Morgunblaðið - 05.01.1996, Qupperneq 2

2 FÖSTUDAGUR 5. JANÚAR 1996
MORGUNBLAÐIÐ
FRÉTTIR
Iðnaðarráðherra skipar nefnd til að endurskoða skipulag orkumála
Útilokar ekki aukna
samkeppni í orkusölu
FINNUR Ingólfsson iðnaðarráð-
herra segist ekki útiloka að gerðar
verði breytingar á Landsvirkjun
sem m.a. miði að því að auka sam-
keppni í orkusölu. Fulltrúar
eignaraðilanna í Landsvirkjun,
Finnur Ingólfsson iðnaðarráð-
herra, Ingibjörg Sólrún Gísladóttir
borgarstjóri í Reykjavík og Jakob
Bjömsson bæjarstjóri á Akureyri,
hittust skömmu fyrir áramót til
viðræðna um málefni fyrirtækis-
ins. Borgarstjóri hefur m.a. rætt
um að eignaraðilar leysi til sín
eignarhluta í fyrirtækinu. Fyrir-
hugað er að þau haldi annan fund
á næstunni.
Finnur sagði ekki óeðlilegt að
fulltrúar eignaraðila Lands-
virkjunar hittust til að ræða um
þetta stóra og mikilvæga fyrir-
tæki. Hann minnti á að fyrirtækið
stæði frammi fyrir mörgum verk-
efnum.
Finnur hefur ákveðið að skipa
nefnd sem hefur það hlutverk að
endurskoða skipulag orkumála.
Nefndin verður skipuð fulltrúum
frá þingflokkum, Landsvirkjun og
fleiri orkufyrirtækjum. Nefndar-
starfið er ekki hafið, en iðnaðar-
ráðherra hefur óskað eftir tilnefn-
ingum í nefndina.
„Nefndin á m.a. að leita leiða
til að auka hagkvæmni í raforku-
kerfínu, tryggja jöfnun orkuverðs
eftir því sem kostur er og leita
leiða til að ná niður orkuverði."
Hugmyndir um að skipta
Landsvirkjun
Ingibjörg Sólrún Gísladóttir
borgarstjóri hefur ítrekað lýst yfir
áhuga Reykjavíkurborgar á að
minnka hlut borgarinnar í Lands-
virkjun, en borgin á 48% í fyrir-
tækinu. Hún hefur bæði rætt hug-
myndir um að Reykjavíkurborg
seldi eitthvað af sínum hlut og að
önnur sveitarfélög kæmu að fyrir-
tækinu.
Borgarstjóri sagði í samtali við
Ríkisútvarpið í gær að hún teldi
koma til greina að eignaraðilar að
Landsvirkjun leystu eignarhlutana
til sín og að komið yrði á aukinni
samkeppni í orkusölu. Á þann
hátt myndi Reykjavíkurborg hugs-
anlega eignast virkjanir sem nú
eru í eigu Landsvirkjunar. Finnur
var spurður álits á þessu.
„Eitt af því sem menn þurfa
að skoða þegar verið er að skoða
hagkvæmnina í orkugeiranum er
hvort rétt sé að auka samkeppni.
Ég vil ekkert útiloka í þeim efn-
um,“ sagði Finnur.
ÞAÐ VAR vetrarlegt um að lit-
ast við Laxá í Aðaldal nú um
áramótin. Klakastífla myndað-
ist í þrengslum við Núpafoss og
Laxá flæddi um víðan völl
flæddi áin því yfir bakka sína,
fór yfir tún við bæinn Knúts-
staði og hvarf ofan í hraunið,
þar sem hún fann sér leið út í
Morgunblaðið/Kristján
Skjálfanda. Jónas Jónsson á
Knútsstöðum sagði að slík
stífluflóð kæmu alltaf af og til,
ýmist að vetri eða vori.
UNG stúlka með bakka
af ígulkerum.
Islenskígulker
Fyrst verði
reyntað
ráða ís-
lendinga
ELLERT Vigfússon, framkvæmda-
stjóri fyrirtækisins íslenskra ígul-
kera, átti í gær fund með Páli Pét-
urssyni félagsmálaráðherra um fyr-
irspurn um það hvort leyfí fengist
til að fá útlendinga til vinnu, ef
ekki yrði hægt að ráða íslendinga.
Sagði Ellert að ráðherra hefði tekið
málaleitunum sínum vel, en lagt
áherslu á að fyrst yrði reynt að
ráða íslendinga.
Páll Pétursson sagði að „ekki
kæmi til greina á þessu stigi að
gefa ádrátt um 70 til 100 manns"
erlendis frá, aðallega Tælandi, í
vinnu á íslandi. Páll sagði að áætl-
anir íslenskra ígulkera um útþenslu
og aukna vinnslu, meðal annars á
rækju, hefðu verið ræddar á fundin-
um.
Páll benti á að íslensk ígulker,
sem er í Reykjanesbæ, hefðu fengið
fjórar milljónir króna úr atvinnu-
leysissjóði árið 1994 til að þjálfa
starfsfólk. „Þetta fyrirtæki hefur
notið mikillar fyrirgreiðslu af al-
mannafé og af einkaaðilum og það
er eðlilegt að það hafí skyldur við
Islendinga, ekki síður en önnur fyr-
irtæki," sagði Páll.
Fyrirtækið íslensk ígulker þarf
að sögn Ellerts Vigfússonar að ráða
70 manns til vinnu í starfsemi, sem
gert er ráð fyrir að hefjist í mars
eða apríl. Ráðgert væri að reyna
að fá íslendinga.
Mótmælaferð til Reykjavíkur
Starfsmenn fískvinnslustöðvar-
innar íshákarls í Stykkishólmi
komu til Reykjavíkur í gær til að
mótmæla áætlunum um að ráða
útlendinga til íslenskra ígulkera og
frá sjómönnum á bátum þess fyrir-
tækis barst mótmælafax.
Sjávarútvegsráðherra á fundum með færeyskum stjórnvöldum
Rætt um kvóta og síld
ÞORSTEINN Pálsson sjávarútvegs-
ráðherra átti í gær fundi með Ed-
mund Joensen lögmanni Færeyja og
Ivan Johannessen sjávarútvegsráð-
herra í Þórshöfn í Færeyjum. Við-
ræður halda áfram í dag og er stefnt
að því að ljúka þeim um hádegi.
Rætt var um sjávarútvegssamskipti
landanna, þar á meðal kvóta Færey-
inga við Island, og um hugsanlega
einhliða ákVörðun íslands og Fær-
eyja um kvóta úr norsk-íslenzka síld-
arstofninum.
Norðmenn hafa einhliða ákveðið
milljón tonna heildarkvóta fyrir síld-
arstofninn og ætla sjálfum sér
725.000 tonn, sem er nærri þriðj-
ungs aukning frá fyrra ári. Þorsteinn
Pálsson hefur lagt til að íslendingar
og Færeyingar fari sömu leið og
farin var í fyrra er samkomulag
náðist ekki við Noreg og Rússland
um stjórnun síldveiða og ísland og
Færeyjar gefí út eigin kvóta. Jafn-
framt hefur sjávarútvegsráðherra
sagt að eðlilegt sé að sá kvóti verði
aukinn um þriðjung.
„Við höfum rætt þessi hefð-
bundnu samskipti varðandi botnfísk-
veiðiheimildir Færeyinga og mögu-
leika á að útvíkka þau samskipti,"
sagði sjávarútvegsráðherra án þess
að vilja fara nánar út í hvað við
væri átt með útvíkkun samskipta.
Færeyingar höfðu um nokkurt
skeið 6.000 tonna botnfískkvóta hér
við land. í ljósi slæms ástands fiski-
stofna var sá kvóti minnkaður í fyrra
niður í 5.000 tonn, þar af 1.000 tonn
af keilu, 700 af þorski, 200 af lúðu
og 100 af grálúðu auk annarra teg-
unda, einkum löngu. Færeyingar
hafa á móti boðið 2.000 tonna síld-
arkvóta og 1.000 tonn af makríl i
sinni lögsögu, en þær veiðiheimildir
hafa lítið nýtzt íslenzkum útgerðum.
Áhyggjur vegna
Barentshafs
Samkvæmt heimildum Morgun-
blaðsins hafa færeyskir embættis-
ög stjórnmálamenn af því áhyggjur
af ákvörðun sameiginlegs síldar-
kvóta með Islendingum geti spillt
fyrir hagsmunum Færeyinga, þar
sem Norðmenn hafi ekki enn tekið
árlega ákvörðun um kvóta fær-
eyskra skipa í Barentshafi.
Aðspurður hvort þessar áhyggjur
hefðu komið fram í viðræðunum
sagði Þorsteinn Pálsson að samning-
ar við önnur ríki hefðu lítið komið
til tals.
Guðbrandur Magnús-
son ráðinn framleiðslu-
stjóri Morgunblaðsins
GUÐBRANDUR
Magnússon hefur ver-
ið ráðinn framleiðslu-
stjóri Morgunblaðs-
ins, en hann var áður
framkvæmdastjóri
Prenttæknistofnunar.
Guðbrandur er fer-
tugur að aldri. Hann
er prentsmiður að
mennt og lauk síðan
námi frá Gautaborg-
arháskóla í stjómun í
prentiðnaði árið 1979
og viðskipta- og
rekstrarnámi frá
Endurmenntunar-
Guðbrandur
Magnússon
stofnun Háskóla ís-
lands árið 1991. Guð-
brandur hefur áður
starfað á Morgun-
blaðinu. Hann var
verkstjóri á fram-
leiðsludeild blaðsins
frá 1985 til 1990 er
hann tók við starfi
framkvæmdastjóra
Prenttæknistofnunar.
Guðbrandur er
kvæntur Sigi-íði M.
Ornólfsdóttur og eiga
þau þijú börn.
Guðbrandur hefur
þegar hafið störf.