Morgunblaðið - 29.07.1994, Blaðsíða 29

MORGUNBLAÐIÐ
MINNINGAR
FÖSTUDAGUR 29. JÚLÍ 1994 29 .
vitum við bæði. Ég var þess full-
viss þegar ég kvaddi þig daginn
eftir jarðarför afa að það væri okk-
ar kveðjustund. Þú hafðir ekki sýnt
mikil viðbrögð þá stund sem ég var
hjá þér, en þegar ég kvaddi þá lékst
þú á als oddi og gerðir góðlátlegt
grín, brostir þínu fegursta brosi og
þegar við tókumst í hendur og
horfðum í augu hvors annars þá
vissum við að við myndum ekki
hittast aftur.
Elsku amma mín, minning mín
um þig verður alltaf björt, bundin
bjartsýni og óbilandi trú á hið góða
í fari annarra.
Ég vona að þið afi eigið góðar
samverustundir í nýjum heimkynn-
um.
Ég sendi pabba, Ásu, Ásthildi,
Birni, Bóbó og Addý og aðstand-
endum öllum innilegustu samúðar-
kveðjur frá okkur, Hansínu, Stef-
aníu og mér.
Megi minning um einstaka konu
verða öllum hugleiðing um fegurð-
ina og góðvildina sem býr í hjarta
þeirra.
Hermann Björn Erlingsson.
í huga okkar voru amma og afi
eitt. Varla er hægt að hugsa sér
annað þeirra án þess að hitt komi
um leið upp í hugann. Ástin og
kærleikurinn þeirra í millum var
slíkur að unun var að fá að fylgj-
ast með því og njóta þess. Alla tíð
voru þau Bíbí amma og Hermann
afi svo samrýnd og góð, enda sner-
ist líf þeirra um hvort annað eftir
að börnin uxu úr grasi. Það var í
raun mikill lærdómur að fá að fylgj-
ast með ömmu í gegnum þessa
erfiðu tíma. Þrátt fyrir veikindin
bar hún sorgina vel, var sterk þeg-
ar á þurfti að halda. Kannski var
það vegna þess að hún vissi að þau
myndu fljótt verða saman á ný.
Missirinn er mikill á stuttum
tíma. Ekki liðu nema tíu vikur frá
því að afi kvaddi þennan heim, þar
til amma fylgdí honum. Nú ganga
þau á ný hönd í hönd, hamingjusöm
eftir stuttan aðskilnað.
Við systkinin erum svo lánsöm
að hafa átt okkar annað heimili
hjá afa og ömmu, hvort sem var á
„Engjó“ eða inni í skógi. Alltaf var
gott að koma til þeirra, hvernig sem
á stóð. Alltaf var boðið upp á ein-
hverja hressingu hvort sem komið
var af fótboltavellinum, af skíðum
eða úr skólanum. Var þá heima-
gerða rabarbarasaftin hennar
ömmu best. Svo var vinsælt að
enda góðan dag á því að skríða
upp í ömmu- og afaból, jafnvel í
náttkjól af ömmu. Rætt var um
hvort hestarnir kæmust í ruslat-
unnuna og farið með kvöldbænirn-
ar.
Oft var farið í ferðir saman, þó
minnisstæðust sé Kanarí-ferðin
sem gaf af sér margar góðar sögur
sem oft eru rifjaðar upp, meðal
annars þegar náð var í ömmu þeg-
ar þurfti að „prútta“ við sölumenn.
Þó skólaganga ömmu hafí ekki
verið löng var hún góður námsmað-
ur. Var því oft leitað til hennar ef
í nauðir rak í enskum stíl eða
danskri málfræði. Amma lagði
mikla rækt við íslenska tungu og
ekki dugði að heilsa með „hæ hæ“
eða kveðja með „bæ bæ“. Hún vildi
heyra íslenska kveðju.
Amma var einstaklega ljúf kona
og indæl, sem gott var að leita til.
Aldrei heyrðist styggðarorð um
nokkurn mann af hennar vörum.
Gott var að ræða um lífið og tilver-
una við hana og hafði hún ákveðn-
ar skoðanir á hlutunum.
Gaman var að fylgjast með
ömmu þegar hún sat við hannyrðir
eða töfraði fram orðin í lausn á
krossgátu. Hún fylgdist vel með
íþróttum og var iðulega hægt að
rökræða við hana um úrslit, sér-
staklega ef um FH og handbolta
var að ræða.
I annað sinn á skömmum tíma
kveðjum við manneskju sem er
okkur kær. Við erum þakklát fyrir
þann tíma sem við áttum með
ömmu og afa, minningarnar munu
lifa með okkur alla tíð.
Muggur og Helga Bryndís.
GUÐBJÖRG SIGUR-
RÓS ÓLAFSDÓTTIR
+ Guðbjörg Sig-
urrós Ólafs-
dóttir fæddist á
Arngerðareyri við
Isafjarðardjúp 14.
apríl 1909. Hún lést
á dvalarheimilinu
Grund í Reykjavík
23. júlí síðastliðinn.
Foreldrar hennar
voru Ólafur Páls-
son endurskoðandi
og kona hans, Ást-
hildur Sigurrós
Sigurðardóttir,
kaupmanns á
ísafirði. Afi Guð-
bjargar var Páll Ólafsson próf-
astur í Vatnsfirði við Isafjarð-
ardjúp, sem Vatnsfjarðarætt
er kennd við. Systkini hennar
voru Páll verkfræðingur í
Reykjayík, Ólafur sýsluskrif-
ari á ísafirði, látinn, Arndís,
Sigurður skrifstofustjóri bæj-
arskrifstofunnar í Kópavogi,
látinn, Teódór vélvirkjameist-
ari, Árni skrifstofumaður í
Keflavík. Guðbjörg fór árið
1930 til Danmerkur til náms í
hússtjórnarfræðum. Árið 1933
giftist hún fyrri manni sínum,
Niels Hansen garðyrkjumanni.
Synir þeirra voru Paul Bjarne,
f. 1936, og John Ólafur Bene-
dikt, f. 1943, en hann lést að-
eins 14 mánaða gamall. Þau
skildu og fluttist Guðbjörg til
Islands árið 1945. Seinni mað-
ur hennar var Bergur Jónsson
pípulagningameistari og gekk
hún sonum hans, Jóni Snorra
og Leifi, í móðurstað. Þau
héldu gestkvæmt heimili á
Bjargarstíg 17 í Reykjavík.
Bergur lést árið 1974. Útför
Guðbjargar verður gerð frá
Fossvogskirkju í dag.
Þegar þú ert sorgmæddur skoðaðu þá aftur
huga þinn og þú munt sjá, að þú grætur
vegna þess, sem var gleði þín.
(Kahlil Gibran.)
Hún Guðbjörg amma mín er
gengin til hinstu hvílu. Dauða
hennar bar brátt að, engan grun-
aði að hún færi svo skjótt sem
raun bar vitni. Það er þó trú mín
að hún hafi verið kallinu fegin.
Nú getur hún á ný sameinast Bergi
afa eftir langan aðskilnað.
Og hvað er að hætta að draga andann ann-
að en að frelsa hann frá friðlausum öldum
lífsins, svo hann geti risið upp í mætti sínum
og ófjötraður leitað á fund guðs síns?
(Kahlil Gibran.)
Amma var stórættuð kona og
var góðum kostum búin samkvæmt
því. Hún hafði góða greind og
mikla skapfestu, mildi og umburð-
arlyndi. Þá var hún hógvær kona.
Hún flíkaði til dæmis ekki þeim
hæfileika sínum að geta leikið verk
stóru meistaranna eftir eyranu. Þó
mun ég fyrst og fremst minnast
hennar fyrir gjafmildi og örlæti.
Alltaf átti amma ís og sælgæti
handa okkur barnabörnunum þeg-
ar við komum í heimsókn á Bjarg-
arstíg og síðar á Bræðraborgar-
stíg. Oft lét hún aura fylgja veit-
ingunum til að gleðja okkur krakk-
ana, en stærsta brosið átti þó
amma því sælla er að gefa en
þiggja. Það vonim þó ekki bara
við barnabörnin sem nulum hennar
því Strandarkirkja átti líka sinn
stað í hjarta hennar.
Elsku amma mín, nú verða sam-
verustundirnar ekki fleiri. Ég mun
geyma minningu þína.
Jóhanna Björg Hansen.
Móðir Guðbjargar Sigurrósar dó
fáum dögum eftir að hún átti
yngsta barnið. Þá var Guðbjörg á
tólfta ári og elst þeirra systkina.
Hún og Sigurður bróðir hennar
dvöldu oft Iangdvölum hjá séra
Páli prófasti í Vatns-
firði og konu hans,
Arndísi, en þau voru
foreldrar föður þeirra.
Þessarar dvalar
minntust þau oft og
var frásögnin með
ævintýraljóma. Út af
prófastshjónunum í
Vatnsfirði er komin
fjölmenn og merk ætt,
sem má lesa um í
bókunum um Thorar-
ensen-ættina, sem er
nýkomin út. Hinn 7.
maí 1921 giftist Ólaf-
ur Helgu Björnsdótt-
ur. Þeim varð þriggja barna auðið.
Af þeim er eitt á lífi, Ásthildur,
hárgreiðslukona í Reykjavík.
Þegar Guðbjörg var 21. árs fór
hún til Danmerkur til náms í hús-
stjómarfræðum. Þar kynntist hún
fyrri manni sínum, Níels P.N. Han-
sen, garðyrkjumanni. Þau giftu sig
1933. Hinn 17. september 1936
fæddist eftirlifandi sonur, Paul
Bjarne, tækni- og rekstrarstjóri.
Hinn 7. janúar 1943 eignuðust þau
annan dreng, sem lést rúmlega
ársgamall. Að seinni heimsstyij-
öldinni lokinni kom hún heim al-
komin með Paul, enda hafði hún
þá slitið samvistir við Níels Han-
sen. Árið 1947 kynntist hún síðari
manni sínum, Bergi Jónssyni, pípu-
lagningarmeistara, sem þá var
ekkjumaður með tvo unga drengi.
Þau giftu sig 1958. Guðbjörg gekk
drengjunum í móðurstað, enda
voru þeir henni mjög góðir. Árið
1974 lést Bergur og eftir það bjó
hún ein.
Ég kynntist Guðbjörgu náið eft-
ir að ég giftist Sigurði, bróður
hennar, en með þeim var einkar
kært. Hann sagðist hafa átt svo
gott athvarf hjá henni, þegar hann
stundaði framhaldsnám í Dan-
mörku. Árið 1986 fór heilsu henn-
ar ört hrakandi. Þá fór hún á Elli-
heimilið Grund. Ég hélt að hún
ætti bágt með að sætta sig við að
verða hjálparþurfí, en svo varð þó
ekki. Hún var mjög þakklát fyrir
allt sem fyrir hana var gert og
fannst þar allir vera sér góðir. Hún
var andlega hress og stálminnug.
Hélt sinni reisn lengst af, þótt sjón-
in væri með öllu horfin síðustu árin.
Ég kveð þessa góðu konu með
þökk og virðingu.
Paul og konu hans, Elsu Nor-
dal, hjúkrunarfræðingi, og börnum
votta ég innilega samúð.
Jóhanna Hrafnfjörð.
Frágangur
afmælis- og
minning-
argreina
MIKIL áhersla er lögð á, að
handrit afmælis- og minning-
argreina séu vel frá gengin,
vélrituð eða tölvusett. Sé hand-
rit tölvusett er æskilegt, að
disklingur fylgi útprentuninni.
Það eykur öryggi í textameð-
ferð og kemur í veg fyrir tví-
verknað.
Auðveldust er móttaka svo-
kallaðra ASCII-skráa sem í
daglegu tali eru nefndar DOS-
textaskrár. Þá eru ritvinnslu-
kerfin Word og Wordperfect
einnig auðveld í úrvinnslu.
Það eru vinsamleg tilmæli
blaðsins að lengd greinanna
fari ekki yfir eina og hálfa örk
A-4 miðað við meðallínubil og
hæfilega línulengd — eða
3600-4000 slög. Greinarhöf-
undar eru beðnir að hafa skírn-
arnöfn sín en ekki stuttnefni
undir greinunum.
+
Eiginmaður minn,
JÓNGRÍMSSON
smiður,
Berghotti, Vopnafirði,
sem andaðist sunnudaginn 24. júlí, verður jarðsunginn frá Vopna-
fjarðarkirkju þriðjudaginn 2. ágúst kl. 14.00.
Ingibjörg Helgadóttir,
börn, tengdabörn, barnabörn
og barnabarnabörn.

Ástkær eiginmaður minn, faðir okkar,
tengdafaðir, afi og langafi,
SKARPHÉÐINN DALMANN
EYÞÓRSSON
fyrrv. framkvæmdastjóri
Hópferðamiðstöðvarinnar,
Asparfelli 4,
Reykjavík,
sem andaðist í Landakotsspítala þann
24. júlí, verður jarðsunginn frá Foss-
vogskirkju þriðjudaginn 2. ágúst kl. 13.30.
Sigurmunda Guðmundsdóttir,
Sigurður Dalmann Skarphéðinsson, Ingibjörg Jóhannsdóttir,
Hólmfriður Guðrún Skarphéðinsdóttir, Agnar Magnússon,
Sigurmunda Skarphéðinsdóttir, Eggert ísólfsson,
barnabörn og barnabarnabörn.
+
Ástkær eiginkona min, dóttir, móðir
okkar, tengdamóðir og amma,
MARGRÉT BERGSDÓTTIR,
Vallargötu 23,
Sandgerði,
verður jarðsungin frá Hvalsneskirkju í
Sandgerði þriðjudaginn 2. ágúst
kl. 14.00.
Baldur G. Matthíasson,
Pálína Þ. Theodórsdóttir,
Elísa Baldursdóttir, Ingþór Karlsson,
Bylgja Baldursdóttir, Þóroddur Sævar Guðlaugsson,
Inga Rós Baldursdóttir,
Margrét Ingþórsdóttir,
Vilhjálmur Karl Ingþórsson,
Baldur Matthías Þóroddsson.
+
innilegar þakkir fyrir auðsýnda samúð og hlýhug vegna andláts
og jarðarfarar
VIKTORS ÞORKELSSONAR
frá Siglufirði.
Ólöf Ólafsdóttir,
Ólafur G. Viktorsson,
Steinar Viktorsson,
Begljót Viktorsdóttir,
Hafsteinn Viktorsson,
tengdabörn og barnabörn.
+
Innilegar þakkir sendum við öllum þeim,
sem sýndu okkur samúð og vinarhug
við andlát og útför móður okkar,
tengdamóður, ömmu og langömmu,
HALLDÓRU SIGRÚNAR
SIGURÐARDÓTTUR
frá Oddsstöðum,
Vestmannaeyjum.
Ingibjörg Rains, Russell Rains,
Sigurjón Einarsson, Þóra Marinósdóttir,
Guðbjörg Einarsdóttir, Hallgrímur Þórðarson,
barnabörn og barnabarnabörn.
+
Hjartans þakkir sendum við öllum þeim sem sýndu okkur samúð
og vinarhug við andlát og útför móður okkar, tengdamóður,
ömmu og langömmu,
INGU KRISTJÁNSDÓTTUR,
Kirkjuvegi 11,
Keflavík.
Pétur Þórðarson, Erna Sigurbergsdóttir,
Elín Þórðardóttir,
Kristján Þóröarson, Guöbjörg Samúelsdóttir,
Sigurjón Þórðarson, Guðfinna Arngrímsdóttir,
barnabörn og barnabarnabörn.