Morgunblaðið - 20.02.1996, Side 23

MORGUNBLAÐIÐ
ÞRIÐJUDAGUR 20. FEBRÚAR 1996 23
LISTIR
Kórsöngnr með kaffinu
TONLIST
McnningarmiA-
stödin Gcröubcrg
KÓRSÖNGUR OG
UPPLESTUR
Vörðukórinn, Benedikt Árnason,
Asta Bjamadóttir og Haukur Har-
aldsson, undir stjóm Margrétar
Bóasdóttur og við undirleik Agnes-
ar Löve, fluttu söngverk við kvæði
eftir Halldór Laxness og Davíð
Stefánsson. Sunnudagurinn
18. febrúar, 1996.
NÝR kór hefur verið stofnaður,
nefndur Vörðukórinn og sækir
hann söngfólk sitt til uppsveita
Árnessýslu. Margrét Bóasdóttir
er stjórnandi og hélt kórinn all
sérstæða söngskemmtun í
Gerðubergi sl. sunnudag, þar
sem meginþemað var-kveðskap-
ur eftir Halldór Laxness og
Davíð Stefánsson.
Fyrri hluti efnisskrár var
sóttur til Laxness en Davíð helg-
aður seinni hlutinn. Flest kvæð-
in eftir Halldór Laxness tengjast
skáldverkum hans, bæði skáld-
sögum og leikritum og var efnis-
skrá tónleikanna byggð með
þeim hætti, að Benedikt Árna-
son leikari las upp úr skáldverk-
um meistarans, undanfara lag-
anna og mest úr Heimsljósi en
einnig Silfurtunglinu, svo og úr
smásögunni Nýja ísland.
Söngvarnir sem völdust í
þessa dagskrá voru eftir undir-
ritaðan, Gunnar Reyni Sveins-
son, Jón Þórarinsspn og Jón
Nordal, sem Vörðukórinn söng
mjög vel og er aðdáunarvert
hversu góður þessi nýi kór er
og auðheyrt að Margrét Bóas-
dottir kann vel til verka í þjálfun
kóra. Fuglinn í fjörunni, eftir
Jón Þórarinsson, var þarna eins
og millistef en við flutning á
kvæðum Davíðs var aðallega
stuðst við einsöngslög, er voru
flutt af Margréti Bóasdóttur,
Ástu Bjarnadóttur og Hauki
Haraldssyni. Munu þau tvö síð-
astnefndu trúlega hafa notið
sönglegrar leiðsagnar Margrét-
ar og skiluðu sínu af þokka.
Flest lögin sem sungin voru
við kvæðin eftir Davíð, eru eftir
Pál ísólfsson en einnig áttu þar
eitt lag hver Karl 0. Runólfs-
son, Sigvaldi Kaldalóns, Atli
Heimir Sveinsson, Friðrik
Bjarnason og Þorvaldur Blön-
dal.
Tónleikunum lauk með Ur
útsæ rísa íslands fjöll eftir Pál
Ísólfsson og var söngur kórsins
rismikill og þéttur í hljóman. í
lagi Þorvaldar Blöndal, Nú sefur
jörðin, var söngurinn þýður og
segir ágætur söngur kórsins á
þessum tveimur ólíku lögum
nokkuð til sönggetu hans. Und-
irleikari var Agnes Löve og nutu
einsöngvarar og kór þess örygg-
is sem einkenndi leik hennar.
Lesefnið var skemmtilega
unnið, þar sem bæði var slegið
á strengi gamansemi og alvöru,
sem Benedikt flutti á eftirminni-
legan máta.
Jón Ásgeirsson
Nýjar bækur
• KOMIN er út bókin Konur og
vígamenn. Staða kynjanna á Is-
landi á 12. og 13. öld eftir Agnesi
S. Arnórsdóttur. Þar er kannað
hvaða áhrif konur höfðu á gang
mála á íslandi á síðustu öldum ís-
lenska þjóðveldisins og hver staða
kvenna var í ætt, hjónabandi, frillu-
sambandi, stjórnmáiaátökum og
ófriði.
„Agnes sækir heimildir sínar
einkum í Sturlunga sögu og Grá-
gás og sýnir áþreif anlega fram á
að miðaldaheimildir okkar eru auð-
ugri af efni um konur en marga
mun hafa grunað,“ segir í kynningu.
Höfundurinn, Agnes S. Arnórs-
dóttir, lauk BA-prófi í sagnfræði
frá Háskóla íslands árið 1984 og
kandídatsprófi árið 1991. Bókin er
unnin upp úr kandídatsritgerð henn-
ar, sem var skrifuð við Björgvinjar-
háskóia. Agnes er nú í doktorsnámi
í sagnfræði við Háskólann í Osló.
Bókin er tólfta bindi íritröðinni
Sagnfræðirannsóknum - Studia hi-
storica - sem Sagnfræðistofnun
Háskóla íslands hefurgefið út síðan
1972. Áður annaðist Bókaútgáfa
Menningarsjóðs útgáfu og dreifingu
bókanna, en nú hafa Sagnfræði-
stofnun og Háskólaútgáfan tekið
upp samvinnu um útgáfu ritraðar-
innar. Bókin er231 bls. aðlengd
og kostar 3.500 krónur.
• NÁTTÚRUVERNDARSAM-
TÖK vatnasvæða Blöndu ogHér-
aðsvatna hafa gefið út bókina Lýð-
ræði í viðjum valds, eem skráð er
af Helga Baldurssyni. Bókin fjallar
um Blöndudeil-
una svokölluðu.
Hart var deilt, í
héraði, á Alþingi
og víðar, ekki síst
um staðsetningu á
stíflumannvirkj-
um.
„Landverndar-
menn sem börðust
fyrir lífríki Auð-
kúlu- ogEyvind-
arstaðaheiða með
lýðræðislegum hætti lutu í þessari
deilu í lægra haldi fyrir valdhöfum.
Þessi bók er gefin út af landverndar-
mönnum til að rekja gang mála í
Blöndudeilunni og varpa ljósi á
þær aðferðir sem valdhafar notuðu
til að knýja fram sigur," segir í
kynningu.
Bókin er til sölu hjá Bændasam-
tökunum, Landvernd ogBóksölu
stúdenta.
Helgi
Baldursson
Tímarit
• SAMFÉLAGSTÍÐINDI, tímarit
stúdenta þjóðfélagsfræða við Há-
skóla íslands, 14,-15. árgangur,
er komið út. Þema tímaritsins að
þessu sinni er aukin fíkniefnaneysla
sem mjög hefur verið til umræðu
síðustu vikur. Annars eru allar
greinar í tímaritinu á sviði félags-
fræði, mannfræði og stjórnmála-
fræði. Til dæmis er afbrotum gerð
nokkur skil, fjallað er um efnahags-
undrið í Austur-Asíu, Evrópumál,
atvinnuleysi og fátækt og samkyn-
hneigð, svo nokkuð sé nefnt.
Tímaritið fæst íBóksölu stúdenta
við Hringbraut.
LliMAB J> Ú Á HOLLtM O G G Ó Ð U |l R É T T I ?
ÞÚ GÆTIR UNNIÐ
FERÐ TIL PARISAR
Vaka-Helgafell, Manneldisráð, Krabbameinsfélagið og Hjartavernd
efna til uppskriftasamkeppni þar sem leitað er að uppskriftum að
hollum og góðum réttum. í verðlaun eru glæsilegir vinningar,
m.a. ferð fyrir tvo til Parísar. Það er því sannarlega til mikils að vinna.
Verðlaunauppskriftirnar birtast í nýrri matreiðslubók sem er eins
konar framhald af bókinni AF BESTU LYST, en sú bók hefur algjöra
sérstöðu meðal matreiðslubóka á íslenskum markaði. Þarersú
kenning afsönnuð að hollur matur sé lítt spennandi.
í inngangi bókarinnar
AF BESTU LYST er að finna ýmsar
góðar ábendingar um hvernig matreiða
má holla og Ijúffenga rétti.
Vaka-Helgafell áskilur sér allan rétt til að birta uppskriftir sem berast i keppnina.
1. VERÐLAUN
Helgarferð
fyrir tvo til Parísar
með Flugleiðum, flug og gisting.
2.-5. VERÐLAUN
Úttekt hjá Vöku-Helgafelli
að verðmæti 5.000 kr. hver.
Sendu okkur uppskrift að
holium og góðum rétti og þú átt
möguleika á að vinna þér inn
glæsilega vinninga. Úrslit verða
birt í DV laugardaginn 16. mars.
ÞÁTTTÖKUFRESTUR
RENNUR ÚT 1. MARS.
Utanáskriftin er:
Vaka-Helgafell
AF BESTU LYST
Síðumúla 6,
108 Reykjavík.
«8»
VAKA-HELGAFfLI
Síðumúla 6, 108 Reykjavík