Morgunblaðið - 29.07.1994, Blaðsíða 6
6 FÖSTUDAGUR 29. JÚLÍ 1994
MORGUNBLAÐIÐ
Hætt við
lögbann á
Fisherman
Tvær áhafnir með
ógreidd laun
TVÆR áhafnir eiga enn eftir að
fá greidd laun frá útgerðarmönnum
togarans Fisherman, sem gerður
er út frá íslandi en siglir undir
hentifána smáríkisins St. Vincent,
að sögn Jónasar Garðarssonar,
framkvæmdastjóra Sjómannafélags
Reykjavíkur. Hljóða kröfur áhafn-
anna tveggja upp á um íj'órar millj-
ónir króna, en í hvorri áhöfn eru
um 15 manns.
Ný áhöfn um borð
Fisherman hefur ekki kvóta inn-
an íslenskrar landhelgi og segir
Jónas, að það sé nú á leið á veiðar
utan hennar, en ný áhöfn er um
borð. Hann segir að hætt hafi verið
við að setja lögbann á skipið og
kyrrsetja það vegna vangoldinna
launa. Skuldirnar hafi verið viður-
kenndar af viðkomandi aðilum og
segir Jónas að álitið hafí verið að
betri líkur væru á, að fá upp í kröf-
urnar ef skipið færi á veiðar og
veiddi eitthvað.
Jónas segir, að togarinn hafi
verið tekinn á leigu af útgerðar-
manni í Þorlákshöfn og geri samn-
ingurinn, sem Sjómannafélagið
gerði við eigendur hans, ráð fyrir
að félagið fái leigutekjurnar ef eitt-
hvað veiðist.
Lengi í gegn-
um kerfið
Jónas segir, að vandinn við að
innheimta vangoldin laun sé að það
taki svo langan tíma fyrir slík mál
að fara í gegnum kerfið. „Þetta
þarf alltaf að ganga í gegnum eitt-
hvert ógurlegt kerfi þótt skuldirnar
séu viðurkenndar,“ segir hann.
Jafnvel þó að skipið fari á sjó, standi
uppboðsbeiðni eftir sem sé á leið-
inni í gegnum kerfið. „Við töldum
að ef togarinn færi á veiðar, fengj-
um við þessa peninga fyrr,“ segir
hann.
FRÉTTIR
Járnblendifélagið hæsti
gjaldandi á Vesturlandi
HEILDARÁLAGNING opinben-a
gjalda í Vesturlandsumdæmi 1994
nemurtæplega 2,8 milljörðum króna.
Lögaðilar bera tæplega 374 milljónir
króna og einstaklingar tæpa 2,42
milljarða. Barnabótaauki, vaxtabæt-
ur og skattafsláttur til einstaklinga
nema rúmlega 401 milljón króna.
Hæstu gjöld einstaklinga greiðir
Vignir Gísli Jónsson, framkvæmda-
stjóri á Akranesi, og hæstu gjöld
lögaðila greiðir íslenska járnblendi-
félagið á Grundartanga.
Hæstu álagningu einstaklinga bera:
Vignir Gísli Jónsson
frkvstj., Akranesi 6.435.392
Sæmundur Sigmundsson
sérleyfishafi, Borgamesi 5.477.948
Jón Björnsson, fyrrv.
apótekari á Akranesi 5.050.435
Kristinn Gunnarsson
lyfsali, Borgarnesi 4.314.974
Rakel Olsen útgm.,
Stykkishólmi 4.314.053
Jón Þór Hallsson, löggiltur
endursk., Akranesi 3.603.929
Runólfur Hallfreðsson
útgm., Akranesi 3.269.645
Óli Sverrir Siguijónsson
apótekari, Óiafsvík 3.226.714
Ragnar Ingi Haraldsson
flutnbílstj., Grundarfirði 3.170.755
Valgeir Guðmundsson
verktaki, Akranesi 3.097.448
Hæstu álagningu lögaðila bera:
íslenska járnblendifélagið,
Grundartanga 20.957.730
Haraldur Böðvarsson hf.,
Akranesi 19.803.752
Hvalurhf. 19.359.513
Kaupfélag Borgfirðinga 18.840.208
Sjúkrahús Akraness 18.720.735
Sparisjóður Mýrasýslu 18.044.279
Akraneskaupstaður 14.578.352
Sementsverksmiðjan hf. 8.737.693
Skarðsvík hf. 8.087.447
Sigurður Ágústsson hf. 7.738.568
Olíustöðin Hvalfirði hf. 6.325.575
Morgunblaðið/Jón Stefánsson
Ók á vinnuvél
STRÆTIS V AGN ók aftan á bíl,
sem vann við að mála götu-
merki, á Kringlumýrarbraut á
móts við Borgarspítalann í
fyrrakvöld. Enginn slasaðist, en
báðir bílarnir skemmdust tals-
vert. Maður sem vann við merk-
ingarnar hafði brugðið sér úr
bílnum skömmu áður en óhappið
varð. Talið er ólíklegt að hann
hefði sloppið við meiðsl ef hann
hefði verið í bílnum þegar
áreksturinn varð.
Skattamir vegna
sölu á Fjarðarkaupum
VALGERÐUR Blomsterberg í Hafn-
arfirði, sem ber hæst opinber gjöld
allra einstaklinga á landinu í ár, rúm-
ar 44 milljónir króna, segir þessa
miklu skatta vera til komna vegna
sölu á fyrirtæki hennar og eigin-
manns hennar, Bjarna Blomster-
bergs, en þau seldu eignarhlut sinn
í versluninni Fjarðarkaupum í Hafn-
arfirði á síðasta ári.
Valgerður segist alls ekki hafa
ætlað sér að svipta Þorvald Guð-
mundsson, forstjóra í Reykjavík, titli
skatthæsta einstaklings landsins. Þá
segir hún að sér og manni hennar
hafi komið á óvart að álagningin
hafi öll komið á hennar nafn en ekki
þeirra beggja og það hljóti að hafa
orðið einhver ruglingur hjá Skatt-
stjóranum í Reykjanesumdæmi.
Yfirlýsing frá sýslu-
manninum í Kcflavík
MORGUNBLAÐINU hefur borist
eftirfarandi yfirlýsing frá Jóni Ey-
steinssyni sýslumanni í Keflavík:
Þann 24. júlí sl. birtist grein í
Morgunblaðinu pndir fyrirsögninni
„Lög eða hnefaréttur" og fjallar um
skipti hjóna við skilnað. í efnisyfir-
liti á bls. 2 segir: „Lög eða hnefarétt-
ur. Vanefndir á skilnaðarsamningi
og meint slæleg embættisfærsla
sýslumannsins í Keflavík olli saman-
legt veikari málsaðila í skilnaðar-
máli miklu fjárhagstjóni." Greinin
þekur tvær blaðsíður og er rituð af
Guðrúnu Guðlaugsdóttur.
Það væri mikið verk ef embættis-
menn reyndu að leiðrétta allan mis-
skilning, aðdróttanir og rangfærslur
sem fram koma í fjölmiðlum og varð-
ar þeirra starf og starfsvettvang.
Oft er best að leiða þetta hjá sér
en stundum er ekki hægt annað en
að bregðast við, sérstaklega þegar
svo lítur út að vikomandi blaðamað-
ur hafi rannsakað málið vandlega.
Morgunblaðið hlýtur að hafa metnað
til að færa lesendum sínum einungis
það sem það veit réttast og best og
kýnna sér jafnframt eftir getu að-
stöðu allra málsaðila. Það hefur
Morgunblaðið ekki gert, a.m.k. er
sjónarmiða mannsins hvergi getið.
Sé blaðagreinin á sviði fræðigreinar
sem blaðamaðurinn hefur ekki vald
á, er rétt að óvilhallur fræðimaður
á því sviði yfirfari greinina og leið-
rétti það sem ekki er rétt. Umrædd
blaðagrein kom m.a. inn á þann
hluta lögfræðinnar sem ijallar um
skipti milli hjóna, fógetarétt og
nauðungarsölu. Sýslumenn eru
bundir trúnaði um flest það sem
fram fer í þeirra starfi og sérstak-
lega hvað varðar sifjamál. Ber yfir-
lýsingin þess merki.
Skilnaðarmál
í 31. gr. þágildandi laga um stofn-
un og slit hjúskapar nr. 60/1972
segir: „Nú eru hjón sammáia um að
leita skilanðar að borði og sæng og
ber þá að veita þeim leyfí til slíks
skilnaðar, enda séu þau á eitt sátt
um skipan forráða fyrir bömum, um
frafærslueyri með börnum og milli
hjóna innbyrðis og annað tveggja sé
samkomulag um fjárskipti eða
skiptaráðandi hafi tekið eigur bús til
uppskríftar og skiptameðferðar (let-
urbreyting höf.). í umræddu skilnað-
armáli komust hjónin að samkomu-
lagi með aðstoð ágætra lögfræðinga.
Það var mat fulltrúa sýslumanns að
skiptin væru sanngjörn og á hvorug-
an hallað. Þegar fólk er sammála
um skipti eigna er enginn sýslu-
mannsfulltrúi viðstaddur hin eigin-
legu skipti. Til þess standa ekki lög
eða venjur.
Innsetningarbeiðni
Við hin eiginlegu skipti kvaðst
konan hafa borið skarðan hlut frá
borði og krafist innsetningar í þá
muni sem hún saknaði. í beiðni um
innsetningu þarf að tilgreina ná-
kvæmlega heimiid til þeirra muna
sem sóst er eftir og jafnframt þarf
að tilgreina munina nákvæmlega.
Sé það ekki gert verður úrskurðurinn
óljós og tilefni til enn meiri deilna.
Innsetningarbeiðni konunnar var
dagsett 27. nóvember 1991, en skiln-
aður að borði og sæng fór fram í
byijun maí það ár. í uppskrift sem
fylgdi beiðninni voru munirnir til-
greindir m.a. svo: „Lausleg upptaln-
ing (en alls ekki tæmandi) á þeim
eigum mínum sem ég á á fyrra heim-
ili mínu...“ Liður nr. 1. „Hið umtal-
aða jólaskraut!!! Skipta því.“ Liður
nr. 2. „Öll gluggatjöld og ljós sem
eru í húsinu. Það þarf að skipta þeim
og skrá það sem í minn hlut fellur.
ég læt jafnvel eitthvað af glugga-
tjöldum og ljósum vera um kyrrt í
húsinu í bili þangað til húsið seist
eða (maðurinn) verður dæmdur til
að yfirgefa það.“ Liður nr. 3. „Ýms-
ir persónulegir munir á háaloftinu
sem tilheyra mér, tek ég nú strax.“
Liður nr. 4. „Ýmsir hlutir hafa horf-
ið úr húsinu og voru í vor þegar
bráðabirgðainnbússkipti fóru fram.
Þar á meðal dýrmæt kristalskál, gjöf
frá mínu fólki. Ef hann ekki skilar
henni tek ég annan álíka verðmætan
hlut úr innbúinu þar til hann skilar
henni.“ Liður nr. 5. „Sömuleiðis tók
hann þríkrossinn gjöf til mín. Ég
mun taka jafn verðmætan hlut úr
búinu þar til hann skilar mér hon-
um.“ Samningur um skilnaðarkjör,
þar sem fram var tekið að konan
ætti þessa hluti sem þó eru tilgreind-
ir, var ekki lagður fram.
Fulltrúar sýslumanns leita sátta í
svona málum og geta þær sáttatil-
raunir tekið nokkurn tíma. í því til-
efni sem hér um ræðir bar það ekki
árangur, en þeir fundir voru því mið-
ur ekki bókaðir. Þann 24. nóvember
1992 voru aðilar boðaðir til sýslu-
manns vegna málsins og mætti mað-
urinn en konan ekki. Var því málinu
sjálfhætt.
Nauðungarsala
Samkvæmt lögum um nauðungar-
sölu nr. 90/1991 ber að auglýsa
framkomna beiðni um nauðungar-
sölu í Lögbirtingablaðinu. Sam-
kvæmt 26. gr. laganna skal tilkynna
gerðarþola bréflega um það hvar og
hvenær uppboð byiji. Jafnframt er
byijun uppboðs auglýst í dagblaði
eða á annan samsvarandi hátt. í 2.
gr. er gerðarþoli skilgreindur sem
sá aðili sem verður eftir almennum
meginreglum talinn eigandi að þeirri
eign sem nauðungarsalan tekur til.
í greinargerð kemur fram að þar sé
að meginstefnu átt við þinglýstan
eiganda, í þessu tilviki var það mað-
urinn. Jafnframt segir í greinargerð-
inni að „um inntak þessarar reglu
má að öðru leyti benda á að í þeim
tilvikum þar sem reglur um þinglýs-
ingu... eiga við um eign sem krafist
er nauðungarsölu á, verður þinglýst-
ur eða skráður eigandi talinn gerðar-
þoli, jafnvel þótt kunnugt sé að ann-
ar maður hafi til dæmis keypt eign-
Olíufundur við
Færeyjar
Aðrar að-
stæður hér
AÐSTÆÐUR í þeim jarðlögum
þar sem olía hefur fundist 10
km sunnan við færeysku lög-
söguna eru með allt öðrum
hætti en í jarðlögum við ísland,
og að sögn Karls Gunnarssonar
jarðfræðings á Orkustofnun
eru því engar líkur á að svipuð
skilyrði geti verið hér við land.
„Þetta er við miðlínu milli
Bretlands og Færeyja og hún
liggur í landgrunnshlíðum
Bretlandseyja. Þar er megin-
landsjarðskorpa svipuð því sem
er í Norðursjó og á þessum
hefðbundnu olíusvæðum, og
þar er sama eðli berggrunnsins
og setlaga. Vestari hluti Fær-
eyjagrunnsins og íslands er
hins vegar allt öðruvísi, en þar
er úthafsskorpa og basalt-
svæði. Það hefur alls ekki verið
sýnt fram á að það svæði í lög-
sögu Færeyinga sé vænlegt til
olíuleitar," sagði Karl.
Atvinnumiðlun
námsmanna
Aukning
frá í fyrra
ATVINNUMIÐLUN náms-
manna hefur tekist að útvega
um 450 námsmönnum atvinnu
að því er fram kemur í fréttatil-
kynningu frá miðluninni. Um
er að ræða 28% aukningu sé
miðað við tölur síðasta sumars.
Þá fengu um 350 námsmenn
vinnu allt sumarið.
í vor voru tæplega eitt þús-
und manns á skrá atvinnumiðl-
unar og hefur þorri þessara
námsmanna fengið vinnu. Um
450 hafa notið liðsinnis At-
vinnumiðlunarinnar en ennþá
eru um 200 manns atvinnulaus-
ir á skrá hennar.
ina af honum án þess að þinglýsa
eða skrá réttindi sín.“
Tilkynningar vegna nauðungarsöl-
unnat' voru því lögum samkvæmt.
Lokaorð
Af framansögðu er ljóst að emb-
ætti sýslumannsins í Keflavík fór í
einu og öllu að lögum en viðurkennt
er að meiri festa hefði átt að vera í
framkvæmd innsetningarmálsins, en
leggja þess í stað minni áherslu á
sáttatilraunir. Það er því hæpið af
Morgunblaðinu, svo ekki sé meira
sagt, að slengja þeirri ærumeiðandi
aðdróttun fram að „Vanefndir á
skilnaðarsamningi og meint slæleg
embættisfærsla sýslumannsins >
Keflavík olli samanlagt veikari máls-
aðila í skilnaðarmáli miklu fjárhags-
tjóni.“ Hvar er hið mikla fjárhagstjón
sem slæleg embættisfærsla olli?
Hvaða verknaður sýslumanns olli
konunni miklu ljárhagslegu tjóni?
Aths. ritstj.
Greinin sem sýslumaður fjallar um
birtist hér í blaðinu sl. sunnudag og
ætlunin sú að hún væri e.k. dæmi-
saga konu sem telur á sig hailað
gagnvart kerfinu í skilnaðarmáli. Þáð
voru mistök að nefna sýslumanns-
embættið í Keflavík í efnisyfirliti og
kynningu og leggja dóm á umfjöllun-
arefnið, en ákveðið var að allt slíkt
skyldi forðast í greininni eins og raun
varð á og láta nafnlausa konuna um
að lýsa vandkvæðum sínum, sárs-
auka og kanossagöngu til opinberra
aðilja, enda ekki í verkahring fjöl-
miðla að setjast í dómarasæti í frétt-
um og fréttatengdum greinum.
Blaðið harmar mistök í kynning-
unni og það sem úrskeiðis fór og
biður hlutaðeigendur velvirðingar á
þeim.