Morgunblaðið - 19.03.1997, Qupperneq 13

MORGUNBLAÐIÐ
MIÐVIKUDAGUR 19. MARZ 1997 13
Sjálfræðis-
aldur ekki
hækkaður
í FRUMVARPI til lögræðislaga sem
tekið var til umræðu á Alþingi á
mánudag er ekki gert ráð fyrir að
sjálfræðisaldur hækki, þrátt fyrir að
flest félög og fagfólk sem fengin
voru til umsagnar um málið hafi
mælt með því.
Þorsteinn Pálsson dómsmálaráð-
herra segir að ekki hafi þótt ástæða
til að seinka sjálfræði allra vegna
minnihluta sem ætti við vandamál
að stríða. Hann segir þó að skiptar
skoðanir séu um þetta mál innan
beggja stjórnarflokka.
Jón Kristjánsson segir Framsókn-
armenn gera fyrirvara við þá grein
frumvarpsins sem tilgreinir sjálfræð-
isaldur og vilji taka það mál til nán-
ari skoðunar.
Við umræðurnar sagðist Þorsteinn
efast um að hækkun sjálfræðisaldurs
myndi auðvelda meðferð gegn fíkni-
efnum, vegna þess að slík meðferð
væri til lítils gagns ef hún væri gegn
vilja unglingsins. Hann sagði einnig
að vandamál unglinga hér á landi
væru ekki meiri en í nágrannalönd-
unum þó sjálfræðisaldur væri lægri
þannig að ekki væri að sjá hann
hefði úrslitaáhrif.
Jóhanna Sigurðardóttir, Þing-
flokki jafnaðarmanna, sagði að
hækkun sjálfræðisaldurs væri ekki
aðeins til þess gerð að veija unglinga
sem eiga við vandamál að stríða.
Hún benti á að miklar samfélags-
breytingar hefðu orðið síðan sjálf-
ræðisaldurinn var ákveðinn. At-
vinnuleysi og lengri skólaganga
leiddi til þess að börn væru lengur
háð foreldrum sínum og dveldust hjá
þeim. Einnig myndi sjálfræðisaldur-
inn framlengja ábyrgð samfélagsins.
Aukin útgjöld til
barnaverndarmála?
Bryndís Hlöðversdóttir, Alþýðu-
bandalagi, benti á að í frumvarpinu
kæmi fram athugasemd um að út-
gjöld til barnaverndarmála myndi
aukast ef sjálfræðisaldurinn hækk-
aði. Hún gat sér þess til að sparnað-
ur væri meginástæða þess að ákveð-
ið hefði verið að hækka ekki sjálfræð-
isaldurinn. Guðný Guðbjörnsdóttir,
tók undir þetta sjónarmið og benti
einnig á að kostnaður ríkisins vegna
barnabóta myndi aukast. Dómsmála-
ráðherra neitaði því að kostnaðar-
ástæður hafí ráðið afstöðu til máls-
ins, enda sagðist hann efast um að
ríkið myndi tapa á því fjárhagslega
að hækka sjálfræðisaldurinn.
Pétur H. Blöndal, Sjálfstæðis-
flokki, mælti með því að sjálfræðis-
aldur yrði óbreyttur en að foreldrum
og barnavemdaryfirvöldum yrði gert
kleift að seinka honum í sérstökum
tilvikum.
Morgunblaðið/Ásdís
Páskabasar
Hringsins
KVENFÉLAGIÐ Hringurinn
heldur sinn árlega páskabasar í
Kringlunni föstudaginn 21. mars
og laugardaginn 22. mars.
Margir fallegir handunnir
munir verða seldir til styrktar
Barnaspítalasjóðs Hringsins.
FRÉTTIR
Fundur borgarstjóra með íbúum í austurbænum
Hlj óðmengun er
vaxandi áhyggjuefni
Vaxandi óánægja er meðal íbúa höfuðborgarinnar
vegna hljóðmengunar frá fjölförnustu umferðar-
götum í borginni. Hildur Einarsdóttir fylgdist
með á hverfafundi borgarstjóra.
Morgunblaðið/Ásdís
FJÖLMENNT var á hverfafundinum með Ingibjörgu Sólrúnu.
Vildu menn úrbætur í ýmsum málum.
A HVERFAFUNDI borgarstjóra,
Ingibjargar Sólrúnar Gísladóttur,
með íbúum Háaleitis-, Smáíbúða-,
Fossvogs-, Bústaða- og Múlahverfis
varð fólki tíðrætt um hljóðmengun,
gatna- og skólamál og auglýst var
eftir sundlaug í hverfið.
Eins og venja er á hverfafundum
með borgarstjóra, sem að þessu sinni
var í Réttarholtsskóla, hóf Ingibjörg
Sólrún mál sitt á því að ræða fjár-
mál og íjárhagsstöðu borgarinnar
svo og stefnumörkun í ýmsum mál-
um. Því næst vék hún að helstu
framkvæmdum á svæðinu á síðasta
ári og þær sem fyrirhugaðar eru á
þessu ári.
í framhaldi af því sagði Ingibjörg
Sólrún frá hugmyndum sem hafa
komið upp hjá Kringlumönnum um
stækkun Kringlunnar. Væri önnur
hugmyndin í athugun hjá borgaryfir-
völdum um þessar mundir. Kjarni
hennar væri sá að breyta Kringlu-
torginu og tengja saman með bygg-
ingu Kringluna og Borgarkringluna
sem nú væri farið að nefna Suður-
Kringlu. Jafnframt væri hugmynd
um að auka fjölbreytni þjónustu við
Kringlutorg og bæta bílastæði í suð-
austurhorni Kringlunnar og fjölga
þeim lítillega. Hin hugmyndin gengi
út á að stækka norðurenda Kringl-
unnar næst Miklubraut og gera bíla-
umferð að Kringlu frá Miklubraut
auðveldari.
„Þessi áhugi á að styrkja Kringl-
una sem aðalverslunarmiðstöð höf-
uðborgarsvæðisins næst á eftir sjálf-
um miðbænum er vafalítið tilkominn
vegna harðrar samkeppni á verslun-
arsviðinu meðal annars frá fyrirhug-
uðum stórmörkuðum í nágranna-
sveitarfélögunum,“ sagði hún.
íbúar við Hvassaleiti gerðu mál
aflagðs gæsluvallar á svæðinu að
umtalsefni og í framhaldi af því
færðu þeir borgarstjóra bréf þar að
lútandi. Sögðu þeir að gæsluvöllur-
inn væri í mikilli niðurníðslu. I fyrra-
sumar hefði að frumkvæði íbúa ver-
ið starfræktur þar smíðavöllur og
hefði hann notið mikilla vinsælda.
Kom fram að íbúum nærliggjandi
húsa væri mikið í mun að svæðið
yrði fegrað og hannað sem opið leik-
svæði og garður sem þjóni öllum
íbúum hverfisins.
Ingibjörg Sólrún sagði að ekki
væri gert ráð fyrir fjármunum til
framkvæmda í þessa veru á árinu
en hugmyndin væri athyglisverð.
Hvar á að staðnæmast
í hljóðvarnarmálum?
Spurt var hvort ekki borgaði sig
frekar að taka húsin á móts við
Miklatún eignarnámi í stað þess að
grafa veggöng undir Miklubrautina.
Ingibjörg sagði svipað-
an hljóðmengunarvanda
að finna víðar í borginni
og tók sem dæmi íbúðar-
húsin á móts við Þjóð-
minjasafnið og hús við
Hlemm og Hverfisgötu. „Hvar eig-
um við að staðnæmast?" spurði hún
og bætti við að í fyrsta skipti væru
sérstakir fjármunir ætlaðir til hljóð-
mengunarmála og væri verið að
skoða hvernig þau mál yrðu útfærð.
Fundarmönnum varð nokkuð tíð-
rætt um hávaða frá fjölförnum um-
ferðargötum í hverfunum. íbúi við
Seljugerði kvartaði undan hávaða frá
Bústaðavegi og spurði hvað hægt
væri að gera í þeim málum.
Kom fram í máli Ingibjargar Sól-
rúnar að verið væri að gera kort yfir
hávaðamengun í borginni. Réðust
aðgerðir borgarinnar af því hvernig
ástandið væri á hveijum stað. Borg-
aryfirvöld vissu af hávaða í kringum
Seljugerði og verið væri að athuga
hvort koma ætti fyrir hljóðmön þar.
íbúi í Blesugróf spurði hvort hægt
væri að hækka og lengja hljóðmön
sem er við Reykjanesbraut. Sagði
borgarstjóri að ákvörðun yrði tekin
um það þegar séð væri hvernig ætti
að forgangsraða þessum verkefnum.
íbúar í nágrenni Réttarholtsvegar
höfðu einnig áhyggjur af umferðar-
þunga þar og kölluðu eftir hraða-
hindrunum.
í svari borgarstjóra kom fram að
venjan væri sú að ef íbúðabyggð
væri báðum megin við götuna þá
væri orðið við óskum íbúa um hraða-
hindranir.
Ingibjörg Sólrún sagði að verst
væri þegar götur skæru í sundur
gönguleið í skólann eins og Réttar-
holtsvegurinn gerði. Enn hefði þó
ekki verið rætt um þrengingu á göt-
unni en málið væri í athugun.
íbúar í nágrenni Sogavegar kvört-
uðu yfir mikilli umferð þar. Var
bent á að menn ækju hratt frá
Grensásvegi að Réttarholtsvegi og
spurt var hvort ekki væri æskilegt
að setja upp hraðahindranir á þeim
kafla.
Aðgengi að íþróttasvæði Fram var
gert að umtalsefni. Þá einkum með
tilliti til barna sem búa í Háaleitis-
hverfi og þurfa að fara yfir Miklu-
braut.
Sagði Ingibjörg Sólrún að ekki
væri gert ráð fyrir göngubraut á
móts við svæðið en börnin ættu að
geta farið í undirgöng sem eru á
móts við Kringluna. Setja mætti
grindverk á miðeyjuna á
Miklubrautinni til að koma
í veg fyrir að börnin fari
stystu leið.
Sagði þá einn íbúinn
að ekki væri hægt að
beina gangandi umferð í undirgöng-
in eins og göngustígum væri háttað
þar nú.
Áhugi kom fram á að að bæta
aðstöðu bókasafnsins í Bústaða-
hverfi sem nú er tii húsa í kjallara
Bústaðakirkju. Sagði Ingibjörg það
ekki á dagskrá á næstunni. Nú væri
unnið að því að koma aðalsafninu
sem byggi við þröngan kost í nýtt
húsnæði að Tryggvagötu 15.
Um skólamál hverfanna sagði
borgarstjóri bera hæst einsetningu
þeirra fimm grunnskóla sem þar
eru, Álftamýrarskóla, Breiðagerðis-
skóla, Fossvogsskóla, Réttarholts-
skóla og Hvassaleitisskóla en henni
fylgdu umtalsverðar byggingafram-
kvæmdir. Kom fram að Breiðagerð-
isskóli sem er einsetinn byggi við
nokkur þrengsli og til að bæta úr
þeim væri hugsanlegt að taka í notk-
un lítinn leikskóla, Staðarborg, sem
er austan við skólann og stutt á
miili. Einnig væri inni í myndinni
að byggja við skólann. Þá sagði hún
að ástandið í Álftamýrarskóla væri
það slæmt að tímasetningar varð-
andi byggingaframkvæmdir við
skólann væru í sérstakri athugun
með flýtingu í huga.
Að sögn Ingibjargar Sólrúnar er
verið að vinna að ýmsum nýjum
verkefnum í grunnskólum borgar-
innar á þessu fyrsta ári eftir yfir-
færslu grunnskólans til borgarinnar.
Af leikskólamálum væri það að
segja, að með tilkomu fjögurra
deilda leikskóla við Hæðargarð í
sumar mætti segja að biðlistar eftir
leikskólaplássum væru úr sögunni í
þessum hverfum.
Því næst vék Ingibjörg að íþrótta-
og tómstundamálum og gat sérstak-
lega ánægjulegs og jákvæðs sam-
starfs milli Réttarholtsskóla og Bú-
staða í málefnum barna- og unglinga
og væri það til eftirbreytni.
Tvö íþróttafélög væru starfandi á
svæðinu, Víkingur og Fram. Sagði
hún að enn væri ólokið samnings-
gerð milli borgarinnar, Víkings og
Kópavogskaupstaðar vegna svæðis
fyrir nýjan völl í Stjörnugróf en nú
sæi fyrir endann á þeirri vinnu og
vonaðist hún til að innan tíðar yrði
hægt að ganga frá samningum við
Víking um íjármögnun fram-
kvæmda.
Af málefnum aldraðra
væri það helst að frétta
að í Hæðargarði 31 þar
sem rekin hefur verið lítil
félagsmiðstöð í tengslum
við sjálfseignaríbúðir aldraðra, hefði
verið unnið að tilraunaverkefni þar
sem reynt hefði verið að samþætta
alla heimaþjónustu við aldraða bæði
félagslega þjónustu og heimahjúkr-
un og aðra þjónustu svo sem heim-
sendan mat.
Borgarstjóri ræddi almennt um
hverfin og sagði meðal annars að
þó að svæðið væri að stærstum hluta
íbúðahverfi væri á útmörkum þess
til vesturs og norðurs að Skeifunni
meðtalinni, annað stærsta atvinnu-
svæði borgarinnar, mælt í ársverk-
um. Væri það lítillega minna en
miðbærinn vestan Snorrabrautar.
Endurskoðun Aðalskipulags sagði
Ingibjörg Sólrún að væri nú á loka-
stigi. Mestu breytingarnar væru þær
að lagt væri til að Fossvogsbraut
og Hlíðarfótur verði felld út úr Aðal-
skipulagi. Hins vegar væri haldið frá
belti fyrir samgöngutengsl af ein-
hveiju tagi í framtíðinni og væru
menn þá með í huga nýja samgöngu-
tækni, til dæmis vagna á spori af
einhveiju tagi. „Þótt þessar hug-
myndir séu ójósar þykir rétt að halda
slíkum framtíðarmöguleiknum opn-
um,“ sagði hún.
Meira mun mæða á Miklubraut
Ingibjörg sagði jafnframt að með
niðurfellingu Fossvogsbrautar
mæddi meira á Miklubraut í framtíð-
inni. Hefði að undanförnu verið lögð
vinna í að meta alla þá kosti sem
til greina kæmu. Hún sagði að born-
ir hefðu verið saman valkostir með
eða án mislægra gatnamóta við
Skeiðarvog, Grensásveg, Háaleitis-
braut og Kringlumýrarbraut auk
vegganga í mismunandi útfærslum
við Miklatún. í aðalskipulags-
vinnunni hefði niðurstaðan orðið sú
að miða við mislæg gatnamót við
Skeiðarvog en ekki á hinum stöðun-
um svo og að gatan verði í stokk
við Miklatún. Auk þess verði lokið
við að breikka götuna og koma upp
ijögurra fasa umferðarljósum til að
auka umferðaröryggið. Þá væri mið-
að við að bæta aðstæður gangandi
með göngubrúm eða undirgöngum,
við Breiðagerði, undir Kringlumýr-
arbraut við Miklubraut og yfir
Miklubraut við Stakkahlíð. Auk þess
verði í vor lokið við göngubrú við
Rauðagerði. Á þessu ári væri einnig
fyrirhugað að taka í notkun aðra
göngubraut yfir Kringlumýrarbraut
norðanverða á móts við nýbygginga-
hverfi, sem nefnt hefði verið Sóltún.
í umræðum sem spunnust eftir
framsöguerindi borgarstjóra komu
meðal annars fram áhyggjur for-
eldra og starfsfólks vegna óvissrar
framtíðar Staðarborgar.
Borgarstjóri ítrekaði að engar
ákvarðanir hefðu verið teknar um
hvort leikskólinn yrði lagður niður
og börnin flutt í leikskólann við
Hæðargarð. Verið væri að kanna
áhuga fólks á vistun yngstu barn-
anna á leikskólum borgarinnar.
Fjögur hundruð foreldrar sem ættu
börn á þessum aldri hefðu verið
spurðir að því hvort þeir myndu
nýta sér þessa þjónustu núna. Verið
væri að vinna úr könnuninni en síð-
an yrði tekin ákvörðun.
Erfitt að staðsetja sundlaug
Spurt var hvort von væri á sund-
laug í hverfið. Ingibjörg Sólrún sagði
að æskilegt væri að sundlaug kæmi
á svæðið. Vandamálið væri að stað-
setja slíkt mannvirki.
Snjómokstur á götum og gang-
stéttum kom til umræðu.
Sagði einn íbúinn að börn
sem ættu langt að fara í
skólann þyrftu stundum
að ganga á götunni því
snjónum væri rutt upp á
gangstéttirnar.
Sagði Ingibjörg Sólrún að þau
tæki sem notuð væru til hréinsunar
gatna væru mun stórvirkari en þau
sem notuð væru til að hreinsa gang-
stéttir, þær sætu því stundum eftir.
Menn hefðu þó reynt að gera sitt
besta við erfiðar aðstæður. Snjó-
moksturstæki borgarinnar miðuðust
ekki við jafn erfiðan vetur og hefði
verið að undanförnu.
Á fundinum kom fram áhugi á
hverfislöggæslu. Sagði lngibjörg
Sólrún að löggæsla í íbúðahverfum
borgarinnar eins og í Breiðholti og
Árbæjarhverfi hefði reynst vel og
vildi því sjá hana í sem flestum
hverfum borgarinnar en það væri á
valdi ríkisins að taka ákvarðanir þar
um.
Fjármunum
varið til hljóð-
varna
Leikskóla-
biðlistar brátt
á enda