Morgunblaðið - 03.04.1993, Page 7

MORGUNBLAÐIÐ LAUGARDAGUR 3. APRÍL 1993
L ,iL/.'DLy')U/J iúfrJ, !C:

Sjóbirtingsveiðin hefur farið þokkalega af stað, betur en í fyrra
í Geirlandsá og í Vatnamótunum, en rólegar en endranær í Varmá
í Ölfusi, en helst er fylgst með þessum ám í upphafi veiðitímans.
Árferði ræður jafnan nokkru um það hvernig tekst til og þar sem
skilyrði voru með besta móti nú er ekki laust við að þeir væru til
sem væntu þess að veiðin yrði betri en raun varð.
11 punda fiskur úr
Geirlandsá
Stærsti fiskurinn sem hefur frést
af við opnun vertíðarinnar var 11
punda fiskur sem Hólmgeir Hólm-
geirsson veiddi á flugu í Ármótun-
um í Geirlandsá. Sá fiskur var einn
15 birtinga sem veiðimenn í Geir-
landinu höfðu veitt á hádegi í gær.
Gunnlaugur Óskarsson sem þarna
var að veiðum sagði að áin hefði
verið nokkuð skoluð fyrsta daginn,
en síðan hefði kólnað og áin þá
hreinsast. Það virtist verá nokkuð
af fiski og það hefði vakið athygli
þeirra að birtingurinn væri nokkuð
dreifður. Gunnlaugur og félagar
opnuðu einnig í fyrra og fengu þá
aðeins 6 fiska, en skilyrði voru
ekki sem best.
Nokkuð gott í
Vatnamótunum
Veiðimenn í Vatnamótunum
fengu tíu sjóbirtinga fyrsta veiði-
daginn, fiesta á flugu. Voru það
fiskar frá 2 pundum og upp í 7
pund þeir stærstu. Að sögn -töldu
menn að talsvert væri af fiski á
svæðinu, en hann væri ekki í torf-
um heldur dreifður og því þyfti
nokkra yfirferð til að næla í góðan
afla. Þetta er betri opnun en í fyrra
á þessum slóðum.
Morgunblaðið/Ámi Sæberg
Þessi glaðlegi hópur sem Morgunblaðið hitti fyrir við Varmá i
Ölfusi hafði lítið fengið annað en birtinginn sem einn í hópnum
heldur á, 4 punda fisk. Þetta eru, f.v.: Sigurður Rósarsson, Rún-
ar Sigurðsson, Gunnar Rósarsson, Gunnlaugur Rósarsson, Rósar
Eggertsson og Helga Nína og Paul O’Keefe úr Veiðimanninum.
Launuðu
gestrisni
meðstuldi
TVEIR menn launuðu gestrisni
manns í austurborginni aðfara-
nótt fimmtudags með því að
koma aftur að húsinu um morg-
uninn, fá dóttur húsráðanda til
að hleypa sér inn og hverfa á
brott með sjónvarpstæki, mynd-
bandstæki og 30 þúsund krónur
í peningum. Þá óku þeir á brott
á bílaleigubíl, sem húsráðandi
hafði til umráða.
Mennirnir tveir voru gestir hús-
ráðanda um nóttina, en hurfu svo
á brott. Um kl. 8 um morguninn
komu þeir aftur að húsinu og fengu
unga dóttur húsráðanda til að
hleypa sér inn. Hún leit svo á að
þeir væru gestir föður síns, sem var
sofandi inni í rúmi.
Mennirnir tveir létu greipar sópa
og hurfu svo á brott í bílnum. Rann-
sóknarlögregla ríkisins fer nú með
rannsókn málsins.
---» ♦ "4-
Saklaus
klifrari
LÖGREGLUNNI var tilkynnt í
gær að maður væri að klífa hús
í Þingholtunum og höfðu vegfar-
endur af þvi áhyggjur, að þarna
væri þjófur á ferðinni.
Lögreglan kom á staðinn og
ræddi við manninn, en í ljós kom
að hann bjó í húsinu og hafði gleymt
lyklum að íbúð sinni. Hann hafði
því gripið til þess ráðs að klífa hús-
ið til að komast inn um glugga.
-------♦ ♦ ♦-
Gripinn með
þýfi í bílnum
LÖGREGLAN handtók á fimmtu-
dagskvöld ölvaðan mann, sem
var að bjástra við þýfi í bíl sínum.
Lögreglunni var bent á grunsam-
legt athæfi mannsins og þegar hún
kom á staðinn var hann að bjástra
við ýmislegt í bíl sínum. Þar kenndi
ýmissa grasa, m.a. var þar að finna
slípirokk, hjólsög og kynstrin öll af
snyrtivörum og reyndist vera um
þýfi að ræða. Þá fundust nokkur
grömm af hassi á manninum, en
hann var fluttur í fangageymslur.
-------» ♦ »-
Staltreyj-
um ÍR-inga
ÞJÓFUR, sem virðist sérstaklega
hrifinn af ÍR, var á kreiki við
Miklagarð í gær.
Brotist var inn í bíl, sem stóð við
verslunina. Úr honum var stolið 20
íþróttatreyjum í ÍR-litunum.
Nýr framhjóladrifinn 5 gíra Favorit LXi
pallbíll kostar aðeins 478.000.- , en pallbíll
með stálhúsi kr. 536.000.-. Verð eru án vsk,
en með skráningu og verksmyðjuryðvörn.
Komdu og reynsluaktu nýjum Favorit
pallbíl. Söludeild Jöfurs er opin virka daga
9-18 og laugardaga 12-16.
ÁFUUMFEKD!
Nýr Favorit pallbíll
Verklegur vinnufélagi á frábæru verðil
Favorit LXi pallbíll kostar aðeins kr. 478.000.- án vsk.
Favorit LXi pallbíll með stálhúsi kostar aðeins kr. 536.000.- án vsk.
Favorit er nú fáanlegur í pallbílsútgáfu.
Þetta er sparneytinn vinnuþjarkur, sem
hentar vel til flestra verka. Burðargetan er
500 kg og vörurýmið getur rúmað allt að
2150 lítra.
Favorit pallbíll er framleiddur samkvæmt
kröfum og stöðlum Volkswagen, sem tryggja
meiri gæði, aukið öryggi og betri endingu.
Eftir að Skoda sameinaðist Volkswagen hafa
fjölmargar endurbætur á Favorit litið dagsins
Ijós, og nýtur pallbíllinn góðsafþeim.
Vélin er með hvarfakút og tölvustýrðri
Bosch innspýtingu og kveikju, sem er
viðhaldsfrí og nýtir eldsneytið betur. Favorit
pallbíll eyðir aðeins 6,0 I /100 km. í hurðum
eru styrktarbitar, og fjöðrunin er endurbætt.
Það sama gildir um bremsukerfið, rafkerfið og
margt, margt fleira.
Verktakar, iðnaðarmenn, útgerðarmenn
og fyrirtæki geta því treyst þessum
hörkuduglega vinnufélaga til verka. Og
verðið er ótrúlega gott!
Nýbýlavegur 2, Kópavogur, sími 42600.