Morgunblaðið - 23.01.1996, Side 16

16 ÞRIÐJUDAGUR 23. JANÚAR 1996
VIÐSKIPTI
MORGUNBLAÐIÐ
Morgunblaðið/Kristinn
ÞEIR (f.v.) Páll. G. Arnar, frá Kjötiðju KÞ á Húsavík, Jón Ás-
geir Hreinsson, hönnuður, og Sigmundur Hreiðarsson, frá Kjöt-
iðju KÞ, tóku við fyrstu verðlaunum í umbúðasamkeppni Sam-
taka iðnaðarins á föstudag.
Umbúðasamkeppni Samtaka iðnaðarins
Umbúðir undir
Húsavíkurhangikj öt
verðlaunaðar
KJÖTIÐJA Kaupfélags Þingey-
inga á Húsavík og Jón Ásgeir
Hreinsson, hönnuður, hrepptu
fyrstu verðlaun í umbúðasam-
keppni Samtaka iðnaðarins fyr-
ir gjafaumbúðir undir Húsavík-
urhangikjöt. Var það mat dóm-
nefndar að um væri að ræða
stórglæsilegar umbúðir og
heildarsvipur væri einstak-
lega vel útfærður. Umbúðirnar
eru framleiddar af Norðurpóln-
um á Húsavík.
Verðlaunin voru afhent við
hátíðlega athöfn í Perlunni sl.
föstudag og fengu verðlauna-
hafarnir til eignar sérsmíðaðan
verðlaunagrip, Silfurskelina,
sem er tákn samkeppninnar.
Dómnefnd samkeppninnar
ákvað að veita tólf viðurkenn-
ingar og verðlauna fernar um-
búðir sérstaklega. Veitt voru
tvenn þriðju verðlaun en þau
hlaut annarsvegar Sigurjón
Pálsson fyrir gjafaumbúðir,
sem hann framleiðir sjálfur úr
bylgjupappa, undir svartfugls-
egg. Hins vegar hlutu Kjörís og
Atómstöðin verðlaun fyrir um-
búðakassa undir Scala ís sem
framleiddir eru af Kassagerð
Reykjavíkur hf..
Önnur verðlaun hlutu Sól hf.,
Auglýsingastofan Grafít og
Erla S. Óskarsdóttir, iðnhönn-
uður, fyrir flöskur og miða und-
ir matarolíu. Framleiðendur
eru Miðaprent hf. og Sigurplast
hf.
90 tilnefningar bárust
Fram kemur í frétt frá Sam-
tökum iðnaðarins að með Silfur-
skelinni vilji samtökin vekja at-
hygli á hönnun og framleiðslu
íslenskra umbúða. Samkeppnin
var fyrir allar tegundir um-
búða, jafnt flutningaumbúðir
sem sýninga- og neytendaum-
búðir. Þátttökurétt áttu hönn-
uðir og framleiðendur umbúða
hér á landi sem komið höfðu á
markað hér eða erlendis frá síð-
ustu samkeppni. Til samkeppn-
innar í ár bárust 90 tilnefningar
og alls á þriðja hundrað umbúð-
ir.
Dómnefnd skipuðu þau Finn-
ur Geirsson, framkvæmdastjóri
Nóa-Síríusar hf., formaður,
Hilmar Sigurðsson, grafískur
hönnuður, Elísabet Cochran,
grafískur hönnuður, Drífa
Hilmarsdóttir, útstillingahönn-
uður, og Guðrún Jónsdóttir,
arkitekt. Flestar innsendar um-
búðir voru á sérstakri umbúða-
sýningu um síðustu helgi í Perl-
unni.
Oracle Corporation og Teymi hf. ósko
VKS
Verk- og kerfisfræðistofunni hf.
til haminglu með að vero fyrsto
íslenska hugbúnaðarfyrirtækið með
vottað gæðakerfi.
VKS notar Oracle7 Workgroup Server,
Oracle Power Objects og Personal Oracle7
hugbúnaðarkerfi sem byggja á háum
gæðastöðlum Oracle. Við erum hreykin af
því að hafa VKS sem samstarfsaðila.
I ORACLG®
» Enabling The Information Age
I
TEYMl
Borgarlúni 24 , I 0 5 Reykjovík wmm—mm
Sími 56 1 8 13 1 ^mmm
Bréíslmi 56 2 8 1 3 1 bmí
Samskip efla flutningakerfí sitt í Ameríkusiglingum
Samstarf að hefjast
við Maersk Line
SAMSKIP hf. hafa gert samning
við stærsta skipafélag heims,
Maersk Line, um að annast flutn-
inga á gámum frá Bremerhaven og
Rotterdam ti! helstu hafna á austur-
strönd Bandaríkjanna og Kanada.
Þar með getur félagið boðið viku-
lega gámaflutninga frá íslandi
gegnum Evrópu til fjölmargra
hafna í Norður-Ameríku. Áfram
verða í boði beinar siglingar milli
íslands og Norður-Ameríku með
fjölhæfnisskipi á 3ja vikna fresti.
Samningurinn við Maersk er liður
í uppbyggingu á flutningakerfi Sam-
skipa í Ameríkusiglingum sem hófst
fyrir alvöru eftir að félagið ákvað að
hætta samstarfi við Eimskip á þess-
ari leið sl. sumar. Á þeim tíma stóð
félagið hins vegar frammi fyrir því
að flutningsgeta í Evrópusiglingum
takmarkaði möguleika til að bjóða
Ameríkuflutninga gegnum Evrópu.
Félagið réðist því í kaup á nýju skipi
til Evrópusiglinga sl. haust, Dísar-
felli, sem hefur mun meiri flutnings-
getu en eldra skipið, Helgafell.
Vikulegir gáma-
fiutningar til Norð-
ur-Ameríku í gegn-
um Evrópu
Með flutningum gegnum Evrópu
og þaðan með Maersk geta við-
skiptavinir í mörgum tilvikum spar-
að sér dýran innanlandsflutning í
Bandaríkjunum og Kanada. Þessi
kostur er talinn henta aðilum sem
gera kröfu um góða meðhöndlun
vöru, mikla tíðni og fjölbreytni í
áfangastöðum. Maersk er um þess-
ar mundir að tengja flutningakerfi
sitt við flutningakerfi eins stærsta
skipafélags í Bandaríkjunum, Sea
Land.
Til að unnt sé að bjóða heildar-
lausn munu Samskip þó sigla áfram
beint milli íslands og Norður-Amer-
íku með eigin skipi eins og verið
hefur frá síðasta sumri. A þann
hátt verður hægt að mæta þörfum
þeirra sem flytja mikið magn á eina
höfn og gera ekki sömu kröfur um
tíðni, fjölda hafna og sveigjanleika.
Samstarf við Norcargo?
Samkvæmt upplýsingum Morg-
unblaðsins hafa Samskip einnig átt
í viðræðum um samstarf við eitt
stærsta flutningafyrirtæki Noregs,
Norcargo, um að terigja saman
norðursvæði Noregs, ísland, Fær-
eyjar, Nýfundnaland og norður-
svæði Bandaríkjanna. Eru uppi
hugmyndir um að skip Samskipa
safni t.d. saman sjávarafurðum frá
Norður-Noregi, íslandi, Færeyjum
og Nýfundnalandi á leið til Banda-
ríkjanna.
Þetta norska fyrirtæki er umsvifa-
mikið í flutningum. Það hefur um
800 flutningabíla í sínum rekstri svo
og flutningaskip sem sigla milli
Noregs, meginlands Evrópu og Bret-
lands. Þá rekur félagið flutningafeij-
ur sem sigla frá nyrstu höfnum
Noregs meðfram allri strönd lands-
ins.
Beint flug í boði til vesturstrandar Norður-Ameríku í sumar
*
Canada 3000 á Islandsmarkað
KANADÍSKA flugfélagið Candada
3000 hefur sótt um leyfi til sam-
gönguráðuneytisins til að selja far-
miðla hér á Íandi í áætlunarflug fé-
lagsins milli Evrópu og Kanada.
Helgi Pétursson, markaðsstjóri
Samvinnuferða/Landsýnar, umboðs-
aðila Canada 3000 hér á landi, seg-
ir að heimild til að selja farmiða
með félaginu til Kanada liggi fyrir
en umsókn varðandi farmiðasölu til
Evrópu hafi ekki enn verið afgreidd
í samgönguráðuneytinu. „Við trúum
þó ekki öðru en einnig fáist heimild
til selja farmiða í þá áttina. Það er
lítið gagn í því að fá bara annan
legginn," segir Helgi. Hann segir
að ekki liggi fyrir hversu há fargjöld-
in til Kanada komi tii með að verða.
Canada 3000 hafði hér viðkomu
þrisvar í viku síðastliðið sumar á
leið sinni til meginlands Evrópu og
tóku vélar félagsins hér eldsneyti
og mat. Þá hóf félagið einnig að
hleypa farþegum frá borði í Kefla-
vík, þannig að hægt var að fá beint
flug frá Kanada til íslands og til
baka. Hins vegar hefur fram til
þessa ekki verið boðið upp á þann
möguleika að kaupa farmiða með
félaginu hér á landi en úr þessu
hyggst það bæta á komandi sumri.
Viðkomustaðir í Kanada eru
Vancouver, Calgary og Winnipeg, og
verður því hægt að fá beint flug frá
Islandi á vesturströnd Norður-Amer-
íku. í Evrópu flýgur félagið m.a. til
Glasgow, Kaupmannahafnar, Amst-
erdam, Dusseldorf og Manchester.
Daimler styður
Fokker ekki lengur
Stuttgart. Reuter.
DAIMLER Benz AG hefur ákveðið
að hætta fjárhagsstuðningi við hol-
lenzku flugvélaverksmiðjurnar Fok-
ker NV, sem Daimler á 51% hlut í.
Fokker-verksmiðjurnar höfðu ver-
ið viðbúnar hinu versta eftir að við-
skiptum með hlutabréf í þeim hafði
verið hætt vegna áríðandi fundar í
þýzka móðurfyrirtækinu.
Stjórn Daimlers hætti stuðningn-
um við hollenzka fyrirtækið þegar
ekki hafði náðst samkomulag um
viðbótarfjármagn til að bjarga Fokk-
er í viðræðum við hollenzku stjórnina
á föstudag.
6 milljarða marka tap
Daimler kveðst gera ráð fyrir tapi
upp á sex milljarða marka 1995 eft-
ir útgjöld upp á 2.3 milljarða marka
í tengslum við Fokker og 1.5 millj-
arða marka vegna endurskipulagn-
ingar iðnfyrirtækisins AEG.
„Arðsemi á öllum sviðum er
fremsta markmið fyrirtækisins,"
sagði Jurgen Schrempp stjórnarfor-
maður.
Daimler kvað 80%c af rekstrinum
viðunandi og sagði að fyrirtækið
ætti að geta skilað hagnaði á ný
1996. Daimler-Benz Aerospace AG
sagði að ef Fokker yrði gjaldþrota
kæmust 1200 DASA-störf í hættu.
DASA mun halda áfram að fram-
leiða flugvélar í framtíðinni með
þátttöku í frekari þróun Airbus-
áætlunarinnar að sögn stjórnarform-
anns DASA, Manfreds Bischoffs.
Afföll 40 ára húsbréfa
rúmlega 14%
ÁVÖXTUNARKRAFA húsbréfa til
40 ára sem nú eru að koma á mark-
aðinn verður 5,85% hjá Landsbréfum
hf. í upphafl eða þremur punktum
lægri en af 25 ára bréfunum. Þetta
þýðir að afföll við sölu bréfanna eru
14,16% samanborið við 10,97% af-
föll af 25 ára bréfum. Húsbréf til
15 ára verða í upphafi seld miðað
við 5,88% ávöxtunarkröfu og nema
afföllin 7,67%.
Davíð Björnsson, forstöðumaður
verðbréfamiðlunar Landsbréfa,
sagði í samtali við Morgunblaðið að
hjá Landsbréfum hefði m.a. verið
horft til þess að 4 punkta munur
væri á 25 og 43 ára húsnæðisbréfum
hjá Verðbréfamarkaði íslandsbanka.
„Einnig horfðum við á neikvætt hall-
andi vaxtalínu spariskírteina þannig
að við teljum að þetta sé í samræmi
við kjör hliðstæðra bréfa. En auðvit-
að reynir fyrst á það þegar kemur
að viðskiptunum."
Hann sagði að lausleg athugun
meðal stærstu kaupenda húsbréfa
hefði leitt í ljós að þeir væru sam-
mála mati Landsbréfa og því mætti
eiga von á að þessi ávöxtunarkrafa
héldist á bréfunum.
Verðbólgu-
hraðinn
6,6%áári
VÍSITALA byggingarkostnaðar eft-
ir verðlagi um miðjan janúar mæld-
ist 208,5 stig, skv. útreikningum
Hagstofunnar, og hefur hún hækkað
um 1,5% frá því í desember. Síðast-
liðna 12 mánuði hefur vísitalan
hækkað um 4,6% en á undanförnum
3 mánuðum hefur hún hækkað um
1,6% sem samsvarar um 6,6% verð-
bólgu á ári. Að sögn Sturlu Pálsson-
ar, hjá Hagstofunni, er stærstur hlut
þessarar hækkunar tilkominn vegna
launabrej'tinga nú um áramótin.
Hagstofan hefur einnig reiknað
út vísitölu launakostnaðar miðað við
meðallaun í desember. Mældist vísi-
talan vera 141,8 stig sem samsvarar
0,2% hækkun frá fyrra mánuði.
----♦-------
*
Islandsbanki
hækkar vexti
ÍSLANDSBANKI hækkaði vexti á
óverðtryggðum útlánum sínum frá
og með 21. janúar sl.
Þannig hækkuðu kjörvextir víxil-
lána um 0,15% eða úr 8,45% í 8,6%.
Vextir af yfirdráttarlánum fyrir-
tækja hækkuðu um 0,45% eða úr
13,2% í 13,65%. Þá hækkuðu kjör-
vextir almennra skuldabréfalána
um 0,15% eða úr 8,35% í 8,5%.
Innlánsvextir breyttust hins veg-
ar ekki að þessu sinni hjá bankan-
um.