Morgunblaðið - 03.01.1996, Blaðsíða 13

MORGUNBLAÐIÐ
MIÐVIKUDAGUR 3. JANÚAR 1996 13
LANDIÐ
Morgunblaðið/Bjöm Blöndal
JÓLASTÚDENTAR Fjölbrautaskóla Suðurnesja setja upp hvítu kollana.
Fjölbrautaskóli Suðurnesja
23 jólastúdentar brautskráðir
Keflavík- Þrjátíu og fimm nemend-
ur voru brautskráðir á haustönn
Fjölbrautaskóla Suðurnesja við há-
tíðlega athöfn á sai skólans laugar-
daginn fyrir jól. Þar af voru 23 stúd-
entar og afhenti nýr skólameistari,
Ólafur Jón Ambjörnsson, nemendum
brautskráningarskírteinin. Á önn-
inni voru 754 nemendur í dagskóla
og 213 nemendur stunduðu nám við
öldungadeild.
Kynnir við athöfnina var Stur-
laugur Ólafsson og fram komu kór
Fjölbrautaskólans og nemendur
Tónlistarskólans í Keflavík undir
stjórn Gróu Hreinsdóttur. Oddný G.
Harðardóttir aðstoðarskólameistari
rakti starfsmannamál og skólameist-
ari ávarpaði brautskráða. Alls hlutu
8 nemendur viðurkenningar fyrir
störf og góðan námsárangur: María
Erla Pálsdóttir hlaut viðurkenningu
fyrir störf með Vox Arena, ieikfélagi
NFS, Erla Hafsteinsdóttir hlaut við-
urkenningu fyrir störf að félagsmál-
um NFS, Linda Helgadóttir hlaut
viðurkenningu fyrir góðan námsár-
angur í stærðfræði, raungreinum og
í íslenskum bókmenntum, Jón Elvar
Guðmundsson hlaut viðurkenningu
fyrir árangur í stærðfærði, Emil Á.
Vilbergsson fyrir árangur í raun-
greinum, Arnór B. Vilbergsson fyrir
árangur í viðskiptagreinum, Jóhann
Björn Elíasson fyrir góðan árangur
á vélstjórnarbraut og Þorvaldur H.
Bragason hlaut viðurkenningu fyrir
góða frammistöðu í stærðfræði-
keppni framhaldsskólanna.
Óvenjulangur
frostakafli á Jökuldal
Vaðbrekka, Jökuldal.- Nú er
nýlokið óvenjulöngum frosta-
kafla sem gengið hefur yfir
Jökuldal í lok desember, má
segja að frostið hafi varla farið
niður fyrir 20 gráður síðustu tíu
daga í desemner. Jökuldælir
láta sér að vísu ekki allt fyrir
brjósti brenna í þessum efnum
eins og nafnið bendir til, en
voru orðnir seinþreyttir á gadd-
inum. En nýársdagur gekk í
garð með „betri tíð og blóm í
haga“ og var þá frost komið
niður í núll gráður.
Eins og fram kom í Morgun-
blaðinu síðasta fimmtudag fór
frost yfir 32 gráður í Möðrudal
og hefur verið þar í kringum
30 gráður langtímum saman.
Hér niður á Jökuldal hefur
frostið verið kringum 25 gráður
löngum stundum. Er þessi fro-
stakafli farinn að hafa áhrif á
dagleg störf fólks.
Mjög illa gengur að gangsetja
öll vélknúin ökutæki er ganga
fyrir díselolíu og fara sum
þeirra alls ekki í gang nema
með tilfæringum og allskonar
upphitunum, þessar gangtruf-
lanir í ökutækjunum koma
kannski ekki að sökum vegna
þess að fólk heldur sig mest
inni við í svona miklum kulda,
en gætu komið sér illa ef eitt-
hvað kæmi upp á.
Frosið hefur fyrir neysluvatn á
einstaka býli hér í sveitinni, og
á einum bæ fraus einnig fyrir
hráolíurennslið til kyndingar-
innar, en bóndinn náði að þíða
lögnina með rafsuðu. Einnig er
farið að bera á að fijósi í brynn-
Morgunblaðið/Sigurður Aðalsteinsson
ÞAR sem mætast frost og raki
myndast allskonar listaverk.
ingarstömpum í fjárhúsum og
að það svelli í kringum þá. Ekki
hafa þó orðið neinir teljandi
skaðar af völdum frostakaflans,
sem samkvæmt veðurspám fer
að ganga niður úr þessu. Þó
gætu orðið kalskemmdir þar
sem þetta mikla frost kemur á
alauða jörð.
Jákvæðu hliðar frostakaflans
eru síðan aftur þær að tært og
fallegt veður hefur verið þenn-
an tima og náttúrufegurð mikil.
Allskonar kynjamyndir verða til
þar sem mætast þetta mikla
frost og gufa eða raki, og tijá-
gróður er farinn að skarta hvítu
og gráu skeggi víðast, að hætti
jólasveina.
Leikskóla-
bömum boð-
ið til ísveislu
Hveragerði - Öllum börnum á leik-
skólunum í Hveragerði var nú
fyrir jólin bodið til ísveislu í Eden.
Bragi Einarsson, eigandi Eden,
sagði að með þessu boði hefði
hann viljað gleðja börnin á aðvent-
unni og um leið hefði hann mikla
ánægju sjálfur af heimsóknum
barnanna. Það var greinilegt að
börnin höfðu gaman af heimsókn-
inni, jólaljósin og umhverfið allt
vakti mikla hrifningu og börnin
sátu stillt og prúð og gæddu sér
á ísnum sínum, sum hver jafnvel
í sinni fyrstu kaffihúsaheimsókn.
Morgunblaðið/Eyjólfur M. Guðmundsson
Ibúum Stykkishólms fjölgar
Stykkishólmi - Samkvæmt upp-
lýsingum frá Hagstofu íslands
voru íbúar Stykkishólms 1.295
hinn 1. desember sl. Því hefur íbú-
um bæjarins fjölgað um 36 manns
á árinu sem er að kveðja. Þetta
eru ánægjuleg tíðindi þar sem svo
mörg sveitarfélög þurfa að sjá
eftir fleiri íbúum í burtu en þang-
að flytja. Þessi aukning stafar
fyrst og fremst af því að hér er
næg atvinna. Mörg störf eru hér
í kringum skelvinnslu, rækju-
vinnslu og ígulkeravinnslu. Þessari
fjölgun fylgir eftirspurn eftir hús-
næði. Nú er eitt einbýlishús og
2ja íbúða raðhús í smíðum. Fram-
kvæmdir hófust í haust. Það eru
þeir Benedikt Frímannsson og
Pálmi Qlafsson sem sjá um að
byggja húsin. Þeir hafa haft nóg
að gera við húsbyggingar, því í
haust skiluðu þeir af sér raðhúsi
fyrir Stykkishólmsbæ.
Morgunblaðið/Árni.
í Stykkishólmi er verið að byggja einbýlisliús og raðhús við Ásklif.
Aðvörunarskilti
sett upp við
Snorrastaða-
tjarnir
Vogum - Varnarmálaskrifstofa
utanríkisráðuneytisins hefur lát-
ið setja upp aðvörunarskilti við
Snorrastaðatjarnir, sem eru eitt
vinsælasta útivistarsvæðjð á Suð-
urnesjum. Á skiltunum er fólk
varað við sprengjum sem kunna
að leynast. á svæðinu, sem er
gamalt skotæfingasvæði stór-
skotaliðs bandaríska landhers-
ins.
Fólki er ráðlagt að snerta ekki
sprengjur ef þær kunna að
finnast enda stórhættulegar í
höndum þeirra sem ekki kunna
með þær að fara. Fólki er bent
á að láta lögreglu vita ef sprengj-
ur finnast.
Á skiltunum eru aðvaranir á
íslensku og ensku.
Ný endurvarps-
stöð Ríkis-
útvarps á
Suðurlandi
NÝ endurvarpsstöð Ríkisútvarps-
ins hefur verið tekin í notkun að
Auðsholti í Ölfushreppi og þjónar
hún Hveragerði, Selfossi, Eyrar-
bakka, Stokkseyri, Þorlákshöfn og
nærliggjandi sveitum. Útsending-
ar eru sem hér segir: Sjónvarp á
rás 49 UHF, Rás 1 á FM 91,3
MHz og Rás 2 á FM 95,3 MHz.
Jafnframt er fyrirhugað á næst-
unni að leggja niður sendingar á
Selfossi, Rás 1 FM 90,6 og Rás 2
á 93,2 og einnig sendingar frá
Hlíðarenda við Þorlákshöfn, Rás 2
FM 101,6. Einnig verða lagðar
niður sjónvarpssendingar frá nú-
verandi endurvörpum fyrir Hvera-
gerði og Þoriákshöfn.