kepptu um titilinn,
var valin Andrea Róbertsdóttir,
18 ára Garðbæingur. Ljós-
myndafyrirsæta höfuðborgar-
innar er Nanna Guðbergsdóttir,
18 ára Reykjavíkurmær.
Valið á fegurstu stúlku
Reykjavíkur fór fram á Hótel
Islandi í gærkvöldi.
í dag
Lyktfrá Kletti
Vesturbæingar hafa kvartað undan
loðnubræðslulykt 4
70 þúsund bækur
Um sjötíu þúsund bækur voru lesn-
ar í Lestrarkeppninni miklu 22
IBM
Skíðamótið___________________
Ólafur Bjömsson sigraði tvöfalt í
fímmta sinn 50
Leiðari_______________________
Hvítur hrafninn flaug(l) 26
Menning/Listir Lesbók
► Coppelía Dansflokksins - ► ÓlöfskáldfráHlöðum-Glerl-
Hákon Leifsson - Þór Tulinius - ist um víða veröld - Ný smásaga
Trúarleg list - Auður Hafsteins- eftir Einar Má Guðmundsson -
dóttir - Hans og Gréta í Kópa- Rabb Hannesar Péturssonar
vogi - Baltasar
Björgunarbátnum gefið nafn
BJÖRGUNARBÁTURINN, sem Slysavarnafélagi íslands hefur verið afhent-
ur til eignar og staðsettur verður í Sandgerði verður gefið nafn við hátíð-
lega athöfn í Sandgerðishöfn í dag. Athöfnin hefst klukkan 13:30. Ávarp
flytur Gunnar Tómasson, fyrsti varaforseti SVFI, frú Vigdís Finnbogadótt-
ir, forseti ísiands, gefur bátnum nafn og séra Hjörtur Magni Jóhannsson
blessar bátinn og annan minni, sem honum fylgir.