Morgunblaðið - 12.03.1994, Síða 24

24
MORGUNBLAÐIÐ LAUGARDAGUR 12. MARZ 1994
Innra eft-
irliti áfátt
hjá CIA
JAMES Woolsey, yfirmaður
CIA, bandarísku leyniþjón-
ustunnar, sagði í gær, að innra
eftirliti hjá stofnuninni væri
ábótavant eins og hefði sýnt
sig í því hve langan tíma tók
að fletta ofan af Aldrich Ames,
sem njósnaði í langan tíma
fyrir Sovétmenn og síðar
Rússa. Mörgum hefur þótt
undarlegt, að mikil fjárráð
Ames-hjónanna skuli ekki hafa
vakið grunsemdir innan CLA
en Woolsey sagði, að sú hefði
vissulega verið raunin og hefðu
þau verið yfirheyrð fyrir löngu
af þeim sökum. Þá gáfu þau
þá skýringu, að um arf væri
að ræða og meira var ekki
gert í málinu. Woolsey hefur
fyrirskipað rannsókn og end-
urskoðun á öllu innra eftirliti
hjá CIA.
Rússa veita
aftur gasi til
Ukraínu
RÚSSAR hafa opnað fyrir
gasflutning til Úkraínu en
hann hefur verið mjög lítill í
heilan mánuð vegna vanskila
stjómarinnar í Kænugarði.
Hafa nú tekist samningar um
skuldargreiðslur en Úkraínu
fær 60% af öllu gasi frá Rúss-
landi. Rússar hafa einnig sak-
að Úkraínumenn um að hafa
tappað gasi af leiðslum, sem
liggja til annarra landa, en
ekki er vitað hvort það olli því
í gær þegar þrýstingur í gas-
leiðslum frá Rússlandi til Tyrk-
lands minnkaði mikið. Liggja
þær um Úkraínu, Rúmeníu og
Búlgaríu.
Lífsnautna-
maðurinn Buk-
owski látinn
RITHÖFUNDURINN,
drykkju- og kvennamaðurinn
Charles Bukowski lést í Los
Angeles sl. miðvikudag 73 ára
að aldri. Að sögn eftirlifandi
konu hans var banameinið
hvítblæði. Á sjötta tug ára var
Bukowski eins konar lárviðar-
skáld neðanjarðarpressunnar í
Los Angeles og mikið tísku-
nafn í Evrópu áður en hann
var almennt viðurkenndur í
Bandaríkjunum. Hann skrifaði
gjama um það, sem aðeins var
hvískrað um á þessum tíma,
drykkjusýki, kynlíf, ofbeldi og
líf útigangsmanna í Los Angel-
es eða, eins og hann sagði einu
sinni, um sitt eigið líf.
Bukowski, sem var fæddur í
Þýskalandi, gaf út 32
ljóðabækur, fimm smásagna-
söfn og sex skáldsögur.
Rússar
afhjúpa
njósnara
TALSMAÐUR rússnesku
leyniþjónustunnar sagði í gær,
að komist hefði upp um rúss-
neskan borgara, sem njósnað
hefði fyrir Þjóðverja. Gaf hann
engar frekari upplýsingar en
/nterfax-fréttastofan sagði, að
maðurinn hefði njósnað fyrir
þýsku leyniþjónustuna. Síðan
flett var ofan af njósnara
Rússa í Bandaríkjunum hafa
komið upp nokkur mál í Rúss-
landi eins og til að sýna, að
Rússar verði ekki síður fyrir
barðinu á njósnum en aðrir.
C .Ák i/«o
1
Eymd íBelgrad
ÚTIGANGSMAÐUR rótar í ruslagámi í Belgrad, höfuðborg Serbíu, í leit að einhverju matarkyns. Við-
skiptabann og síversnandi efnahagsástand í landinu hafa valdið því að æ fleiri eigi hvorki í sig né á.
Stjóminí
Slóvakíu
neydd til að
segja af sér
Bratislava. Reuter.
ÞING Slóvakíu samþykkti í gær
tillögu um vantraust á stjórn Vlad-
ímírs Meciars forsætisráðherra og
hún verður því að segja af sér.
78 þingmenn samþykktu tillöguna
og aðeins tveir voru á móti. 56 þing-
menn sátu hjá, þeirra á meðal þing-
menn í flokki Meciars, Lýðræðis-
hreyfingu Slóvakíu, og hinum stjórn-
arflokknum, Þjóðarflokki Slóvakíu.
Vantrauststillagan var lögð fram
á miðvikudag eftir að Michal Kovac,
forseti Slóvakíu, hvatti til þess að
efnt yrði til þingkosninga þar sem
forsætisráðherrann hefði misst tökin
á stjóm landsins. Meciar og Kovac
voru bandamenn þar til í fyrra þeg-
ar forsetinn neitaði að skipa menn
í stjórnina sem forsætisráðherrann
tilnefndi.
Málaferli gegn valdaránsmönnunum 1991 í kjölfar náðunar dúmunnar
Hæstiréttur Rússlands úr-
skurðar um ný réttarhöld
Moskvu. Reuter.
HÆSTIRÉTTUR Rússlands úrskurðaði í gær að hefja skyldi ný
réttarhöld gegn valdaránsmönnunum frá því í ágúst 1991 en
þeir reyndu að steypa Míkhaíl Gorbatsjov, síðasta sovétforsetan-
um. Dúman, neðri deild þingsins sem kjörið var í desember sl.,
náðaði fyrir skömmu sakborningana og einnig leiðtoga blóðugrar
uppreisnar gamla rússneska þingsins gegn Borís Jeltsín forseta
í október í fyrra.
Þess var ekki getið hvort einnig
yrðu hafin málaferli gegn leiðtog-
um þinguppreisnarinnar. Jeltsín og
stuðningsmenn hans mótmæltu á
sínum tíma ákvörðun Dúmunnar
kröftuglega, sögðu að það hefði
engan rétt til að náða hóp manna
og væri þingið með þessu að æsa
til ófriðar í landinu. Síðar hefur
þó virst sem Jeltsín væri reiðubú-
inn að sætta sig við orðinn hlut.
Ákvörðun hæstaréttar í gær kom
í kjölfar kvörtunar embættis sak-
sóknara sem mun hafa bent á að
í refsirétti væri tekið fram að ljúka
yrði öllum réttarhöldum.
Fyrri réttarhöld gegn valdaráns-
mönnunum 1991 fóru fram fýrir
herdómstóli. Talsmaður hæstarétt-
ar sagði í gær að nýir dómarar
myndu senn
ákveða hvenær
aftur yrði haf-
ist handa við
að rétta í mál-
inu en fyrri
réttarhöld urðu
að hálfgerðum
skrípaleik
vegna þess að
sakbomingar
urðu hver á
fætur öðrum of
veikir til að geta mætt í réttinum.
Engar niðurstöður hafa enn komið
út úr réttarhöldunum sem leystust
smám saman upp. Sakbomingarnir
höfðu flestir verið látnir lausir úr
haldi er málareksturinn gegn þeim
hófst í apríl í fyrra.
Hrefnuna burt
úr fílaflokknum
Ósló. Frá Jan Gunnar Furuly, fréttaritara Morgunbladsins.
NORSK stjórnvöld hafa lagt til, að hrefna verði tekin af alþjóð-
lega CITES-listanum yfir dýr í útrýmingarhættu. Þar eru fyrir
dýr eins og nashyraingar, fílar og pandabirnir og eru hvers
konar viðskipti með afurðir af dýrum á listanum bönnuð. Norð-
menn vilja, að hrefnan verði flutt á lista 2, sem leyfir viðskipti
innan ákveðins ramma, og hafa sent stjórnvöldum í 14 iöndum
við Norður-Atlantshaf erindi þess efnis.
Bjöm Reppe, ráðgjafí í norska
sjávarútvegsráðuneytinu, segir, að
flokkun hrefnunnar með dýmm
eins og fílum og pandabjömum sé
út í hött frá vísindalegu sjónarmiði
og hann bendir á, að samkvæmt
talningu séu að minnsta kosti
120.000 hrefnur við Stóra-Bret-
land, ísland og Noreg, þar af um
87.000 í Norðaustur-Atlantshafi.
Áætlaður fjöldi þeirra í öllum
heimshöfum er um ein milljón.
Norðmenn epu meðal 120 þjóða,
sem hafa staðfest Washington-
samþykktina um dýr og plöntur í
útrýmingarhættu, en á CITES-list-
anum er jafnaðarlega að finna um
2.000 tegundir. Var hrefnunni
bætt á hann 1983 að kröfu stjóm-
valda á Seychelleyjum. Fyrr á ár-
inu reyndu Norðmenn að fá því
framgengt hjá Evrópusambandinu,
að þáð fjarlægði hrefnu, langreyði
og háhyrning af sínum lista yfir
dýr í útrýmingarhættu en því var
. vísað á bug.
4 i •»i • • Reuter
I skjoli arnarms
WARREN Christopher, utanríkisráðherra Bandarílganna, efndi
til fréttamannafundar í bandaríska sendiráðinu í Tókýó í fyrra-
dag og sagði þá, að ekkert hefði komið út úr viðræðum við
japönsk stjórnvöld um aukinn markaðsaðgang bandarískrar
vöru í Japan. I dag kemur hann til Kína til viðræðna við ráða-
menn þar.
Kínasljóm ögrar
Bandaríkjunum
Shanghai. Reuter.
KUNNUR, kínverskur andófsmaður var handtekinn í Shang-
hai í gær, daginn áður en Warren Christopher, utanríkisráð-
herra Bandaríkjanna, var væntanlegur til Peking til að ræða
við kínverska leiðtoga um mannréttindamál. Síðustu daga
hafa um 20 andófsmenn í Kína verið handteknir en sleppt
aftur þrátt fyrir viðvaranir Bandaríkjastjórnar, sem hótar
að segja upp bestu-kjara-samningum Kínveija í Bandaríkjun-
um bæti þeir ekki ráð sitt í mannréttindamálum.
Kínverski ahdófsmaðurinn,
Wang Fuchen, sem var handtek-
inn í gær, er formaður mann-
réttindasamtaka í Shanghai en
að undanförnu hafa sex aðrir
andófsmenn verið handteknir í
Shanghai og 12 í Peking. Öllum
hefur verið sleppt. Boðskapur
Christophers til kínverskra leið-
toga verður hins vegar sá, að
virði þeir ekki mannréttindi bet-
ur en hingað til, muni bestu-
kjara-samningum við þá verða
sagt upp en Bandaríkin eru
langmikilvægasti markaður
Kínveija.
Kínverska þingið kom saman
i fyrradag og ljóst er, að yfir-
völd óttuðust, að andófsmenn
myndu nota það tilefni og heim-
sókn Christophers til að vekja
athygli á stöðu mannréttinda-
mála í Kína. Augljóst er, að af
tvennu illu telja þau betra að
þagga niður í andófsmönnunum,
til dæmis með því að neyða þá
til að fara frá Peking, en leyfa
þeim að tjá sig.