Morgunblaðið - 26.08.1995, Blaðsíða 25

MORGUNBLAÐIÐ
LAUGARDAGUR 26. ÁGÚST 1995 25
AÐSENDAR GREINAR
Ungt sjálfstæðis-
fólk og ESB
JOHANNA Vil-
hjálmsdóttir, formaður
utanríkismálanefndar
Sambands ungra sjálf-
stæðismanna, gagnrýn-
ir fréttafrásögn
Morgunblaðsins af
þingi sambandsins um
síðustu helgi, sem und-
irritaður skrifaði. Segir
hún það hafa verið
„mjög gróft“ að túlka
upphafssetningu ESB-
kafla utanríkismálaá-
lyktunarinnar þannig
að verið væri að hafna
aðild að bandalaginu.
Setningin sem Jó-
hanna á við hljóðar svo:
„Hægt er að útiloka
aðiíd íslands að Evrópusambandinu."
Andstæðingar ESB-aðildar á þing-
inu töldu að upphafleg drög að álykt-
un væru of jákvæð í garð ESB og
lögðu því fram breytingartillögu við
kafiann, þar sem kveðið var á um
að ofangreind setning kæmi í stað
eftirfarandi setningar:
„Ekki er hægt að útiloka aðild
íslands að Evrópusambandinu.“
Marklaus setning?
Allflestir hljóta að viðurkenna að
merkingarmunur er á þessum tveim-
ur setningum. Fullyrða má að þing-
fulltrúar skildu breytingartillöguna
almennt á þá leið að henni væri
ætlað að koma á framfæri andstöðu
gegn hugsanlegri ESB-aðild Islend-
inga (eða hugsanlegri aðildarumsókn
eftir ríkjaráðstefnuna 1996 því varla
leggur ríki fram umsókn nema það
stefni að aðild.)
Þrír fulltrúar tjáðu sig um efni
breytingartillögunnar úr ræðustóli
og var ekki á neinum þeirra að heyra
að hún væri marklaus eins og Jó-
hanna heldur fram. Þvert á móti
urðu fjörugar umræður um tillöguna
og einn ræðumanna hvatti þingfull-
trúa til að fella hana því að ekki
væri rétt að útiloka aðild að ESB.
Þá er það varla nein tilviljun að ann-
ar ræðumaður,' sem er eindreginn
andstæðingur ESB, hvatti þingfull-
trúa til að styðja tillöguna. Hafi því
einhveijir velkst í vafa
um að setningin fæli í
‘sér viljayfirlýsingu
hefðu alvöruþrungnar
umræður um hana átt
að sannfæra þá um ann-
að. Því miður sá Jó-
hanna (formaður nefnd-
arinnar) sér ekki fært á
þinginu að tjá sig um
þann skilning sinn að
umrædd setning væri
marklaus. Hefði hún
gert það hefði þess að
sjálfsögðu verið getið í
Morgunblaðinu.
Gabb ársins?
Breytingin var síðan
samþykkt með 44 at-
kvæðum gegn 32 og samkvæmt Jó-
hönnu létu því 76 þingfulltrúar gabba
sig til að greiða atkvæði um setningu
sem „segir alls ekki neitt og hefur
enga þýðingu í því samhengi sem
hún stendur," svo notuð séu hennar
eigin orð.
Fleiri breytingartillögur komu ekki
fram þannig að öðru leyti voru drög-
in samþykkt óbreytt. Ályktunin varð
því ruglingsleg, svo ekki sé meira
sagt, þar sem ESB-aðild er útilokuð
(hafnað) í byijun en síðar í textanum
er dregið allverulega í land.
Samræmingarnefnd þingsins
ákvað síðan að bjarga því sem bjarg-
að varð með því að breyta uppröðun
ályktunarinnar þannig að í endan-
legri útgáfu hennar kemur upptaln-
ing á göllum ESB-aðildar í beinu
framhaldi af umræddri setningu.
Varla hefði samræmingarnefndin
gert það ef hún teldi að tillagan
breytti ekki innihaldi ályktunarinnar
„að neinu leyti“ eins og Jóhanna
heldur fram á ritvellinum.
Tvíátta ályktun
Þegar fréttin var skrifuð var stuðst
við utanríkismálaályktunina eins og
hún var afgreidd frá þinginu og
stuðst við þá túlkuh sem kom fram
í umræðum um hana þar. Ekki er
skrítið þótt ályktun, sem stefnir í
tvær áttir um jafn mikilvægt mál
þyki tíðinda verð.
í stuttu máli sagt skipt-
ust þingfulltrúar í tvo
flokka í afstöðunni til
ESB segir Kjartan
Magnússon. Annar
vildi ekki útiloka aðild
að ESB en hinn, sem
vildi það, var fjölmenn-
ari hvort sem Jóhönnu
Vilhjálmsdóttur líkar
betur eða verr.
í stuttu máli sagt skiptust þing-
fulltrúar í tvo flokka í afstöðunni til
ESB. Annar vildi ekki útiloka aðild
að ESB en hinn sem vildi það var
fjölmennari hvort sem Jóhönnu Vil-
hjálmsdóttur líkar betur eða verr.
Jóhanna spyr: „Hvernig er hægt
að hafna aðild að Evrópusambandinu
þegar ekki 'hefur verið sótt um að-
ild!!!“ Því er til að svara að ályktanir
SUS-þings eru oft á tíðum almennar
viljayfirlýsingar _ um helstu svið
stjórnmálanna. Ákafi ESB-andstæð-
inga til að álykta gegn sambandinu
helgast líklega af því að þeir telja
raunverulega hættu á að síðar verði
sótt um inngöngu. Þeir kjósa því
væntanlega að hafna henni fyrirfram
þótt ekki hafi verið sótt um aðild.
Til frekari skýringar skal Jóhönnu
bent á að ungt sjálfstæðisfólk hafn-
aði því t.d. einnig um síðustu helgi
að ríkið tæki nokkurn þátt í bygg-
ingu tónlistarhúss. Þetta gera þeir
þrátt fyrir að málið sé einungis á
umræðustigi og formlegur undirbún-
ingur þess ekki hafinn af hálfu ríkis-
stjórnarinnar. Það þýðir þó varla að
þátttaka ríkisins í byggingu tónlist-
arhúss sé hafnað um alla framtíð,
ekki fremur en ESB-aðild.
Höfundur er blaðamaður.
Kjartan
Magnússon
Hvers virði eru
börnin okkar?
ERU börnin okkar ekki þess virði
að við beijumst með þeim við vímu-
efnavandann? Eru þau ekki þess virði
að við stöndum með þeim þegar þau
misstíga sig í lífinu? Jú, vissulega eru
þau þess virði því þau eru það dýr-
mætasta sem við „eignumst" í þessu
lífi. Ef barnið þitt verður veikt, leitar
þú til læknis því til hjálpar. Við for-
eldrar sem höfum orðið fyrir þeirri
hræðilegu lífsreynslu að horfa á eftir
barninu okkar í vímuefnaneyslu, leit-
uðum hjálpar hjá meðferðarheimilinu
Tindar. Þar fengum við alla þá hjálp
og aðstoð sem unglingurinn og fjöl-
skyldan þurfti. Því er okkur foreldr-
um óskiljanleg sú ákvörðun ráða-
manna að ætla að loka Tindum.
Hafa ráðamenn kynnt sér starf-
semi Tinda nægilega? Hafa ráðamenn
séð foreldra koma niðurbrotna með
barnið sitt í meðferð? Hafa ráðamenn
séð ungan vímu- efnaneytanda breyt-
ast úr ósjálfbjarga vesaling í barnið
aftur? Hafa ráðamenn séð gleðina
sem skín úr andlitum foreldra þegar
þeir endurheimta barnið sitt aftur?
Það er ekki átaka- og sársauka-
laust að fara með unglinginn sinn í
vímuefnameðferð. Sennilega getur
foreldri ekki orðið fyrir sárari og
þungbærari reynslu í lífinu en að
missa barnið sitt í neyslu vímuefna,
því oft eru efnin svo eitruð að varan-
leg skemmd getur orðið á óhörðnuð-
um unglingum. Það er ógerlegt fyrir
þá sem ekki hafa kynnst vímuefna-
notkun unglinga af eigin raun að
ímynda sér þá sálarkvöl sem fjöl-
skyldur þessara barna ganga í gegn-
um. Stöðugur kvíði, ótti, andvöku-
nætur og reiði. Allt heimilið verður
undirlagt og ástandið bitnar á öllum
í fjölskyldunni, ekki síst á systkinum.
Tindar eru eina úrræðið þar sem
barnið og ijölskyldan öll fá þá aðstoð
sem þau þurfa.
Síðastliðin 4-5 ár hafa 250 ung-
menni á aldrinum 13-18 ára verið
þar í meðferð, sem þýðir að 250 fjöl-
skyldur í landinu hafa fengið hjálp
frá Tindum.
Því viljum við beina þessum spurn-
ingum til ráðamanna: „Erum við
þessar 250 fjölskyldur einskis virði?
Er hægt að meta líf og heilsu barn-
anna okkar í peningum?"
Hin eiginlega meðferð á Tindum
tekur um það bil 3 mánuði og fara
fyrstu vikurnar í móttöku og grein-
Það voru alvarleg mis-
tök að loka Tindum,
segja foreldrar barna
sem verið hafa þar í
meðferð.
ingu á vandamálum einstaklingsins.
Eftir greiningu tekur meðferðin við
sem byggð er á 12 spora kerfi AA-
samtakanna. Þá er unnið með ungl-
inginn og fjölskylduna í heild. Þessi
samvinúa er ómetanleg því hér er
lagður grunnur að nýju og betra fjöl-
skyldulífi. Flestir unglingar fara heim
að lokinni þessari 3ja mánaða með-
ferð en sumir fara á áfangaheimili.
En Tindar halda áfram að halda
utan um börnin og foreldra þeirra.
Því eftir útskriftina tekur eftirmeð-
ferðarprógrammið við, þar sem fram
fer einstaklings-, hóp- og fjölskyldu-
meðferð , sem tekur 1 ár.
Hér liggur fyrst og fremst hin
mikla sérstaða Tinda í meðferðarmál-
um unglinga hér á landi, sem hjálpar
þeim að fóta sig án vímuefna og vera
virk í þjóðfélaginu. Þess vegna skilj-
um við foreldrar ekki þá ákvörðun
ráðamanna að gera lítið úr reynslu
og þekkingu, sem einstaklega færir
starfsmenn Tindá hafa byggt upp.
Ein áhrifaríkasta meðferð sem til er
hér á landi fyrir börn sem eiga í vímu-
efnavanda og foreldra þeirra. Það
vita allir sem að meðferðarmálum
standa að unglingar þurfa öðruvísi
meðferð en fullorðið fóik, sem jafnvel
á að baki margra ára alkóhólisma.
Því er það einlæg ósk okkar foreldr-
anna að ráðamenn geri ekki þau
hræðilegu mistök að loka Tindum.
Það er í anda 9. sporsins að vera
reiðubúinn til að taka öllum afleiðing-
um gerða sinna og jafnframt að
ábyrgjast velferð annarra (úr lífsvið-
horfi Bills).
Foreldrar barna sem hafa verið í
meðferð á Tindum.
Áslaug Þórarinsdóttir,
Svana Símonardóttir,
Jórunn Magnúsdóttir,
Ingibjörg Gunnarsdóttir,
Guðrún Einarsdóttir,
Dagný Sigurmundardóttir,
Eric Olafsson,
Helga Hauksdóttir.
'96 ÁRGERÐIN AF AUDI A4 ER EINSTAKLEGA GLÆSILEG. SJÓN ER SÖGU RÍKARI.
m
HEKLA
VERIÐ VELKOMIN Á KYNNINGU Á '96
ÁRGERÐINNI AF AUDI A4 í HEKLUHUSINU
LAUGARDAG KL. 12-17 OG SUNNUDAG KL. 13-17.
EINNIG ER TIL SÝNIS EIN GLÆSILEGASTA BIFREIÐ SEM
KOMIÐ HEFUR TIL ÍSLANDS, ÁLBÍLLINN AUDI A8,
PLÚSVINNINGUR HAPPADRÆTTIS HÁSKÓLA ÍSLANDS í ÁR.