Morgunblaðið - 04.06.1993, Blaðsíða 24
24
MORGUNBLAÐIÐ FÖSTUDAGUR 4. JÚNÍ 1993
Fórnarlamba íkveikjuárásarinnar í Solingen minnst í gær
Reuter
Harmagrátur
TVÆR tyrkneskar konur syrgja fórnarlömb íkveikjuárásarinnar í Solingen sl. laugardag. Kistumar vom sveipaðar tyrkneska fánanum
og blómum skrýddar. Ættingjar hinna látna grétu sáran og hrópuðu upp yfir sig.
Forsetinn segir árásina skipu-
lagt átak hægríöfgamamia
Solingen, Köln. Reuter.
FÓRNARLAMBA ikveikjuárásarinnar í Solingen var minnst í gær í
Þýskalandi. Fyrst var haldin stutt minningarathöfn í Solingen en
opinber athöfn var síðan haldin í Köln áður en kistur hinna látnu
voru fluttar til Tyrklands til greftrunar. Forseti Þýskalands, Rich-
ard von Weizsácker, var viðstaddur jarðarförina og kvað íkveikjuna
hluta af herferð hægriöfgamanna. Hann lagði áherslu á að Tyrkir
í Þýskalandi nytu aukinna lýðréttinda, m.a. kosningaréttar. Fjarvera
Kohls vakti reiði almennings. Óeirðir bmtust út í Köln að athöfn
lokinni.
Tvær minningarathafnir voru í
Solingen fyrir hádegi í gær. Sú
fyrri fyrir framan húsið þar sem
ódæðið var framið sl. laugardag.
Kistumar fimm, tveggja kvenna og
þriggja stúlkna, voru sveipaðar
tyrkneska fánanum og múslimskur
klerkur fór með bænir. Fjöldi syrgj-
andi ættingja og vina var viðstadd-
ur ásamt fulltrúum borgaryfírvalda.
Að því búnu voru kistumar fluttar
til Kölnar þar sem seinni athöfnin
fór fram.
Skipulagt ofbeldi
hægriöfgamanna
Richard von Weizsácker, forseti
Þýskalands, hóf athöfnina. Sagði
forsetinn að ódæðið sl. laugardag
væri hluti skipulagðrar pólitískrar
herferðar hægriöfgamanna. Hann
kvað ofbeldið í ætt við aðferðir
stjómleysingja og sagði að þótt það
beindist gegn saklausum borgurum
væri markmiðið að koma höggi á
stjórnvöld. Weiszácker sagði jafn-
framt að Tyrkir í Þýskalandi, sem
eru 1,8 milljónir, ættu að njóta
aukinna lýðréttinda og að þeim
bæri að hafa kosningarétt. „Olíkt
öðmm þegnum þýska ríkisins verða
Tyrkir að lúta landslögum án þess
að hafa pólitísk áhrif,“ sagði forset-
inn.
íkveikjan verk afvegaleiddra
brjálæðinga
Helmut Kohl kanslari sótti ekki
jarðarförina þrátt fyrir þrýsting frá
flokksbræðrum sínum og vakti það
reiði meðal almennings. Utanríkis-
ráðherrann, Klaus Kinkel, sem kom
fram fyrir hönd stjómvalda, sagði
morðin verknað afvegaleiddra btjál-
æðinga. Hann bað tyrkneska minni-
hlutann að missa ekki traust á
stjómvöldum. „Missið ekki sjónar
af skynseminni þrátt fyrir reiðina
og sársaukann," sagði hann.
íkveikjuárásin var tekin fyrir á rík-
isstjómarfundi í Bonn og afráðið
að hefja samráð við ráðamenn á
neðri stjómsýslustigum um hvemig
koma megi í veg fyrir kynþáttaof-
beldi í framtíðinni.
Tyrkneskir ráðamenn vom við-
staddir jarðarförina og gerðu nokk-
ur hundrað Tyrkir hróp að þeim
meðan á athöfninni stóð. Að henni
lokinni bratust út óeirðir. Rúður
vora brotnar, bílar eyðilagðir og
létu óðeirðaseggimir greipar sópa
um tvær nærliggjandi verslanir.
Kohl vora ekki vandaðar kveðjum-
ar. Ungur Tyrki sagði Kohl vera
svín og að fjarvera hans og að-
gerðaleysi hvetti nýnasista til dáða.
40.000
heimilislaus-
ir eftir flóð á
Kúbu
GÍFURLEG úrkoma frá því á
sunnudag hefur leitt nýjar hörm-
ungar yfír Kúbumenn. í gær voru
átta dauðsföll frá því um helgina
rakin til hennar. Sex manns er
saknað og rúmlega 40.000 hafa
misst heimili sín í flóðum á svæði
frá Cienfuegos til Guantanamo.
Höfuðborgin Havana slapp hins
vegar við óveðrið.
Kínverjar leysi
blaðamenn úr
haldi
SAMTÖKIN Blaðamenn án
landamæra hvöttu kínversk
stjórnvöld til þess í gær að láta
lausa blaðamenn sem fangelsaðir
voru fyrir að taka afstöðu með
lýðræðissinnum, en vitað er um
a.m.k. 27 slíka í haldi í Kína. í
dag era fjögur ár frá því kín-
verski alþýðuherinn braut með
mikilli hörku á bak aftur mót-
mæli umbótasinna á Torgi hins
himneska friðar 1989.
Tap hjá KLM
HOLLENSKA flugfélagið KLM
tapaði sem nemur 562 milljónum
gyllina, jafnvirði 19,7 milljarða
króna, á 12 mánaða tímabili til
31. mars sl. og er ástæðan sögð
harðnandi verðstríð í millilanda-
flugi. Árið áður var 125 milljóna
gyllina hagnaður á rekstri KLM.
Vegna taprekstursins verður
hluthöfum ekki greiddur neinn
arður þetta árið.
Tóku sjö kíló af
heróíní á Ar-
landa-flugvelli
SÆNSKA lögreglan lagði hald á
sjö kíló af heróíni á Arlanda-flug-
velli við Stokkhólm í gær eftir
að hafa fengið ábendingu frá
flugvallaryfírvöldum í Moskvu
þar sem þotan hafði viðkomu á
leið frá Indónesíu. Þrír menn frá
Singapore hafa verið handteknir
í tengslum við heróínsmyglið.
Söluverðmæti farmsins er um 65
milljónir íslenskra króna.
Kínveijar á móti
skilyrðum
KÍNVERJAR lögðu í gær að Bill
Clinton Bandaríkjaforseta að
endurskoða afstöðu sína og
tengja ekki kjör sem Kínveijum
bjóðast í viðskiptum við Banda-
ríkin ástandi mannréttindamála
í Kína. Talsmaður utanríkisráðu-
neytisins I Peking gaf í skyn að
Kínveijar myndu svara fyrir sig
skipti Clinton ekki um skoðun.
Brúðarvendir
Skreytingar
Þjónusta
og ráðgjöf
, fyrlrþig
-BIÓMÍÁMVIIB
HAFNARSTRÆTI 4, SÍMAR 12717 og 23317
Fundur stj órnlagaþingsins í Rússlandi
Khasbúlatov verður
á meðal þátttakenda
Moskvu. Reuter.
RÚSLAN Khasbúlatov, forseti
rússneska þingsins, sagði í gær
að þingið hefði falið honum að
mæta sem fulltrúi þess á fund
nýs stjórnlagaþings sem hefst á
laugardag.
Borís Jeltsín, forseti Rússlands,
stofnaði stjómlagaþingið og fól því
að semja nýja stjórnarskrá byggða
á drögum sem hann lagði fram eft-
ir sigur hans í þjóðaratkvæða-
greiðslunni í apríl. Khasbúlatov
hafði gagnrýnt drögin og látið í ljós
efasemdir um lög-
mæti stjórnlaga-
þingsins.
Ekki var vitað
í gær hvort Jeltsín
myndi samþykkja
þátttöku Khasbúl-
atovs í fundinum.
Aðstoðarmenn
forsetans hafa
sagt að hann sé hlynntur því að
fulltrúar hinna ýmsu fylkinga á
þinginu mæti á fundinn.
Jeltsín sagði í gær að hann vænti
ekki „auðveldra sigra" á fundinum,
sem á að ljúka 16. júní. Hann sagði
að sér hefðu borist 1.500 tillögur
um breytingar á drögunum. Þau
væru ekki „fullkomin" og svo kynni
jafnvel að fara að kafla um mann-
réttindi úr tillögum Æðsta ráðsins
yrði bætt við stjórnarskrárdrögin.
Á fundinum verða fulltrúar 88
svæða og lýðvelda, stjórnmála-
flokka, verkalýðssamtaka og fjár-
málamanna, auk stjórnarinnar og
þingsins.