Morgunblaðið - 27.03.1996, Blaðsíða 14
14 MIÐVIKUDAGUR 27. MARZ 1996
VIÐSKIPTI
MORGUNBLAÐIÐ
Hagnaður MS
25 milljónir
Stærstur hluti hagnaðarins vegna
söluhagnaðar fasteigna
HAGNAÐUR af rekstri Mjólkur-
samsölunnar í Reykjavík á síðasta
ári nam rúmum 25 milljónum
króna og dróst saman um tæpar
8 milljónir á milli ára. Það vekur
einnig athygli að hagnaður af
reglulegri starfsemi fyrir skatta á
síðasta ári dróst verulega saman,
nam rúmum 10 milljónum saman-
borið við rúmlega 65 milljónir
króna árið 1994. Á móti kemur
hins vegar söluhagnaður fasteigna
sem nam tæplega 31 milljón króna
á síðasta ári.
Heildarvelta MS var nokkuð
svipuð á milli ára, en hún nam
rétt rúmum 4 milljörðum króna í
fyrra. Rekstrargjöld jukust hins
vegar meira, fóru úr 3.877 milljón-
um árið 1994 í 3.972 árið 1995.
Litlar verð-
hækkanir frá 1992
Lakari afkoma á síðasta ári
skýrist fyrst og fremst af nokkrum
samdrætti í mjólkurneyslu og
kostnaðarhækkunum í mjólkur-
vinnslu og dreifingu, að því er
fram kemur í fréttatilkynningu frá
MS.
Þar kemur ennfremur fram að
úrvinnsluiðnaðurinn hafi tekið á
sig þessar hækkanir án þess að
hækka heildsöluverð mjólkur.
Grundvallarverð mjólkur hafi
þannig hækkað um 0,36% á tíma-
bilinu mars 1992 til desember
1995, en á sama tíma hafi neyslu-
vísitala hækkað um 9,86%. Heild-
arverð mjólkurafurða til neytenda
hafi því haldist nær óbreytt um
árabil.
Hins vegar er gert ráð ráð fyrir
því að aukin hagræðing vegna
úreldingar Mjólkursamlagsins í
Borgarfirði á síðasta ári og flutn-
ingur Emmess íss hf. í húsnæðið
að Bitruhálsi 1 í ársbyijun 1995
muni gæta í afkomunni strax á
næstu misserum.
Tveir nýir menn, þeir Kjartan
Magnússon og Jens Hansson, voru
kjörnir í stjórn MS. Aðrir í stjórn
eru Magnús H. Sigurðsson
stjórnarformaður, Guðmundur
Þorsteinsson og Vífill Búason.
Betri afkoma hjá Kaupfélagi Fáskrúðsfirðinga
Allar deildir
nema frystihús
með hagnað
KAUPFÉLAG Fáskrúðsfirðinga
(KFFB) skilaði rösklega 21
milljónar króna hagnaði á síðasta
ári samanborið við 14 milljónir
árið 1994. Velta félagsins var
rúmur 1 milljarður og jókst um
6% milli ára. Hagnaður varð af
öllum deildum félagsins nema
landfrystingunni, en tap hennar
nam tæpum 20 milljónum króna
árið 1995. Að sögn Gísla Jónatans-
sonar, kaupfélagsstjóra KFFB,
skýrist tapið af landfrystingunni
fyrst og fremst af gengislækkun
dollars og lægra afurðaverði er-
! lendis á sama tíma og launa- og
hráefniskostnaður hafi aukist.
Bygging loðnuverksmiðju
vegur þungt
Gísli segir að mestur hagnaður
hafi orðið af útgerð skuttogara
félagsins, eða um 30 milljónir
króna, þar á eftir hafi komið þjón-
ustudeild félagsins með um 26
milljóna króna hagnað og verslun-
in hafi rekið lestina með um 1
milljón króna í hagnað. Hann seg-
ir að velta þjónustudeildarinnar
hafi verið óvenju mikil vegna vinnu
við nýbyggingu Loðnuverksmiðj-
unnar hf. Þannig nam velta deild-
arinnar í fyrra um 130 milljónum
samanborið við röskar 50 milljónir
króna árið 1994. Þjónustudeildin
samanstendur af vélaverkstæði,
rafmagnsverkstæði og trésmíða-
verkstæði.
Gísli segist ekki nógu ánægður
með þessa afkomu. „Maður hefði
viljað hafa landfrystinguna réttu
megin við strikið, enda vegur hún
þungt í rekstri félagsins. Kaupfé-
Iagið velti á síðasta ári um 1 millj-
arði króna og var velta fiskvinnsl-
unnar 470 milljónir þar af.
Ástandið þar hefur hins vegar lítið
breyst það sem af er árinu og því
er útlitið nokkuð svipað. Hins veg-
ar náðum við að frysta um 1.200
tonn af loðnu í febrúar og mun
það eflaust hjálpa nokkuð til.“
Kaupfélagið varði tæpum 160
milljónum til fjárfestinga á síðasta
ári, að sögn Gísla. Þar af keypti
félagið hlutafé í Loðnuvinnslunni
hf. fyrir um 113,5 milljónir og er
það stærsti einstaki hluthafínn
með tæplega helming hlutafjár.
Þá var frystigeta hraðfrystihúss-
ins stóraukin þannig að nú er t.d.
hægt að frysta þar um 100 tonn
af loðnu á sólarhring.
Bókfært eigið fé félagsins í árs-
lok nam 540,8 milljónum króna
sem svarar til 52% eiginfjárhlut-
falls. Launagreiðslur til starfs-
manna, sem voru að jafnaði um
200 talsins, jukust um tæp 17%.
Morgunblaðið/Ásdís
FRÁ aðalfundi Tæknivals. Á myndinni sjást þeir Elvar Unnsteinsson, fundarstjóri, Rúnar Sigurðs-
son, framkvæmdasljóri, Eysteinn Helgason, stjórnarformaður, Ómar Örn Ólafsson og Páll Jensson.
Tæknival hf. með 50% veltuaukningu á síðasta ári
Veltan áætluð tæpir
2 milljarðar í ár
ÁÆTLANIR Tæknivals hf. fyrir
þetta ár gera ráð fyrir að veltan
muni aukast um 28% og nema rétt
tæpum 2 milljörðum króna. Þá er
gert ráð fyrir því að hagnaður fyr-
ir skatta muni aukast úr 52 milljón-
um króna i um 86 milljónir. Þetta
kom fram í máli Rúnars Sigurðs-
sonar, framkvæmdastjóra Tækni-
vals, á aðalfundi félagsins í gær.
Á fundinum var framkvæmda-
stjóri beðinn um skýringar á því
hvers vegna hagnaður fyrirtækis-
ins hefði ekki fylgt eftir mikilli
veltuaukningu, en veltan jókst um
50% og nam um 1.530 milljónum
í fyrra. Hagnaður eftir skatta dróst
hins vegar lítillega saman og nam
36,8 milljónum króna.
Rúnar sagði nokkrar skýringar
á því hvers vegna hagnaðaráætlan-
ir fyrirtækisins hefðu ekki staðist.
Mestu sagði hann þó skipta mikla
fjölgun starfsmanna, en þeim fjölg-
aði um 40 á árinu og voru 130 í
árslok 1995. Sagði hann kostnaðar-
aukningu vegna þessa mikla, en
tekjurnar vegna fjölgunarinnar
skiluðu sér síðar þar sem það tæki
allt upp undir eitt ár að gera nýja
starfsmenn fullvirka í starfseminni.
Þá sagði Rúnar að þær miklu
fjárfestingar sem ráðist hefði verið
í á árinu, þ.m.t. um 900 m2 stækk-
un á húsnæði félagsins, hefðu ver-
ið gjaldfærðar á síðasta ári að svo
miklu leyti sem unnt hefði verið.
Afrakstur þeirra myndi hins vegar
skila sér síðar.
Rúnar var einnig spurður út í
persónulegar ábyrgðir nokkurra
hluthafa að fjárhæð tæpar 90 millj-
Tæknival
10 Stærstu Hlutafé Elgnar-
hluthafar "*,r 0hJu&
Eignarh.fél. Alþ.b. 17,95 17,95%
Rúnar Sigurðsson 14,87 14,87%
Þróunarféiag ísl. 9,60 9,60%
Opin kerfi hf. 8,70 8,70%
Ómar Örn Ólafsson 8,61 8,61%
Auðlind hf. 8,53 8,53%
Sundagarðar hf. 4,83 4,83%
Gísli V. Einarsson 4,31 4,31%
Bjarni Bjarnason 3,10 3,10%
Friðst. Stefánsson 1,35 1,35%
87 aðrir hluthafar 18,14 18,14%
Heildarhlutafé 100.000.000 k7
ónir og hvernig greitt hefði verið
fyrir þær. Sagði hann að til þess-
ara ábyrgða hafí verið stofnað árið
1992 en stærstur hluti þeirra félli
út nú í mars og stefnt væri að því
að þær yrðu alveg úr sögunni fyrir
árslok. Fyrir þær hefði verið greitt
2% flatt gjald, sem dreifðist síðan á
ábyrgðaraðila.
Mikill vöxtur
olli vandræðum
Eysteinn Helgason, stjórnarfor-
maður Tæknivals, sagði i ræðu
sinni að það væru engar ýkjur að
árið hefði verið mjög hagstætt fyr-
ir félagið að flestu leyti. Vöxtur
þess hefði verið mikill á öllum svið-
um og nefndi hann veltu, fjárfest-
ingar og starfsmannafjölda sem
dæmi. „Eg segi það meira í gamni
en alvöru en satt að segja var vöxt-
ur Tæknivals slíkur að til vandræða
horfði," sagði Eysteinn.
„I fyrsta lagi hefur uppbygging
skuldahliðar efnahagsreikningsins
ekki fylgt þessum mikla vexti eftir
þannig að fjármögnun hans hefur
verið þung í skauti. í öðru lagi
hefur vöxtur fyrirtækisins krafist
mikilla fjárfestinga í aðstöðu og
þjálfun nýrra starfsmanna, þannig
að hlutfallslegur hagnaðarauki læt-
ur á sér standa.“
Eysteinn sagði hins vegar að
stjórn félagsins teldi fjárfestingar
síðasta árs arðvænlegar og þær
myndu skila sér í bættri afkomu á
yfirstandandi ári.
Hlutafé aukið
um 20 milljónir
Á fundinum var samþykkt að
greiða hluthöfum 10% arð jafn-
framt því sem stjórn fyrirtækisins
var veitt heimild til þess að auka
hlutafé þess um allt að 20 milljón-
ir króna að nafnvirði. Sagðist Ey-
steinn reikna með því að sú heim-
ild yrði nýtt á næsta ári.
I stjórn Tæknivals voru kjörnir
Eysteinn Helgason, Gunnar Þór
Gíslason, Frosti Bergsson, Ómar
Orn Ólafsson og Sigrún E. Jóns-
dóttir. Þeir Gunnar Þór og Frosti
eru nýir í stjórn og koma í stað
þeirra Páls Jenssonar og Sindra
Sindrasonar.
Húsnæðisstofnun
semur við VIB
HÚSNÆÐISSTOFNUN ríkisins
hefur samið við Verðbréfamarkað
íslandsbanka hf. um sölu á nýjum
flokkum húsnæðisbréfa á öðrum
fjórðungi þessa árs. Bréfin eru til
24 og 42 ára og er þeim ætlað að
fjármagna félagslega íbúðakerfið.
Efnt var til útboðs meðal allra
verðbréfafyrirtækjanna og þótti til-
boð VÍB hagstæðast að því er segir
í frétt frá Húsnæðisstofnun. Með
samningnum tryggir VÍB hf. sölu á
1.500 milljónum króna í húsnæðis-
bréfum á tímabilinu apríl til júní.og
er ætlunin að Húsnæðisstofnun afli
sér þannig 5 milljarða króna láns-
fjár í ár. VÍB hf. mun að auki ann-
ast viðskiptavakt fyrir Husnæðis-
stofnun á Verðbréfaþingi íslands.
Forstjóra-
skipti hjá
Ossuri hf.
TRYGGVI Sveinbjörnsson,
forstjóri stoðtækjafyrirtækis-
ins Ossurar hf., lét í gær af
störfum að eigin ósk að því
er segir í fréttatilkynningu frá
fyrirtækinu. Össur Kristins-
son, stofnandi fyrirtækisins og
aðaleigandi þess, hefur tekið
við starfi forstjóra.
Forstjórar
óttast
rannsókn
París. Reuter.
FIMMTÁN af hundraði franskra
forstjóra óttast að þeir verði látnir
sæta rannsókn vegna fjársvika
samkvæmt könnun í frönsku tíma-
riti.
Niðurstaða könnunar mánaðar-
ritsins l’Entreprise á skoðunum 300
forstjóra í febrúarlok kemur á
óvart, þar sem menn eru yfirleitt
tregir til að viðurkenna slíkt, jafn-
vel þótt nafnleyndar sé gætt.
Fjörutíu af hundraði sáu ekkert
athugavert við að taka maka með
í viðskiptaferð og láta fyrirtækið
borga og 61% taldi í lagi að snæða
á kostnað fyrirtækisins utan vinnu-
tíma.