Morgunblaðið - 04.05.1994, Blaðsíða 8

8 MIÐVIKUDAGUR 4. MAÍ 1994
MORGUNBLAÐIÐ
FRÉTTIR
Nei, nei, þetta er ekki Suðurlandsskjálftinn, hr. Yalur. Pétur er að koma inn úr dyrunum...
Hrefnuveiðar í atvinnuskyni verða ekki leyfðar í sumar
Tillaga lögð fyrir
Alþingi næsta haust
ÞORSTEINN Pálsson sjávarútvegsráðherra gerir ráð fyrir því
að leggja þingsályktunartillögu fyrir Alþingi næsta haust um
að hefja takmarkaðar veiðar á hrefnu í atvinnuskyni í.samræmi
við niðurstöðu þingmannanefndar um hvalveiðistefnuna. Þetta
þýðir að hrefnuveiðar verða ekki leyfðar hér við landi í sumar.
í nýrri skýrslu nefndar fulltrúa
allra þingflokka á Alþingi kemur
fram sú skoðun að eðlilegt sé að
íslendingar hefji hvalveiðar í at-
vinnuskyni á ný, og fyrsta skrefið
eigi að vera takmarkaðar veiðar á
hrefnu til innanlandsneyslu. „Ég tel
þetta vera mjög mikilvægt framlag
þegar fulltrúar allra flokka hafa
komist að sameiginlegri niðurstöðu
um markmið og næstu ákvarðanir.
Þessi skýrsla verður rædd í ríkis-
stjórn, væntanlega í næstu viku,
og ég hef gert ráð fyrir því að und-
irbúa mál fyrir Alþingi næsta haust.
Við þurfum einnig að taka tillit til
þeirra ábendinga sem eru í skýrsl-
unni varðandi ýmis atriði, svo sem
eftirlit og veiðiaðferðir," sagði Þor-
steinn Pálsson við Morgunblaðið.
Samkvæmt þessu yrðu hrefnu-
veiðar hér við land leyfðar í fyrsta
lagi sumarið 1995. Þorsteinn sagði
að alltaf hefði legið ljóst fyrir, að
veiðar yrðu ekki hafnar nema í sam-
ræmi við ályktun Alþingis þar um.
Nefndarálit þingmanna allra flokka
sé stórt skref fram á við og veiga-
mikill undirbúningur að þingsálykt-
unartillögu sem yrði að leggja fyrir
þingið, en það geti fyrst orðið næsta
haust.
Ekki í hvalveiðiráðið
í skýrslu nefndarinnar er vísað
í Hafréttarsáttmála Sameinuðu
þjóðanna um samráðsskyldu við
viðeigendi alþjóðastofnanir um
hvalveiðar. Rökstutt er að Norður-
Atlantshafs sjávarspendýraráðið,
NAMMCO, uppfylli skilyrði um við-
eigandi alþjóðastofnun í þessu sam-
bandi. Nefndin telur ekki rétt að
ísland leiti eftir inngöngu í Alþjóða-
hvalveiðiráðið meðan það stendur í
vegi fyrir sjálfbærri nýtingu hvala-
Breytingar á úthlut-
unarreglum LIN
EINUNGIS verður tekið tillit til
tekna sem mynda skattstofn á
skattframtali 1994 í breytingum á
úthlutunarreglum Lánasjóðs ís-
lenskra námsmanna, en áður voru
m.a. barnabætur og barnabótaauki
taldar til tekna. Menntamálaráðu-
neytið staðfesti í gær nýjar úthlut-
unarreglur sjóðsins.
Meðal annarra breytinga sem
reglurnar fela í sér, má nefna að
allir námsmenn fá fasta fjárhæð,
sk. „frítekjumark“, vegna tekna
sem þeir afla sér í leyfi. „Frítekju-
mark“ námsmanna í leiguhúsnæði
verður 180 þús. krónur en náms-
manna í foreldrahúsum 140 þús.
krónur. Ekki verður lengur tekið
tillit til móttekins meðlags þegar
lánsréttur vegna bama á framfæri
námsmanna er reiknaður. Lán
vegna bóka- og efniskaupa verða
hækkuð um 33% og lán vegna
ferðakostnaðar um rúm 10%.
stofna. Jón Baldvin Hannibalsson
utanríkisráðherra hefur hins vegar
nýlega lýst þeirri skoðun sinni í
Morgunblaðinu að úrsögnin úr hval-
veiðiráðinu hafi verið mistök.
Þorsteinn Pálsson sagðist hins
vegar telja það mjög hyggilegt sjón-
armið sem nefndin setti fram. „Það
er í samræmi við þær yfirlýsingar
sem við gáfum þegar við sögðum
okkur úr hvalveiðiráðinu. Við höf-
um aldrei hafnað því að gerast aðil-
ar aftur en ráðið þarf að sýna að
það sé reiðubúið að framfylgja Al-
þjóðahvalveiðisáttmálanum og þeim
meginreglum sem samþykktar vom
á Ríó-ráðstefnu SÞ um sjálfbæra
nýtingu auðlinda sjávar. Hér er um
að ræða hluta af fullveldisbaráttu
íslendinga og þess vegna held ég
að það sé eðlilegt að gera þessar
kröfur til alþjóðastofnana og gera
þeim grein fyrir því að þær fái ekki
staðist ef þær bijóta þá sáttmála
sem þeiin er ætlað að framfylgja
og þær meginreglur í þjóðarréttin-
um sem eru að skapast.“
Þegar Þorsteinn var spurður hvort
ekki væri talin hætta á mjög hörðum
viðbrögðum ríkja og umhverfis-
verndarsamtaka ef hvalveiðar hæf-
ust utan hvalveiðiráðsins, þótt vísað
væri til NAMMCO, svaraði hann að
hann sæi engan efnislegan mun á
að veiða hvali í samráði við samtök
á borð við NAMMCO, eða veiða
hvali innan hvalveiðiráðsins en í
andstöðu við það.
Sögulegt verkefni landsliðsþjálfara
Virtist óhugsandi
að Islandi myndi
leika við Brasilíu
Ásgeir Elíasson
sgeir Elíasson hef-
ur verið á ferð og
flugi undanfam-
ar vikur á vegum Knatt-
spyrnusambandsins. Síð-
an í lok febrúar hefur
hann ferðast til níu landa;
Englands, Ungveija-
lands, Sviss, Japans,
Möltu, Frakklands,
Bandaríkjanna, írlands
og Brasilíu, þar sem hann
er nú staddur, en í dag
stýrir hann landsliðinu
gegn einni mestu og vin-
sælustu knattspyrnuþjóð
í heimi, Brasilíu, fyrstur
íslenskra þjálfara. En
skyldi Ásgeir ekki vera
pínulítið skelkaður, að
mæta þessu frábæra liði.
Blaðamaður Morgun-
blaðsins spurði þjálfarann
að því í Brasilíu í gær.
„Argentínumenn Iágu
í vörn gegn Brasilíu-
mönnum í leik nú nýlega og mér
þykir ekki ólíklegt að það verði
eitthvað svipað upp á teningnum
hjá okkur," sagði Asgeir og bætti
við glottandi: „Ég á frekar von á
því, að við verðum meira í vörn
en sókn! Við ætlum að reyna að
veijast af þolinmæði og sækja
hratt fram völlinn ef þess gefst
kostur, en annars að reyna að
halda boltanum sem mest.“
Ferðalögin þreytandi
- Þú hefur verið á faraldsfæti
síðustu vikurnar. Er það ekki iýj-
andi?
„Jú, ferðalögin em oft erfið.
Tímamunurinn er oft mikill og
ekkert kemst annað að en fót-
bolti. Maður hugsar stanslaust
um fótbolta og getur ekki ýtt
honum frá sér eitt andartak, það
er helst að maður grípi í spil með
félögunum og spili brids - en
hugurinn er alltaf við fótboltann."
- Hvað segir konan þín við
öllum þessum ferðalögum?
„Ætli hún sé ekki bara fegin
að vera laus við mig,“ segir As-
geir og glottir. „Ann-
ars, í alvöru talað,
verð ég voða feginn
að koma heim eftir
þessa törn. Það hefur
verið mun meira að
gera nú en áður, sérstaklega eft-
ir að ég tók líka við þjálfun yngri
landsliðsstrákanna."
Virtist óhugsandi
- Nú ert þú að fara að stjórna
íslenska landsliðinu gegn Brasil-
íu. Áttirðu von á að það ætti fyr-
ir þér að liggja þegar þú byijaðir
í fótboltanum?
„Nei, slíkt var alveg óhugsandi
og það hvarflaði í rauninni ekki
að manni að ísland ætti eftir að
leika við Brasilíu í Brasilíu."
- Hvernig finnst þér að vera
hér f Brasilíu?
„Það er alveg einstakt og ég
man ekki eftir öðru eins. Hér er
fullt af fólki á æfingum hjá okk-
ur þannig að maður getur rétt
ímyndað sér hvernig er á æfing-
um hjá brasilíska liðinu. Móttök-
urnar hafa verið mjög góðar, en
ég verð að segja eins og er, að
ég skil ekki allar þessar öryggis-
ráðstafanir því ég sé ekki að það
sé svo hættulegt að vera hér.
Öryggisgæslan er svo mikil, að
það fær enginn að fara út nema
í lögreglufylgd, en við Gústi [Gú-
staf Björnsson, aðstoðarmaður
► ÁSGEIR Elíasson, landsliðs-
þjálfari í knattspyrnu, er 44
ára iþróttakennari, fæddur í
Reykjavík 22. nóvember 1949.
Hann lauk íþróttakennaraprófí
1974 og kenndi ásamt því að
þjálfa þar til hann tók við
stjórn landsliðsins haustið
1991. Þess má geta, að Ásgeir
á að baki landsleiki í blaki og
handknattleik auk knatt-
spyrnu. Hann tók þátt í 300
leikjum með Fram, 20 með
Víkingi á Ólafsvík, sem hann
þjálfaði fyrst liða, sumarið
1975,26 með FH og 99 með
Þrótti í Reykjavík. Eiginkona
Ásgeirs er Soffía Guðmunds-
dóttir og eiga þau tvo syni.
Ásgeirs] fórum það snemma á
fætur í morgun, að við sluppum
reyndar einir út. Þetta minnir
óneitanlega dálítið á gömlu Aust-
ur-Evrópu. Sjálfsagt vilja þeir
hafa allt sitt á þurru vegna allra
liða sem koma hingað. Þetta fer
ekkert í taugarnar á
mér og allt þetta til-
stand er þægilegra
við, til dæmis, að
koma okkur til og frá
æfingum. Fjölmiðl-
arnir hérna eru líka dálítið öðru-
vísi en heima og ég verð að segja,
að ég hefði alveg getað hugsað
mér að losna við sjónvarps- og
útvarpsviðtöl eftir hverja einustu
æfingu.
Það er ótrúlegt að fylgjast með
þessu hérna í Brasilíu. Fótboltinn
virðist vera stór hluti af lífi fólks,
og sumu fólki hreinlega allt.
Sjálfsagt er mikil fátækt héma
og því sjá menn framtíðina bjart-
ari ef þeir ná að verða fótbolta-
stjömur. En maður á erfitt með
að setja sig inn í þetta því hitinn
í sambandi við knattspymuna er
svo gríðarlega mikill."
Gaman að sjá meira
- Þú ferðast mikið, en sérð
samt í rauninni lítið. Vildirðu
ekki fá tækifæri til að sjá meira
af þeim stöðum sem þú kemur til?
„Jú, ég gæti vel hugsað mér
það. Svona ferðir eru bara rúta,
flug, hótel og fótboltavöllur. Mað-
ur sér ekkert nema út um glugga
á rútunni á leið til og frá knatt-
spymuvellinum. Það væri óneit-
anlega gaman að sjá stundum
rneira."
„Verðum
meira í vörn
en sókn“
I
!
(
I
I
i
c
(
I
c
I
I
I
;!
(
(
I
I
i
I
i