Morgunblaðið - 29.03.1995, Blaðsíða 4

4 MIÐVIKUDAGUR 29. MARZ 1995
MORGUNBLAÐIÐ
t-
FLUGFREYJUVERKFALLIÐ
Um 20 yfirmenn Flugleiða gengu í störf flugfreyja í verkfalli í gær
FLUGLEIÐIR héldu uppi flugi í
gær, í verkfalli flugfreyja, en dreg-
ið var úr flugþjónustu og flug inn-
anlands oftar en ekki sameinað.
Um 20 yfírmenn Flugleiða störfuðu
um borð í flugvélunum í stað flug-
freyja og flugþjóna, en Flugfreyju-
félagið segir að heimild yfírmanna
til starfa í verkfalli undirmanna sé
alls ekki jafn víðtæk og Flugleiðir
vilji vera láta. Undir þetta sjónar-
mið tekur Alþýðusamband íslands,
sem segir 4-5 yfirmenn hjá Flug-
leiðum geta gengið í störf félags-
manna. Ekki kom til aðgerða af
hálfu Flugfreyjufélagsins í gær
vegna þessa, en starfssystur þeirra
í Bandaríkjunum komu í veg fyrir
að Flugleiðir gætu leigt Boeing
747-vél frá Tower Air til að fljúga
með farþega til Orlando og New
York. Enginn sáttafundur var í
deilunni í gær.
í gær var flogið til Lúxemborg-
ar, Kaupmannahafnar, Amsterdam
og Glasgow. Síðdegis var áætlað
að fljúga í sameinuðu flugi til Or-
lando og New York. Að sögn Mar-
grétar Hauksdóttur í upplýsinga-
deild Flugleiða þurfti félagið að fá
leiguvél til þess flugs, þar sem
skipta þarf um áhöfn eftir svo langt
flug, samkvæmt reglum um hvíld-
artíma. Flugleiðir höfðu hins vegar
ekki tök á að gera það í verkfalli
flugfreyja. Félagið hafði fengið vil-
yrði fyrir Boeing 747 vél frá banda-
ríska flugfélaginu Tower Air, en
flugfreyjur þar komu f veg fyrir
flugið, þar sem þær neituðu að
starfa um borð í vélinni og töldu
slíkt verkfallsbrot. Flugleiðir áætl-
uðu að fljúga með leiguvél frá
Bandaríkjunum til Keflavíkur í
nótt.
Margrét sagði að flugið í gær
hefði gengið ágætlega miðað við
aðstæður, en nokkuð hefði verið
um tafir í innanlandsflugi. Flogið
var til Akureyrar, Vestmannaeyja,
Hafnar, Sauðárkróks, Egilsstaða,
Húsavíkur og ísafjarðar, sem og
til Færeyja með leiguvél frá Flug-
félagi Norðurlands.
Fjórir yfírmenn störfuðu um
borð í hverri millilandaflugvél, en
einn um borð í hverri vél í innan-
landsfluginu.
Vinnuveitendasamband íslands
sendi frá sér fréttatilkynningu, þar
sem ítrekað er að Flugleiðir hafí
Morgunbiaðið/Ámi Sæberg
FLUGFREYJUR og flugþjónar sinntu verkfallsvörslu á Reykjavíkurflugvelli í gær. Allt fór fram
með ró og spekt og afhentu verkfallsverðir farþegum blað, þar sem málstaður þeirra var kynntur.
Flugfrejrjur telja
4-5 mega starfa
Bandarískar flugfreyjur komu í veg fyrir að hægt
væri að fljúga leigxiflug til New York og Orlando
ákveðið að halda uppi takmörkuðu
flugi innan lands og milli landa
þrátt fyrir verkfallið. Ófélags-
bundnir yfírmenn hafí farið í ítar-
lega þjálfun í öryggismálum og
staðist kröfur Flugmálastjórnar til
að gegna störfum öryggisvarða um
borð í flugvélum félagsins. Lögð
er áhersla á að viðbrögð félagsins
séu í fyllsta samræmi við lög og
reglur og fari hvergi í bága við
réttindi Flugfreyjufélagsins eða
félagsmanna þess. Vitnað er til
þess, að í lögum segi að í verkfalli
megi félagsbundnir menn ekki
ganga í störf þeirra sem í verk-
falli eru, svo og til þess, að Hæsti-
réttur hafí staðfest rétt yfirmanna
til að taka upp störf undirmanna
í verkfalli.
Ástráður Haraldsson, lögfræð-
ingur ASÍ, telur að dóma, sem fall-
ið hafa um rétt yfirmanna til að
ganga í störf undirmanna, sé ekki
hægt að túlka svo rúmt, að Flug-
leiðir geti sett ótiltekinn fjölda yfír-
manna í störf flugfreyja. Af skipu-
riti félagsins megi ráða, að aðeins
4-5 yfírmenn Flugleiða hafi heim-
ild til að ganga í störf þeirra.
Ástráður sagði í samtali við
Morgunblaðið að heimild Sigurðar
Helgasonar, forstjóra félagsins, til
að ganga í störf flugfreyja væri
skýlaus. Vitnaði hann þar m.a. til
dóms sem féll eftir verkfall
Verslunarmannafélags Suður-
nesja, en þar varð niðurstaðan sú
að forstjóra væri heimilt að innrita
farþega.
„í þeim dómum, sem hafa fallið,
er samþykkt að yfírmenn geti
gengið í störf undirmanna sinna
og það má færa að því rök að
heimildin sé bundin við þá undir-
menn, sem heyra beint undir við-
komandi yfírmann,“ sagði Ástráð-
ur. „í þessu felst, að heimildin nær
ekki til yfírmanna þeirra deilda
Flugleiða sem hafa ekkert með
störf flugfreyja að gera. Flugleiðir
geta ekki skýlt sér á bak við þessa
heimild og sett ótakmarkaðan
fjölda yfírmanna til starfa í stað
flugfreyja.“
Ástráður sagði að haft hefði
verið samband við erlend verka-
lýðssamtök um stuðning við flug-
freyjur í verkfalli, þ.á m. samband
norrænna flutningaverkamanna,
sænska alþýðusambandið o.fl.
r
i

►
i
i
i
>

Yfirmenn sinntu
öryggisgæslu
SIGURÐUR Helgason, for-
stjóri Flugleiða, og fjórir aðrir
yfirmenn flugfélagsins gættu
öryggis farþega í flugi Flug-
leiða til Amsterdam í gær-
morgun og heim aftur. En
þeir gerðu gott betur því þei
r færðu farþegum mat og
drykk og reyndu eftir fremsta
megni að verða við öllum ósk-
um sem fram voru bornar.
Nokkrir blaðamenn voru um
borð í vélinni og fylgdust þeir
grannt með frammistöðu ör-
yggisvarðanna.
Yfirmenn Flugleiða sóttu
námskeið undir eftirliti Flug-
málastofnunar sem var yfir 40
klukkustunda langt og lauk
með prófi. Árangur þeirra var
í heildina ny'ög góður og fékk
forstjórinn t.d. 10 í einkunn.
Fyrsta „freyja“ I vélinni var
Kolbeinn Jóhannesson, aðstoð-
arstöðvarstjóri í Keflavík.
Aðrir öryggisverðir voru
Sveinbjörn Egilsson, innri
endurskoðandi, Knut Berg,
svæðisstjóri Flugleiða í Skand-
inavíu, Sigurður Helgason for-
stjóri og Jón Sigurðsson, yfir-
maður flugeldhússins í Kefla-
vík.
Kolbeinn talaði við farþega
um hátalarakerfi vélarinnar
og gerði þeim grein fyrir því
að vegna verkfalls flugfreyja
hefðu yfirmenn Flugleiða
fengið þjálfun til að gegna
öryggisgæslu um borð I vélum
félagsins. Síðan var farið yfir
öryggisatriði og var sérstak-
lega til þess tekið hversu Iát- -
bragð öryggisvarðanna hefði
verið fumlaust og skýrt.
Þegar að því kom að fram-
reiða mat og drykk var far-
þegum tilkynnt aftur að yfir-
menn Flugleiða væru í vélinni
fyrst og fremst til að gæta
öryggis farþega. Vegna tímas-
korts á námskeiði hefðu þeir
ekki hlotið mikla þjálfun i
þjónustu og því væri hún ekki
eins góð og farþegar félagsins
ættu alla jafna að venjast.
Öryggiverðirnir stóðu sig
þó af stakri prýði í fram-
reiðslu matar og drykkjar og
var ekki að heyra á neinum
farþega að frammistaða
þeirra hefði verið slök. Hið
eina sem ekki var eins og í
venjulegu millilandaflugi var
það að ekki fór fram nein sala
úr Saga Boutique.
SIGURÐUR Helgason og Kolbeinn Jóhannesson,
bera fram drykki í vélinni frá Amsterdam.
KNUT Berg, svæðissljóri Flugleiða í Skandin-
avíu, réttir fram kaffibolla með bros á vör.

. Morgunblaðið/Kristinn
FLUGFREYJUR og flugliði afhentu farþegum orðsendingu áður en þeir fóru í vegabréfaskoðun í
Leifsstöð í gærmorgun. I orðsendingunni er því mótmælt að yfirmönnum Flugleiða sé ætlað að sinna
hlutverki flugfreyja um borð eftir fimm daga námskeið. Frá vinstri eru Omar Ellertsson, Guðrún
Georgsdóttir og Jórunn Þóra Sigurðardóttir.