Morgunblaðið - 03.08.1995, Blaðsíða 11

MORGUNBLAÐIÐ
FIMMTUDAGUR 3. ÁGÚST 1995 11
FRÉTTIR
Forseti Heimssambands ólympíunefnda heimsækir Ölympíunefnd Islands
Vill beita sér fyrir íslenskum
fulltrúa í Alþjóðaólympíunefndina
í huga Mexíkóbúans Mario Vázquez Rana,
forseta Heimssambands ólympíunefnda, er
ísland litla ríka landið í ólympíusamfélaginu.
Þórmundur Jónatansson og Sigríður
Hagalín hittu íþróttaleiðtogann að máli.
Morgunblaðið/Golli
MARIO Vázquez Rana, forseti Heimssambands ólympíunefnda
(ANOC). Við hlið Rana er Feliciano Mayoral, sem starfar hjá ANOC.
BYLTING hefur átt sér stað í
Olympíuhreyfingunni á síðustu
fimmtán árum að mati Mexíkóbúans
Mario Vázquez Rana, forseta
Ólympíunefndar Mexíkó og forseta
Heimssambands Óiympíunefnda
(ANOC). Rana hefur fylgst náið með
starfí Ólympíunefnda víða um heim.
Nú þegar hefur hann heimsótt 175
Ólympíunefndir af þeim 196 sem
Alþjóðaóiympíunefndin (IOC) viður-
kennir. Af ýmsum er Rana talinn
vera einn nokkurra forystumanna
Ólympíuhreyfingarinnar sem kunni
að taka við af Juan Antonio Samar-
anch sem forseti IOC.
Vöxturinn er af hinu góða
Rana telur að rekja megi uppgang
og útþenslu hreyfingarinnar til þess
að Juan Antonio Samaranch varð
forseti IOC árið 1981. „Ég hlýt að
fullyrða að Ólympíuhreyfingin er
ekki sú sama og hún var fyrir 20
árum,“ segir Rana. „Við sem störfum
í hreyfingunni stöndum frammi fyrir
þremur fyrirbærum í augnabiikinu.
Þau eru sölumennska og atvinnu-
mennska en af því tvennu leiðir það
þriðja að takast á við ofurútþenslu."
íþróttaleiðtoginn segir að þessi
fyrirbæri séu í raun mjög jákvæð og
eftirsóknarverð, þar sem atvinnu-
mennska leiði af sér betri leika og
meiri samkeppni. Skemmtileg keppni
á Ólympíuleikum geri það síðan að
verkum að sala aðgöngumiða eykst
og sölumennska almennt. Þá megi
loks fullyrða að því meira fé sem
Ólympíuhreyfingin hefur handa á
milli þeim mun betur sé hún í stakk
búin að aðstoða fátækari þjóðir.
Rana viðurkennir að leiðtogar
Ólympíuhreyfingarinnar verði að
gæta vel að því að útþensla hreyfing-
arinnar fari ekki úr böndum. „Hreyf-
ingin vex þó einkum vegna þess að
hún lætur gott af sér leiða. Á hveij-
um degi fjölgar þeim ungmennum
sem hafa áhuga á íþróttum og það
er það besta sem við getum komið
til leiðar," segir hann.
Þeir eru líklega ekki margir sem
hafa trú á því að Ólympíuleikar geti
farið fram á Balkanskaganum á
næstu árum. Rafia fullyrðir aftur á
móti að það sé ósk Ólympíuhreyfing-
arinnar að vetrarólympíuleikar verði
hugsanlega haldnir að nýju árið 2006
í Sarajevo en vetrarólympíuleikar
voru haldnir þar árið 1984.
Framlag til friðar
„Ég held að boðskapur hreyfingar-
innar hafi gert margt til að skapa
goðsögn um íþróttaleikvanginn og
heimsfriðinn. Vandamálið er að þjóð-
ir í stríði veita Ólympíuhreyfingunni
ekki mikla athygli. í fyrra þegar
neyðarópin frá Balkanskaganum
voru sem háværust fórum við Sam-
aranch til Sarajevo í þeim erinda-
gjörðum að undirstrika þá ósk okkar
að hægt verði að halda vetrarólymp-
íuleika þar aftur eftir u.þ.b. 10 ár.
Þetta tel ég vera viðleitni hreyfíngar-
innar og framlag til að binda enda
á stríðsátök í fyrrum Júgóslavíu."
Þegar Rafia er inntur eftir mati
sínu á stöðu smáþjóða, s.s. Islands,
innan Ólympíuhreyfingarinnar tekur
hann skýrt fram að stærð þjóða sé
ekki mælikvarði í samstarfi þeirra
innan hreyfingarinnar. Slíkur sam-
anburður sé ekki rökréttur þar sem
öll lönd hafi jafnan þátttökurétt á
Ólympíuleikum.
„Fyrst og fremst er það framiag
íþróttamanna semjgerir þjóð að smá-
þjóð eða stórþjóð. Island getur t.a.m.
sent jafnmarga íþróttamenn á leika
og Bandaríkjamenn. Aftur á móti
verða þeir að sýna fram á sömu getu
og Bandaríkjamenn sem aftur eru í
betri aðstöðu til að finna góða
íþróttamenn," segir Rafia. „í þessu
liggur munur milli ríkja og því reyn-
ir heimssambandið að veita smærri
ríkjum aðstoð vegna þátttöku þeirra
á Olympíuleikum. Við berjumst fyrir
því að allar þjóðir geti sent a.m.k. 6
fulltrúa og á þann hátt tekst okkur
að ná almennri þátttöku. Þann dag
sem okkur tekst ekki að tryggja al-
menna þátttöku þá verða ekki haldn-
ir neinir Ólympíuleikar."
Þátttaka á Smáþjóðaleikum Evr-
ópu er mjög góður vettvangur fyrir
smærri ríki til að undirbúa íþrótta-
menn fyrir stærri mót að mati Rafia.
Hann segir það vera draum sinn að
skipuleggja slíka smáþjóðaleika í
Ameríku og víðar innan fárra ára.
Aðstoð við smærri þjóðir í Ólymp-
íusamfélaginu er að sögn Rafia veitt
úr sjóði hreyfingarinnar, Ólympíu-
samhjálpinni. Aðstoðin er veitt með
fjárstuðningi til að fræða stjórnar-
menn og veita aðstoð við þjálfun og
undirbúning keppnisfólks. „Allt starf
við Ólympíusamhjálpina er unnið fyr-
ir fé Ólympíunefndanna og tel ég að
hún sé ein mikilvægasta stofnun
Ólympíuhreyfíngarinnar. Eftir sem
áður á eftir að bæta starfíð enn frek-
ar. Ég fullyrði að innan tveggja ára
verði bylting í starfi Ólympíusam-
hjálparinnar sem mun koma smá-
þjóðum sérstaklega til góða.“
Rafia telur ekki rétt að kalla ísland
smáþjóð. ísland sé vissulega lítið land
en ákaflega ríkt. Hann telur íslend-
inga ekki þurfa að hafa minnimáttar-
kennd gagnvart öðrum þjóðum í sam-
starfí þeirra innan Ólympíuhreyfíng-
arinnar. „Við aðstoðum þjóðir eins
og ykkur til að auka samkeppnis-
hæfnina. Aftur á móti er verkefni
okkar umfangsmeira í fátækari lönd-
um. í þeim kemur heimssambandið
til hjálpar við alla uppbyggingu
íþróttastarfs. í raun tel ég að Islend-
ingar eigi ekki að þurfa svo mjög á
aðstoð _ Ólympíusamhjálparinnar að
halda. ísland er ríkara en mörg önnur
lönd og landsmenn vel menntaðir.“
Vill íslenskan fulltrúa í IOC
Alþjóðaólympíunefndin er óumdeil-
anlega áhrifamesta stofnunin innan
Ólympíuhreyfíngarinnar. Jafnan er
talað um að Ólympíusamfélagið hvíli
á þremur stoðum en þær eru Alþjóða-
ólympíunefndin, Alþjóðasérsambönd-
in og Ólympíunefndir í hveiju landi.
Þegar Rafia er minntur á það að
íslendingar hafí ekki átt fulltrúa í
Alþjóðaólympíunefndinni í 30 ár eða
allt frá því að Benedikt Waage, fv.
forseti Ólympíunefndar íslands, dó
árið 1966 segir hann alls ekki útilok-
að að íslendingar endurheimti sæti
í nefndinni og um leið nokkur áhrif
í Ólympíuhreyfingunni. „Jafnvel þótt
það sé hvorki mín skylda né hlutverk
þá mun ég beita mér fyrir því að
' Island fái sæti í Alþjóðaólympíu-
nefndinni,“ segir Rafia.
Viðtöl við
Davíð o g Jón
Baldvin birt í
52 dagblöðum
í HEIMALANDI sínu situr Rana
í forsæti umfangsmikils fjölmiðla-
fyrirtækis en á þess vegum eru
reknar útvarps- og sjónvarps-
stöðvar og gefin út 52 dagblöð í
Mið- og Norður-Ameríku. Rana
hefur ósjaldan notað tækifærið á
ferðalögum sínum fyrir Ólympíu-
hreyfinguna til að hitta að máli
þjóðarleiðtoga. Fjölmiðlajöfurinn
hefur nú þegar tekið um 160 við-
töl við leiðtoga i öllum heimsins
hornum. Þegar leið hans lá til ís-
lands óskaði eftir viðtali við for-
sætisráðherra Isiands, Davíð
Oddsson. Hann ræddi einnig við
fulltrúa stjórnarandstöðunnar,
Jón Baldvin Hannibalsson, en við-
tölin verða birt samtímis í öllum
dagblöðum fjölmiðlaveldisins í
næstu viku.
Öllum íhagaðlesa viðtal
við forsætisráðherra Islands
„Ég hef alltaf borið mikla virð-
ingu fyrir Islandi," sagði Rana
aðspurður um hvað vekti forvitni
hans á islenskum stjórnmálum.
„Ég hef oft komið hingað og þar
sem ég er blaðamaður vakti það
áhuga minn að taka viðtal við
Davíð Oddsson forsætisráðherra.
Mig langar t.a.m. að vita hvað
honum finnst um viðskiptabanda-
lögin og viðskiptahindranirnar
sem eru að verða til i Evrópu og
víðar. Mér þykir það áhugavert,
ekki vegna mannkynssögunnar,
heldur vegna þess að það er öllum
í hag að vita hvað forsætisráð-
herra Islands er að hugsa.“
Rana segir það áhugamál sitt
og aukastarf að ræða við þjóðar-
leiðtoga. Á fimm síðustu árum
hefur hann m.a. tekið viðtöl við
Gorbatsjov, Jeltsín, Castro og
John Major. „Ég get nefnt Fidel
Castro, það er nauðsynlegt að tala
við hann. Þó að hann sé vinur
minn tel ég að hann sé mikill leið-
togi. Ég virði hann mikið þó að
sumum þyki hann hafa rangt fyr-
ir sér.“ Hann kveðst raunar bera
mikla virðingu fyrir öllum leiðtog-
um sem hann hefur talað við og
enginn þeirra sé öðrum fremur
minnisstæður.
í tilveruna
ttkrydderi, dei fremhævw dsa
nalurtige, gode smag ialniad
- med en blanding al
Aromat
Þessi gamla og góða
blanda sem laðar fram
rétta bragðið af fisk-
og grænmetisréttum,
sósum, súpum og
salatsósum.
Fiskikrydd
Klassísk kryddblanda
með sítrónubragði, sú
rétta á steiktan og
soðinn fisk. Gleymdu
henni ekki næst þegar
þú býrð til fiski- eða
grænmetisgratín.
^ <Srekt pá grónsaksrátter, gral
^stuvningar, samt társka qrðnsa/.?'
Grænmetiskrydd
Kryddjurtablanda
sem kitlar bragð-
laukana. Omissandi í
kaldar sósur, græn-
metissalöt og gratín.
Prófaðu hana líka í
fiskrétti.
Ásbjörn Ólafsson hf. Skvítuvogi UA Sími: 588 7900
Enktydderiblandíng,
ist ariske kokken, de
at smage ægtc grsesk.

Kod&GriU
loydderí
Grískt
hvítlaukskrydd
Ekta hvítlauksbragð sem
svíkur engan. Prófaðu
það á grillað lambalæri,
humarinn og heita
brauðið og þér finnst þú
vera á Grikklandi.
Kjöt- og grillkrydd
Kryddblanda sem kallar
fram rétta bragðið af öllu
grilluðu og steiktu kjöti.
Nokkur korn gera
kraftaverk fyrir túnfisk-
og rækjusalatið og
kokteilsósuna.