Morgunblaðið - 19.04.1995, Blaðsíða 68

MORGUNBLAÐIÐ, KRINGLAN I, 103 REYKJAVÍK, SÍMI 569 1100, SÍMBRÉF 669 1181,
PÓSTHÓLF 3040, NETFANG MBUSCENTRUM.IS / AKUREYRI: HAFNARSTRÆTl 85
MIÐVIKUDAGUR 19. APRÍL 1995
VERÐ í LAUSASÖLU 125 KR. MEÐ VSK
Búist við að Davíð fái um-
boð til stj órnarmyndunar
Morgunblaðið/Þorkell
Bréf bæjarsjóðs Bol-
ungarvíkur í Ósvör
Bakki kaupir
ekki nema
skuldbreyt-
ing fáist
EKKERT verður af kaupum Bakka
hf. í Hnífsdal á bréfum Bolungar-
víkurbæjar í Osvör, nema fyrirvarar
um skuldbreytingar verði uppfylltir.
Framvinda málsins gæti ráðist á
stjórnarfundi í Byggðastofnun á
næstunni.
Bakki hf. hefur sent lánardrottn-
um minnispunkta, þar sem gerð er
grein fyrir hugmyndum fyrirtækis-
ins um uppbyggingu og rekstur
hins sameinaða sjávarútvegsfyrir-
tækis í Bolungarvík. Þar kemur
m.a. fram, að Bakki muni beita sér
fyrir almennu hlutafjárútboði í Ós-
vör hf. innan þriggja ára, að lok-
inni endurskipulagningu. Vissa sé
fyrir því að unnt verði að ná inn
verulegu hlutafé, en ekki sé hægt
að upplýsa hvaðan það komi.
Santvinna til hagræðingar
í minnispunktum þessum kemur
og fram, að áhersla verði lögð á
endurbætur og uppbyggingu rækju-
vinnslu í frystihúsinu í Bolungarvík,
auk þess sem náin samvinna verði
hjá Bakka og Ósvör um útgerð, í
þeim tilgangi að auka hagkvæmni
í hráefnisöflun og vinnslu.
Klögumálin ganga á víxl
DAVÍÐ Oddsson, forsætisráðherra og formaður Sjálfstæðisflokksins,
baðst í gær lausnar fyrir ríkisstjórn Sjálfstæðisflokks og Alþýðuflokks.
Búist er við að forseti íslands veiti Davíð umboð til stjórnarmyndunar
í dag. Davíð greindi Jóni Baldvin Hannibalssyni, utanríkisráðherra og
formanni Alþýðuflokksins, frá því síðastliðinn mánudagsmorgun að sjálf-
stæðismenn hefðu ákveðið að slíta viðræðum flokkanna um áframhald-
andi stjórnarsamstarf og sagðist jafnframt hafa náð samkomulagi við
Halldór Ásgrímsson, formann Framsóknarfl'okks, á páskadagskvöld um
að reyna stjórnarmyndun Sjálfstæðisflokks og Framsóknarflokks.
Lagði fram lausnarbeiðni
Forsætisráðherra gekk á fund
Vigdísar Finnbogadóttur, forseta
íslands, kl. 10.30 í gærmorgun, að
loknum ríkisstjórnarfundi, og lagði
fram lausnarbeiðni sína. Davíð
sagðist í gær telja eðlilegt að hann
mælti með því við forseta að Sjálf-
stæðisflokkurinn fengi stjómar-
myndunarumboðið. Lausnarbeiðni
forsætisráðherra fylgdi sá rök-
stuðningur að ríkisstjórnarflokk-
amir hefðu haldið velli í nýafstöðn-
um alþingiskosningum með minnsta
mögulega þingstyrk meirihluta-
stjórnar.
„Ég tel, að þýðingarmikið sé, við
núverandi aðstæður, að ríkisstjórn-
in búi við öflugra þingfylgi. Því sé
rétt að stjórnarmyndunarmöguleik-
ar á þeim gmndvelli verði reyndir,“
segir í lausnarbeiðni forsætisráð-
herra. Forseti féllst á lausnarbeiðn-
ina og fór þess jafnframt á leit að
ríkisstjórnin starfi áfram uns nýtt
ráðuneyti hefur verið myndað.
Jón Baldvin gagnrýndi Davíð
Oddsson harðlega í gær fyrir að
taka upp stjórnarmyndunarviðræður
við Halldór Ásgrímsson áður en við-
ræðum Alþýðuflokks og Sjálfstæðis-
flokks var slitið. Jón Baldvin sagði
ótvírætt að viðræður Davíðs og
Halldórs hefðu verið stjómarmynd-
unarviðræður vegna þess að á fiindi
þeirra hefði verði bundið fastmælum
að Halldþr myndi mæla með því við
forseta íslands að Davíð yrði veitt
stjómarmyndunarumboð.
Davíð segist hafa áskilið sér rétt
til að tala við forystumenn annarra
flokka. Hann hafi hins vegar heyrt
það fyrst í fjölmiðlum síðastliðinn
mánudag að Jón Baldvin hafi sagt
formanni Framsóknarflokksins á
fundi þeirra á mánudag í seinustu
viku að ef viðræður Sjálfstæðis-
flokks og Alþýðuflokks sigldu í
strand, hefði hann fullt umboð til
að lýsa því yfir að hann myndi þá
mæia með því við forseta Islands,
að formaður Framsóknarflokksins
fengi umboð til að mynda fjögurra
flokka vinstri stjórn.
Halldór Ásgrímsson gagnrýndi
Ólaf Ragnar Grímsson, formann
Alþýðubandalagsins, harðlega í gær
fyrir vinnubrögð hans við að koma
á fót vinstri stjórn. Ólafur Ragnar
var aftur á móti mjög harðorður í
garð Halldórs fyrir að veita Davíð
Oddssyni stuðning til stjórnarmynd-
unar.
Ákvörðunar forseta
vænst í dag
Forystumenn allra -stjórnmála-
flokkanna komu á fund forseta í
gær og greindu frá afstöðu sinni
til stjórnarmyndunar. Halldór Ás-
grímsson gekk á fund forseta kl.
13.30 og lagði til að formanni Sjálf-
stæðisflokksins yrði afhent stjórn-
armyndunarumboðið. Búist er við
að forseti muni tilkynna ákvörðun
sína um hveijum verður veitt um-
boð til stjórnarmyndunar fyrir há-
degi í dag.
■ Stjórnarmyndun/
6/10/11/12/13/14/34/35
Forsætisráðherra
biðst lausnar
DAVÍÐ Oddsson forsætisráð-
herra gekk á fund Vigdísar Finn-
bogadóttur forseta íslands í gær
og baðst lausnar fyrir sig og
ráðuneyti sitt. Vigdís ræddi í gær
við leiðtoga stjórnmálaflokkanna
og búist er við að hún veiti Dav-
íð í dag umboð til að mynda nýja
ríkisstjórn. í kjölfarið hefjist
formlegar viðræður Framsókn-
arflokks og Sjálfstæðisflokks.
Ekki liggur fyrir með hvaða
hætti viðræðurnar verða en það
verður rætt nánar í dag. Til
greina þykir koma að skipa hópa
til að fara yfír einstök málefni
eða að skipa sérstakar viðræðu-
nefndir flokkanna.
Sjókæli-
kerfi í
Beiti NK
UNNIÐ er að uppsetningu sjókæli-
kerfis um borð í Beiti NK, en áhugi
á sjókælingu síldar- og loðnuafla
um borð í fiskiskipum fer nú vax-
andi hér á landi.
Sjókæling hefur verið notuð lengi
við Noreg, írland og Hjaltland og
er nú forsenda þess að fiskurinn
fáist keyptur til manneldis eða
vinnslu á hágæðamjöli. Sjómenn og
útgerðir fá hærra verð fyrir aflann
en ella og veruleg kæling aflans
er nánast forsenda þess að hægt
sé að nýta til fullnustu þá mögu-
leika sem veiðar á síld, kolmunna
pg makríl í Síldarsmugunni gefa
íslendingum.
Byrjað að
moka Breiða-
dalsheiði
VEGAGERÐIN hófst í gær handa
við snjómokstur á Breiðadalsheiði í
fyrsta skipti síðan í febrúar.
Að öllu jöfnu á að moka heiðina
þrisvar í viku en vegna þeirrar ótíðar
sem verið hefur í vetur hefur heiðin
ekki verið opnuð síðan í febrúar.
Moksturinn hófst um hádegisbil í
gær, að sögn lögreglu á ísafirði, og
stóð fram á kvöld og var þá enn
ekki búið að opna yfir til Önundar-
fjarðar og áætluðu lögreglumenn að
moksturinn væri tveggja daga verk
vegna hinna miklu snjóþyngsia.
Eins og kunnugt er var í síðasta
mánuði lokið við að sprengja haftið
í Breiðadalslegg Vestfjarðagang-
anna. Um páskana voru göngin opin
fyrir almennri umferð þannig að um
þau var fært milli Öndundaríjarðar
og byggðanna við Djúp en göngunum
hefur nú verið lokað.
UNNIÐ er að uppsetningu sjókælikerfis í Beiti NK.
■ Vaxandi áhugi/C2
■ Skuldbreyting/C5