Morgunblaðið - 09.10.1994, Blaðsíða 35

MORGUNBLAÐIÐ
SUNNUDAGUR 9. OKTÓBER 1994 35
BRÉF TIL BLAÐSINS
Hugleiðingar um skák
Frá Hrannari Baldurssyni:
SVEINN Kristinsson, einn virkustu
skákmanna Reykjavíkur um áratuga
skeið, fann sig knúinn til að senda
greinarkorn í Morgunblaðið um dag-
inn. Þar gagnrýnir hann fjöimiðla
fyrir áhugaleysi gagnvart íslenskum
skákmönnum, skákum þeirra og ekki
síst fyrir skeytingarleysi gagnvart
heilu mótunum. Nú virðist sem svo
að skákfréttir eigi greiðan aðgang
að dagblöðum, að því leyti að hálfu
síðumar íjalla um framúrskarandi
árangur íslenskra skákmanna er þeir
tefla á mótun erlendis, eða ef svo
vill til að alþjóðieg mót eru haldin hér
á landi.
Sveinn nefnir sem dæmi þau tíð-
indi að Halldór Garðarsson hafi sigrað
á Oðlingsskákmóti Taflfélags Reykja-
víkur. Undirritaður hefur hvergi heyrt
minnst á þetta skákmót, þó svo hann
fylgist vel með skákfréttum, hvorki í
daglegri umræðu, skákmanna né í
íjölmiðlum. Ekki má gleyma að um-
fjöllun flölmiðla er yfirleitt leiðandi í
daglegri umræðu, hvort sem um skák-
menn er að ræða eða annað fólk. Oft
hefur Sveinn Kristinsson sjálfur náð
góðum árangri við skákborðið, en þau
tíðindi hafa oftast orðið að víkja fyrir
„merkilegri" tíðindum úr hinum al-
þjóðlega skákheimi stórmeistara, þar
sem nánast er barist upp á líf og
dauða, eða peninga.
Markaðshyggja látin víkja
Til allrar hamingju eru fáir ís-
lenskir skákmenn knúnir áfram af
markaðshyggju. Flestir þeir sem ég
þykist þekkja tefla fyrst og fremst
af ævintýraþrá og fmna mikilvæg
mannleg gæði í skákinni; svo sem
mannleg átök á réttlætisgrundvelli,
hugrekki, þolinmæði, stöðumat, inn-
sæi; ávallt með heiðurinn í húfi (eða
skákstig) og með það markmið að
leiðarljósi að ná aðal-
stign í skákheiminum.
Þó svo að í samanburði
við stórmeistara eða
prinsa skáklistarinnar
séu aðrir íslenskir skák-
menn ekki nema greifar,
jarlar, prinsessur eða
riddarar, þá ber þess að
minnast að riddarasögur
eru alltaf gott fréttaefni
og nóg er að finna af
íslenskum riddurum sem
eiga í sífellu stríði gegn óþekktum
öflum andstæðinga og kringum-
stæðna. Riddarar leggja ætíð líf sitt
að veði fyrir hinar æðstu dyggðir og
hugsjónir, skákmaðurinn leggur að
veði það sem dýrmætast virðist vera
í nútíma þjóðfélagi: tímann.
Skák er list
Skák er listgrein, stundum fáguð,
stundum gróf, stundum kaótísk,
stundum úthugsuð. Skák er íþrótt,
það er barist af hörku fyrir hveijum
sigri og tekur mikið af mönnum eftir
erfiða skák, ekki síður líkamlega en
andlega. Skák er saga, hefur upphaf
sem ræður endinum að miklu leyti.
Skák er fréttnæm, hún lýsir mannleg-
um viðburðum og það er jafnvel
mögulegt að skrá feril þeirra ná-
kvæmlega. Skák er ekki hreyfmg-
arlausir trékallar á borðfleti milli
tveggja manna sem hreyfa sig varla.
Hér með hvet ég ijölmiðla til að
fá til liðs við sig áhugamenn um skák
sem fylgjast grannt með skákmótum
innanlands og eru reiðubúnir til að
skrifa af nákvæmni um þá viðburði
sem eru að gerast í skáklífí okkar.
Ég vil enda þetta með því að minn-
ast á örfáa innlenda viðburði sem
varla hefur verið minnst á, þó svo
að þeir séu nvjög eftirtektarverðir: 1)
Helgi Áss sigraði átta manns í íjöl-
tefli, blindandi! 2) Undanrásir Atskák-
móts íslands voru æsispennandi og
sigraði Jón Garðar Viðarsson örugg-
lega. Meðal annarra kappa tóku
öflugir skákmenn eins og Þröstur
Þórhallsson, David Bronstein og
Björgvin Jónsson þátt í mótinu. 3)
Undanrásum Atskákmóts Reykjavík-
ur lauk nýlega, og sigraði
þá Þröstur, Þórhallsson
glæsilega. Var það mót
vel skipað og skemmtileg-
ar skákir tefldar. 4)
Haustmót Skákfélags
Hafnarfjarðar (eða var
það Haustmót Taflfélags
Garðabæjar?) var haldið
um daginn. Ég hef ekkert
heyrt um úrslit þess og
enga skipulega umflöllun
heyrt, enda veit ég aðeins
að mót var haldið og veit naumast
hvaða mót það var. 5) Nú stendur
Haustmót Taflfélags Reykjavíkur
yfir. Vonandi verður skýrt vel frá
keppninni. Og þá ekki eingöngu
keppninni í A-flokki, heldur einnig
B-, C- og D-flokki. f öllum flokkum
gerist eitthvað athyglisvert. Það þarf
bara hæfa menn sem kunna að beita
penna til að fylgjast með og skrá það
athyglisverðasta. 6) Deildakeppnin
hefst föstudagskvöldið 7. október og
hefur nú þegar töiuvert verið skrifað
um liðskipan í 1. deild, en lítið sem
ekkert verið fjaliað um keppnina í 2.
og 3. deild.
Allur árangur er
athyglisverður
Það má ekki gieyma þeim sem
beijast áfram eftir árangri, hvort sem
þeir hafa 2.500, 1.700, 1.210 ELO-
stig eða eru stigalausir. Árangur
þeirra er ekkert síður athyglisverður
en þeirra sem beijast á toppnum hér
á landi, ekkert síður en að árangur
okkar bestu manna er athyglisverður,
ekkert síður en að árangur stórmeist-
ara okkar og heimsmeistara eru at-
hyglisverðir, ekkert síður en að árang-
ur Kasparovs, Karpovs og allra hinna
er athyglisverður. Við verðum að velja
úr því sem er að gerst í okkar eigin
umhverfi, ekki líta stöðugt út í heim
eftir nýjungum, heldur líta í eigin
barm og virða hæfileikafólkið okkar
fyrir verk sín. Þannig stuðlum við að
framför á öllum sviðum og lærum að
bera virðingu fyrir sjálfum okkar.
Því tek ég heils hugar undir meira
en tímabæra grein Sveins Kristins-
sonar og óska af einlægni eftir tíðari
og nákvæmari fréttaflutningi af ís-
lenskum skákviðburðum. Það er ekk-
ert annað en sjálfsögð skylda fjöl-
miðla að fylgjast vel með og segja
skýrt og greinilega frá því sem mark-
vert gerist innanlands sem utan í
hverri þeirri keppni sem haldin er
opinberlega.
HRANNAR BALDURSSON,
Álfhólsvegi 15a, Kópavogi.
Enn um dauðaleiki
Frá Páli Bergþórssyni:
í GREIN sem ég skrifaði í Lesbók
Morgunblaðsins fyrir nokkrum vik-
um og kallaði Dauðaleiki leitaðist
ég við að rökstyðja þá lífsreglu sem
Jónas Hallgrímsson setti fram á
sínum tíma, að aldrei skyldi aflífa
dýr að nauðsynjalausu og aldrei
til eintómrar skemmtunar. Úr
ýmsum áttum hef ég fengið
ánægjuleg viðbrögð við þessari
litlu grein. Það_ merkilega er að
meðal þessa fólks eru ekki síst
þeir sem atvinnu sinnar vegna
komast ekki hjá að deyða dýr, eink-
um bændur. Sérstaklega vil ég
þakka Valtý Guðmundssyni á
Sandi fyrir ummæli hans í Morg-
unblaðinu, þó að ekki kæmi mér á
óvart drengskapur úr þeirri átt.
Það hefði verið til of miírils ætlast
að þeir sem stunda aflífun dýra
einungis sér til ánægju tækju fagn-
andi þessum boðskap. Einn þeirra
hefur þó gagnrýnt grein mína á
þeirri veiku forsendu að ég kunni
að hafa lagt of mikið upp úr
hneykslun Jóns nokkurs Jóakims-
sonar á andaskyttiríi sem útlendir
ferðamenn skemmtu sér við í land-
areign hans. Sem sagt, þegar á
allt er litið finnst mér hægt að
skoða viðtökurnar við grein minni
sem dálitla vísbendingu um virð-
ingu flestra íslendinga fyrir öllu
lífi.
PÁLL BERGÞÓRSSON,
veðurfræðingur.
Andleg meinsemd
Frá Hugrúnu:
Rógburðinum stjórnar illur andi
því eyða vill hann gæfu og sálarró.
Að lifa syndlaus, manns er mesti vandi
og vilja þarf að halda friði og ró.
Saklaus maður síst af öllu þolir
að sé hann níddur fyrir enga sök
undri lostinn, fir.nur fátt til ráða
fatast honum lífsins vængjatök.
Síngirnin er satan undirgefm
síst hann gleymir illum verkahring.
Þegar fær hann mikla veiði í vefinn
verður stríð og þjáning allt um kring.
Þegar vinir vini sínum bregðast
þeir varpa skugga á æviveginn hans.
En alltaf koma svikin upp um síðir
þeim saklausa er bundinn heiðurskrans.
HUGRÚN
MICROSOFT WORD 6.0
GLUGGAPUKI 3.0
fylgir
Islenska ritvillu- og orbasafnsforritiö GluggaPúki 3.0 fylgir
Microsoft Word 6.0 fyrir Windows á afar haqstæbu kynninqarverbi.
Oröasafn, samheitasafn og beyging oröa
II Oröskiptaforrit samkvæmt íslenskum reglum
■
■ Verb abeins 24.900 kr. m. vsk
EINAR J. SKULASON HF
Grensásvegi 10, Sími 63 3000