Morgunblaðið - 29.03.1995, Blaðsíða 20

20 MIÐVIKUDAGUR 29. MARZ 1995
ERLENT
MORGUNBLAÐIÐ
Forseta-
frú í vin-
áttuför
Ráðstefna átta ríkja um fiskveiðar í Norðursjó
Bræðsluveiðarnar
ekki takmarkaðar
HILLARY Clinton forsetafrú
Bandaríkjanna er um þessar
mundir á 12 daga vináttuferð
um ríki Suðaustur-Asíu. Til-
gangurinn er að efla félagsleg
tengsl milli þessara ríkja og
Bandaríkjanna. Kom hún til
Pakistans á sunnudag og kom
til kvöldverðar í Lahore í fyrra-
kvöld klædd að hætti pakistan-
skra kvenna. Myndin var tekin
við það tækifæri. Benazir
Bhutto forsætisráðherra er
lengst til vinstri en forsetafr-
únni á vinstri hönd er dóttir
hennar Chelsea. í gær kom for-
setafrúin til Indlands þar sem
hún kvaðst m.a. ætla kynna sér
kvenréttindamál og hvemig
búið er að konum, bömum og
fátækum.
London. The Daily Telegraph.
ÁTTA ríki hafa ákveðið að takmarka
ekki bræðslufiskveiðar í Norðursjó,
þ.e. veiðar á tegundum eins og sand-
síli fyrir fiskmjölsiðnaðinn. Búist er
við að sjómenn, stangveiðimenn og
umhverfisverndarsinnar bregðist
ókvæða við þessari ákvörðun.
Sandsíli eru mikilvæg fæða fyrir
annan fisk og fugla og þeir sem
hafa beitt sér fyrir kvóta á veiðarn-
ar eru sannfærðir um að þær komi
niður á sjófuglum, höfrungum, hnís-
um, laxi og silungi, og komi í veg
fyrir vöxt fiskstofna eins og þorsks
og ýsu.
Embættismenn ríkjanna átta
komu saman í Danmörku í vikunni
sem leið til að ganga frá drögum
að yfirlýsingu ráðstefnu um fiskveið-
ar í Norðursjó sem ráðgerð er í júní.
Þeir komust að þeirri niðurstöðu að
kvótar á bræðsluveiðarnar kynnu að
grafa undan sameiginlegri sjávarút-
vegsstefnu Evrópusambandsins.
Vildu ekki bæta Dönum
skerðingu bræðslukvóta
Meira en milljón tonn af sandsíli
eru veidd í bræðslu í Norðursjó á
ári hveiju. Danir hafa fengið að
veiða helminginn þar sem hlutur
þeirra í öðrum veiðum er mjög lítill.
Um 400 dönsk skip stunda bræðslu-
veiðarnar.
Með því að setja kvóta á bræðslu-
veiðarnar hefðu hin ríkin þurft að
fallast á minni kvóta á öðrum nytja-
fiski til að bæta Dönum upp miss-
inn. Þau voru ekki tilbúin til þess
og fiskifræðingar leggja mikla
áherslu á að kvótar verði skertir um
allt að 30%.
Embættismennirnir samþykktu
hins vegar að ieggja til að áhrif
bræðsluveiðanna yrðu rannsökuð
þegar fram líða stundir.
Þegar hafa komið fram vísbend-
ingar um að veiðarnar hafi veruleg
áhrif á aðra stofna.
Fiskifræðingar segja að verði
veiðarnar minnkaðar um 40% myndi
lýsustofninn stækka um 20%, ýsu-
stofninn um 10% og þorskstofninn
um 3%.
Reuter
Winnie
þögul
Jóhannesarborg. Reuter.
LÖGMENN Winnie Mandela sögðu
í gær, að hún væri á leið til heimil-
is síns í Soweto og myndi ekki láta
neitt frá sér fara varðandi brott-
rekstur hennar úr ríkisstjórninni.
Nelson Mandela, forseti Suður-
Afríku og eiginmaður Winnie
Mandela, vék konu sinni úr stjórn-
inni í fyrradag. Hún var aðstoðar-
ráðherra á sviði lista, menningar,
vísinda og tækni.
Forsetinn gaf enga ástæðu fyrir
brottvikningunni og hún hefur ekki
hafa áhrif á stöðu hennar sem þing-
manns Afríska þjóðarráðins
(ANMC) eða á formennsku hennar
í hinu öfluga kvennaráði ANC.
Winnie Mandela hefur ítrekað
gerst sek um agabrot og komið
forsetanum í klípu með framkomu
sinni.
Einnig sætir hún lögreglurann-
sókn vegna meintrar spillingar og
fyrir að misnota aðstöðu sína í rík-
isstjórn í auðgunarskyni.
Mandela hjónin skildu að borði
og sæng árið 1992.
Leitin í húsum sértrúarsafnaðar í Japan
Lögreglan
býst við að
finnalík
Kamiku Isshiki. Reuter.
JAPANSKA lögreglan hélt í gær
áfram leit sinni í húsakynnum sér-
trúarsafnaðarins Aum Shinri Kyo
og bjóst við að fínna þar lík og frek-
ari vísbendingar um að söfnuðurinn
hefði búið til taugagas.
Japanska dagblaðið Yomiuri
skýrði frá því að lögreglan hefði
fundið mann, sem grunaður væri
um að hafa komið fyrir pakka með
taugagasinu sarin í neðanjarðarlest
í Tókýó 20. mars. Tíu manns biðu
bana í tilræðinu og þúsundir manna
veiktust, þar af 70 alvarlega.
Maðurinn er á spítala vegna ga-
seitrunar.
„Aum Shinri Kyo hefur ekkert
með trú að gera og við eigum eftir
að finna lík áður en langt um líð-
ur,“ sagði japanskur embættismað-
ur. Japönsk dagblöð hafa haft eftir
fyrrverandi safnaðarmeðlimum að
lík hafí verið grafin nálægt húsum
safnaðarins í þorpinu Kamiku Iss-
hiki, við rætur Fuji-fjalls.
Reuter
STÚLKUR í japanska sértrú-
arsöfnuðinum Aum Shinri
Kyo sinna daglegum störfum
sínum fyrir utan hús safnað-
arins. Á bak við þær eru lög-
reglumenn.
Claes ekki ferða-
fær vegna flensu
Brussel. Reuter.
WILLY Claes, framkvæmdastjóri
Atlantshafsbandalagsins, NATO,
frestaði í gær fyrirhugaðri heim-
sókn sinni til Tyrklands og Grikk-
lands vegna veikinda en embættis-
menn NATO segja Claes vera með
flensu. Sögðu þeir hann hafa tekið
ákvörðun um þetta í samráði við
lækna og að frestunin tengdist
ekki ásökunum um tengsl hans við
spillingarmál sem skekið hefur
stjómmálaumræðu í Belgíu.
Claes átti að fljúga til Tyrklands
í dag, miðvikudag og ’nalda til
Grikklands á fímmtudag. Heim-
sókn þessi var talin mikilvægur
þáttur í því að bæta samskipti ríkj-
anna. Þá var ætlunin að Claes
ræddi hernad Tyrkja á hendur
skæruliðum Kúrda í Norður-írak.
Bankaleynd aflétt
Svissnesk yfirvöld hafa ákveðið
að aflétta bankaleynd svo að Belg-
ar geti kannað reikninga vegna
spillingarmáls þess sem Claes er
talinn tengjast. Hafa nokkrir
flokksbræður hans í Flæmska sós-
íalistaflokknum viðurkennt að hafa
vjtað af leynilegum greiðslum ít-
aísks þyrluframleiðanda til flokks-
ins árið 1989 til að tryggja að
belgíski herinn semdi við fyrirtæk-
ið.
Krefjast afsagnar
Belgíska RTL-sjónvarpsstöðin
hafði í gær eftir Claude-Bemard
Hugenin, dómara í Zúrich, að
svissneskur dómstóll hefði fyrir-
skipað að lög um bankaleynd giltu
ekki um bankareikninga sem
tengdust spillingarmálinu í Belgíu.
Meðal þeirra reikninga sem verða
skoðaðir, eru reikningar Iögfræð-
ingsins Alfons Puelinckx, Etienne
Mange, fyrrum gjaldkera Flæmska
sósíalistaflokksin og Lucs Wallyns,
starfsmanns flokksins.
Fjölmargir hafa krafist afsagnar
Claes vegna málsins en hann var
efnahagsmálaráðherra flokksins er
samningurinn við ítalska framleið-
andann var undirritaður. Þvertek-
ur Claes fyrir að tengjast mútumál-
inu á nokkum hátt.
Tyrkir
drepa 62
Kúrda
TALSMAÐUR Tyrklandshers
sagði í gær að 62 Kúrdar hefðu
verið drepnir í bardaga í Norð-
ur-írak í gær. Tyrkneska utan-
ríkisráðuneytið gerði lítið úr
gagnrýni Þjóðveija á innrásina
og bréfi sem utanríkisráðherra
Bandaríkjanna sendi þar sem
hann lét í ljós áhyggjur af
hernaðaraðgerðunum og af-
leiðingum þeirra fyrir óbreytta
borgara.
Suu Kyi laus
Íjúlí?
HÁTTSETTUR embættismað-
ur í Burma sagði í gær að her-
foringjastjórnin þar myndi ekki
halda friðarverðlaunahafanum
Aung San Suu Kyi í stofufang-
elsi til langframa. Hann vildi
ekki upplýsa hvenær henni yrði
sleppt en neitaði því ekki að
það kynni að verða í júlí.
Gucci-morðið
rakið til við-
skipta
RANNSÓKNARLÖGREGLAN
í Mílanó taldi í gær hugsanlegt
að morðið á Maurizio Gucci,
fyrrverandi stjórnarformanni
Guzzi-tískuhússins, tengdist
viðskiptasamningum. Gucci var
skotinn til bana fyrir utan skrif-
stofu sína á mánudag og morð-
inginn komst undan á bíl.
Verkfallið í
Færeyjum
heldur áfram
EDMUND Joensen, lögmaður
Færeyja, sagði í viðtali við Dim-
malætting í gær að samninga-
nefndirnar í kjaradeilu opin-
berra starfsmanna, sem eru í
verkfalli, yrðu að leysa hana
sjálfar. Hann kvað landstjórn-
ina ekki ætla að leggja sáttatil-
lögu, sem opinberir starfsmenn
hafa hafnað, fram sem laga-
frumvarp á lögþinginu. Starfs-
menn pósthúsa efndu til sólar-
hrings samúðarverkfalls í gær.
Fæddist
fimm árum
eftir getnað
STÚLKUBARN fæddist á dög-
unum í Bretlandi tæpum fimm
árum eftir getnað. Fóstrið hafði
verið geymt frosið í fjögur ár
og tvo mánuði þar til lífforeldr-
arnir fundu konu sem vildi ala
barnið. Samkvæmt nýjum Iög-
um í Bretlandi verður að eyða
fóstrum þegar þau hafa verið
geymd í fimm ár.
Verkfall hjá
Air Inter
VERKFALL starfsmanna Air
Inter, stærsta flugfélags
Frakklands í innanlandsflugi,
varð til þess að aflýsa varð
helmingi 400 áætlunarferða í
gær. Efnt var til verkfallsins
til að mótmæla áformum um
að fækka starfsfólkinu um 600.
Búist er við að starfsmenn lesta
og strætisvagna í París leggi
einnig niður vinnu á næstunni.
Verkföllin gætu truflað barátt-
una fyrir forsetakosningarnar.