Morgunblaðið - 08.11.1996, Qupperneq 14

14 FÖSTUDAGUR 8. NÓVEMBER 1996
MORGUNBLAÐIÐ
AKUREYRI
Heim-
spekilegft
kaffi
ÆSKULÝÐSFÉLAG Akur-
eyrarkirkju gengst fyrir
„heimspekilegu kaffT' í Lax-
dalshúsi á morgun, laugar-
daginn 9. nóvember frá kl.
15 til 18.
Þórgnýr Dýrfjörð heim-
spekingur verður sérstakur
gestur og mun hann flytja
stutt erindi.
„Heimspekilegt kaffi“ er
ætlað ungu fólki og er ætlun-
in að efna til slíkrar kaffi-
drykkju í Laxdalshúsi af og
til á vegum Æskulýðsfélags-
ins í vetur.
KK og Magn-
ús Eiríksson
í Deiglunni
TÓNLISTARMENNIRNIR
Kristján Kristjánsson, KK og
Magnús Eiríksson, halda tón-
leika í Deiglunni í kvöld,
föstudagskvöld kl. 21.30.
Þar munu þeir félagar leika
lög af væntanlegri plötu sinni,
sem hlotið hefur nafnið
„Ómissandi fólk.“ Platan, sem
er 12 laga, kemur út 18. nóv-
ember nk. og munu tónlistar-
mennirnir spila öll lögin í
Deiglunni í kvöld. Miðaverð
er krónur 1000.
Messur
LAUFÁSPRESTAKALL:
Kirkjuskóli á laugardag, 9.
nóvember kl. 11 í Svalbarðs-
kirkju og kl. 13.30 í Grenivík-
urkirkju. Kyrrðar- og fyrir-
bænastund í Grenivíkurkirkju
sunnudagskvöldið 10. nóvem-
ber kl.21.
Bæjarstjórn staðfestir samkomu-
lag eigenda Landsvirkjunar
BÆJARSTJÓRN Akureyrar hefur
staðfest samkomulag . eigenda
Landsvirkjunar um endurskoðun á
eignarhaldi, rekstrarformi og hlut-
verki fyrirtækisins, en í því felst
m.a. að rekstrarformið verður
óbreytt til ársins 2004, eigenda-
framlög verða endurmetin og verða
14 milljarðar króna, arðgreiðslur
verða reiknaðar af endurmetnum
eigendaframlögum og greiðast út
að hluta, gjaldskráin verður
óbreytt til ársins 2000 en lækkar
síðan árlega um 2-3% frá og með
2001. Einnig er gert ráð fyrir að
rekstrarforsendur, arðgjöf og arð-
greiðslur verði metnar fyrir 1. jan-
úar árið 2004 og kannað hvort
grundvöllur sé fyrir því að breyta
Landsvirkjun í hlutafélag.
Jakob Björnsson bæjarstjóri
sagði að þegar lagt var upp í við-
ræður hefði sjónarmiðið verið að
gera hlut Akureyrarbæjar arðbær-
ari. Hugmyndir akureyrsku nefnd-
armannanna hefðu gengið lengra,
en ekki hefði verið pólitískur vilji
til að breyta Landsvirkjun í hlut-
afélag og þeim hugmyndum því
ekki haldið til streitu. Það hefði
lengi verið á stefnuskrá bæjarins
að selja hlut sinn í Landsvirkjun
og nýta féð á arðbærari hátt.
Akureyrarbær gæti verið þokka-
lega ánægður með niðurstöðuna,
línur hefðu skýrst og búið væri að
færa form fyrirtækisins nær því
sem gerist hjá hlutafélögum.
Frosið fjármagn
„Við höfum lengi verið ósátt
með eignarhlut okkar í Landsvirkj-
un, fjármagn okkar er frosið inni
í fyrirtækinu án þess við höfum
haft af því nokkurn arð. Við fáum
þó eitthvert fé út úr því núna og
á næstu árum losnar um eignar-
haldið," sagði Sigríður Stefáns-
dóttir, Alþýðubandalagi. Hún
kvaðst hafa orðið vör við ótta
meðal sveitarstjórnarmanna um að
í kjölfar samningsins myndi lítið
gerast í jöfnun húshitunarkostnað-
ar um landið. Það mál væri á könnu
Alþingis, ekki einstakra sveitar-
stjórna og Akureyringar gætu ekki
látið sína hagsmuni fyrir borð.
Þórarinn B. Jónsson, Sjálf-
stæðisflokki sagði það óásættan-
lega stöðu að eiga verulega fjár-
muni í fyrirtæki en njóta þess í
engu svo sem verið hefði. „Hlutur
Akureyrar og Reykjavíkur hefur
verið þjóðnýttur árum saman,“
sagði hann og bætti við að í kjöl-
far samningsins nú væri að
minnsta kosti kominn verðmiði á
fyrirtækið.
Morgunblaðið/Kristján
STYRKIR til atvinnusköpunar á Akureyri voru veittir í gær. í efri röð frá vinstri eru Berglind
Hallgrímsdóttir, starfsmaður atvinnumálanefndar, Lúðvík R. Jónsson, Ásta Sýrusdóttir, Purity Herbs,
Sigrún Ingibjörg Amardóttir og Kristján Jóhannsson, en í neðri röð eru Guðmundur Stefánsson
formaður atvinnumálanefndar, Bjöm Kristjánsson, Icemount, Jóhanna Guðmann, Hafliði Hauksson,
Bjami Sigurðsson, Matur og mörk og Helgi Jóhannesson forstöðumaður atvinnumálaskrifstofunnar.
Atvinnumálanefnd veitir styrki til atvinnusköpunar
Þijú fyrirtæki og fimm
einstaklingar fá styrki
Blaðberar
Óskum eftir blaðburðarfólki til að bera út
blaðið um leið og það kemur í bæinn.
Kaupvangsstræti 1, sími 461 1600.
Fær í flestan sjó með
OSTRIN

„Síþreyta og depurð eru
erfiðir fylgikvillar sveppa-
| sýkingar. OSTRIN
hjálpar mér, því það
gefur aukna orku, úthald
og vellíðan."
Unnur Þorsteinsdóttir,
skrifslofumaður.
„65 ára, síungur og vinn
10 tíma á dag, en ég
byrja líka hvern dag á
OSTRIN."
Árni Valur Viggósson,
símaverkstjóri.
Sendum í póstkröfu
Heils
horni
s
Skipagötu 6, Akureyri,
sími/fax 462 1889.
Upplýsingar um útsöluslaði gefur Gula línan í sima 562 6262
ÞRJÚ fyrirtæki og fímm einstakl-
ingar hlutu styrki Atvinnumála-
nefndar Akureyrarbæjar, samtals
að upphæð ein milljón króna.
Guðmundur Stefánsson formað-
ur nefndarinnar úthlutaði styrkjun-
um og gerði grein fyrir markmiðum
með veitingu þeirra. Styrkirnir eru
veittir til atvinnuþróunar tvisvar á
ári. Þeir eru ætlaðir einstaklingum
sem vinna að atvinnuskapandi verk-
efnum eða hafa hug á að stofna tii
eigin rekstrar og einnig minni fyrir-
tækjum sem vilja efla rekstur sem
þegar er í gangi. Leggur nefndin
áherslu á að styrkja verkefni sem
stuðla að nýsköpun, þróun, hagræð-
ingu, markaðssetningu eða upp-
byggingu atvinnulífs á Akureyri.
Guðmundur sagði að mörg dæmi
væru um að vel hefði tekist til, fyrir-
tæki hefðu vaxið úr grasi og stuðl-
að þannig að öflugra og fjölbreytt-
ara atvinnulífí.
Matur í skemmtiferðaskip
Fyrirtækin Icemount, Matur og
mörk og Purity Herbs hlutu styrk
að þessu sinni. Icemount fékk styrk
til að vinna að verkefni sem felst í
áfyllingu bleks og dufts í tónera í
tölvuprentara og ljósritunarvélar.
Matur og mörk fékk styrk til að
vinna að markaðssetningu íslenskra
matvæla til erlendra skemmtiferða-
skipa. í sumar komu 38 slík skip
til Akureyrar með um 23 þúsund
farþega. Jóhann Gunnar Sævarsson
er að vinna að hugmynd sem felst
í að flétta saman afþreyingu og
kynningu á íslenskri sögu og nátt-
úru við framleiðslu íslenskra mat-
væla. Fyrirtækið Purity Herbs hlaut
styrk til að vinna að markaðssetn-
ingu á snyrtivörum í Þýskalandi,
Hlutafjáraukning
í Laxá
Bærinn
hafnar for-
kaupsrétti
BÆJARRÁÐ samþykkti á fundi í
gær að hafna forkaupsrétti að
hlutafjáraukningu í Fóðurverk-
smiðjunni Laxá. Akureyrarbæ var
boðinn forkaupsréttur að hlutafjár-
aukningu í félaginu í hlutfalli við
eignarhluta sinn.
Ætlunin er að selja hlutabréf í
fyrirtækinu að nafnvirði 25
milljónir króna en þau verða seld
á genginu 2,05. Núverandi hlut-
höfum verður boðið að auka hlut
sinn í fyrirtækinu í forkaupi á
genginu 1,85.
Akureyrarbær og Kaupfélag
Eyfirðinga eru stærstu hluthafar
í Laxá, eiga um 36% hlut hvor um
sig af heildarhlutafé, þá koma Iðn-
þróunarfélag Eyjafjarðar, Hrað-
frystistöð Þórshafnar, Dreki og
SS-Byggir.
en það framleiðir náttúrulegar snyr-
tivörur. íslenskar jurtir eru megin
uppistaðan, en einnig er notað há-
karlalýsi, íslenskar sjávaijurtir og
squalan, sem unnið er úr háfalýsi.
Minjagripir, hákarlaverkun,
þjóðbúningar og rafgylling
Kristján Jóhannsson fékk styrk
til framleiðslu á minjagripum úr
postulíni, en hann hefur í rúmt ár
verið að þróa handskreytt postu-
línsgifs af húsum. Fyrst og fremst
er varan ætluð á heimamarkað, sem
minjagripur og gjafavara. M.a. er
um að ræða ýmsar þekktar bygg-
ingar á Akureyri.
Lúðvík R. Jónsson hefur unnið
að hákarlaverkun um nokkurt skeið,
en markaður fyrir hákarl er góður
á Eyjafjarðarsvæðinu auk þess sem
áhugi ferðaþjónustuaðila hefur farið
vaxandi. Ferðaskrifstofur hafa m.a.
áhuga á að geta sýnt erlendum
ferðamönnum vinnsluferli hákarls
og leyfa þeim að bragða á vörunni.
Sigrún Ingibjörg Arnardóttir
fékk styrk til að setja upp sérhæfða
vinnustofu þar sem efnt er til nám-
skeiða í saumi íslenska búningsins.
Kennsla í þjóðbúningasaumi hefur
að mestu farið fram í Heimilisiðnað-
arskólanum í Reykjavík en starf-
semi af þessu tagi hefur fram til
þessa ekki verið á Akureyri.
Jóhanna Guðmann fékk styrk til
að vinna að framleiðslu á dúkkuföt-
um og skrautbrúðum, en hún hefur
verið að selja framleiðslu sína bæði
á Akureyri og í Reykjavík.
Hafliði Hauksson hlaut styrk til
að koma á fót vinnuaðstöðu fyrir
rafgyllingu á merkjum, blöndunar-
tækjum, letri á skjöldum og steinum
sem og ýmsum munum öðrum.
Kaffi
Kverið í
verslun
Bókvals
BÆJARRÁÐ hefur vísað
umsögn Vignis M. Þormóðs-
sonar um nýtt vínveitingaleyfi
fyrir veitingastað í húsnæði
sem Bókval leigir af Kaup-
félagi Eyfirðinga við Hafnar-
stræti 91-95 til bæjarstjórnar.
Veitingastaðurinn sem um
ræðir mun heita Kaffi Kverið
og er að sögn Vignis ætlunin
að hann verði eins konar
„bókakaffihús." „Víða erlend-
is eru lítil kaffihús inni í bóka-
verslunum og nú nýlega var
eitt slíkt opnað í bókabúð
Máls og menningar í Reykja-
vík. Við höfum hugsað okkur
að reka Kaffí Kverið með
svipuðu sniði, bjóða upp á
gott kaffi og kaffidrykki auk
smárétta og fleira í hádeg-
inu,“ sagði Vignir.
Nauðsynlegt væri að sækja
um fullt vínveitingaleyfi þar
sem í kaffidrykkjum ýmiss
konar væru sterkir drykkir.
Kaffihúsið yrði opið frá kl.
11.30 til 10 á kvöldin, þannig
að ætlunin væri alls ekki sú
að hefja rekstur á nýrri ölkrá
í bænum. „Okkar hugsun er
sú að lífga upp á miðbæjarlíf-
ið og þykir mörgum ekki van-
þörf á,“ sagði Vignir.