Morgunblaðið - 14.12.1995, Qupperneq 1
Sjávarútvegur
Samherji
áberandi
Ohræddur við útlendinga / 14
Menntun
Háskóli á
norðurslóð
Skólinn marki sér bás / 24
Fíkniefni
Kærum
fjölgar
Yngri neytendur/18
Morgunblaðsskrifstofa á Akureyri í 10 ár
TÍU ár eru liðin frá því Akureyrarskrifstofa
Morgunblaðsins tók til starfa í Hafnarstræti
85. Það var laugardaginn 14. desember 1985
sem hún var formlega opnuð og fyrsta frétt-
in send suður yfir heiðar, og birtist hún í
blaðinu daginn eftir. Sérblað þetta er gefið
út vegna tíu ára afmælisins og í tilefni dags-
ins er Morgunblaðið borið í öll hús á Akur-
eyri í dag.
Tækninni fleygt fram
Fyrst um sinn var það aðeins ritstjórnar-
hluti blaðsins sem var til húsa á skrifstof-
unni og starfsmaður var einn, Skapti Hall-
grímsson blaðamaður, sem nú er fréttastjóri
íþrótta á Morgunblaðinu.
Þótt ótrúlega kunni að hljóma í dag var
ritvél eina verkfærið sem notað var til skrifta
á Akureyrarskrifstofunni fyrstu mánuðina, og
fréttir og annað efni sent í flugi til höfuðborg-
arinnar. Þyrfti að senda fréttir eftir síðasta
áætlunarflug að kvöldi var textinn lesinn í
gegnum síma og annar starfsmaður blaðsins
í Reykjavík skrifaði hann inn átölvu þar.
Bréfasímar (föx) voru ekki komnir til sögunn-
ar á þessum tíma, nema að mjög takmörkuðu
leyti, og það var einungis í undantekningartil-
fellum, ef um lengri greinar var að ræða og
veður hamlaði flugi, að efni var sent suður
með þeim hætti - frá útibúi Pósts og síma.
Nú eru faxtæki nánast jafn algeng og símar
og Morgunblaðsskrifstofan löngu komin í
beint tölvusamband við höfuðstöðvarnar í
Reykjavík, þannig að blaðamennirnir, sem nú
eru tveir á Akureyri, vinna við sömu aðstæð-
ur hvað það varðar og starfsbræður þeirra
og -systur í aðalstöðvunum í höfuðborginni.
Akureyrarsíðan
Vorið 1986 fluttist afgreiðsla Morgun-
blaðsins á skrifstofuna í Hafnarstræti og síð-
an hefur öll starfsemi blaðsins á Akureyri
verið undir sama þaki. Það var um svipað
leyti, nánar tiltekið laugardaginn 31. maí
1986 - þegar sveitarstjórnarkosningar fóru
fram - sem fyrsta Akureyrarsíðan, sem svo
hefur verið kölluð, birtist í blaðinu. Þá hafði
verið ákveðið að safna fréttum frá Akureyri
á einn stað í blaðinu dag hvern og hefur sá
háttur verið hafður á síðan.
Skapti Hallgrímsson snéri til starfa á ný
í höfuðstöðvunum í Reykjavík vorið 1987
og tók Jóhanna Ingvarsdóttir þá við af hon-
um sem blaðamaður á Akureyri. Um áramót-
in 1989 til 1990 fór Jóhanna sömu leið og
þá var Margrét Þóra Þórsdóttir ráðin blaða-
maður Morgunblaðsins á Akureyri og hefur
verið í því starfi síðan. Rúnar Þór Björnsson
var ljósmyndari blaðsins á Akureyri síðustu
ár, allt þar til hann fluttist af landi brott
síðla sumars. í hans stað var ráðinn Kristján
Kristjánsson, sem verið hafði fréttastjóri á
Degi um nokkurra ára skeið og sinnir Krist-
ján jöfnum höndum starfi blaðamanns og
ljósmyndara.
Aðrir starfsmenn Morgunblaðsins á Ak-
ureyri eru nú Rúnar Antonsson afgreiðslu-
stjóri og Jódís Kr. Jósefsdóttir.
Morgunblaðið/Kristján
BIRKIR Bjarnason ásamt móður sinni, Höllu Halldórsdóttur.
Jólaföndur
í Kjamaskógi
„ AF HVERJU fylgir mörgæs með?“ spurði ein hnátan úr öðrum bekk
í Lundarskóla sem var með bekkjarfélögum sínum að útbúa jólafönd-
ur í Kjarnaskógi um liðna helgi. Nemendurnir fengu grenigrein,
rauðar slaufur og fallegt skraut, mörgæs og fleira til að hengja á
greinina sína. Lögðu þau sig öll fram um að gera hana sem best
úr garði og nutu við það aðstoðar foreldra sinna. Þegar þau höfðu
lokið við að föndra voru kökuboxin opnuð og jólasmákökurnar runnu
ljúflega niður með heitu kakói.
Samningur Laxár um sölu á fiska-
fóðri til Skretting nánast frágenginn
Tæp 5.000 tonn
fara til Noregs
á næsta ári
SAMNINGUR um sölu á fiskafóðri frá fóðurverksmiðjunni Laxá til Skrett-
ing A/S í Noregi er nánast frágengin, en búist er við að fyrirtækið selji
allt að 5000 tonnum af fóðri til Noregs á næsta ári. „Við höfum selt fóður
til Skretting undanfarin ár, á síðasta ári keyptu þeir af okkur vel á fimmta
þúsund tonn og við væntum þess að salan verði svipuð á næsta ári,“
sagði Guðmundur Stefánsson framkvæmdastjóri Laxár hf.
Eins og er liggur útflutningur
fiskafóðurs niðri, enda sá árstími
þegar minnst er að gera í fisk-
eldinu. „Við höfum verið í viðræðum
við fulltrúa Skretting að undanförnu
og samningar um viðskiptin á næsta
ári eru nánast frágengnir," sagði
Guðmundur.
Fóður til Kanada og
Danmerkur
Guðmundur sagði að þeir hjá
Laxá væru afar ánægðir með út-
flutning fyrirtækisins á fiskafóðri,
hann skiptir fyrirtækið verulegu
máli. Auk þess sem Laxá selur fiska-
fóður til Noregs hefur fyrirtækið
verið í útflutningi til Kanada og
Danmerkur og sagði Guðmundur að
menn gerður sér vonir um að fram-
hald yrði á þeim viðskiptum.
Útflutningurinn er um tveir þriðju
hlutar af allri sölu fyrirtækisins.
Guðmundur sagði að frá íslandi
væru fluttar út eldisafurðir fyrir
tæpan milljarð króna, en þau tvö
fyrirtæki sem framleiddu fiskafóður
hér á landi væru að selja fóður til
útlanda fyrir allt að 400 milljónum
króna.
Mjólkin frá
Húsavík
NOKKRIR veitingamenn á
Akureyri hafa farið út í að
kaupa mjólk frá Mjólkursam-
lagi Kaupfélags Þingeyinga á
Húsavík. Samkvæmt heimild-
um Morgunblaðsins er ástæð-
an sú að þeir eru óánægðir
með að Hótel KEA skyldi hafa
farið út í samkeppnina á pítsu-
markaðnum.
Mjólkin frá Mjólkursamlagi
KÞ er á sama verði og hjá
Mjólkursamlagi KEA en veit-
ingamennirnir þurfa hins veg-
ar að greiða flutningskostnað
frá Húsavík til viðbótar. Bar-
áttan á skyndibitamarkaðnum
á Akureyri hefur harðnað mik-
ið á síðustu misserum og eru
margir að bjóða heimsendingu
á t.d. pítsum, hamborgurum
og kjúklingum.
Aldursskipting íbúa
Flestir á
aldrinum
0-4 ára
SAMKVÆMT aldursskiptingu á
Akureyri frá síðustu áramótum,
þar sem teknir eru saman 5 ár-
gangar í einu, kemur fram að
flestir eru bæjarbúar á aldrinum
0-4 ára, eða 1.302 en fæstir 85
ára og eldri, eða 203.
íbúar á aldrinum 15-19 ára
voru næst fjölmennastir um síð-
ustu áramót eða 1.246-og þar á
eftir kemur aldurshópurinn 20-24
ára, eða 1.238.
Um síðustu áramót voru 14.937
íbúar á Akureyri og voru konur
heldur fleiri en karlar. Konur voru
7.600 en karlar 7.337.
Hver íbúi
skuldaði
395 þús.
HVER íbúi á Akureyri skuld-
aði um 65 þúsund krónur um
síðustu áramót, en þá er ein-
göngu átt við skuldir vegna
bæjarsjóðs. Þegar tekið er
tillit til skulda stofnana
bæjarins, veitustofnana,
hafnarsjóðs, húsnæðisskrif-
stofu og fleiri nema skuldir
hvers bæjarbúa 395 þúsund
krónum.