Morgunblaðið - 17.11.1994, Blaðsíða 18

18 FIMMTUDAGUR 17. NÓVEMBER 1994
MORGUNBLAÐIÐ
Greidsluáskorun
Gjaldheimta Suðurnesja skorar hér með á þá gjaldendur,
sem ekki hafa staðið skil á staðgreiðslu opinberra gjalda með
gjaldaga 15. nóvember 1994 og fyrr, gjaldi samkvæmt gjald-
skrá fyrir heilbrigðiseftirlit á Suðurnesjum nr. 306/1992,
álögðu með heimild 1 lögum nr. 81/1988, um hollustuhætti
og heilbrigðiseftirlit, með síðari breytingum og 1. mgr. 9. gr.
heilbrigðisreglugerðar nr. 149/1990, með síðari breytingum,
með gjalddaga 1. nóvember 1994 og fyrr og gjaldi samkvæmt
gjaldskrá fyrir mengunareftirlit á Suðurnesjum nr.
316/1992, álögðu með heimild í lögum nr. 81/1988, um holl-
ustuhætti og heilbrigðiseftirlit, og mengunarvarnarreglugerð
nr. 389/1990, með gjalddaga 1. nóvember 1994 og fyrr að
gera nú þegar full skil.
Fjárnáms verður krafist án frekari fyrirvara fyrir ógreiddum
eftirstöðvum gjaldanna ásamt vöxtum, verðbótum, viður-
lögum og kostnaði að liðnum 15 dögum frá birtingu greiðslu-
áskorunar þessarar.
Athygli er vakin á því, að fjárnámsgerð hefur í för með sér
verulegan kostnað fyrir gjaldanda. Fjárnámsgjald í ríkissjóð
nemur allt að kr. 10.000 fyrir hverja gerð. Fjárhæð þing-
lýsingargjalds er kr. 1.000 og stimpilgjald reiknast sem 1,5%
af heildarskuldinni. Um fjárhæð útlagðs kostnaðar fer eftir
atvikum.
Njarðvík, 15. nóvember 1994.
Gjaldheimta Suðumesja.
1000 kr. innlegg á Stjörnubók
Æskulínunnar og barniö fær
gjafaöskju með Snæfinni sparibai
púsluspil, litabók - og meira til!
"Snæfinnur snjókari, sniðugur meö krónurnar”
FRÉTTIR: EVRÓPA
Svíar vonast til að hafa áhrif á ESB
Vilja opinskárri
stjórnarhætti
Stokkhólmi. Reuter.
SÆNSK stjórnvöld vonast til að
hafa áhrif á starfshætti Evrópusam-
bandsins þegar Svíþjóð verður orðin
aðildarríki, þannig að stjórnarhættir
verði opinskárri. Svíar munu fá að
fylgjast vel með gangi mála á ESB-
vettvangi. Þetta segir Jan Nygren,
ráðherra samræmingarmála í
sænsku stjórninni.
„Við munum leitast við að segja
Svíum frá öllu, sem gerist í Brussel,
svo fremi að reglur ESB leyfi það,“
segir Nygren. „Það væri hættulegt
fyrir sambandið ef áfram væri litið
á það sem eitthvert leynistjórnkerfí.“
Svíar hafa einna þróuðustu reglur
í heimi um opinskáa stjórnarhætti,
upplýsingaskyldu stjórnvalda og að-
gang almennings að opinberum skjöl-
um. Kannanir hafa sýnt að áhyggjur
af leynd og skorti á lýðræði í stjórn-
kerfi Evrópusambandsins lágu að
baki afstöðu margra, sem greiddu
atkvæði á móti ESB-aðild í þjóðarat-
kvæðagreiðslunni um síðustu helgi.
ESB-nefnd þingsins
Sænska þingið mun setja á stofn
ESB-nefnd, líkt og danska þjóðþing-
ið hefur gert. Þar munu þingmenn
koma sjónarmiðum sínum á fram-
færi við ráðherra áður en þeir fara
á ráðherraráðsfundi í Brussel og
hlusta á þá gefa skýrslu þegar þeir
koma til baka. Þetta er einstakt fyr-
irkomulag í ESB-ríkjum.
Evrópsk leyni-
þjónusta?
• BREZKA blaðið The Independ-
ent segist hafa heimildir fyrir því
að á ráðherrafundi VES-ríkja
fyrr í vikunni hafi verið ákveðið
að selja á stofn vísi að samevr-
ópskri leyniþjónustu, þótt ekki
verði um „Evrópska CIA“ að
ræða. Þetta sé þáttur í að styrkja
varnarhlutverk VES.
• MALCOLM Rifkind, varnar-
málaráðherra Breta, reynir nú að
breiða yfir þann ágreining, sem
kominn er upp innan Atlantshafs-
bandalagsins um vopnasölu til
Bosníu. I viðtali við RBCsagði
hann að Norður-Ameríka og Evr-
ópa ættu að byggja upp „Atlants-
hafssamfélag“, sem næði ekki ein-
göngu til sameiginlegra öryggis-
hagsmuna, heldur byggðist einnig
á evrópskum menningararfi, trú
á frjálst framtak og lög og reglu.
Rifkind sagðist sjá Atlantshafið
„frekar sem brú en sem vík milli
vina.“
Úrslit nýjustu skoðana-
kannana um stuðning
við ESB-aðild í Noregi
Kosið verður 28. nóvember
MMI16. nóv. TV215. nóv.
Haltu kjafti, Bildt!
BARÁTTAN vegna þjóðaratkvæða-
greiðslunnar í Svíþjóð var hörð og
þegar niðurstaðan lág fyrir áttu
margir erfitt með að sætta sig við
hana. Eftirfarandi orða-
skipti áttu sér stað í morg-
unþætti sænska ríkisút-
varpsins á mánudags-
morgni. Þar voru saman-
komnir þeir Carl Bildt,
fyrrum forsætisráðherra
Svíþjóðar, Per Gahrton,
leiðtogi ESB andstæðinga
og stjórnandinn, Staffan
Dopping:
Dopping: „En verða
menn ekki líka að taka
tapi, Per Gahrton?“
Per Gahrton: „Taka tapi? Nú sitja
já-mennirnir hérna, sem hafa unnið
með minnsta mun sem nokkurn tíma
hefur orðið þess valdandi að þjóð
gangi í ESB og þá eigum við allt í
einu að gleyma öllum þessum móðg-
unum og yfirlýsingum um að við
séum vitskertir, öllum þessum ælum,
sem þeir hafa gubbað yfir okkur!
Við eigum að gleyma þessum yfir-
gangi. í Dagens Nyheter birtist um
daginn grein eftir prófessor í stjórn-
málafræði þar sem kemur fram að
þið hafið misnotað völd ykkar, þið
hafið sent út bæklinga til heimilana
sem eru lygi frá upphafi til enda.
Við fengum staðfestingu þessa
stjórnmálafræðings á því! Þið dæld-
uð inn já-mönnum í nefndina sem
gerði úttekt á kostum og göllum
aðildar..."
Carl Bildt: „Per, er ekki orðið
tímabært að þú farir og leggir þig..“
Gahrton: „Leggi mig!?“
Bildt: „... og takir því rólega!“
Gahrton: „Haltu kjafti Carl Bildt!
Carl Bildt
Þetta eru alvarlegar umræður...“
Bildt: „Já, ég ætlaði einmitt að
fara að segja það.“
Gahrton: ,,... og ég er fulltrúi
hálfrar þjóðarinnar..."
Bildt: „Það má vel vera.“
Gahrton: „Þið eruð að
reyna að koma ykkur und-
an þeirri ábyrgð sem þið
berið - þetta er ótrúlegt!
Bildt: „Per, taktu því nú
aðeins rólega.“
Gahrton: „Axlið ykkar
ábyrgð!“
Bildt: „Ég skil biturleika
þinn í dag.“
Gahrton: „Ég er ekki hið
minnsta bitur.“
Bildt: „Hvað ertu þá?“
Gahrton: „Ég fyrirlít ykkur sem
ekki... sem nú reynið að flýja loforð
ykkar.“
Bildt: „Slappaðu af Per! Þegar við
segjum að ..."
Gahrton: „Þú, Carl Bildt, yrtu
ekki á mig með einhvers konar lítils-
virðandi forsætisráðherraröddu! Ég
er fulltrúi fleiri sveitarfélaga í þessu
landi en þú! Ég er fuiltrúi fleiri
verkamanna en þú! Ég er fulltrúi
fleira fólks sem mun koma illa út
úr þessu!“
Bildt: „Þú er þingmaður Umhverf-
isflokksins, ég er þingmaður Hægri-
flokksins. Við erum fulltrúar ...“
Gahrton: „En í þessum umræðum
hefur bara einum einasta ESB-and-
stæðingi verið leyft að taka þátt og
það er ég. Því verð ég að tala fyrir
alla!“
Dopping: „Það munu fleiri ESB-
gagnrýnendur komast að á næsLu
tveimur klukkustundum. Ég full-
vissa þig um það.“
l
»
m

fl
(
€
/
€
C
I
_
i