Morgunblaðið - 03.04.1993, Qupperneq 24
24
MORGUNBLAÐIÐ LAUGARDAGUR 3. APRÍL 1993
Stefnir í skort
á útsæði í vor
MIKIL eftirspurn hefur ver-
ið eftir útsæði og stefnir allt
í að skortur verði á því er
líða fer á vorið.
„Ég sé ekki betur en það stefni
í skort á útsæði, það hefur verið
mikil eftirspurn, einkum hjá stærri
framleiðendum á Suðurlandi og það
hefur ekki tekist að uppfylla allar
óskir þeirra,“ sagði Sveinberg
Laxdal bóndi í Túnsbergi á Sval-
barðsströnd.
Minni uppskera
Sveinberg sagði að í kjölfar þess-
arar miklu eftirspurnar frá fram-
leiðendur yrði framboð til smærri
aðila minna, þ.e. til minni framleið-
enda og þeirra sem stunda kartöflu-
rækt fyrir heimilið. „Samkvæmt
þeim upplýsingum sem ég hef er
tiltölulega lítið af útsæði eftir í
Eyjafirði og Hornafirði sem eru
helstu svæðin núna,“ sagði Svein-
berg, en helsta skýring þess. að
útsæði er af skornum skammti nú
er að uppskera síðasta haust var
undir meðallagi og eins eru menn
hættir að bíða langt fram á vorið
með sölu á útsæði. „Það hafa marg-
ir brennt sig á því undangengin ár
meðan uppskera var meira að bíða
með sölu útsæðis, en hafa svo set,-
ið uppi með mikið óselt.“
Sveinberg sagði að eitthvað væri
um erlent útsæði á markaðnum sem
menn myndu bjarga sér með, en
þar væri um að ræða aðrar tegund-
ir en fólk á að venjast. „Kannski
gengur þetta upp, en það verður
þá rétt með naumindum að ég tel,“
sagði Sveinberg.
Grenilundarmál-
inu verður áfrýj-
að til Hæstaréttar
BÆJARRÁÐ hefur samþykkt að leggja til við bæjar-
stjórn Akureyrar að vísa til Hæstaréttar máli húseig-
enda við Grenilund gegn bænum, en fyrir skömmu féll
í Héraðsdómi Norðurlands eystra dómur þar sem Akur-
eyrarbæ var gert að greiða skaðabætur vegna vatnstjón
sem varð í íbúðunum í maí árið 1990.
Sigurður J. Sigurðsson formaður
bæjarráðs sagði að málið snerist um
það að lagt væri til grundvallar í
dómnum að við hönnum lagnakerfis
inn á svæðið hefði tæknideild bæjar-
ins ekki lagt til grundvallar réttar
forsendur og ætti það þá væntanlegt
einnig við um lagnakerfí sveitarfé-
laga almennt.
„Það er ekki hægt annað en fá
endanlega niðurstöðu þegar um er
að ræða svona mál,“ sagði Sigurður.
„Það kemur fram að lagnir séu of
grannar, þær hafí ekki getað tekið
við því magni af vatni sem eðlilegt
sé talið.“
Mikið fannfergi var á Akureyri
fyrstu mánuði ársins 1990, en asa:
hláku gerði síðast í apríl. Starfsmenn
bæjarins höfðu mokað snjó í skafl
syðst við Grenilund og myndaðist
mikið uppistöðulón sunnan götunnar.
Þegar rás var rofín á binginn flæddi
vatn niður eftir götunni og að húsun-
um við Grenilund þar sem það fór
inn í kjallara. Tjón varð í 10 íbúðum
og var það metið á um 17 milljónir,
en framreiknuð skaðabótakrafa allra
íbúanna er um 30 milljónir króna.
Suðvestanrok
við Mývatn
SETFLUTNINGAR í Mývatni
ráðast fyrst og fremst af
vindknúnum straumum, eink-
um suðvestlægum vindum, að
því er fram kemur í niðurstöð-
um verkefnahóps umhverfis-
ráðuneytisins um Mývatnsrann-
sóknir, sem birtar voru í vik-
unni. Myndin var tekin í fyrra-
sumar í miklu suðvestanroki og
reynist sjálfsagt mörgum erfitt
að bera kennsl á Mývatn.
Morgunblaðið/Rúnar Þór
í lyftunni
EF AÐ líkum lætur verða skíðalyfturnar í Hlíðarfjalli keyrðar á fullum
afköstum næstu daga. Nú stendur yfir Skíðalandsmót íslands, en síð-
an tekur páskavikan við og er ævinlega margt um manninn í Hlíðar-
ijalli þá daga. Eftir páska tekur við alþjóðlegt skíðamót og loks hinir
sívinsælu Andrésar andar leikar þar sem um 800 börn munu keppa í
ýmsum greinum skíðaíþróttarinnar.
*
Urskurðað-
ur í gæslu-
varðhald
KARLMAÐUR á fimmtugs-
aldri var á miðvikudag úr-
skurðaður í sjö daga gæslu-
varðhald á meðan verið er
að rannsaka ýmis brot hans
á Akureyri, Dalvík og jafnvel
fleiri stöðum í Eyjafirði.
Maðurinn er m.a sakaður um
tékkamisferli, greiðslusvik og
þjófnað. Hann komst með ólög-
mætum hætti yfir tékkhefti sem
hann notaði óspart til að greiða
með fyrir ýmsa vöru og þjónustu.
Þá er hann grunaður um að hafa
stolið kirkjumunum úr Dalvíkur-
kirkju á mánudag auk fleiri brota,
svo sem töskuþjófnaðar.
Maðurinn kom til Akureyrar á
sunnudag, að álitið er, og var hann
handtekinn á Dalvík á þriðjudags-
morgun. Var hann þá með með
ýmsa hluti í fórum sínum sem tal-
ið var að væru illa fengnir. Þegar
maðurinn var handtekinn var hann
í vímu og reyndist ekki unnt að
yfirheyra hann strax.
-----» ♦ ♦---
Tónleikar í
Dynheimum
TÓNLEIKAR verða haldnir í fé-
lagsmiðstöðinni Dynheimum í
kvöld, laugardagkvöldið 3. apríl.
Fram koma hljómsveitirnar k.y.
sem er frá ísafirði, Svörtu kaggarn-
ir, sem leikur rokkabillí í harðari
kantinum, og Hún andar, sem vak-
ið hefur nokkra athygli á Akureyri
og í Reykjavík. Tónleikamir hefjast
kl. 21.
Hhitafé Foldu auk-
ið um 16 milljónir
BÆJARRÁÐ hefur samþykkt að hlutafé
bæjarins í ullariðnaðarfyrirtækinu Foldu
verið aukið um allt að 8 milljónir króna,
en sljórn fyrirtækisins hefur óskað eftir
því við hluthafa að hlutafé verði aukið um
25% eða 16 milljónir alls.
Sigurður J. Sigurðsson formaður bæjarráðs sagði
að fram hefði komið ósk frá stjórn fyrirtækisins um
að hlutfé þess yrði aukið og á fundi bæjarráðs á
fímmtudag hefði verið samþykkt tillaga um að bærinn
myndi auka hlutafé sitt að hámarki 8 milljónir. Bær-
inn á tæpan helming hlutafjár í fyrirtækinu, en alls
verður hlutafé aukið um 16 milljónir króna.
Mikið í húfi
„Menn eru að hamast við að ná betri tökum á
rekstrinum og að fengnu fyrsta reynsluári fyrirtækis-
ins er útlitið ekki verra en það að við höfum trú á
að dæmið gangi upp,“ sagði Sigurður. „Við teljum að
það sé þess virði að reyna að koma þessu 100 manna
fyrirtæki á réttan kjöl og sá tími sem það hefur starf-
að sé ekki nægur til að taka endanlega afstöðu um
framhaldið. Það er mikið í húfi.“
TÓNLISTARSKÓLINN
Á AKUREYRI
Styrkur til tónlistarnáms
úr Minningarsjódi Þorgerdar Eiríksdóttur
Nemendur, sem stundað hafa nám við Tónlistarskólann
á Akureyri og hyggja á háskólanám í tónlist, eða hafa
þegar hafið það, eiga rétt á að sækja um styrk úr Minn-
ingarsjóði Þorgerðar Eiríksdóttur.
Umsóknarfrestur er til 1. maí og þurfa umsækjendur
að greina frá námsferli og námsáformum í umsókn
sinni. Umsóknir skulu sendar til undirritaðs.
Skólastjóri
Tónlistarskólans á Akureyri.
Ráðstefna haldin
um gæðastjórnun
REKSTRARDEILD Háskólans á Akureyri efnir til ráðstefnu um
gæðastjórnun og menntunarmál í byrjun júní næstkomandi, en
hún er haldin í samvinnu við Gæðastjórnunarfélag Norðurlands
og Gæðastjórnunarfélag íslands.
Yfírskrift ráðstefnunnar er:
Menntun, fræðsla og þekking sem
forsenda fyrir gæðastjómun.
Tilefni ráðstefnunnar er útskrift
fyrstu nemendanna af sérstakri
námsbraut í gæðastjómun hér á
landi og verður lokaverkefnum þeirra
gerð skil. Markmið ráðstefnunnar er
að vekja umræðu um gildi menntun-
ar í tengslum við gæðastjómun og
að varpa ljósi á þá fræðslu sem boð-
in er á þessu sviði.
Auk kynninga á lokaverkefnum
úrskriftamema verður fjallað um
þörf fyrir fræðslu í gæðastjórnunar-
málum hér á landi og þá þróun sem
orðið hefur í gæðastjórnun erlendis
á síðustu árum.
Ráðstefnan verður haldin í Safn-
aðarheimili Akureyrarkirkju og á
Hótel KEA og stendur í einn dag.
(Fréttatilkynning)
MESSUR
Akureyrarkirkja: Hádegis-
tónleikar í dag, laugardag kl.
12. Hádegisverður í Safnaðar-
heimili eftir tónleika. Ferming-
arguðsþjónustur kl. 10.30 og
kl. 13.30 á morgun. Altaris-
ganga mánudagskvöld kl.
19.30. Æskulýðsfélagið heldur
fund í Kapellunni kl. 17 á
pálmasunnudag.
Glerárkirkja: Fermingarguðs-
þjónusta pálmasunnudag kl.
10.30 og 14. Fermingarguðs-
þjónustur verða einnig á sama
tíma á skírdag og annan páska-
dag. Messa skírdagskvöld kl.
21. og guðsþjónusta kl. 14 á
fóstudaginn langa. Hátíðar-
messa kl. 8 á páskadag.