Morgunblaðið - 23.12.1994, Síða 23

MORGUNBLAÐIÐ
LISTIR
FÖSTUDAGUR 23. DESEMBER 1994 23
Draumalandið -
íslensk sönglög
TÓNLIST
Illjómdiskar
ÍSLENSK SÖNGLÖG
Draumalandið, íslensk sönglög.
Kristín Sædal Sigtryggsdóttir
(sópran).
Hrefna Unnur Eggertsdóttir og
Jórunn Viðar (píanó).
Utgefandi: Kristín Sædal Sig-
tryggsdóttir.
KRISTÍN Sædal Sigtryggsdóttir
nam söng hjá Guðrúnu Á. Símonar
og í Söngskólanum í Reykjavík.
Hún sótti framhaldsnámskeið, m.a.
hjá Helene Karusso, og fór að loknu
kennaraprófí til Englands í fram-
haldsnám hjá Valerie Heath Davis.
Hún hefur komið víða fram, m.a. í
útvarpi og sjónvarpi.
Ég verð að játa að ég þekki ekki
til Kristínar Sædal — en hvað um
það, hún er góð söngkona og ég
er þakklátur fyrir að hún syngur
eingöngu íslensk lög á þessum
ágæta hljómdiski.
Það er búið að fjalla svo mikið
(bæði í orðum og tónum, og á RÚV
sérstakar þakkir skilið) um íslensku
sönglögin að það er að bera í bakka-
fullan lækinn að fara að fjölyrða
um þau í stuttri umsögn. Þau eru
auðvitað misgóð, ekki öll jafn
ánægjuleg. Ég segi bara eins og
einn ágætur leikari úti á landi, þeg-
ar honum bárust tíðindin um að
Skugga-Sveinn hefði stokkið í foss-
inn með Ketil skræk á bakinu: „ —
og hvað með það?“ ... Satt að segja
þykja mér gömlu „einföldu" lögin
(minna túlkandi...) að jafnaði
betri, en auðvitað er þetta smekks-
atriði.
Jórunnar Viðar á hér sex lög
(við texta góðskálda) og annast þar
jafnframt undirleik. Sum hafa ekki
fyrr birst á hljómdiski, en höfunda-
einkennin eru skýr, stundum dálítið
„parlando", fylgjandi texta vel og
samviskusamlega.
í þeim er þó þjóðlegur tónn (að
ég ekki segi „prestlegur") sem er
góður - og stundum fallegur.
Undirleikur Hrefnu Unnar Egg-
ertsdóttur er einnig með ágætum.
Upptakan, sem fór fram í Víðistaða-
kirkju í Hafnarfirði, er vönduð og
sama má segja um útgáfuna. I
bæklingi eru textar á íslensku og
ensku, í þýðingu Rutar Magnússon
og Bernards Schudder.
Oddur Björnsson
FRÁ jólatónleikum Tónlistarskólans í Stykkishólmi.
Morgunblaðið/Árni Helgason
Jólatónleikar Tónlistarskólans
í Stykkishólmi
Stykkishólmi. Morgunblaðið
TÓNLISTARSKÓLINN og kór
Stykkishólmskirkju héldu jóla-
tónleika í kirkjunni 19. desem-
ber sl. Dagskráin var mjög fjöl-
breytt og skemmtileg.
Þarna komu fram einleikarar
á píanó, þverflautu, gítar,
harmoniku og blásturshljóð-
færi. Einnig er starfandi lúðra-
sveit, bjöllukór og jasssveit við
tónlistarskólann, sem léku á
tónleikunum. Þá er hægt að
stunda söngnám við skólann og
komu fram mæðgin og sungu
tvísöng. Kór Stykkishólms-
kirkju söng nokkur jólalög und-
ir stjörn Lönu Betts.
Tónleikarnir voru vel sóttir
og eru menn ánægðir með hið
gróskumikla starf, sem fer
fram innan veggja skólans og
eins hve margir stundaþar
nám.
Dordingull
BÓKMENNTIR
Barnabók
DORDINGULL
eftir Svein Einarsson. Ormstunga,
1994-111 síður. 1.390 kr.
SAGAN um Dordingul er flétta
tveggja frásagna eða öllu heldur
saga um veikan strák og vin hans
Dordingul, sem kémur til hans
og skemmtir honum með meira
og minna skrýtnum sögum.
Við kynnumst Tryggva í fyrsta
kafla þegar hann er kominn heim
af sjúkrahúsinu og heim til ömmu
og mömmu. Hann er einn og vin-
irnir hafa yfirgefið hann. Hann á
í ýmsum persónulegum vandræð-
um og líður illa. Við fylgum
Tryggva síðan inn á sjúkrahúsið
þar sem hann á að liggja í gifsi
í sex mánuði. Hann fær sjaldan
heimsóknir því amma og mamma
eru báðar að vinna.
í einverunni kemur til hans
skrýtinn karl, Dordingull, sem er
í rauðri treyju og bláum brókum,
brúnum pijónasokkum og á sauð-
skinnsskóm. Þar að auki er hann
með græna skotthúfu svo þetta
er hinn litskrúðugasti karl. Þeir
taka tal saman og í Ijós kemur
að Dordingull er sagnakarl og
vill láta titla sig sem slíkan. Sög-
urnar sem Dordingull segir eru
furðulegar, eiginlega hvorki fugl
né fiskur. Þær eru gjarnan botn-
lausar og yfirleitt ekki í þeim stíl
sem Tryggva langar
til að heyra. Þær eru
heldur ekki ljósar
dæmisögur sem hægt
væri að læra af og
ekki eru þær neitt
sérstaklega fyndnar.
Dordingull og sög-
urnar virðast fyrst og
fremst þjóna þeim til-
gangi að vera félags-
skapur fyrir dreng-
inn. Drengurinn er
ekki einmana á með-
an skrýtni karlinn er
hjá honum en að sjálf-
sögðu sér hann eng-
inn nema Tryggvi.
Pjölskyldu
Tryggva kynnumst við lítillega í
gegnum endurminningar. Amma
er ein af þessum gömlu íslending-
um sem talar í málsháttum, hlý
og hjartagóð. Mamma Tryggva
er lítið unnin og við sjáum hana
aðeins óljóst í gegnum frásagnir
af öðru. Eftirminnileg er ferð sem
fjölskyldan fór til Þingvalla í
drossíu sem pabbi tekur á leigu.
Það er augljóst að hann er sjó-
maður og þar sem sögusviðið er
heimsstyijöldin síðari er líka hægt
að draga þá ályktun að starf hans
sé hættulegt og efni fjölskyldunn-
ar ekki mikil. Sjóslys
sjáum við í gegnum
draum Tryggva og
einnig í frásögn vina
hans sem bera út
sorgarfréttina. Vinir
Tryggva, þeir Raggi
og Sveinn, eru þarna
líka baksviðs. Þeir
hafa verið góðir vinir,
reynt að stofna blað
og íþróttafélag, sem
staðið hefur í stór-
ræðum og slagsmál-
um við nágrannana.
En skyndilega er allt
breytt og vinirnir
horfnir án þess að við
vitum hvers vegna.
Sú hugmynd að láta veikan
dreng finna gleði og félagsskap
í veru á borð við Dordingul er
bráðskemmtileg og efni í frum-
lega barnabók. Samt er eins og
eitthvað vanti til þess að gera
þessa sögu verulega lifandi og
heillandi. Saga Tryggva sjálfs er
of óskýr. Af hveiju er Tryggvi á
Sveinn Einarsson
Brauökörfur
frá kr. 3.400
Sítrónupressa Flautuketill kr. 7.300
kf. 3.980 ú[va|
Húsgögn “ %
Blaðagrindur
ALESSI
Mörkinni 3, sími 5880640
Glerskálar
(við Suðurlandsbraut)
sjúkrahúsi? Af hveiju hættu vin-
irnir að koma? Hver er þessi
Gunnar sem allt í einu er orðinn
örlagavaldur í lífi Tryggva? Börn
vilja gjarnan fá svör við þeim
spurningum sem knýja á sögu-
hetjurnar. Tæplega er hægt að
ætlast til að börn á aldrinum
7-11 ára hafi möguleika á að
geta í eyðurnar.
Við skiljum við Tryggva í sögu-
lok — eða sögubyijun — sem lít-
inn dreng sem á í persónulegum
vandræðum og hefur engan til
að halla sér að nema sagnakarlinn
Dordingul sem hann má ekki
segja neinum frá. Vandi hans er
óleystur og frá þeim sjónarhóli
er sagan dapurleg bók þó Dord-
ingull bregði á leik með skrýtileg-
um uppátækjum sínum. Nokkrar
svart-hvítar myndir eru í bókinni
eftir Magnús Val Pálsson. Best
tekst honum upp með Dordingul
sem verður skemmtilegt sam-
bland af gömlum karli og álfi en
myndirnar af fjölskyldulífinu og
strákunum eru fremur stífar og
líflausar.
C0r
recision
movements
nákvæmni -
-----Ly------
RAYMOND WEIL
GENEVE
Sigrún Klara Hannesdóttir