Morgunblaðið - 28.09.1996, Blaðsíða 4

4 LAUGARDAGUR 28. SEPTEMBER 1996
MORGUNBLAÐIÐ
FRÉTTIR
Samgönffuráðherra á fundi með fulltrúa framkvæmdastjórnar ESB
Islandi boðin aðild að sanui-
ingum ESB við Bandaríkin
„MEGINTILGANGUR viðræðnanna var að koma
sjónarmiðum okkar í samgöngumálum á fram-
færi við framkvæmdastjórn Evrópusambandsins.
Viðræðurnar við Kinnock voru gagnlegar og við
vorum sammála um mikilvægi þess að áfram
héldust þau góðu samskipti, sem Island og aðild-
arríki ESB hafa átt á sviði samgöngumála," sagði
Halldór Blöndal, samgönguráðherra, sem í gær
hitti Neil Kinnock í Brussel. Kinnock fer með
samgöngumál í framkvæmdastjóm ESB.
Með ráðherra í för voru þeir Einar Kr. Guð-
finnsson, formaður samgöngunefndar Alþingis,
Þorgeir Pálsson flugmálastjóri, Jón Birgir Jóns-
son, ráðuneytisstjóri í samgönguráðuneytinu, og
Jóhann Guðmundsson, fulltrúi ráðuneytisins í
Brussel.
Sámkeppnisstaða
kaupskipaflotans
Halldór Blöndal sagði fundinn annars vegar
hafa snúist um sigiingamál og hins vegar um
flugmál. „Við ræddum meðal annars um sam-
keppnisstöðu kaupskipaflotans í Evrópu gagn-
vart þeim ríkjum sem heimila svokallaða útflögg-
un kaupskipa og veita miklar skattaívilnanir
vegna skipa sem þar eru skrásett. Sum ríki, til
dæmis Danmörk og Noregur, hafa brugðist við
þessu með sambærilegum ívilnunum og auka-
skráningu skipa. Kinnock hefur skrifað skýrslu
um hvernig mæta megi óeðlilegri samkeppni af
þessu tagi. Skýrslan hefur verið send til umsagn-
ar hjá aðildarríkjum ESB og hann bauð að ís-
land gæti komið sínum sjónarmiðum að, sem er
okkur afar mikilvægt.
Jafnframt ræddum við öryggismál sjómanna,
jafnt fiskimanna sem áhafna á kaupskipaflotan-
um. Verið er að auka öryggiskröfur á minni
skipum, bæði á alþjóðavettvangi og á vettvangi
Evrópusambandsins og Kinnock lét þau orð fa]la
að fengur væri að því að njóta sérþekkingar ís-
lendinga á þessu sviði.“
Halldór sagði að á fundinum hefði einnig ver-
ið rætt um stöðu Flugstjórnarstofnunar Evrópu,
Eurocontrol. „Kinnock skildi vel það sjónarmið
okkar að við vildum standa utan stofnunarinnar
þar sem ísland telst sérstakt flugstjórnarsvæði
og hefur samið sérstaklega við Alþjóðaflugmála-
stofnunina um flugstjóm á Norður-Atlantshafi.“
Samið við bandarísk
flugmálayfirvöld
Á fundinum var jafnframt rætt um samskipti
framkvæmdastjórnar ESB og flugmálayfirvalda
í Bandaríkjunum en formlegar viðræður um loft-
ferðasamninga milli þessara aðila heijast í næsta
mánuði. „Kinnock bauðst til að greiða fyrir því
að við gætum orðið aðilar að þeim viðræðum og
við munum leita eftir því með formlegum hætti.
Flugöryggisstofnun Evrópu bar á góma á fund-
inum en Island er aðili að stofnuninni. „Nú liggur
ekki fyrir hvaða afstöðu Evrópusambandið tekur
í málum Flugöryggisstofnunarinnar og á meðan
ríkir pattstaða í málum hennar. Neil Kinnock var
okkur sammála um að brýnt væri að koma rekstri
stofnunarinnar í eðlilegt horf sem fýrst,“ sagði
Halldór Blöndal samgönguráðherra.
Skilaði sér
ekki eftir
reynslu-
akstur
MAÐUR, sem fékk að reynslu-
aka bifreið hjá Litlu bílasölunni
í Skógarhlíð á fimmtudag, lét
undir höfuð leggjast að skila
bifreiðinni aftur.
Eins og alsiða er meðal
væntanlegra bílkaupenda ósk-
aði maðurinn eftir að fá að
reynsluaka bifreiðinni, fékk
lykla og hvarf á brott. Leið
svo og beið og bólaði ekkert
á honum. Bílasalan sá sig loks
knúna til að leita aðstoðar lög-
reglu.
Bifreiðin, sem maðurinn
tók, er af gerðinni Daihatsu
Charmant, ljósbrún að lit, ár-
gerð 1987, með skráningar-
númerið G-694. Þeir sem vita
hvar bifreiðin er nú eru beðn-
ir um að láta slysarannsókna-
deild lögreglunnar í Reykjavík
vita.
Morgunblaðið/Snævarr Guðmundsson
Almyrkvaður máni
TUNGL var almyrkvað í fyrrinótt
og sjálfsagt hafa margir vakað
til að sjá það ganga inn í al-
skugga jarðarinnar. Á meðfylgj-
andi myndum cr sú sjón sem
mætti mönnum. Á fyrstu mynd-
inni er fullt tunglið ómyrkvað
með öllu. Á annarri myndinni er
tunglið gengið að hálfu inn í
skugga jarðar. Þriðja myndin var
svo tekin í almyrkva, sem stóð frá
um kl. 2.30 til 3.30. Loks sést
tunglið þoka sér undan skugga
jarðar á ný.
Emma Bonino á fundi Mannréttindaskrifstofu íslands
Berst fyrir stofnun
stríðsglæpadómstóls SÞ
EMMA Bonino, sem þekktust er
fyrir að fara með sjávarútvegsmál
í framkvæmdastjórn Evrópusam-
bandsins (ESB), gaf sér tíma í
beinu framhaldi af sjávarútvegs-
ráðstefnu Evrópusambandsins og
sjávarútvegsráðuneytisins á Hótel
Sögu í gær, til að tala á opnum
fundi um stefnu Evrópusambands-
ins varðandi neyðaraðstoð og al-
þjóðlegan mannúðarrétt. Auk sjáv-
arútvegsmála fer Bonino með
mannúðarmál og neyðarhjálp, sem
og neytendamál, í framkvæmda-
stjóminni.
Á fundinum, sem Mannréttinda-
skrifstofa íslands og aðildarfélög
hennar stóð fyrir, viðurkenndi Bon-
ino fyrir fundargestum, að
mannúðarmálefni stæðu henni mun
nær en hin sviðin tvö, sem hún er
ábyrg fyrir innan ESB, þótt hún
reyni eftir megni að sinna þeim
öllum af kostgæfni. í erindi sínu
rakti hún stefnu og vandamál
mannúðar- og neyðarhjálpar ESB,
sem hefur t.d. átt stóran þátt í að
draga úr þjáningum fólks í Bosníu
og á átakasvæðum hútúa og tútsa
í Rúanda og Búrúndí. Hefur ESB
lagt milljarða króna til þessara
verkefna.
Varanlegur stríðsglæpa- og
mannréttindadómstóll
Bonino vakti sérstaka athygli á
máli, sem tengist þessum nefndu
mannlegu harmleikjum. Það er
stofnun alþjóðlegs stríðsglæpa- og
mannréttindadómstóls, sem ætlað
er að vera varanleg stofnun innan
vébanda Sameinuðu þjóðanna og
dæma í slíkum málum, sem upp
koma, hvar sem er í heiminum.
Alþjóðlegu dómstólarnir, sem sett-
ir voru upp til að rétta í striðs-
glæpamálum frá Bosníu annars
vegar og úr borgarastríði hútúa
og tútsa hins vegar, segir hún
vera skref í áttina, en þeir séu
stofnanir sem aðeins séu settar
upp eftir að hörmungarnar eru
dundar yfir; varanlegur dómstóll,
sem hefði lögsögu sem næði til
heimsins alls (allra aðildarlanda
SÞ) gæti hins vegar ekki aðeins
verið stofnun, sem réttaði á skil-
virkan hátt í stríðsglæpamálum
eftir afstaðin átök, heldur myndi
verka sem fæling - hann gæti
orðið mikilvægur hlekkur í alþjóð-
legu starfi sem miðaði að því að
koma í veg fyrir að svæðisbundin
átök mögnuðust upp í að leiða af
sér aðrar eins hörmungar og gerð-
ist til dæmis í Bosníu.
Atkvæðagreiðsla í allsheijar-
þingi SÞ um stofnun dómstólsins
mun fara fram í byijun nóvember
nk. Bonino berst nú fyrir því, að
Evrópusambandsþjóðirnar taki
sameiginlega afstöðu í málinu og
styðji stofnun dómstólsins innan
ákveðinnar tímaáætlunar; það skuli
gerast fyrir árslok 1998.
íslandsdeild Amnesty Internat-
ional, sem er eitt af aðildarfélögum
Mannréttindaskrifstofu íslands,
berst einnig fyrir sama markmiði
og hefur af því tilefni útbúið póst-
kort með áskorun um stuðning við
stofnun dómstólsins, sem almenn-
ingur getur undirritað og sent til
ríkisstjóma heims.
>
f
>
t
i
tí
I
í
l
I
I
Lánað verði til bygg-
ingar leiguhúsnæðis
PALL Pétursson félagsmálaráðherra
telur að veita eigi opinber lán til
bygginga á leiguíbúðum. Þetta kom
fram í ræðu ráðherrans á ársfundi
Húsnæðisstofnunar ríkisins í gær.
Stjórn Húsnæðisstofnunar er nú að
leggja lokahönd á frumvarpsdrög
um þetta efni að beiðni ráðherra.
Hákon Hákonarson, formaður
húsnæðismálastjórnar, segir að með
þessari breytingu verði stigið fyrsta
skrefið til að koma á eðlilegum leigu-
markaði hér á landi. „Af einhveijum
ástæðum hafa þeir sem eiga peninga
ekki viljað fjárfesta í leiguhúsnæði.
Leigumarkaðurinn er því fremur
vanþróaður, íbúðir oft lélegar og
dýrar. Við stefnum ekki að því að
niðurgreiða byggingu á leiguhús-
næði um alla framtíð, en hugsanlega
getum við losnað úr þeim vítahring
Úrelt að allir
eignist eigið
húsnæði?
sem kemur í veg fyrir að húsnæði
sé byggt í þessum tilgangi."
Hákon segir að hugsanlega sé
það úrelt sjónarmið að allir þurfi
að geta eignast eigið húsnæði. „Sú
stefna verður áfram í fullu gildi hjá
okkur við hlið nýrra lausna að fólk
geti keypt sér íbúðir, en ég tel tíma-
bært að endurskoða kerfið. Best
væri að einfalda það þannig að öll-
um væri boðið upp á kaupleiguíbúð-
ir. Þeir sem geta kaupa íbúðirnar
þegar þeim hentar en hinir leigja
áfram.“
Meðal annarra nýjunga sem
kynntar voru á ársfundinum voru
hugmyndir um að haft væri samband
að fyrra bragði við þá skuldunauta
félagslega íbúðakerfísins sem ekki
standa í skilum. „Þegar fólk hættir
að standa í skilum er það oft út af
einhveijum persónulegum áföllum,
til dæmis dauðsföllum, veikindum
eða atvinnumissi. Áfallið er oft svo
mikið að það getur ekki brugðist við
vandanum, hann safnast upp og
verður óyfirstíganlegur. Gott væri
ef við gætum haft samband skriflega
eða í síma við þá sem ekki standa
í skilum í ákveðinn tíma og boðið
aðstoð. Húsnæðisstofnun hefur
mikla reynslu í ráðgjöf í húsnæðis-
málum og getur boðið upp á ýmis
úrræði, t.d. frestun á afborgunum,
skuldbreytingar og fleira," segir
Hákon.
Andlát
SVAVAR
ÁRMANNSSON
SVAVAR Ármannsson,
aðstoðarforstjóri Fisk-
veiðasjóðs Islands, lést á
heimili sínu í Reykjavík
síðastliðinn fimmtudag.
Svavar fæddist á Ak-
ureyri 20. ágúst 1941.
Foreldrar hans voru Ár-
mann Jakobsson, banka-
stjóri Útvegsbanka ís-
lands, og Hildur Sigríður
Svavarsdóttir húsfreyja.
Svavar lauk stúdents-
prófi frá Menntaskólan-
um í Reykjavík árið 1961
og næstu árin stundaði
hann nám við lagadeild
Háskóla íslands.
Árið 1968 starfaði hann um skeið
í Útvegsbanka íslands en síðar sama
ár hóf hann störf hjá Fiskveiðasjóði
Islands. I nokkur ár var Svavar einn-
ig stundakennari við
Kvennaskólann í
Reykjavík. Frá 1. jan-
úar 1980 til dauða-
dags var hann aðstoð-
arforstjóri Fiskveiða-
sjóðs Islands.
Svavar sat í stjórn
Þormóðs ramma frá
nóvember 1983 til
apríl 1987. Hann
gegndi ýmsum
trúnaðarstörfum á
vegum sjávarútvegs-
ráðuneytis, Sam-
bands íslenskra
bankamanna og um
skeið var hann í
samninganefnd SÍB.
Eftirlifandi eiginkona Svavars er
Ingibjörg Ásta Egilsdóttir húsmóðir
og eignuðust þau þijár dætur.
I
I
I
£
I
t
|
I
I
4-