Morgunblaðið - 23.10.1996, Blaðsíða 2

2 MIÐVIKUDAGUR 23. OKTÓBER 1996
MORGUNBLAÐIÐ
FRÉTTIR
Bæjarstjórnarmeirihlutinn á Húsavík ekki sammála um sölu bréfa í FH og Höfða
Salan samþykkt með stuðn-
ingi sjálfstæðismanna
MEIRIHLUTAFLOKKARNIR í bæjarstjórn
Húsavíkur, Framsóknarflokkur og Alþýðu-
bandalag, voru ekki samstiga þegar greidd voru
atkvæði um tillögu Stefáns Haraldssonar, Fram-
sóknarflokki, um að Framkvæmdalánasjóður
selji væntanlegu sameinuðu hlutafélagi Fiskiðju-
samlags Húsavíkur, FH, og Höfða, hlutabréf
að nafnverði 55 milljónir króna á genginu 1,95.
Þrír fulltrúar Alþýðubandalags ásamt fulltrúa
Alþýðufiokks greiddu atkvæði gegn tillögunni,
en hún var samþykkt með stuðningi tveggja
fulltrúa Sjálfstæðisflokks í bæjarstjóm. Miklar
og heitar umræður urðu um tillöguna á fimm
tíma löngum fundi bæjarstjómar.
Tillaga um sameiningu Fiskiðjusamlags
Húsavíkur og Höfða var samþykkt með atkvæð-
um fulltrúa Frarnsóknarflokks og Sjálfstæðis-
flokks. Kristján Ásgeirsson, Alþýðubandalagi,
greiddi atkvæði á móti tillögunni, en hinir tveir
fulltrúar flokksins sátu hjá. I greinargerð þeirra
segir m.a. að fulltrúar G- og B-lista hafi undan-
farna daga reynt að ná samkomulagi um fram-
tíðarsýn fyrirtækisins en greini verulega á í
þeim efnum. Til stendur að sameina félögin tvö
Alþýðubandalag sakar sam-
starfsflokkinn um að gæta
ekki hagsmuna bæjarins
um næstu mánaðamót, en hluthafafundir í FH
og Höfða hafa verið boðaðir næsta þriðjudag,
29. október, þar sem formlega verður gengið
frá sameiningunni.
Fulltrúar Alþýðubandalags lögðu á fundinum
til að allt að 9% hlutafjár Framkvæmdalánasjóðs
yrðu seld á almennum hlutabréfamarkaði, við
það myndi rétt og sanngjarnt verð fást fyrir
bréfin, en þeir telja að verið sé að selja hlutabréf-
in langt undir markaðsverði. Tillagan var felld.
Þá lagði Jón Ásberg Salómonsson, Alþýðu-
flokki, fram tillögu um að 5% hlutabréfa bæjar-
ins yrðu seld á almennum markaði á genginu
2 og að íbúum Húsavíkur yrði boðinn forkaups-
réttur að ákveðnum hluta bréfanna á sama
gengi. Tillaga Jóns var einnig felld.
Sjálfstæðismenn í bæjarstjórn gengu til liðs
við fulltrúa Framsóknarflokksins þegar greidd
voru atkvæði um tillögu Stefáns, að selja vænt-
anlegu sameinuðu hlutafélagi hlutabréf að nafn-
virði 55 milljónir á genginu 1,95. Fulltrúar Al-
þýðubandalags bókuðu á fundinum að þeir telji
óeðlilegt að fulltrúar bæjarins í stjórnum FH
og Höfða vinni að málum á þann hátt sem gert
var, enda liggi fýrir að gengi í sameinuðu fé-
lagi sé 2,6 og samkvæmt tillögu endurskoðenda
félaganna sé gengið 2,8. „Ljóst er að með af-
greiðslu á málinu, að selja hlutabréf undir til-
lögu stjórnar eða endurskoðenda, er Húsavíkur-
bær að færa til annarra hluthafa umtalsverða
fjármuni. Með þvi að samþykkja tillögu um
sölu á hlutabréfum langt undir gengi er ljóst
að þeir bæjarfulltrúar sem það gera eru ekki
að gæta hagsmuna bæjarfélagsins, heldur
ganga erinda annarra hagsmunaaðila,“ segir í
bókun G-listans.
Kristján Ásgeirsson lét hörð orð falla í garð
samstarfsflokksins. Hann talaði um svik og að
verið væri að blekkja fólk, en Stefán Haralds-
son sagði við lok umræðunnar að það hefði
verið á mörkunum að hægt hefði verið að sitja
undir aðdróttunum Kristjáns.
TROPPUSPJALL AISAFIRÐI
Morgunblaðið/RAX
Friðrik Sophusson fjármálaráðherra um breytingar á skattkerfinu
Kannað að gera landið
að einu skattumdæmi
VSI ogVR
Náðu ekki
samkomu-
lagium
vinnu-
áætlun
SAMKOMULAG náðist ekki um
vinnuáætlun í komandi kjaraviðræð-
um milli Vinnuveitendasambandsins
og Verslunarmannafélags Reykja-
víkur og mun ríkissáttasemjari
ganga frá áætluninni. Að sögn
Magnúsar L. Sveinssonar, formanns
VR, var ekki fallist á að hié yrði
gert á viðræðunum fram yfir áramót
ef samningar næðust ekki fyrir jól.
„Þeir gerðu kröfu um að ef samn-
ingar næðust ekki fyrir jól þá yrði
gert hlé á viðræðum fram yfir ára-
mót, en þær síðan teknar upp aftur
eftir nýárið og stefnt að því að ljúka
þeim 15. janúar," sagði Magnús.
„Við erum algerlega á móti því að
setja dagsetningar og áform fram á
árið 1997. Við teljum að hugsunin
með breytingum á vinnulöggjöfinni
og viðræðuáætluninni hafi verið að
koma viðræðum af stað nokkru áður
en samningar renna út um áramót
og að menn ættu að freista þess að
ná nýjum samningum áður. Þegar
talað er um að stefna að samningum
fyrir 15. janúar má segja að í því
liggi samþykki fyrir að framlengja
núverandi samning eitthvað fram á
næsta ár. Við höfum ekki umboð til
þess.“ Magnús benti á að VR hefði
þegar náð samkomulagi við Félag
ísl. stórkaupmanna og Vinnumála-
sambandið og að þar væru engar
dagsetningar nefndar eftir áramót.
Reynt að semja fyrir jól
Þórarinn V. Þórarinsson fram-
kvæmdastjóri VSÍ, sagði að sam-
komulag hafi verið gert við öll lands-
sambönd og mörg félög, þar sem
gengið hefur verið út frá að reynt
verði að ná samningum fyrir jól.
„Gerist það ekki þá viljum við hafa
nokkurt raunsæi á vinnulagi og telj-
um þess vegna heppilegt, og um það
hefur náðst samkomulag við alla
aðra, að gert verði formlegt viðræðu-
hlé yfir jól og áramót,“ sagði hann.
„Sáttasemjari taki svo við stjóm við-
ræðnanna annaðhvort um áramótin
eða 16. janúar. Þetta er gert af hag-
kvæmnisástæðum."
FRIÐRIK Sophusson fjármálaráð-
herra segir að hann vilji láta kanna
hvort einfalda eigi skattkerfið með
því að gera ísland að einu skattum-
dæmi. Samkvæmt þessu yrði aðeins
einn skattstjóri og síðan úrskurðar-
nefnd á borð við yfirskattanefnd.
„Þannig verði samræmd öll með-
ferð mála og eftirlit, en starfsemin
gæti jafnt sem áður átt sér stað í
starfstöðvum út um allt land,“ sagði
Friðrik í samtali við Morgunblaðið.
Fjármálaráðuneytið hefur að und-
anfömu að sögn Friðriks átt viðræð-
ur við ýmis félög atvinnulífsins um
fyrirhugaðar breytingar á skattalög-
um og stefnuna í þeim efnum. Hann
sagði að eitt af því sem komið hefði
upp í viðræðum við VSÍ væm hugs-
anlegar breytingar á úrskurðum í
skattkerfinu, en VSÍ hefur bent á
að æskilegt væri að komið yrði á fót
skattadómstól í stað yfirskattanefnd-
ar, sem er úrskurðaraðili stjómsýsl-
unnar, eða að Hæstiréttur tilnefni
meirihluta yfirskattanefndarmanna.
„Ég sé ekki að á næstunni verði
gerðar viðamiklar breytingar á þess-
um málum, en það er hins vegar sjálf-
sagt að skoða það. Ef verið er að
tala um að aðrir en fjármálaráðherr-
ann eigi að koma að skipan nefndar-
innar þá má skoða það á næstunni,
en það verður þó að hafa það í huga
að þótt fjármálaráðherrann skipi
nefndina þá starfar hún eftir lögum,
en ekki eftir fyrirmælum úr flármála-
ráðuneytinu eða skattkerfinu. Að
minu áliti kemur sérstakur skatta-
dómstóll varla í stað yfirskattanefnd-
ar, heldur yrði hann hluti af dóms-
kerfinu," sagði Friðrik.
Forúrskurðir
gætu liðkað til
Friðrik sagði að það sem liðkað
gæti vemlega til í skattkerfinu væri
að skattyfirvöld gætu gefíð út svo-
kallaða forúrskurði. Sagði hann mik-
inn vilja til þess af sinni hálfu að
kanna hvort hægt væri að laga lög-
gjöfina til þannig að slíkt gæti gerst.
„Fyrirspurnum yrði þannig beint
til skattyfirvalda sem svara í svoköll-
uðum forúrskurði, sem síðan yrði
grundvöllur aðgerða af hálfu skatt-
borgaranna eða fyrirtækjanna. Slíkt
ætti að geta greitt vemlega fyrir og
bætt samskiptin milli skattyfirvalda
og skattgreiðenda," sagði Friðrik.
Mikilsíld-
veiði út
af Hér-
aðsflóa
.
ISLENSKA sumargotsíldin
hefur veiðst vel undanfarna
daga út af Héraðsflóa og var
búið að tilkynna veiði á um
16 þúsund tonnum til Samtaka
fískvinnslustöðva í gær.
Að sögn Jakobs Jakobsson-
ar forstöðumanns Hafrann-
sóknastofnunar, gefur þessi
afli enga vísbendingu um
stofnstærð en haft er eftir sjó-
mþnnum að þarna sé mikil síld.
„Ég er mjög ánægður með
það,“ sagði hann. „Hins vegar
á eftir að mæla síldarstofninn
með bergmálsmælingum en
það er gert á hverju ári. Það
á að vera þarna mjög sterkur
árgangur í síldinni frá árinu
1991 eða sex ára síld, sem
okkur fannst ekki skila sér í
fyrra. Það eru margir árgang-
ar í stofninum sem betur fer 1
en þessi átti að vera hvað
sterkastur.“
Að sögn Jakobs hefur það
reynst vel sl. 20 ár að veiða
milli 20 og 25% af veiðistofnin-
um á hveiju ári og nú í ár
væri áætlað að veiða 110 þús.
tonn en reiknað er með að
stofninn sé milli 450 og 500
þús. tonn. Jakob sagði að
fýlgst yrði með veiðunum og
átti ekki von á að bergmáls-
mælingum yrði flýtt en þær
hafa venjulega farið fram í
nóvember.
■ Skínandi síldveiði 4/D
30 fá latex-
ofnæmi
á 5 árum
OFNÆMI fyrir latexi, sem er hið
náttúrulega grunnefni í gúmmíi og
hvarvetna í umhverfi manna, hefur
snaraukizt hér á landi undanfarin
ár. Á fimm árum hafa 30 manns
greinzt með latex-ofnæmi.
Davíð Gíslason, sérfræðingur í
ofnæmissjúkdómum, segir að um
bráðaofnæmi sé að ræða og einkenn-
in séu allt frá því að fólk bólgni upp
á vörunum við að blása upp blöðrur
til óþæginda í nefi og augum og jafn-
vel asma.
Langveikum bömum, sem gengizt
hafa undir margar aðgerðir, og
starfsfólki á sjúkrahúsum er hættast
við latex-ofnæmi. Að sögn Jóns Sig-
urðssonar, svæfingarlæknis á Land-
spítalanum, er einna mest hætta á
sjúkrahúsum á því að latex komist
í snertingu við slímhúð líkamans.
■ Langveikum börnum/6
MEÐ blaðinu í dag fylgir fjög-
urra síðna auglýsingablað frá
BYKO.