Morgunblaðið - 31.01.1996, Blaðsíða 2

2 MIÐVIKUDAGUR 31. JANÚAR 1996
MORGUNBLAÐIÐ
FRÉTTIR
Enn hefur ekki náðst samkomulag um úthafsveiðikvóta Þjóðveija
Skipting kvótans verður
ákveðin af yfirvöldum
FRESTUR til að leggja fram tillögur um skipt-
ingu úthafsveiðikvóta Þjóðverja rennur út í dag
og sagði Gunter Drexelius, forseti þýsku landbún-
aðar- og matvælastofnunarinnar og yfírmaður
kvótamála, í gær að fátt benti til þess að sam-
komulag tækist milli þeirra fjögurra útgerða, sem
kvótinn hefur skipst á milli undanfarin ár, en
þar eiga hagsmuna að gæta tvö fyrirtæki, sem
að meirihluta eru í eigu Islendinga. Yfirvöld yrðu
því að ákveða skiptinguna.
Drexelius sagði að tilkynnt yrði í upphafí
næstu viku eða um miðja vikuna hvernig gthafs-
veiðikvótinn myndi skiptast milli útgerðanna
fjögurra, Mecklenburger Hochseefíscherei, dótt-
urfyrirtækis' Útgerðarfélags Akureyringa, De-
utsche Fischfang Union (DFFU), sem Samheiji
á Akureyri á meirihluta í, Doggerbank og Euro-
trawl.
Samkomulag er milli DFFU, Eurotrawl og
Doggerbank, en Mecklenburger, sem hefur höf-
uðstöðvar í borginni Rostock, hefur farið fram á
það að skipting kvótans verði endurskoðuð. Guð-
mundur Tulinius, framkvæmdastjóri Mecklen-
burger, sagði í desember að skiptingin væri ekki
í samræmi við sóknargetu útgerðarfyrirtækjanna
og kvaðst vilja að kvótanum yrði „réttlátlega
skipt“.
Drexelius hélt fund með fulltrúum útgerðanna
í Hamborg skömmu fyrir jól og sagði eftir það
að „slíkar andstæður" hefðu verið í afstöðu
manna „að fyrsta sinni í tíu ár var enga lausn
að fínna".
Eftir þann fund gaf Drexelius frest til 15.
janúar til að leysa úr deilunni og síðar var frest-
urinn framlengdur til janúarloka.
Hvorki gengið né rekið
Hann sagði í gær að milli manna í Rostock
og hinna aðiljanna þriggja hefði hvorki gengið
né rekið í samkomulagsátt. Hann kvaðst búast
við því að kvótaskiptingin yrði reist á ákvörðun
hins opinbera, en ekki samkomulagi, nema
skyndileg sinnaskipti yrðu meðal útgerðarmann-
anna.
Eftir ummælum Guðmundar Tulinius hjá
Mecklenburger og Finnboga Baldvinssonar,
framkvæmdastjóra DFFU, í gær að dæma er
útilokað að saman gangi í deilunni.
„Það hefur engin breyting orðið í afstöðu
þeirra, sem að þessu koma og við bíðum bara
eftir ákvörðun yfírvalda," sagði Guðmundur.
„Útgerðimar hafa talað saman, en það hefur
ekki fundist nein nálgun."
„Ég reikna ekki með neinum breytingum á
kvóta,“ sagði Finnbogi. „Ég sé ekki að neitt
nýtt hafí komið fram í málinu þannig að ástæða
sé til að breyta þessu. Það er samkomulag milli
þriggja aðilja, en ekki hefur náðst samkomulag
við Mecklenburger.“
Finnbogi kvaðst myndu sætta sig við niður-
stöðu yfirvalda, hver sem hún yrði, en í þessu
máli lægi allt fyrir.
Árásin á Akranesi
Játning 18
ára stúlku
liggur fyrir
LÖGREGLAN hefur lokið
rannsókn á árás sem 16 ára
stúlka frá Akranesi varð fyrir
20. janúar sl. Að sögn Krist-
rúnar Kristinsdóttur, fulltrúa
sýslumannsins á Akranesi,
hefur 18 ára stúlka, sem er í
gæsluvarðhaldi, játað að hafa
sparkað til stúlkunnar. Hún
segir að sjónarvottar hafi lýst
sparkinu sem mjög þungu.
Stúlkan er í gæsluvarðhaldi
og rennur gæsluvarðhaldsúr-
skurðurinn út nk. sunnudag.
Kristrún segir að í dag verði
farið fram á það við Héraðs-
dóm Vesturlands að stúlkan
verði úrskurðuð í gæsluvarð-
hald þar til dómur hefur fallið,
en þó ekki lengur en til 17.
mars. Þegar afstaða hafi verið
tekin til þessarar kröfu verði
málið sent ríkissaksóknara, en
hans sé að ákveða hveijir verði
ákærðir í málinu.
Glitský
við
sjónarrönd
ÆGIFÖGUR glitský bar fyr-
ir augu liðsmanna Landhelg-
isgæslunnar á dögunum er
þeir voru í eftirlitsflugi á
TF-Sýn um 200 sjómílur
norðaustur af Langanesi.
Þessar skýjamyndanir bar
við sjónarrönd á suðvestur-
himni. Þeir, sem í flugvélinni
voru, segja áð mikið hafi
verið um glitský og hafi þeir
sjaldan séð annað eins, þrátt
fyrir margra ára reynslu í
háloftunum. Glitský eða ísa-
ský sjást helst að vetri,
ósjaldan á Norðausturlandi,
og eru í um 25 kílómetra
hæð.
Morgunblaðið/Halldór B. Nellet
Afsökunar-
beiðni
Á MYND með fréttinni „Brotist
inn í fyrirtæki“ á bls. 2 í gær
mátti sjá bifreið með einkennis-
stöfunum JP-591. Af texta mynd-
arinnar mátti skilja að bifreiðin
tilheyrði manni, sem handtekinn
hafði verið vegna gruns um þjófn-
að í verslun við Vesturberg og
þýfi hefði fundist í bifreiðinni. Nú
hefur Morgunblaðið sannreynt að
eigandi umræddrar bifreiðar kom
hvergi nærri þessu máli né heldur
fannst þýfí við leit í henni. Hins
vegar fannst meint þýfi í annarri
bifreið við sömu lö^regluaðgerð
og myndin í gær sýndi. Morgun-
blaðið biður eiganda bifreiðarinnar
JP-591 afsökunar á myndbirting-
unni og þeim texta sem myndinni
fylgdi.
Kjararannsóknanefnd um launaþróun frá 3. ársfjórðungi 1994 til 1995
Kaupmáttur tímakaups
jókst um 4% að meðaltali
KAUPMÁTTUR greidds tíma-
kaups landverkafólks innan Al-
þýðusambands Islands í dagvinnu
jókst um 4% frá 3. ársfjórðungi
ársins 1994 til jafnlengdar árið
eftir. Greitt tímakaup á þessu tíma-
bili hækkaði um 5,9% að meðal-
tali, samkvæmt útreikningum
Kjararannsóknanefndar, en vísitala
neysluverðs hækkaði um 1,8% á
sama tíma.
I lok febrúar í fyrra hækkuðu
kauptaxtar um 2.700 krónur á
mánuði, auk þess sem laun undir
84 þúsund krónum á mánuði hækk-
uðu um allt að eitt þúsund krónur
á mánuði eftir ákveðnum reglum.
Að mati samningsaðila þýddu þess-
ar hækkanir 3,6% hækkun á meðal-
launum.
Samkvæmt úrtaki Kjararann-
sóknanefndar hækkuðu laun allra
stétta á fyrrgreindu tímabili. Mest
hækkaði tímakaup verkafólks um
6,5% og 6,7%. Tímakaup af-
greiðslukarla hækkaði um 3,2% og
tímakaup annarra stétta um
4,9-6%.
Vinnutími styttist
Vinnutími styttist hjá öllum
stéttum á fyrrgreindu tímabili, frá
hausti 1994 til hausts 1995, nema
hjá skrifstofukörlum. Mest styttist
vinnutíminn hjá verkakörlum, um
2,4 klukkustundir á viku og hjá
verkakonum, um 1,1 klukkustund.
Hjá öðrum stéttum nam stytting
vinnutíma innan við einni klukku-
stund á viku, nema hjá skrifstofu-
körlum eins og fyrr sagði, en viku-
legur vinnutími þeirra lengdist um
0,6 klukkustundir.
Mánaðartekjur landverkafólks
innan ASÍ hækkuðu á umræddu
tímabili um 3,3% að meðaltali og
jókst því kaupmáttur mánaðar-
tekna um 1,4%. Mánaðarlaun
hækkuðu mest hjá iðnaðarmönnum
og skrifstofukörlum, en minnst
Tekjur ASÍ-fólks í fullu starfi á
þriðja ársfjórðungi 1994 og 1995
Helmild: Kjararannsóknamefnd
þriðj
Heimild:
II Starfsstéttir
Vikutekjur
1994/111 1995/111
Breyting
Mánaðartekjur kaup-
1994/111 1995/111 Breyting máttar
Verkakarlar kr. 25.500 25.500 110.300 110.600 0,3% -1,5%
Afgreiðslukarlar 28.000 28.800 118.900 122.200 2,8% 1,0%
Verkakonur 19.900 20.500 86.200 89.000 3,2% 1,3%
Afgreiöslukonur 19.600 20.300 83.100 86.300 3,9% 2,0%
Skrifstofukonur 24.800 25.800 104.500 108.600 3,9% 2,0%
Iðnaðarmenn 33,600 35.400 145.400 153.400 5,5% 3,6%
Skrifstofukarlar 31.600 34.400 133.100 144.900 8,9% 6,9%
ASÍ-landverkafólk 26.000 26.800 111.600 115.300 3,3% 1,4%
varð hækkunin hjá verkakörlum,
0,3%, enda styttist vinnutími þeirra
mest á þessu tímabili. Kaupmáttur
mánaðarlauna þeirra minnkaði því
um 1,5%. Kaupmáttur launa iðn-
aðarmanna jókst hins vegar á þessu
tímabili um 3,6% og kaupmáttur
skrifstofukarla jókst um 6,9%.