Morgunblaðið - 29.03.1995, Blaðsíða 14

14 MIÐVIKUDAGUR 29. MARZ 1995
MORGUNBLAÐIÐ
AKUREYRI
Fimm ættliðir í kvenlegg
FIMM ættliðir í beinan kvenlegg
áttu saman góða stund á Akur-
eyri á dögunum. Ættmóðirin,
Indíana Albertsdóttir, er sitjandi
frá vinstri, aftan við hana er
Aðalheiður Stefánsdóttir, við
hlið hennar stendur Halldóra
Eiríksdóttir, Hrafnhildur Har-
aldsdóttir er sitjandi til vinstri
en í fangi hennar er Alexandra
Yr Thorarensen sem er fimm
mánaða gömul. Indíana er 89 ára
og býr í Kópavogi, en afkomend-
urnir á Akureyri.
Aðhalds gætt í rekstri Kaupfélags Eyfirðinga
Unnið verður að
lækkun skulda
FYLLSTA aðhalds verður áfram
gætt í rekstri Kaupfélags Éyfirðinga
og verður áfram unnið að því að
lækka skuldir félagsins.
Fram kom á aðalfundi KEA sem
haldinn var um helgina að horfur
fyrir árið 1995 eru misjafnar eftir
greinum. Nýgerðir kjarasamningar
munu auka launakostnað félagsins
um a.m.k. 50 milljónir króna á ár-
inu. Forráðamenn félagsins eru þó
þakklátir því að samningar náðust
án verkfalla og að þeir stefna ekki
þeim stöðugleika í voða sem er
grundvöllur þess að vextir verði
áfram lágir.
Samdráttur í fiskveiðiheimildum
gerir erfiðara fyrir með útgerð og
fiskvinnslu og væntanlegur innflutn-
ingur á landbúnaðarafurðum kemur
til með að þrengja að afurðarstöðv-
um félagsins. Aukinn hagvöxtur og
kaupmáttur styrkir hins vegar
grundvöll annarra greina hjá félag-
inu.
Skuldir Kaupfélags Eyfirðinga
voru í árslok 4.719 milljónir króna
og höfðu hækkað um 61 milljón
milli ára. Meðal skulda er talin sér-
stök niðurfærsla, 66 milljónir, sem
tekin var til að mæta áhættu af frek-
ara tapi af rekstri dótturfélaga, eink-
um vegna vatnsútflutnings.
Hlutabréf fyrir 158 milljónir
KEA keypti hlutabréf fyrir 158
milljónir króna á liðnu ári, þar af
143 milljónir í Akva USA, en helm-
ingurinn af þeirri upphæð eru hluta-
bréf sem félagið keypti af Akva hf.
og lækkuðu skuldir þess félags við
KEA sem því nam. Hinn helmingur-
inn var skuldbreyting við Akva USíó.
Af öðrum stærri hlutafjárkaupum
má nefna aukningu í Dagsprenti
fyrir 6 milljónir króna, en einnig í
því tilfelli var um skuldbreytingu að
ræða.
Endanleg fjárfestingaáætlun fyr-
ir þetta ár liggur ekki fyrir en reynt
verður að halda fjárfestingum í lág-
marki ef undan eru skilin hugsanieg
skipa- og kvótakaup. Samþykktar
fjárfestingar 1995 eru að fjárhæð
rúmar 130 milljónir króna og má
nefna í því sambandi vél- og hug-
búnað fyrir tölvudeild fyrir 20 millj-
ónir, breytingar í byggingavöru-
deild fyrir sömu upphæð, viðbygg-
ingu við matvöruverslun á Siglufirði
fyrir 15 milljónir og að keyptur
verður ný mjólkurtankbíll fyrir um
10 milljónir.
Héraðsdómur Norðurlands eystra í
máli fertugs karlmanns
15 mánaða fangelsi
fyrir kynferðislega
misnotkun stjúpdóttur
Fjölbreytt dagskrá á Akureyri um páskana
Blanda af útivist, íþróttum
listum, menningu og afþreyingu
Morgunblaðið/Rúnar Þór
UNNUR Signrðardóttir með veggspjald páskahátíðarinnar.
FERTUGUR karlmaður hefur í
Héraðsdómi Norðurlands eystra
verið dæmdur í 15 mánaða fang-
elsi fyrir kynferðislega misnotkun
á stjúpdóttur sinni.
Dómur var kveðinn upp í málinu
í Héraðsdómi Norðurlands eystra í
apríl á liðnu ári, ákærði áfrýjaði
til Hæstaréttar sem í október síð-
astliðnum ómerkti héraðsdóminn
og vísaði málinu heim í hérað til
frekari meðferðar og dómsálagn-
ingar að nýju.
Maðurinn hafði verið ákærður
fyrir að hafa á árunum 1982-1987
misnotað kynferðislega tvær
stjúpdætur þáverandi eiginkonu
Eyjafjarðar-
braut eystri
lagfærð
NÝR tæplega 4 km kafli á Eyja-
íjat'ðarbraut eystri, frá Þverá að
Laugalandi, verður lagður í sumar.
Vegurinn verður lagður bundnu
slitlagi.
Ari B. Hilmarsson á Þverá átti
lægsta tilboð í veginn í nýlegu
útboði Vegagerðarinnar, tæplega
18 milljónir kr. Er það 9 milljónum
kr. undir kostnaðaráætlun.
sinnar. Fyrri hluta tímabilsins
beindust brot mannsins gegn eldri
stúlkunni, sem þá var 9-12 ára, og
seinni hluta tímabilsins gegn yngri
stúlkunni sem þá var 8-11 ára.
Brotin voru kærð haustið 1993.
Ákærði játaði við yfirheyrslu
brot gagnvart eldri stúlkunni, en
neitaði að atferli hans hafi verið
af þeirri stærðargráðu sem ákært
var fyrir. Að áliti dómsins er nægi-
lega sannað að ákærði hafi í endur-
tekin skipti viðhaft kynferðismök,
önnur en samræði, við stúlkuna
allt frá árinu 1982-1986 og hafi
þannig unnið sér til refsingar sam-
kvæmt almennum hegningarlög-
um.
Gagnvart yngri stúlkunni játaði
ákærði eingöngu áreitni og snert-
ingu utan klæða í eitt skipti. Af-
dráttarlaus neitun ákærða og þar
sem annarra sönnunargagna nýtur
ekki við voru að áliti dómsins ekki
framkomnar fullnægjandi sönnur
fyrir sekt hans gagnvart yngri
stúlkunni og var hann því sýknaður
af sakargiftum.
Ómerking Hæstaréttar á fyrri
málsmeðferð Héraðsdóms Norður-
lands eystra byggðist á því að þýð-
ingarmikil gögn við mat á sönnun-
argildi munnlegs framburðar
stúlknanna og mannsins skorti.
Slíkra gagna var aflað, m.a. álits-
gerða sálfræðinga og geðlækna
bæði að því er ákærða og stúlkurn-
ar varðar áður en dómur var að
nýju kveðinn upp í Héraðsdómi
Norðurlands eystra. Ólafur Ólafs-
son héraðsdómari kvað upp dóm-
inn.
SÓL, snjór, skíði, skemmtun eru
nokkurs konar einkunnarorð fyr-
ir páskahátíð sem hagsmunaaðil-
ar í ferðaþjónustu á Akureyri
efna til í bænum um páskana.
Þetta er í fjórða sinn sem efnt
er til slíkrar hátíðar og sagði
Magnús Már Þorvaldsson fram-
kvæmdastjóri hennar að ætlunin
væri að halda hátíðina nú með
eftirminnilegum hætti, en dag-
skrá hennar var kynnt á blaða-
mannafundi í gær.
Bryddað upp á nýjungum
Heimamenn og ferðafólk geta
valið úr fjölmörgum dagskráratr-
iðum á sviði útivistar og íþrótta
og einnig á lista og menningar-
sviðinu. Bryddað verður upp á
ýmsum nýjungum og margt gert
til að gera fólki dagamun.
Stórtónleikar Krisijáns Jó-
hannssonar, Sigrúnar Hjálmtýs-
dóttur og Sinfóníuhljómveitar
Norðurlands verða í KA-húsinu
12. apríl, kvöldið fyrir skirdag.
Lyftur verða opnar í Hlíðar-
fjalli alla dagana frá kl. 10 til 17,
lagðar verða göngubrautir dag-
lega og boðið verður upp á skíða-
kennslu. Eyjólfur Kristjánsson
verður á ferðinni í fjallinu með
gítarinn sinn. Efnt verður til grill-
veislu og fyrirhugað er að reisa
útiveitingahús þar sem afgreitt
verður yfir borð mótað í snjó,
m.a. kleinur og kakó. Guðsþjón-
usta verður í Hlíðarfjaili á páska-
dag. Allir geta tekið þátt í páska-
eggjaleit og keppt verður á skíð-
um og snjóbrettum þessa daga
og sérstakur barnaleikgarður
verður útbúinn.
Skautasvellið verður einnig
opið daglega og fram á kvöld ef
veður leyfir og verður m.a. efnt
til skautahlaups og diskóteks á
svellinu. Göngubrautir verða
troðnar í Kjamaskógi og vélsleða-
leiga verður við Réttarhvamm
neðan Hlíðarfjalls. Unnt verður
að leigja tíma í íþróttahúsinu við
Laugagötu gegn vægu gjaldi en
það er í námunda við Sundlaug
Akureyrar sem opin verður alla
hátíðardagana til kl. 19.00. Þá
verða sólbaðsstofur og líkams-
ræktarsalir opnir fram eftir
kvöldi alla hátíðadagana og
skemmtistaðir bjóða upp á rýmri
opnunartíma en vant er.
Föstudaginn langa verður dag-
skrá í Súlumýrum og munu snjó-
bílar og sleðar draga fólk þangað
upp eftir en þar verður m.a. grill-
veisla.
Leikfélag Akureyrar er eina
atvinnuleikhúsið sem sýnir um
páskana og verður Djöflaeyjan
sýnd fjórum sinnum þessa daga
og verður miðnætursýning að
kvöldi föstudagsins langa, en aðr-
ar sýningar kl. 20.30 12. apríl,
skírdag og laugardaginn fyrir
páska.
Þá má nefna að sýning verður
í Listasafninu, í Deiglunni og víð-
ar og Bílabíó verður við Leiru-
nesti. Þá verður efnt til ljós-
myndasamkeppni.
Um miðnætti laugardaginn 15.
apríl kvöldið fyrir páskadag verð-
ur Matthíasarganga, safnast verð-
ur saman við Ráðhústorg og
gengið með kyndla að Lystigarði
framhjá Sigurhæðum, húsi Matt-
híasar Jochumssonar, og munu
félagar í Kór Akureyrarkirkju
leiða fjöldasöng en göngunni lýk-
ur með flugeldasýningu.
TAXI B.S.0.
SÍMI 11010
HÖFÐI
Pvottahús ■ Jatalítun
//afn(irstræli 34 - Sími 22330
í
I Æ
í
i
c
c
L
i
«
c
(
c
c
í
c
c
c
c
c
c
c
c
t
t
*
+