Morgunblaðið - 01.07.1994, Side 22

22 FÖSTUDAGUR 1. JÚLÍ 1994
MORGUNBLAÐIÐ
MORGUNBLAÐIÐ
+
+

STOFNAÐ 1913
ÚTGEFANDI: Árvakur hf., Reykjavík.
FRAMKVÆMDASTJÓRI: Haraldur Sveinsson.
RITSTJÓRAR: Matthías Johannessen,
Styrmir Gunnarsson.
MORGUNBLAÐIÐ, Kringlunni 1, 103 Reykjavík. SÍMAR: Skiptiborð: 691100.
Auglýsingar: 691111. Askriftir: 691122. SÍMBRÉF: Ritstjórn 691329, frétt-
ir 691181, íþróttir 691156, sérblöð 691222, auglýsingar 691110, skrif-
stofa 681811, gjaldkeri 691115. Áskriftargjald 1.400 kr. á mánuði innan-
lands. í lausasölu 125 kr. eintakið.
TÆKIFÆRIA
SÍMAMARKAÐI
EFTIR NOKKRAR VIKUR verður samhliða núver-
andi kerfi tekið í notkun hér á landi nýtt farsíma-
kerfi, GSM eða „Global System for Mobile Communi-
cations“, sem á undanförnum árum hefur verið að
ryðja sér til rúms í Evrópu og víðar. Notendur í Evr-
ópu eru nú þegar um tvær milljónir talsins og er talið
að fyrir aldamót muni þeir skipta tugum milljóna um
allan heim.
Hið stafræna GSM-kerfi hefur marga tæknilega
kosti umfram eldri farsímakerfi og er jafnvel talið
hugsanlegt að það muni í framtíðinni veita hefðbundn-
um símakerfum harða samkeppni.
GSM-kerfið markar einnig tímamót að því leyti að
með þessari nýju tækni opnast nýir möguleikar á sam-
keppni á símamarkaðnum. GSM býður upp á að fleiri
en einn aðili geti boðið neytendum þjónustu sína á
hveiju þjónustusvæði án allt of mikils tilkostnaðar.
Þetta er þegar byrjað að hafa áhrif á evrópskum
símamarkaði sem ekki er hægt að líkja við neitt annað
en byltingu. Frá upphafi hafa ríkisrekin einokunarfyrir-
tæki víðast hvar séð alfarið og aðhaldslaust um alla
símaþjónustu með þeim afleiðingum, að hún hefur oft
verið léleg og nær undantekningarlaust mjög dýr. I
sumum Evrópuríkjum þarf til dæmis að bíða vikum
ef ekki mánuðum saman eftir að fá símtengingu þrátt
fyrir að allar leiðslur séu til staðar og einungis nokk-
urra mínútna verk að tengja nýjan síma.
Til þessa hefur verið nær vonlaust, jafnt tæknilega
sem fjárhagslega, fyrir einkarekin fyrirtæki að ætla
að keppa við opinberu póst- og símamálastofnanirnar,
jafnvel þó að fyrir því hefði verið lagalegur grundvöll-
ur. Þetta á ekki lengur við. Þó að GSM-tæknin verði
ekki almenningseign fyrstu árin er ljóst að ekki mun
líða langur tími áður en svo verður. Samkeppnin á
þessum markaði er einfaldlega það hörð að verð á við-
tækjum og þjónustunni sjálfri fer hríðlækkandi auk
þess sem tæknin verður sífellt einfaldari.
Aðildarríki að samningnum um Evrópska efnahags-
svæðið hafa skuldbundið sig til að afnema einkaleyfi
á rekstri farsímakerfa. I öðrum Evrópuríkjum, þar á
meðal á Norðurlöndunum, eru nú þegar að minnsta
kosti tveir aðilar með leyfi til reksturs slíkra kerfa og
í Morgunblaðinu á þriðjudag kom fram að hér á landi
hefur nú þegar verið stofnað fyrirtæki á fjarskiptasvið-
inu til að undirbúa uppbyggingu og rekstur GSM-far-
símakerfis.
Halldór Blöndal, samgönguráðherra, sagði í samtali
við viðskiptablað Morgunblaðsins í gær, að innan sam-
gönguráðuneytisins færi nú fram athugun á því hvern-
ig þessum málum væri háttað annars staðar í Evrópu
og að enn hafi enginn óskað eftir viðræðum við ráðu-
neytið um þessi mál.
Það skiptir miklu máli að einkaaðilum verði gert
kleift að hefja rekstur á þessu sviði til þess að auka
samkeppni og veita Pósti og síma eðlilegt aðhald. Þetta
opinbera fyrirtæki hefur oft sætt gagnrýni símnotenda
og yrði það eflaust öllum til góða ef fleiri en einn
valkostur væri í boði á þessu sviði, sem öðrum. Fyrstu
yfirlýsingar Pósts og síma um skrefaverð í nýja far-
símakerfinu benda til að mynda ekki til að þar verði
sérstakrar hógværðrar gætt. Það er ekki síst mikil-
vægt að hugsanleg samkeppni í GSM-kerfinu verði háð
á eðlilegum forsendum og að Póstur og sími geti ekki
nýtt sér aðrar tekjulindir til að kæfa hana í fæðingu.
Nú býðst einstakt tækifæri til að auka frelsi og
samkeppni á símamarkaðnum til hagsbóta fyrir al-
menna símnotendur. Vonandi verður það tækifæri
nýtt sem skyldi.
LOÐNAN
Stefnir í metvertíð
Loðnuvertíðin sem hefst í dag gæti orðið sú
besta frá upphafi loðnuveiða við Island, að því
er fram kemur hjá Helga Bjarnasyni. Verk-
smiðjumar em tilbúnar til að taka við loðn-
unni og íbúar bræðslustaðanna finna væntan-
lega kunnuglega peningalykt næstu daga.
Fiskifræðingar áætla, mjðað
við fyrirliggjandi upplýs-
ingar, að heildarkvóti kom-
andi loðnuvertíðar verði
1.425 þúsund tonn. Þegar hefur ver-
ið gefinn út bráðabirgðakvóti fyrir
tveim þriðju hlutum áætlaðs aflahá-
marks, 950 þúsund tonn, og er það
mesti upphafskvóti sem gefinn hefur
verið út. Áætlað er að 475 þúsund
lesta kvóta til viðbótar verði úthlutað
undir lok ársins, að loknum haust-
mælingum Hafrannsóknastofnunar.
1,5 milljarða kr. tekjuauki
Loðnan er sameiginlegur stofn ís-
lendinga,_ Grænlendinga og Norð-
manna. Islendingar fá 78% kvótans
í sinn hlut. Miðað við áætlað afla-
mark á vertíðinni í heild fá íslending-
ar að veiða 1.111.500 tonn. Að auki
fá íslensku skipin 30 þúsund lestir
sem Evrópusambandið kaupir af
Grænlendingum til að skipta við okk-
ur á 3.000 tonnum af karfa. Einnig
fáum við þann kvóta sem Grænlend-
ingar og Norðmenn ná ekki að veiða.
í fyrra komu alls 1.072 þúsund tonn
til úthlutunar á íslensk skip en ioðn-
an er dyntótt og ekki náðist að veiða
nema liðlega 1.000 þús. tonn. Með
svipaðri tilfærslu frá Grænlandi og
í fyrra gæti heildarkvóti Islendinga
orðið liðlega 1.200 þúsund tonn. Yrði
það besta vertíðin í þtjátíu ára sögu
loðnuveiða hér við land. Ef skipunum
tekst að veiða kvótann aukast út-
flutningstekjur um 1,5 milljarð kr.
Þjóðhagsstofnun áætlar að útflutn-
ingsverðmæti mjöls og lýsis á síðustu
vertíð hafi verið rúmir 8 milljarðar
kr. og auk þess komu óvæntar tekjur
vegna mikillar heilfrystingar loðnu
og hrogna, eða um 4 milljarðar kr.
til viðbótar.
Vertíðin skiptist í sumar- og haust-
vertíð og vetrarvertíð. Veiðarnar í
fyrra hófust með látum fyrir norðan
land 1. júlí og var góð
veiði fram í október. Vert-
íðin var að því leyti frá-
brugðin öðrum að mun
meiri veiði var í júlí, ág-
úst og september. Hins
vegar var mun minni veiði
í október og nóvember en árið áður.
Heildarveiðin á haustvertíð var um
450 þúsund lestir.
Sjómannaverkfall var fyrri hluta
janúarmánaðar og vegna óhagstæðs
veðurs fór loðna ekki að veiðast að
ráði við suðurströndina fyrr en í
febrúar. Heildarveiði á vetrarvertíð
var 550 þúsund tonn. Loðnuvertíð
lauk formlega 11. apríl þegar síðasta
farminum var landað úr Berki. Rest-
arnar voru fengnar úr Faxaflóa og
var hringferð loðnu og skipa þá lokið.
Bjóða svipað verð
og í fyrra
Skipstjórar og verksmiðjustjórar
eru bytjaðir að togast á um verðið.
Fijáls verðlagning er á loðnu og get-
ur verðið því ráðist nokkuð af því
hvernig veiðist. Vegna væntinga um
góða vertíð virðist markaðurinn frek-
ar vera hliðhollur kaupendum en selj-
endum en það getur breytst fljótt ef
lítið veiðist. Kemur þessi staða fram
í því að lítill eða enginn markaður
er fyrir loðnukvóta. A síðustu vertíð
náðist ekki að veiða allan íslenska
kvótann og í ár má ekki verða mikið
hlé á veiðunum til að
sama staða komi upp.
Útgerðirnar fara því var-
lega í kvótakaup.
Tuttugu loðnuverk-
smiðjur eru í landinu og
eru heildarafköst þeirra
10.500 tonn á sólarhring. Aldrei geta
allir keyrt á. fullu svo virk vinnslu-
geta er nokkru minni, eða ef til vill
8-9 þúsund tonn. Þarf því að keyra
vinnslurnar allan sólarhringinn í
fimm mánuði til að bræða 1,2 milljón-
ir lesta.
í upphafi vertíðar er mesti spenn-
ingurinn um verðið. Þegar skipin eru
komin með eitthvað til að selja hafa
skipstjórarnir samband við verk-
smiðjustjórana til að bjóða aflann til
sölu. Ef þeir eru ekki ánægðir með
svörin í fyrstu höfn reyna þeir fyrir
sér annars staðar.
Við upphaf síðustu vertíðar
greiddu verksmiðjurnar 4.000 krónur
fyrir tonnið. Sú loðna var frernur rýr
en fljótlega fundu skipin feitari loðnu
og fór verðið þá upp í 4.200 kr. Þórð-
ur Jónsson, rekstrarstjóri SR-mjöls
hf., býst við að fyrirtækið bjóði svip-
að verð og í fyrra. Engar forsendur
séu til hækkunar hráefnisverðs þar
sem afurðaverð hafi ekki hækkað.
Segir hann að raunverð fyrir loðnu
og lýsi sé nú aðeins þriðjungur af
því sem var fyrir 20 árum. Annar
verksmiðjustjóri telur að verksmiðj-
urnar vilji fremur lækka verðið frá
síðustu vertíð en hækka.
Jón Gauti Dagbjartsson, 2. stýri-
maður á Þórshamri GK, sagði á leið-
inni á loðnumiðin fyrir norðan land
að vertíðin leggðist vel í menn. Eng-
in ástæða væri til að vera með svart-
sýni þegar vitað væri hvar loðnan
héldi sig. Hann sagði þó að menn
væru smeykir við að fá lágt verð.
„Það er árvisst fyrir hveija loðnuvert-
íð að verksmiðjustjórarnir tala er um
lágt mjölverð," sagði hann þegar
hann var spurður að því hvort hann
teldi að markaðsaðstæður gæfu til-
efni til hækkunar hráefnisverðs.
Jón Gauti sagði að á hverri vertíð
töluðu menn um að taka sig saman
um að gera eitthvað til að knýja fram
verðhækkun, til dæmis að selja afl-
ann í Færeyjum eða Noregi, en ekk-
ert hefði orðið úr því. Það vantaði
samstöðu hjá sjómönnum.
Verksmiðjurnar klárar
Hið óvenjustutta hlé sem nú er á
milli loðnuvertíða nota starfsmenn
loðnuverksmiðjanna til viðhalds.
Mestu framkvæmdirnar að þessu
sinni eru á Eskifirði þar sem sett er
upp loftþurrkun í stað eldþurrkunar
og á verksmiðjan að vera tilbúin til
að taka við loðnu strax og hún veið-
ist. Þá opna nýir eigendur, Vestdals-
mjöl hf., verksmiðju Hafsíldar á
Seyðisfirði en hún var ekki starfrækt
á síðustu vertíð í kjölfar gjaldþrots.
„Við verðum að vera tilbúnir fyrir
mokveiði frá fyrsta degi og einnig
að vera undir það búnir að ekkert
veiðist. Erfitt er að láta þetta
sternma," segir Þórður Jónsson.
Byrjað að tog-
ast á um verð
fyrir loðnuna
L0ÐNUKV0TINN
, Kvóti alls
Ónýttur kvóti 1.072.000 t.
Grænlendinga
67.000 t.
Frá ESB
30.000 t.
Viðbót í
nóvember |
273.0001.
Bráðab.kvóti
702.0001.
Veiðin
1.009.000 t.
Loðnu-
vertíðin
1993-’94
Frá ESB LZ
30.000 t. P
Aætluð viðbót
475.0001.
Kvóti alls
1.141.5001.
auk ónýtts kvóta Irá Grænlendingum og Norömönnum
ISLAND
GRÆNLAÍID
NOREGUR
Bráðab.kvóti
635.5001.
Kvóti alls
137.5001.
Kvóti alls
137.5001.
tVeiðin
-36.5001. Wm
Veiðin
143.0004.
Loðnu-
vertíðin
1994-’95
ÍSLAND
GRÆNLAND
NOREGUR
s£a S
Kvóti alls
156.7501.
Kvóti alls
156.7501.
nEftir eru H
126.7501.
Aflahæstu skipin á síðustu loðnuvertíö
50.185 tonn Hólmaborg SU11
44.561 Sigurður VE15
J 43.585 VíkingurAK 100
I 41.687 Börkur NK122
39.916 Júpíler ÞH 61
Hráefni til 5 stærstu
SR- mjöl hf. Siglufirði
SR- mjöl hf. Seyðisfirði
Hraðfrystihús Eskiljarðar
Síldarv. hf. Neskaupstað
SR■ mjöl hf. fíaufarhöfn
93.000
83.000
GÓÐ loðnuvertíð hefur ekki einungis góð álirif
á þjóðarhag, síðasta vertíð bjargaði ýmsum
sjávarútvegsfyrirtækjum og loðnan hefur auk
þess mikil áhrif á hag viðkomandi bæjar-
félaga. Tekjur af loönubræðslu eru til dæmis
10% af tekjum Siglufjarðarkaupstaðar og fyrir-
tækja hans. Sú hefð hefur víða myndast að
bæjarfélögin færa áhöfnum þeirra skipa sem
koma með fyrstu loðnuna rjómatertu og er
ekki ólíklegt að forsetar bæjarstjórna séu byrj-
aðir að baka, því vonast er eftir fyrstu loðn-
unni annað kvöld eða aðfaranótt sunnudags.
Loðna og síld hafa verið miklir örlagavaldar
í sögu Siglufjarðar. Björn Valdimarsson, bæjar-
stjóri, áætlar að bæjarsjóður, vatnsveitan og
hafnarsjóður fái 125 krónur af hveiju loðnu-
tonni sem verksmiðja SR-mjöls hf. á staðnum
fær til bræðslu. Nam sú upphæð 18 milljónum
kr. á síðustu vertíð. Til viðbótar koma tekjur
Forseti byrjaður
að baka tertuna
af þjónustu sem loðnuskipin þurfa, að minnsta
kosti 3 milljónir. í allt er því hægt að rekja
21 milljón beint til loðnuverksmiðjunnar og er
það um 10% af heildartekjum bæjarfélagsins.
Um 55 manns hafa vinnu hjá SR-mjöli hf. á
Siglufirði. Vegna þess hvað síðasta vertíð stóð
lengi og sú næsta hefst snemma var engum
bræðslumönnum sagt upp í sumar eins og oft
hefur þurft, að gera.
Atvinnuástand er mjög gott á Siglufirði um
þessar mundir og á loðnan sinn þátt í þvi.
Aðeins eru 7 skráðir atvinnulausir, þar af einn
karlmaður. Vegna þessa góða atvinnuástands
hefur bærinn ekki getað mannað áhaldahús
sitt og getur ekki farið í öll þau verkefni sem
áætlað var í sumar.
Björn segir að þegar litið sé á íbúaþróunina
siðustu tvo áratugina sjáist greinilega hvaða
áhrif loðnan hafi. Mesti brottflutningur fólks
hafi verið á loðnuleysisárunum. Hann tekur
þó fram að atvinnulífið sé sterkara núna en
oft áður, það standi á fleiri stoðum og ekki
eins viðkvæmt fyrir sveiflum í loðnuveiðum.
Óbein áhrif loðnunnar á mannlífið eru áber-
andi, að sögn Björns. Þegar loðna komi eftir
loðnubrest og vandræði breytist bæjarandinn
ótrúlega. Það er því ekki skrítið að fyrsta skip-
inu sé fagnað með tertu og sagði Björn að
grunur léki á að Kristján L. Möller, forseti
bæjarstjórnar, væri byrjaður að baka.
I
FÖSTUDAGUR 1. JÚLÍ 1994 23
Hekla segir upp 22 starfsmönnum, lækkar laun stjórnenda og fækkar deildum
til að mæta minnkandi sölu bíla, þungavinnu- og bátavéla undanfarin ár.
„VIÐ HÖFUM haft gott starfsfólk sem búið er að vera Iengi hjá
fyrirtækinu og höfum rekið mjög miida starfsmannastefnu. Það
þýðir hins vegar ekki lengur að hafa jafnmikla yfirbyggingu með
þennan litla niarkað,“ segir Sigfús Sigfússon, forstjóri Heklu.
Aætlaður
20000
15000
10000
5000
O
1983 1984 1985 1986 1987 1988 1989 1990 1991 1992 1993 1994
áætlun

1992
1993
1994
100
Vísitala,
7/10 '92
= 100
150
140
130
120
spamaður
80 milljónir
krónaáári
Mikil hækkun á gengi
japanska jensins veldur
miklu um mótbyr Heklu
að sögn Sigfúsar Sigfús-
sonar, forstjóra. Krist-
inn Briem ræddi við
hann um stöðu fyrirtæk-
isins og ástæður rót-
tækra sparnaðar-
aðgerða.
ÁKVEÐIÐ hefur verið að ráðast í
róttæka endurskipulagningu hjá
Heklu hf. tii að mæta minnkandi sölu
bíla, þungavinnu- og bátavéla undan-
farin ár. Fyrirtækið tilkynnti í gær
um uppsagnir 22 starfsmanna, fækk-
un deilda og verulega lækkun á laun-
um stjórnenda. Samkvæmt hinu nýja
skipulagi verður því skipt niður í þrjú
svið, þ.e. sölusvið, þjónustusvið og
skrifstofusvið. Þessar breytingar fela
í sér að starfsmönnum fækkar úr 121
í 99. Er áætlað að fækkunin ásamt
öðrum aðgerðum skili um 80 milljóna
sparnaði á ársgrundvelli.
í fréttatilkynningu sem Hekla hefur
sent frá sér af þessu tilefni segir m.a.:
„Undanfarin ár hefur sala minnkað á
hveiju ári og því nú spáð að sala á
nýjum bílum verði um 5 þúsund en
miðað við eðlilega endurnýjun ætti
hún að vera nálægt 10 þúsund bílar
á ári.“
Þá segir jafnframt að sparnaður
hafi þegar skilað verulegum árangri
og hafi verið reynt að komast hjá
uppsögnum á starfsfólki í lengstu lög.
Vonast hafi verið til að þróunin í bíla-
og vélasölu snerist við, en sá bati
hafi látið á sér standa.
„Stjórnendum Heklu hf. er það
ekki sársaukalaust að þurfa að skýra
frá því að til þess að snúa rekstrinum
við hefur þurft að taka þá erfiðu
ákvörðun að fækka starfsfólki fyrir-
tækisins í öllum deildum og miða
reksturinn við markaðinn eins og hann
er í dag,“ segir einnig í tilkynningu
fyrirtækisins.
Tap fyrirsjáanlegt á þessu ári
Sigfús Sigfússon, forstjóri Heklu,
segir tap hafa verið á fyrirtækinu á
síðasta ári og fyrirsjáanlegt að tap
verði einnig á þessu ári. Veltan hafi
dregist saman úr 3.713 milljónum
árið 1992 í 3.592 milljónir á sl. ári
og áætlað sé að hún verði 2.985 millj-
ónir á þessu ári. „Eignastaða Heklu
er hins vegar mjög sterk. Þessi staða
hefur gert það að verkum að við höf-
um þolað tap í rekstrinum en núna
þurfum við að snúa því við,“ segir
hann. í þessu sambandi má vísa til
umfjöllunar um bílaumboðin í tímarit-
inu Frjdlsrí verslun fyrir skemmstu
þar sem fram kom að eignarskatts-
skyld hrein eign fyrirtækisins væri
483 milljónir í lok árs 1992.
Sala á nýjum fólksbílum af gerð-
inni Mitsubishi og Volkswagen hefur
sveiflast mjög mikið hjá Heklu á und-
anförnum árum. Salan varð mest árið
1987 þegar fyrirtækið seldi 2.359
nýja fólksbíla en á síðasta ári var
salan 1.078 bílar. Á þessu ári er spáð
enn frekari samdrætti þannig að ein-
ungis 880 bílar seljist hjá fyrirtækinu.
Hins vegar eru bundnar vonir við að
ný bíltegund frá Suður-Kóreu sem
Hekla hefur fengið umboð fyrir nái
nokkurri fótfestu á íslenska markaðn-
um.
Vandamálin stafa m.a. af háu
gengi jensins
Samhliða samdrætti í sölu hefur
álagning fyrirtækisins lækkað og seg-
ir Sigfús að þetta eigi m.a. rót sína
að rekja til hækkunar japanska jens-
ins á undanförnum árum. „Jenið hefur
hækkað rúm 50% frá því í október
1992 á sama tíma og gengi þýska
marksins og sterlingspundsins hefur
haldist tiltölulega stöðugt. Hækkun á
gengi jensins er t.d. um 7% frá síð-
ustu áramótum. Mitsubishi hefur þá
stefnu að selja sína bíla í japönskum
jenum en ekki í Evrópumyntum eins
og þeirra stærstu keppinautar hér á
landi. Okkar bílar eru því ekki jafn
samkeppnishæfir í verði og hér áður
þó verðlækkanir hafi fengist hjá verk-
smiðjunni. Þær hafa alls ekki vegið
upp á móti gengishækkunum jensins.
Við erum ekki einir um þessi vanda-
mál því margir umboðsmenn Mitsub-
ishi í Evrópu eru í nákvæmlega sömu
stöðu. Umboðsfyrirtækin á Norður-
löndum hafa þurft að grípa til rót-
tækra sparnaðaraðgerða eins og
Hekla.
Hins vegar er styrkur okkar hjá
Heklu sá að við erum jafnframt með
umboð fyrir þýska bíla, Volkswagen.
Þessir bílar voru með um 3% markaðs-
hlutdeild 1992 en eru núna kornnir
upp í 10% hlutdeild. Gengi þýska
marksins hefur verið hagstætt sem
skiptir miklu máli. Við höfum þess
vegna haldið okkar markaðshlutdeild.
Það er þó ekki keppikefli okkar að
vera með mestu hlutdeildina því það
er dýrt að vera á toppnum."
Sigfús bendir á að erfiðleikar í
rekstri einskorðist ekki við Heklu. Það
hafi valdið erfiðleikum í bílgreininni
að ríkið hafi sífellt verið að hækka
eða lækka gjöld á bílum sem valdið
hafi meiri sveiflum í innflutningi en
þyrftu að vera. „Annaðhvort er ríkið
að hækka gjöldin eða breyta gjöldum
á bílum eftir vélarstærðum. Það er
því mjög erfitt að gera raunhæfar
áætlanir í bílgreininni. Eg held að það
sé ekkert launungarmál að næstum
því öll bílaumboðin eru rekin með tapi
um þessar mundir.“
Hörkusamkeppni við
Landsbankann
Rekstur Caterpillar-vinnuvéladeild-
arinnar hefur á sama hátt og bíladeild-
ar verið erfiður á síðustu misserum
að sögn Sigfúsar en á því sviði hefur
fyrirtækið mætt óvæntri samkeppni.
„Þar erum við eins og mörg önnur
fyrirtæki í hörkusamkeppni við
Landsbankann. Bankinn ákvað gegn-
um dótturfyrirtæki sitt að heija leigu
á vinnuvélum á ótrúlega hagstæðum
kjörum og ég veit að þetta hefur kom-
ið mjög illa við vinnuvélaeigendur í
landinu. Þegar Lind, dótturfyrirtæki
Landsbankans, kaupir margar nýjar
vélar og leigir út á lágu verði þá
minnka sölumöguleikar okkar.“
Hekla reisti stórbyggingu við
Laugaveg við hlið gömlu höfuðstöðv-
anna fyrir fáum árum. Var e.t.v. far-
ið of geyst í sakirnar í fjárfestingum
sem núna eru að koma fyrirtækinu í
koll? „Það er ekki nema hiuti af mein-
semdinni en reksturinn leit mjög veD
út þegar við fórum út í þessa fjárfest-
ingu. Hins vegar drógum við ailtof
lengi að grípa til þessara aðgerða sem
við þurfum að gera núna. Við höfum
haft gott starfsfólk sem búið er að
vera lengi hjá fyrirtækinu og höfum
rekið mjög milda starfsmannastefnu.
Það þýðir hins vegar ekki lengur að
hafa jafnmikla yfirbyggingu með
þennan litla markað. Samkeppnin um
þá fáu viðskiptavini sem eru á mark-
aðnum er svo hörð að bílaumboðin
berast á banaspjót."
Ekki að kröfu viðskiptabankans
Auk fækkunar starfsfólks og ein-
földunar á skipulagi Heklu verður
ráðist í ýmsar hagræðingaraðgerðir.
Koma þær í framhaldi af ströng-uv
aðhaldi sem ríkt hefur hjá fyrirtækinu
að undanförnu og skilaði um 20%
sparnaði á öðrum kostnaði fyrirtækis-
ins að frátöldum launakostnaði á
fyrstu mánuðum ársins. Þannig verð-
ur húsnæði rýmt á þriðju hæð þar sem
skrifstofur yfirstjórnar hafa verið og
verður það rými leigt út, að sögn Sigf-
úsar. Mun hann sjálfur færa sig í
skrifstofu á annarri hæð hússins enda
segist hann vilja vera í meiri nálægð
við starfsfólkið. Eins og fyrr segir
verður fyrirtækinu skipt í þq'ú svið
og hefur utanaðkomandi maður, Þór-
arinn Stefánsson, sem verið hefur
stöðvarstjóri Flugleiða á Reykjavíkur-
fiugvelli, verið ráðinn til að að veita
sölusviðinu forstöðu. Sverrir Sigfús'
son verður yfír þjónustusviðinu og
Margrét Sigfúsdóttir yfir skrifstofu-
sviðinu. Hefur þetta skipulag verið
mótað í samráði við utanaðkomandi
ráðgjafa Heklu, Benedikt Jóhannes-
son.
Sigfús vísar því algjörlega á bug
að niðurskurðaraðgerðirnar séu gerð-
ar að kröfu viðskiptabanka fyrirtæk-
isins. „Þetta er algjörlega að okkar
frumkvæði. Við höfum haft mjög gott
samband við okkar viðskiptabanka og
þeir hafa aldrei farið fram á neitt slíkt
við okkur.“ >
En tengjast þessar aðgerðir því að
Ingimundur Sigfússon, stjórnarfor-
maður, lét af störfum hjá fyrirtækinu
og seldi sinni hlut? „Hann ákvað að
breyta um starfsvettvang og gott
samkomulag tókst milli eigenda um
það að hann seldi sinn hlut og léti
af störfum. Þessar aðgerðir nú tengj-
ast ekki brotthvarfi hans frá fyrirtæk-*'
inu,“ segir Sigfús Sigfússon.