Morgunblaðið - 18.04.1996, Blaðsíða 22

22 FIMMTUDAGUR 18. APRÍL 1996
MORGUNBLAÐIÐ
Digraneskirkja
Messe Solenn-
elle eftir Rossini
LISTIR
NEMENDUR Nýja tónlistarskólans
flytja Messe Solennelle eftir G. Ross-
ini í Digraneskirkju, sunnudaginn
21. apríl kl. 16.
í kynningu segir: „Segja má að
sé að bera í bakkafullan lækinn að
flytja þessa messu aðeins fáum vik-
um eftir að hún var flutt í Langholts-
kirkju og þá af kór kirkjunnar. En
stefna söngdeildar Nýja tónlist-
arskólans hefur verið að færa árlega
upp krefjandi verkefni með nemend-
um söngdeildarinnar, síðast var það
Töfraflauta Mozarts í Tjarnarbíói
og messa Rossinis var ákveðin áður
en vitað var um fyrirhugaðan flutn-
ing í Langholtskirkju. En spngdeild
skólans er vitanlega þakklát kór
Langholtskirkju fyrir allar kynning-
ar í fjölmiðlum á messu Rossinis og
vonar að ágætur flutningur í Lang-
holtskirkju komi flutningi Nýja tón-
listarskólans til góða hvað aðsókn
snertir.
Fimmtán einsöngvarar
Messan er jú skrifuð fyrir fjóra
einsöngvara, kór, píanó og harmon-
ium. Fimmtán einsöngvarar koma
fram í flutningi Nýja tónlistarskól-
ans, en einsöngshlutverkunum er
skipt niður á fimmtán söngvara og
m.a. eru sum kóratriðin syngin af
fjórum einsöngurum, sem gefur
flutningnum annað yfirbragð. Kór-
inn er vitanlega miklu fámennari en
var í flutningi Langholtskirkjukórs-
ins, en fámennur kór er nær því
upprunalega, því Rossini mun hafa
haft mjög fámennan kór í huga þeg-
ar hann skrifaði messuna.
Þegar vitnaðist um flutning Lang-
holtskirkjukórsins á messunni var
ákveðið að nota hljómsveitarútgáf-
una í flutningi Nýja tónlistarskólans
til þess að fá þá algjörlega nýja
mynd af messunni, en í þeim bún-
ingi var messan fyrst flutt opinber-
lega og þá á fæðingardegi Rossinis
28. febrúar 1869, en hann var fædd-
ur á hlaupársdag. Af undarlegri til-
viljun bárust aldrei allar hljómsveit-
amóturnar til landsins, hvort sem
Rossini sjálfur hefur átt einhvern
hlut þar að máli eða ekki, en hljóm-
sveitarútgáfan hefur líklega ekki
verið Rossinis hjartans mál. En þar
sem ýmsu er umturnað í flutningn-
um frá því sem Rossini skrifar, ætl-
um við einnig að breyta til með
harmoníið og nota í staðinn hið nýja
og ágæta íslenska orgel kirkjunnar."
Einsöngvararnir sem fram koma
á tónleikunum stíga allir fram úr
röðum kórsins en þeir eru Guðrún
H. Stefánsdóttir sópran, Valgerður
Ólafsdóttir alt, Óskar Sigurðsson
tenór, Valdemar Hilmarsson bassi,
Katla Rannversdóttir sópran, Helena
Fredriksen alt, Örn Arnarsson te-
nór, Garðar H. Friðjónsson bassi,
Jónas Steinsson tenór, Þorvaldur
Þorvaldsson bassi, Ásthildur Bern-
harðsdóttir sópran, Þorsteinn Lange
tenór, Þráinn Sigurðsson tenór,
Margrét Halldórsdóttir alt og Ósk
Ingadóttir sópran.
Píanó- og orgelleik sjá tveir kenn-
arar skólans um, þau Krystyna Cort-
es og Jónas Sen. Stjómandi er Ragn-
ar Björnsson.
Aðgangseyrir er 300 kr. en nem-
endur sem sýna skólaskírteini þurfa
ekki að greiða aðgangseyri.
NEMENDUR á æfingu.
Morgunblaðið/Ásdls
TRIO Borealis ásamt Sigrúnu Eðvaldsdóttur.
Kaupmannahöfn. Morgnnblaðið.
HVAÐ eiga Caput-hópurinn, Trio
Borealis, Sjón, Einar Már Guð-
mundsson, Sigurður Bragason og
Sinfóníuhljómsveit íslands sam-
eiginlegt? Jú, allt þetta ágæta
fólk hefur eða mun koma fram
á næstunni á Kaupmannahafnar-
svæðinu innan hinnar víðfeðmu
dagskrár menningarborgarinnar
Kaupmannahafnar, svo íslensk
menning stingur nyög upp kollin-
um hér þessar vikurnar.
Caput-hópurinn spilaði íslensk
og dönsk verk hér nýlega í tón-
leikaröð, sem danska tónskálda-
félagið hélt í Den anden Operá,
en svo kallast félagsskapur, er
komið hefur sér fyrir í húsa-
kynnum rétt fyrir ofan Illum í
hliðargötu frá Kaupmangara-
götu. Þarna komu fram ýmsir
þekktir tónlistarmenn, sem
leggja fyrir sig samtímatónlist
og þá ekki undarlegt að Caput-
hópurinn væri kallaður til, því
hann hefur þegar getið sér orð
víða fyrir flutning sinn bæði á
tónleikum og plötum. Ef marka
má að þeim hópum fer fjölg-
andi, sem leggja fyrir sig sam-
tímatónlist, er enginn vafi á vax-
andi áhuga á samtímatónlist og
meira en ánægjulegt að íslend-
ingar skuli einnig eiga hóp, sem
eingöngu sinnir henni.
Um miðjan apríl kom Sigurð-
ur Bragason söngvari fram á
tvennum tónleikum í tónleika-
röð, sem haldin er í kirkjum víðs
vegar um Stór-Kaupmanna-
hafnarsvæðið. Hinn 14. apríl
söng hann á Helsingjaeyri og
Caput,
Borealis,
Sjón,
SÍ og
fleira...
hinn 16. apríl í Kristskirkju á
Vesturbrú i Kaupmannahöfn.
Undirleikari hans er Vovka As-
hkenazy, en þeir hafa starfað
saraan um hríð og meðal annars
gefið út geisladisk með sönglög-
um úr austri og vestri.
Trio Borealis spilaði hér á
fyrstu tónleikunum, sem haldnir
voru í Arken, nýja danska sam-
tímalistasafninu fyrir sunnan
Kaupmannahöfn. Þar voru á
ferðinni Einar Jóhannesson
klarinettuleikari, Anna Guðný
Guðmundsdóttir píanóleikari og
Richard Talkowsky sellóleikari
og með þeim spilaði einnig Sig-
rún Eðvaldsdóttir fiðluleikari. í
umsögn í Politiken lofaði tónlist-
argagnrýnandinn flutninginn í
hástert.
Sigrún Eðvaldsdóttir verður
einnig einleikari með Sinfóníu-
hljómsveitinni á tónleikum hér
sunnudaginn 21. apríl í Tívolí-
salnum undir stjórn Osmo
Vanska. Tónleikarnir eru hluti
af tónleikaröð, þar sem erlendar
sinfóníuhljómsveitir spila. Á
verkefnaskránni er forleikur
Jóns Leifs að Galdra-Lofti, fiðlu-
konsert Sibeliusar og 2. sinfónía
Rachmaninoffs. Tónleikarnir
hafa verið vel auglýstir og með-
al annars vitnað í umsögn BBC
Music Magasine, sem hefur sagt
um hljómsveitina að hún sé ein
þeirra bestu í Evrópu og umsögn
New York Times frá í febrúar
um að frumraun hljómsveitar-
innar í Carnegie Hall hafi verið
stórfengleg.
Bókmenntirnar gleymast ekki
á menningarárinu og í lok apríl
verður ljóðahátíð í Hróarskeldu,
sem einnig tengist menningarár-
inu, enda bærinn hluti af lestar-
neti höfuðborgarinnar, ef ekki
annað. Þarna koma ljóðskáld og
lesa verk sín og þá einnig Einar
Már Guðmundsson og Sjón. Ein-
ar Már hefur lengi verið kunnur
meðal danskra bókmennta-
áhugamanna, en með Norður-
landaráðsverðlaununum náði
hann út fyrir þröngan hóp fagur-
kera.
Það sem er ánægjulegt er ekki
aðeins að þetta ágæta listafólk
komi hingað og gleðji með list
sinni, heldur að allir þessir lista-
menn koma fram innan ramma
vel kynntra og vel sóttra dag-
skráratriða.
Sinfóníuhljómsveit íslands flytur verk eftir Mozart og Rachmaninoff í kvöld
„Það sem
mér lig’gnr
á hjarta“
SINFÓNÍUHUÓMSVEIT Is-
lands efnir til tónleika í Háskóla-
bíói í kvöld kl. 20. Á efnisskrá
er Píanókonsert nr. 21 K.467
eftir Wolfgang Amadeus Mozart
og Sinfónía nr. 2 eftir Sergei
Rachmaninoff. Einleikari verður
rússneski píanóleikarinn Alexei
Lubimov en tónsprotinn verður í
höndum Osmo Vánská.
í kynningu segir: „Alexei Lub-
imov er án efa einn fremsti píanó-
leikari heimsins í dag. Hann fædd-
ist í Moskvu og hlaut þar sína
tónlistarmenntun. Lubimov
kvaddi sér fyrst hljóðs sem flytj-
andi nútímatónlistar og frumflutti
hann í Sovétríkjunum verk eftir
m.a. Boulez, Stockhausen,
Schnittke o.fl. Hann var aðal-
hvatamaður að stofnun Alterna-
tiva-tónlistarhátíðarinnar í
Moskvu. Framan af fékk Lubimov
ekki að koma fram utan Sovétríkj-
anna og notaði hann þá tímann
og lagði stund á flutning tónlistar
á upprunaleg hljóðfæri. I því skyni
stofnaði hann Kammerakadem-
ALEXEI Lubimov píanóleikari.
íuna í Moskvu. Frá árinu 1987
hefur Lubimov verið á stöðugum
tónleikaferðum um heiminn.
Nú tekur að líða að starfslokum
Osmo Vánská sem aðalhljómsveit-
arstjóra SI, en hann lætur af störf-
um sem slíkur í lok júní nk. Auk
þess að vera aðalstjórandi SÍ hef-
ur hann verið aðalhljómsveitar-
stjóri sinfóníuhljómsveitarinnar í
Lahti í Finnlandi. Næsta haust
mun hann taka við stöðu aðal-
hljómsveitarstjóra skosku BBC-
hljómsveitarinnar í Glasgow.
í hamingjuleit
Á árunum 1782 til 1786 samdi
Mozart ekki færri en 13 píanó-
konserta. Sennilega hafa aldrei í
tónlistarsögunni verið samdir
jafn margir ágætir píanókonsert-
ar á jafn skömmum tíma. Árið
1782 sagði Mozart stöðu sinni í
Salzburg lausri og hélt til Vínar
í hamingjuleit, en þar átti hann
mikilli velgengni að fagna um
þær mundir. Hann var eftirsóttur
og vinsæll einleikari sem ýmist
hélt sjálfur tónleika eða kom fram
á tónleikum annarra listamanna
og stundum í samkvæmum
tignarfólksins í Vín. Píanókonsert
nr. 21 var frumfluttur af tón-
skáldinu í Borgarleikhúsinu í Vín
í mars 1785 og hlaut hinar bestu
viðtökur.
„Þegar ég sem tónlist reyni ég
ekki að vera frumlegur, róm-
antískur, þjóðlegur eða nokkuð
sérstakt. Eg færi á nótnablaðið
þá tónlist sem hljómar innra með
mér. Ég er rússneskt tónskáld
og föðurland mitt hefur haft áhrif
á skaplyndi mitt og viðhorf. Það
eina sem ég leitast við í mínum
tónsmíðum er að tjá það sem mér
liggur á hjarta.“ Þannig mælti
tónskáldið Sergei Rachmaninoff.
Tónverk hans hafa alla tíð notið
mikillar almenningshylli, þótt
fræðimenn hafi haft meiri fyrir-
vara á tónsmíðum hans. Rach-
maninoff samdi m.a. fjóra píanó-
konserta, fjórar óperur og þrjár
sinfóníur, en það er sinfónía nr.
2 sem leikin verður að þessu sinni.
Sinfónían sem frumflutt var í
Sankti Pétursborg í janúar 1908
undir stjórn höfundar hefur síðan
orðið eitt vinsælasta verk hans.“