Morgunblaðið - 08.10.1994, Blaðsíða 39
MORGUNBLAÐIÐ
LAUGARDAGUR 8. OKTÓBER 1994 39
FRÉTTIR
AFMÆLI
Námskeið á vegum Endur-
menntunarstofnunar HI
Endurmenntunarstofnun Háskóla
íslands gengst fyrir 150 námskeiðum
nú á haustmisseri. Þau eru kynnt í
fréttabréfi frá stofnuninni sem sent
er endurgjaldslaust til 19.000 ein-
staklinga og fyrirtækja. Námskeið
stofnunarinnar eru öllum opin og
sækja þau á hverju ári um 6.000
manns, segir í fréttatilkynningu.
Námskeiðin tengjast bæði störfum
fólks og áhugamálum. Starfstengdu
námskeiðin eru fjöldamörg á sviði
rekstrar og stjórnunar, umhverfis-
mála, tölvunotkunar og hugbúnaðar-
gerðar, hönnunar, matvælafram-
leiðslu, lögfræða, fjármagnsvið-
skipta, heilbrigðis- og félagsmála svo
nokkuð sé nefnt.
Meðal fjölmargra nýjunga má
nefna námskeið um stofnun fyrir-
tækja, rekstur smærri fyrirtækja og
útflutningsmál. í fréttabréfinu segir
m.a. að reynsla hérlendis sem erlend-
is sýni að háskólamenn reyni síður
fyrir sér við stofnun fyrirtækja en
aðrir þjóðfélagshópar. A haustmiss-
eri verður í samstarfi við iðnaðar-
og viðskiptaráðuneyti og Iðntækni-
stofnun gert átak í fræðslu um stofn-
un fyrirtækja. Þá verður boðið upp
á styttri námskeið sem nýst geta
þeim sem starfa við eða standa að
útflutningi. í samstarfi við Útflutn-
ingsráð verður haldið námskeiðið
„Utflutningur á vörum og þjónustu
- Fyrstu skrefin" fyrir atbeina Verk-
fræðingafélagsins og Tækniskólans
námskeið um útflutning á tækni og
ráðgjafarþjónustu og loks námskeið
um ijármögnun útflutnings. Þá er
áformað að bjóða upp á heildstætt
útflutningsnám sem gæti hafist
haustið 1995. Það yrði eins árs nám
sem hægt væri að stunda með starfi.
Þau námskeið sem tengjast
áhugamálum fólks eru m.a. um bók-
menntir, heimspeki, myndlist, tónlist,
sagnfræði og tungumál.
Nánari upplýsingar um námskeið-
in fást hjá Endurmenntunarstofnun.
Suðurland
Skólabílstj órar
fræðast
UMFERÐARRÁÐ og umferðar-
fræðslan halda kynningar- og
fræðslufund fyrir skólabílstjóra á
Suðurlandi í dag, iaugardag, í sam-
vinnu við Samtök sunnlenskra sveit-
arfélaga. Fundurinn er haldinn á
Hlíðarenda, Hvolsvelli, en markmið
er að veita starfsmönnum skólanna
upprifjun á nokkrum atriðum sem
snerta starfið. Farið verður yfir þau
öryggisatriði sem ávallt þurfa að
vera í lagi, umfang og eðli trygg-
inga, agavandamál, samstarf við
foreldra og skólastjórnendur og síð-
ast en ekki síst að kynnast viðhorfi
barnanna sjálfra til skólaakstursins.
Áhersla á skyndihjálp og
tryggingar
Á fundinum verður meðal annars
lögð áhersla á skyndihjálp, trygging-
ar, búnað og viðhald, að leiðir skóla-
bíls ættu ekki að liggja um skólalóð,
mikilvægi stundvísi, öryggissjón-
armið við val á biðstöðvum, búnað
við flutning fatlaðra, samvinnu á
milli skólabílstjóra, kennara, for-
eldra og annarra sem málið varðar,
að fullorðinn fylgi nemendum í
fyrstu ferðum á haustin, að umsjón-
arnemendur séu tilnefndir í skólabíl
og að biðstöðvar séu ekki leiksvæði
o.fl.
Meðal þeirra sem flytja fræðslu-
erindi á fundinum eru Jón Hjartar-
son, fræðslustjóri, Guðmundur Þor-
steinsson, námstjóri í umferðar-
fræðslu, Ólína Guðmundsdóttir, for-
eldri barns sem ferðast með skóla-
bíl, Jón Hermannsson, fulltrúi hjá
Bifreiðaskoðun íslands, og Daði
Guðmundsson, skólastjóri.
Málpípan í
Borgar
kringlunni
LAUGARDAGINN 8. október
hefst Málpípan í Borgarkringl-
unni. Málpípan er samstarfsverk-
efni Rásar 2 og Borgarkringlunn-
ar. Málpípan er heiti á kappræðum
tveggja aðila um eitthvert fyrir-
fram ákveðið efni.
Fyrsta málefnið sem tekið verð-
ur fyrir er: Standa ferðaskrifstofur
á Islandi í útflutningi á verslun? -
Hvað hefur íslensk verslun að
bjóða? Til að karpa um þessar
spurningar koma Helgi Pétursson
markaðstjóri Samvinnuferða
Landsýnar og Sigurður E. Har-
aldsson fyrrverandi formaður
Kaupmannasamtakanna.
Samkvæmt þeim athugunum
sem gerðar hafa verið á verslun
íslendinga í innkaupaferðum und-
anfarin ár má reikna með að um
2,5 milljarðar króna verði eftir í
útlöndum. Þar af er um hálfur
milljarður sem íslenska ríkið fengi
í formi VSK.
Málpípan verður annan hvéVn
laugardag fram að áramótum.
Utsending hefst kl. 14 frá Borgar-
kringlunni. Stjórnandi er Lísa
Pálsdóttir dagskrárgerðarmaður á
Rás 2. Allir sem áhuga hafa á
málefnum líðandi stundar geta
mætt í Borgarkringluna og lagt
fram spurningu til frummælenda.
♦ ♦ ♦----
Dansskóli Her-
manns Ragnars
til kirkju
í TILEFNI af ári fjölskyldunnar
efnir Dansskóli Hermanns Ragn-
ars til kirkjuferðar í Bústaðakirkju
fyrir nemendur sína, foreidra og
aðstandendur, sunnudaginn 9.
október, kl. 14.00. Sóknarprestur-
inn séra Pálmi Matthíasson mun
predika og barnakór Bústaða-
kirkju mun syngja undir stjórn
Erlu Þórólfsdóttur.
Doktorsritgerð á sviði
blóðstorku og fíbrín-
sundrunarfræða
ÓLÖF Sigurðardóttir
læknir varði doktors-
ritgerð á sviði blóð-
storku og fíbrínsundr-
unarfræða (blood
coagulation and fi-
brinolysis) við Karol-
inska Institutet í
Stokkhólmi 22. apríl
sl. Ritgerðin ber heitið
„Studies on PAI-1,
Vitronectin and their
interaction“.
Rannsóknir þessar
fóru fram á árunum
1988-1994 við mei-
nefnafræði- og blóð-
storkurannsóknardeild
Karolinska-sjúkra-
hússins undir leiðsögn Björns Wi-
mans prófessors í blóðstorkurann-
sóknum við sama sjúkrahús. And-
Dr. Olöf
Sigurðardóttir,
mælandi við doktors-
vörnina var prófessor
Björn Dahlbáck frá
blóðstorkurannsókn-
ardeild sjúkrahússins í
Malmö.
Ólöf lauk lækna-
námi frá Háskóla ís-
lands 1985 og hlaut
sérfræðiviðurkenningu
í meinefnafræði 1992.
Hún starfar sem deild-
arlæknir á blóðstor-
kurannsóknardeild Ka-
rolinska-sjúkrahússins
og heldur áfram rann-
sóknum sínum þar.
Ólöf er fædd 1958,
dóttir Guðrúnar Birnu
Hannesdóttur tónmenntakennara
og Sigurðar Sigurðssonar fyrrver-
andi bónda og sjómanns.
Reiðtygjaþjófar á
ferð í Heimsenda
ÖÐRU hvoru ber það við að brotist
er inn í hesthús á höfuðborgarsvæð-
inu. Nýlega var farið í hesthús á
Heimsenda við Kjóvelli og stolið þar
þremur hnökkum og einum sjö
beislum.
Flest voru reiðtygin merkt þann-
ig að erfitt getur reynst að koma
þýfinu í verð. Þarna var um að
ræða tvo Eldjárns hnakka og einn
íslandshnakk. Eigandinn vildi beina
því til þeirra sem tóku reiðtygin að
best væri að lauma þeim aftur inn
í húsið svo lítið beri á þannig að
hægt sé að láta málið niður falla.
Gera má ráð fyrir að kostnaður við
endurnýjun á því sem tekið var sé
á bilinu tvö til þtjú hundruð þúsund
krónur.
Ástæða er til að minna hesta-
menn á að geyma ekki reiðtygi og
önnur verðmæti í hesthúsum á þeim
tíma sem umferð um þau eru stopul.
Nemendur og kennarar skólans
munu aðstoða við messuhaldið og
meðal annars mun Helga Þóra
Björgvinsdóttir, einn af nemend-
um skólans, leika á fiðlu lag eftir
föður sinn Björgvin Þ. Valdimars-
son. Hann stjórnar einnig söng
bræðranna Gunnars og Sigmund-
ar Jónssona í athöfninni.
Allir nemendur Dansskóla Her-
manns Ragnars, jafnt yngri sem
eldri, eru hvattir til að taka þátt
í guðsþjónustunni. Gamlir nem-
endur skólans og velunnarar eru
velkomnir meðan húsrúm leyfir
og að lokinni athöfninni verður
kirkjukaffi á vegum safnaðar-
stjórnar, segir í fréttatilkynningu.
MARGRÉT J.
ISLEIFSDOTTIR
MIKIL öndvegiskona
á stórafmæli í dag.
Samstarfsfólk hennar
á sýsluskrifstofunni á
Hvolsvelli sendir
henni sínar bestu
kveðjur, þakkar vin-
áttu og samstarf um
langt árabil.
Þegar Margrét er
nefnd fylgir oft og
Pálmi. Maður hennar
er Pálmi Eyjólfsson
fv. sýsluskrifari á
Hvolsvelli. Saman
hafa þau gengið göt-
una frá 20. apríl 1946,
er þau gengu í hjúskap og fluttu
í nýbyggt hús sitt við Hvolsveg,
Hvolsvelli, og þar stendur enn
þeirra rausnargarður. Kunnings-
skapur þeirra hófst þó nokkru fyrr,
er bæði þénuðu í gömlu Kaupfé-
lagsbúðinni, þar blómstraði róm-
antíkin hjá unga fóikinu.
Þau hjón störfuðu um langt
árabil á sýsluskrifstofunni, voru
máttarstólpar embættis, andlit
þess og kjölfesta í hópi góðra
starfsmanna. Sýslumenn er með
þeim hafa starfað meta þau að
verðleikum. Ég tel runar að þessi
hjón séu sjaldgæft dæmi um far-
sæla útkomu þess er hjón starfa
á litlum vinnustað. Því veldur
prúðmennska á báða vegu, gagn-
kvæm virðing og miklir hæfileikar
til samstarfs og samskipta við fólk,
þar sem allir fundu sig velkomna
og fengu bestu þjónustu.
Afmælisbarnið, Margrét J.
ísleifsdóttir, er fædd 8. okt. 1924,
að Miðkoti í Fljótshlíð. Foreldrar
hennar voru hjónin Ingibjörg
Kristjánsdóttir, fædd að Voðmúla-
stöðum í Austur-Landeyjum 20.
desember 1891, dáinn 5. október
1970, og ísleifur Sveinsson, fædd-
ur að Skíðbakka, Austur-Landeyj-
um, fæddur 18. júní 1990, dáinn
21. apríl 1981. Hann stundaði
búskap í Miðkoti, Fljótshlíð, til
1941 er þau hjón fluttu á Hvols-
völl. Isieifur var smiður góður og
brautryðjandi um tijárækt og
garðrækt á Hvolsvelli ásamt konu
sinni. Hún á því ekki langt að
sækja natnina í ræktun og um-
hirðu garðsins síns hún Magga.
Börn Margrétar og Pálma eru:
Guðríður Björk, fædd 5. mars
1945, sölufulltrúi í Reykjavík, gift
Guðmundi Ingvari Guðmundssyni,
stýrimanni. Þau eiga 2 börn; Ingi-
björg, hjúkrunarfræðingur og al-
þingismaður, fædd 18. febrúar
1949. Hennar maður er Haraldur
Sturlaugsson, útgerðarmaður. Þau
eiga ijóra syni og búa á Akra-
nesi; Isólfur Gylfi, sveitarstjóri á
Hvolsvelli, fæddur 17. mars 1954.
Hans kona er Steinunn Ósk Kol-
beinsdóttir, kennari, og eiga þau
fjögur börn.
Margrét hóf störf á skrifstofu
Rangárvallasýslu 1. apríl 1965.
Hennar aðalstarf hefur verið við
Almannatryggingar sem fulltrúi í
þeirri deild embættisins. Margrét
er sem kjörin í starf þetta, sem
er vandasamt, krefst mikilla hæfi-
leika { mannlegum samskiptum,
skilnings, natni og vilja til að
greiða fyrir fólki, sem er oft sjúkt
og aldrað. Einnig þarf að vaka
yfir því hvaða rétt þetta fólk á og
benda á það, hjálpa til við að út-
vega læknisvottorð, semja um-
sóknir og útskýra málin. Allt þetta
er Margréti eðlislægt og tiltrú
bótaþega og trúnaðarsamband við
tryggingafulltrúann er eins og
best verður á kosið.
Er ég undirritaður kom til starfa
við sýslumannsembættið í Rangár-
þingi fyrir tæpum níu árum, féll
mér þegar einkar vel samstarfið
og öll kynni við Margréti, hafði
raunar verið henni málkunnugur
um skeið og notið gestrisni þeirra
hjóna. Er mér kunn-
ugt að nú sem allan
sinn búskap hafa þau
hjón Margrét og
Pálmi verið sótt heim
af fólki í héraði og
lengra að komnu, mér
er nær að halda flesta
daga. Hús þeirra
stendur fólki opið og
gestrisni er einstök,
myndarskapur hús-
móður í veitingum
með því albesta, glað-
værð og hlýtt viðmót,
skapar það andrúms-
loft að öllum líður vei.
Upp kemur í hugann atvik er
sýnir í senn jafnaðargeð Margrét-
ar en um leið andúð hennar á ós-
anngirni og yfirgangi. Framan við
afgreiðsluborðið á sýsluskrifstof-
unni stendur ábúðarmikill maður,
sem verið er að liðsinna. Maðurinn
er þó afar ókurteis og finnur að
öllu með dóigslegu orðfæri. Stend-
ur þá Margrét upp frá skrifborði
sínu, gengur til mannsins, horfir
á hann brosandi og segir með
hægð en mikilli festu: „Við ei-um
nú vön því að gera fólki til hæfis
hér á skrifstofunni." Það var eins
og hleypti hefði verið úr blöðru.
Ribbaldinn steinþagnaði, roðnaði
eins og skólastrákur og hefur frá
þessum degi verið prúðmennskan
holdi klædd þegar hann á erindi
við _ sýsluskrifstofuna.
Á okkar fámenna vinnustað er
hún hinn góði andi og fyrirmynd
um góða hætti, allt í röð og reglu,
aldrei mætt of seint og ekkert
sluks. Nei, gamli góði ríkissjóður
hefur fengið mikið fyrir þá hung-
urlús í formi launa er Margrét
hefur þegið í hartnær 30 ára starfi.
Það væri henni þó víðs fjarri að
nöldra um kaup og kjör, kröfugerð
í eigin þágu, er ekki hennar máti.
Ég lít á Margréti ísleifsdóttur sem
einstaka manneskju og kvíð þeirri
stund er starfi hennar lýkur hér á
sýsluskrifstofu um nk. áramót.
Sumt fólk verður manni afar náið
og einhvern veginn hefur hún
Margrét orðið okkur eins og besta
móðir, held við verðum hálf hnípin
og líkt og munaðarlaus þegar sam-
starfinu lýkur.
Með krefjandi heimilisstörfum,
uppeldi barna og vinnu utan heim-
ilis hefur Margrét lagt fjölmörgum
samfélagsmálum lið, svo sem
gæslumaður barnastúku í 11 ár.
Virk um áratugi í kvenfélagi í
stjórn og sem formaður.
Þau hjón Margrét og Pálmi sáu
um Stórólfshvolskirkju í aldar-
fjórðung. Kirkjan var ávallt hrein
og hlýleg og ekki var skömm að
meðhjálparanum.
Margrét er kona sviphrein, nett
og fríð. Hún er ávallt glöð í við-
móti og hefur góðan húmor, —
hlær innilega og sér það jákvæða
í lífinu. Margrét er engan veginn
skaplaus heldur kona staðfestu og
sterks vilja, sem stefnir ótrauð að
setu marki — og nær því.
Hún er ekki að trana sér eða
olnboga áfram í tilverunni. Það
er hins vegar sómi að henni hvað
sem er, enda smekkvís og vel
uppáfærð — og ber mikla persónu.
Margrét er kona trúuð og biblíu-
fróð, einnig á þeim vettvangi er
hún gefandi, það hef ég sannreynt
persónulega.
Nú veit ég að Margrét mundi
segja „þetta er nú fullstór
skammtur húsbóndi góður“. Á
móti verð ég að segja „allt er það
satt og rétt og af bestu samvisku
tíundað".
Lifðu heil um langa tíð og þakka
þér vináttuna við mig og mína.
Margrét er stödd erlendis með fjöl-
skyldu sinni.
Friðjón Guðröðarson.