Morgunblaðið - 14.12.1995, Blaðsíða 30

30 FIMMTUDAGUR 14. DESEMBER 1995
MORGUNBLAÐIÐ
_____________LISTIR___________
Svona verður sveinki til
KVIKMYNPIR
Bíóhöllin, Bíóborgin
og Borgarbíó
A k u rcy ri
ALGJÖR JÓLASVEINN
„THESANTA
CLAUSE" ★ ★ Vi
Leikstjóri: John Pasquin. Handrit:
Steve Rudnick og Leo Benvenuti.
Aðalhlutverk: Tim Allen, Eric Lloyd,
Judge Reinhold, Peter Boyle. Disney.
ALGJÖR jólasveinn er svolítið
gamaldags en skemmtileg jóla-
sveinafantasía um óbreyttan kaup-
sýslumann sem tekur við hlutverki
alvöru jólasveinsins þegar sá eini
sanni rennur niður af þakinu hans
og bókstaflega hverfur. Það eina
sem hann skilur eftir er jólasveina-
búningur og ó, já, sleðann sinn og
hreindýrateymi. Fyrir áeggjan sonar
síns klæðist maðurinn jólasveina-
búningnum, sest upp í sleðann og
heldur áfram dreifíngu jólagjafa
þaðan sem frá var horfíð. Fyrir hann
verður ekki aftur snúið. Hann er
orðinn að jólasveininum. Fyrir fjöl-
skyldu hans og samstarfsmenn gæti
hann sem best verið spítalamatur.
Bandarískar jólasveinamyndir
fýlgja ákveðinni reglu. í þeim flest-
um er ráðgátan um jólasveininn
eins og hann er börnum kunnur í
Bandaríkjunum leyst og tilurð hans
sönnuð (Grýla og Leppalúði eru
fjarri góðu gamni, hvað þá Hvera-
gerði). Út á þetta gengur til að
mynda Kraftaverkið á 34. stræti
og það er meginefni Algjörs jóla-
sveins. Hún varð óvænt metsölu-
myndin um síðustu jól í Bandaríkj-
unum en er nú sett í Evrópudreif-
ingu. Það er auðvelt að sjá hvers
vegna hún var svo vinsæl. Hún
höfðar til allrar fjölskyldunnar, er
fyndin og hæfílega væmin líka, full
af sniðugum álfum og leikföngum
og töfrum.
Tim Allen leikur jólasveininn en
hann er þekktur úr sjónvarpsþátt-
unum Handlaginn heimilisfaðir.
Hann er geðþekkur gamanleikari
og fyrri hluti myndarinnar þegar
kaldhæðnislegur húmorinn í honum
fær að njóta sín er mun betri. Það
er eins og gamansemin ijúki úr
myndinni þegar forræðisdeilur út
af syni hans taka við og klökkar
fjölskyldusenur. Tæknibrellur með
hjálp hugvitsamlegra tölvuíeikn-
inga eru notaðar til að upplýsa
krakka um aðferðirnar sem sveinki
notar til að komast akfeitur niður
alla þessa þröngu skorsteina og
hvernig tveggja metra kajak kemst
fyrir í litla pokanum hans, svo fátt
eitt sé nefnt.
Algjör jólasveinn er prýðileg fjöl-
skylduskemmtun sem vill láta
áhorfendur trúa. því staðfastlega að
jólasveinninn sé raunverulegúr. Þú
þarft ekki að vera barn til að láta
plata þig stundarkom og eiga
ánægjulega skemmtun í bíó.
Arnaldur Indriðason
Ford Transit
til afgreiðslu fyrir
Ford Transit er fádæma traustur sendibíll sem
kemur frá Ford í Þýskalandi. Tryggðu þér eintak
á kynningarverði fyrir áramót og nýttu þér
heimild til tvöfaldrar afskriftar. Transit er einnig
fáanlegur sem grindarbíll og hópferðabíll fyrir
allt að 15 manns.
Escort Van er sannkallaður yfirburða sendibíll
að öllu leyti. Fyrir það fyrsta þá er burðargeta
hans um 50% meiri en keppinautanna í sama
stærðarflokki eða alls 750 kg. Auk þess er hann
lipur og þægilegur í akstri með vökvastýri,
útvarpi/segulbandi og 1400 cc vél með beinni
innspýtingu (75 hestöfl).
*Escort Vart er nú þegar orðin mest seldi
sendibíllinn í flokki sendibíla undir 2 tonnum!
BRIMBORG
FAXAFENI 8 • SlMI 515 7010
1.598.000 ánVsk!
998.000 ánVsk!
áramót
Sá mest seldi!*
Aukabúnaður á mynd: Aurhlífar og hærra þak.