Morgunblaðið - 27.03.1996, Blaðsíða 36

36 MIÐVIKUDAGUR 27. MARZ 1996
MORGUNBLAÐIÐ
Dýraglens
Ljóska
Smáfólk
VE5, MAAM..I VE BEEN
OOING MY RE6ULAR WORK
N0,MA'AM,I HAVEN T
BEEN WA5TIN6 MY
TIME C0L0RIN6 IN
A C0L0RIN6 BOOK..
TMAT5 NOTMT
C0L0RIN6 BOOK.
IT BEL0N65 TO
MV P06..
Já, kennari ég hef verið að
sinna verkefnum mínum.
Nei, kennari, ég hef
ekki verið að eyða tím-
anum í að lita í litabók.
Þetta er ekki lita-
bókin mín - hundur-
inn minn á hana.
Hann er hrifinn af lita-
bókum. Ég lita himininn
alltaf bláan
BREF
TIL BLAÐSINS
Kringlan 1103 Reykjavík • Sími 5691100 • Símbréf 569 1329
• Netfang: lauga@mbl.is
Opið bréf til
málfarsráðunautar
RÚV
Frá Hauki Eggertssyni:
AGÆTI málfarsráðunautur.
Miðvikudaginn 13. mars sl. birt-
ist eftir mig greinarkorn i Morgun-
blaðinu undir heitinu Ríkisútvarpið
og íslenskt mál. Meginefni þess
var að láta í ljós þá skoðun mína,
að málfar á bréfi frá Innheimtu-
deild Ríkisútvarpsins, dags. 28.
febr., félli ekki vel að mínum
smekk um íslenskt mál, og jafnvel
að því ýjað, að það væri nokkuð
ensk/amerískuskotið og sæmdi því
illa stefnu þeirrar stofnunar, sem
einna fremst stendur um varð-
veislu íslenskrar tungu.
í grein minni beindi ég þeirri
spurningu til þín, hvort þú værir
sáttur við stíl bréfsins, eða mál-
far, og hvort hann væri því mér
eða öðrum til eftirbreytni. Ekki
get ég að því gert, að ég hef ver-
ið að vonast eftir athugasemd frá
þér, en ekki séð hana enn sem
komið er, enda er ekk-i víst, að
þú hafir veitt grein minni at-
hygli. Ég vona, að ekki sé til of
mikils mælst þótt ég spyiji þig
beint að því, hvort þú sért mál-
farslega sáttur við bréfið; ég ætl-
ast ekki til langra útskýringa.
Sért þú sáttur við það nægir mér
bara eitt stutt já, en teljir þú þar
að um einhveija meinbugi sé að
ræða í framsetningunni, þætti
mér vænt um örlitla skýringu.
Til þess að auðvelda þér verkið
endurtek ég hér þann kafla bréfs-
ins, er ég máli mínu til skýringar
birti í greininni:
„Beingreiðslur: Þú semur við
bankann þinn um að greiða fyrir
þig á ákveðnum gjalddögum um-
samin útgjöld, til dæmis afborgan-
ir eða áskriftargjöld. Þá millifærir
hann greiðslu af reikningi þínum
til þess sem þú ætlar að greiða á
ákveðnum degi. Til þessa getur
þú notað alla óbundna bankareikn-
inga. Þetta er hagkvæmasti
greiðslumáti nútímans. Þú þarft
að veita bankanum þínum skrif-
lega heimild til að gera þetta. Við
sendum þér með þessu bréfi seðil
sem þú getur fyllt út og afhent
þínum banka eða sparisjóði, næst
þegar þú átt leið þangað, ef þú
kýst beingreiðslu."
Þessi málsgrein er 91 orð, þar
af persónufornafnið þú/þig/þér
notað 9 ■ sinnum, og eignarforn.
þinn/þínum 4 sinnum, samtals 13
sinnum fornöfn, notuð sem ávarp
og áhersla til viðtakenda bréfsins.
(Ég vantaldi um eitt í grein minni.)
Það eru 14,3% af orðafjölda text-
ans. Mér finnst þetta vera tæl-
andi, ágengnis-framsetning, sem
ákaft er nú lætt inn í málið, flest-
um að óvörum, en eigi þar ekki
heima, og síst hjá svo virðulegri
stofnun sem Ríkisútvarpið er.
Með bestu kveðju.
HAUKUR EGGERTSSON.
Nauðgun er glæpur
Frá Ruth Ásdísardóttur:
ÞAÐ gengur alveg fram af mér
hvernig þessi þjóð tekur á málum
sem kynferðisglæpum. Allir segja
uss, roðna í framan og taka fyrir
eyrun. Það sem fær mig til að
skrifa bréf til blaðsins eru um-
mæli einhverrar konu sem birtist
15. mars sl. Mér finnst hreint út
sagt hlægilegt að sjá svona mörg
bréf frá fólki sem þykist vita
lengra nefi sínu og kallar aðra
mannorðsmorðingja, nornir, at-
hyglissjúkt fólk og Guð má vita
hvað. Það vill enginn sjá neitt ljótt
í þessu landi. Það vill enginn vita
neitt og allir mega um fijálst
höfuð stijúka. Allir hafa sama
rétt og allir eiga rétt á að vera í
kyrrþey og stunda sitt athæfi í
friði, hvað svo sem það hugsan-
lega gæti verið. Mig langar að
benda fólki á, og þá sérstaklega
fólki eins og þessari Guðrúnu
Jakobsen, sem augljóslega er ekki
mjög upplýst um hina stóru ver-
öld, að nauðgun er glæpur. Sifja-
spell er glæpur. Ofbeldi er glæp-
ur. Slíkt afbrot sem kynferðislegt
ofbeldi er, er allavega talið glæp-
ur í þróaðri ríkjum eins og Banda-
ríkjunum, Mið-Evrópu og Skand-
inavíu. Mig langar einmitt í þessu
samhengi að benda á mjög gott
bréf sem birtist einnig í Morgun-
blaðinu 15. mars sl. sem Jón Sig-
urðsson sendi inn. Bretinn sem
ranglega var kærður fékk enga
miskunn, hvorki frá almenningi
né fjölmiðlum. Þá var ekki mikið
verið að íhuga friðhelgi hans né
rétt á nafnleynd sem geranda, var
það? En fyrst útlendingurinn var
ekki sekur heldur einhver íslend-
ingur, nú þá var allt í lagi, var
það ekki?
Er virkilega leyfilegt hér á landi
að nauðga og beija konur? Er
leyfilegt að áreita börn kynferðis-
lega? Er þetta virkilega staða ís-
lensks þjóðfélags í dag?
Ég held að fólk sem telur af-
brot af þessu tagi léttvæg og að
verið sé aðeins „að sletta úr klauf-
unum“ ætti að kynna sér þessi
mál áður en ráðist er í fjölmiðla
með heimskulegar yfirlýsingar.
Ég vona bara innilega að slíkt
viðhorf sé ekki allsráðandi í þessu
landi. Það væri virkilega mikil
skömm að vera íslendingur ef svo
væri.
RUTH ÁSDÍSARDÓTTIR
Suðurbraut 24, 220 Hafnarfjörður.
Allt efni sem birtist í Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að lútandi.