Morgunblaðið - 14.08.1997, Blaðsíða 22
22 FIMMTUDAGUR 14. ÁGÚST 1997
ERLENT
MORGUNBLAÐIÐ
Ráðherraefni Khatamis Irans-
forseta gagnrýnd harðlega
ALLT útlit er fyrir að Mohammad Khatami,
forseta írans, muni ekki takast að fá íranska
þingið, Majlis, til þess að samþykkja útnefningu
allra þeirra ráðherraefna sem hann hefur til-
nefnt í ríkisstjórn sína. Blöð í íran greindu frá
því í gær að andstæðingar Khatamis á þinginu,
þar sem íhaldsmenn eru í meirihluta, segðust
tregir til að samþykkja fjölda umbótasinnaðra
ráðherraefna í nauðsynlegri atkvæðagreiðslu um
traustsyfirlýsingu.
Khatami fékk 70% atkvæða í forsetakosning-
um sem fram fóru í maí. Hann er sagður hóf-
samur shíta-klerkur og hefur lagt áherslu á að
hann verði ekki hlaðinn lofi í Qölmiðlum. í kosn-
ingabaráttunni lagði hann áherslu á að hann
myndi beita sér fyrir umbótum með því að
auka frelsi í félags- og viðskiptalífi í landinu.
Hann lagði fram ráðherralista sinn, sem á eru
22 nöfn, á þriðjudag. Þingið mun hefja umræð-
ur um hvert ráðherraefni fyrir sig á þriðjudag
og væntanlega verða greidd atkvæði um þau
daginn eftir.
Sumir íhaldsmenn á þinginu hafa þegar gefið
í skyn að Khatami kunni að verða fyrir vonbrigð-
um með sum lykilembætti. Þeirra á meðal eru
stöður menningarmála-, innanríkis- og jafnvel
utanríkismálaráðherra.
Það var aðallega stuðningur ungs fólks,
kvenna og miðstéttarfólks sem tryggði Khatami
stórsigur í kosningunum. Vænti fólk þess að
klerkurinn, sem þykir frjálslyndur, myndi létta
nokkrum þeirra hafta sem eru á daglegu lífi
fólks í landinu, þar á meðal ákvæðum um klæða-
burð.
Tilnefning Ataollahs Mohajeranis til embætt-
is ráðherra menningarmála og íslamskrar leið-
sagnar vakti hörð viðbrögð í sumum íhaldssinn-
uðum blöðum í gær. Ónafngreindur þingmaður
sagði að líklegt væri að Mohajerani yrði skipt
út. Mohajerani er sagnfræðingur að mennt og
verið gagnrýndur harðlega af íhaldsmönnum
eftir að hann mælti með beinum viðræðum við
Bandaríkjamenn 1990 og hvatti til aukins frels-
ins í menningarmálum. Menningarmálaráðu-
neytið gegnir lykilhlutverki í innanlandsmálum
í íran, því það ræður hvernig bækur má prenta
og hversu mikið frelsi skuli ríkja í fjölmiðlun.
„Mohajerani á ekki skilið að fá sæti í ríkis-
stjórninni. Maður, sem var talsmaður beinna
viðræðna við Bandaríkin, hefur neikvæð áhrif á
ímynd ríkisstjómarinnar á erlendum vettvangi.
Við munum þurfa að hreinsa til eftir hann,“
sagði m.a. í leiðara hægrisinnaða kvöldblaðsins
Resalat.
Áhyggjur
af minni
eyðniótta
Boston. Reuter
„NIÐURSTÖÐUR okkar
benda til þess að nýjar upp-
götvanir í baráttunni gegn
HlV-veirunni hafi nú þegar
áhrif á ákvarðanatöku eyðni-
smitaðra karla,“ segir dr.
James Dilley sem starfar við
Kalifomíuháskóla í San
Francisco.
Að því er fram kemur í New
England Joumal of Medicine
bendir könnun, sem háskólinn
gerði meðal samkynhneigðra
karla í borginni, til þess að
bæði smitaðir og ósmitaðir
séu nú tilbúnir til að lifa
áhættusamara kynlífi en
áður. Þessa niðurstöðu má
rekja til þess að þeir hafi
minni áhyggjur af smithættu
þar sem þeir telji möguleika
á lækningu fyrir hendi.
Hverfur ekki
Á undanförnu ári hafa
rannsóknir bent til þess að
ákveðin lyfjablanda dragi
verulega úr fjölda vírusein-
inga í blóði smitaðra. Nýjar
rannsóknir sýna hins vegar
að leifar af vírusnum verða
eftir í blóðinu sem gæti þýtt
það að lyfjablandan fresti ein-
ungis einkennum sjúkdómsins
en lækni hann ekki.
Flugmenn segja Guam-
flugvöll erfiðan í illvirði
Reuter
KISTUR með jarðneskum leifum tíu þeirra er fórust með þotu
KAL voru fluttar til Seoul í gær. Stjórnarformaður flugfélags-
ins var viðstaddur er kisturnar voru bornar frá borði.
FLUGMENN sem þekkja til að-
stæðna á flugvellinum á Kyrrahafs-
eynni Guam segja að hæðimar sem
Boeing 747-300 þota suður-kóreska
flugfélagsins Korean Air (KAL)
fórst í geti villt mönnum sýn í ill-
viðri og litið út eins og ský. Hefur
þetta komið fram í viðtölum rann-
sóknarmanna bandaríska sam-
gönguöryggisráðsins (NTSB) við
flugmenn, að því er fréttastofan
Associated Press greinir frá.
Viðtöl NTSB við flugmenn sem
þekkja til aðflugsaðstæðna á flug-
vellinum á Guam er hluti rannsóknar
á orsökum þess að þota KAL, með
254 innanborðs, fórst í Nimitz-hæð-
um 6. ágúst. 226 létust í slysinu.
Veður var mjög vont er slysið varð,
úrhellis rigning og skyggni slæmt.
Rannsóknin beinist m.a. að því hvort
veðrið hafí hamlað útsýn flugmanna.
Fram hefur komið að aðvörunar-
tæki á flugvellinum, sem gefa á til
kynna ef flugvél kemur of lágt inn
til aðflugs, var óvirkt. Einnig var
svifhallageisli, aðflugstæki er leið-
beinir flugmönnum inn til lendingar
í slæmu skyggni, óvirkur vegna við-
gerðar.
Fulltrúi nefndar NTSB sem rann-
sakar slysið á Guam segir í samtali
við Associated Press að jafnvel þaul-
reyndir flugmenn telji næturaðflug
yfir hæðirnar vandkvæðum bundið
í slæmu veðri. „Þessar aflíðandi
hæðir líkjast stundum skýjum," seg-
ir hann. Ekki er að fullu ljóst hvort
flugmenn KAL-vélarinnar notuðu
mælitæki við lendinguna eða voru
í sjónflugi, og því of snemmt að
fullyrða um hvern þátt skyggni
kunni að hafa átt í slysinu, að sögn
rannsóknarmanna.
Annar fulltrúi NTSB sagði að
flugstjóri þotunnar hafí síðast lent
á Guam 4. júlí og þá í sjónflugi.
Hann hafi séð æfingarmyndband
af vellinum og hefði því átt að vera
undirbúinn fyrir lendingu þar. Full-
trúinn sagði að athugun á ratsjár-
upplýsingum um veður nóttina sem
slysið varð hafi leitt í ljós úrhellis-
rigningu en ekki sérstaklega vara-
samar aðstæður að öðru leyti. Ekk-
ert hafi bent til ókyrrðar eða högg-
vinds.
Rannsókn á slysstað á Guam er
nú lokið og einbeita rannsóknar-
menn sér nú að úrvinnslu gagna,
er fram fer í Washington.
Tapar líf-
vörðurinn
húfunum?
London. Reuter.
LAGT hefur verið til í Kanada,
að brúna birninum þar i landi
verði hlíft við þeirri niðurlæg-
ingu að enda sem höfuðfat fyrir
breska hermenn.
Lord Gilbert, varnarmálaráð-
herra Kanada og mikill dýravin-
ur, hefur skipað hernum að svip-
ast um eftir gerviefni, sem hent-
ugt sé í lífvarðahúfurnar, en
fyrri tilraunir með slík efni hafa
engan árangur borið.
„Þegar gerviefnahúfurnar
eru þurrar, er svo mikið stöð-
urafmagn i þeim, að lífverðirnir
minna mest á pönkara með hár-
ið í allar áttir og i rigningu líkj-
ast þeir helst konu, sem er ný-
stigin út úr sturtu,“ sagði tals-
maður hersins.
Ér
Nærri 3.000 hermenn, þar á
meðal lífverðirnir við Bucking-
hamhöll, bera nú bjarnarskinns-
húfurnar og þær hafa verið not-
aðar síðan í orrustunni við Wat-
erloo 1815. Er brúnn feldurinn
litaður svartur og sagt er, að
húfurnar geti enst næstum því
að eilífu.
Auglýsingasími
gerir lukku á Italíu
Róm. Reuter.
ÍTÖLUM, sem tala mikið í síma en
verða að greiða það dýrara verði
en flestir aðrir Evrópubúar, hefur
nú verið boðið að nota símann
ókeypis. Það er að segja ef þeir
kippa sér ekki upp við eina og eina
auglýsingu meðan á símtalinu
stendur.
ítalska dagblaðið Corriere della
Sera skýrði frá því í gær, að símafyr-
irtækið Promotion System Phone,
PSP, hefði byijað með tilraunir af
Siessu tagi í þremur bæjum á Norður-
talíu en auglýsingasímafyrirtækið
Gratistelefon byijaði með sams kon-
ar þjónustu í Svíþjóð í fyrra.
Talsmaður Gratistelefon sagði í
janúar sl., að það afgreiddi 30.000
svona símtöl á dag en eftir fyrstu
mínútu símtalsins kemur inn 10
sekúndna auglýsing og síðan einu
sinni á þriggja mínútna fresti.
Það er athafnamaður í Toskana,
Paolo Balestri, sem kostar tilraun
PSP-símafyrirtækisins, og segir
hann, að viðtökurnar hafi verið
miklu betri en nokkurn óraði fyrir.
Byijað á auglýsingum
Á Ítalíu er framkvæmdin önnur
en í Svíþjóð því að þar verður fólk
að byija á því að hlusta á þijár
auglýsingar, þriggja til fimm sek-
úndna langar, áður en símtalið
hefst. Síðan er það rofið eftir hveij-
ar 100 sekúndur með nýrri auglýs-
ingu. Má símtalið vera 15 mínútna
langt innan svæðisins en sé hringt
milli svæða verður að greiða fyrir
það en þó 30% minna en hjá öðrum
símafyrirtækjum.
Corriere della Sera sagði, að til
stæði að færa út kvíarnar með þessa
þjónustu og bjóða hana í meira en
60 borgum, þar á meðal í Róm,
Mílanó og Flórens.
Karadzie
boðið
hæli?
BILJANA Plavsic, forseti
Bosníu-Serba segir að Banda-
ríkjamenn hafi boðið Radovan
Karadzic, fyrrverandi leiðtoga
þjóðarbrotsins, hæli í þriðja
landi, en að hann hafi hafnað.
boðinu. Karadzic er eftirlýstur
fyrir stríðsglæpi.
Plavsic kveður Madeleine
Albright, utanríkisráðherra
Bandaríkjanna, hafa lagt til-
boðið fram í júní sl. Albright
bar þetta til baka í gær.
135 fórn-
arlömb flóða
AÐ MINNSTA kosti 135
manns fórust eða eru taldir
af eftir að flóðbylgjur skullu
á byggð í Chirgaon-héraði í
Himalayafjöllum á Indlandi.
Ástæðan er miklar monsún-
rigningar að undanfömu.
Breskir
ferðalangar
skotnir
BRESKUR maður lést en
unnusta hans lifði af er mað-
ur, sem hafði tekið þau upp
í bíl sinn í Negev-eyðimörk-
inni í ísrael, skaut þau fyrir-
varalaust. Parið ferðaðist á
puttanum en ekki er vitað
hvað tilræðismanninum gekk
til. Hann hefur ekki náðst.
Þetta er í annað sinn sem
ráðist er á breska ferðamenn
í ísrael á einum mánuði.
Keypti hús
handa Díönu?
BRESK blöð spá nú brúð-
kaupi Díönu prinsessu og
Dodi Fayed en í gær var full-
yrt að þau hefðu farið til sjá-
anda og að Díana hefði komið
brosandi út að eyrum af þeim
fundi. Þá sagði New York
Post frá því að Fayed hefði
fest kaup á húsi fyrir Díönu
í Kalifomíu að andvirði tæpar
700 milljónir ísl. kr.
Kyrkislanga í
klósettinu
DANINN Thor Skule vaknaði
allsnarlega í fyrradag er hann
lyfti lokinu á saleminu og
horfðist í augu við kyrki-
slöngu. Kallaði hann á
slökkviliðið en áður en það
kom, hafði annar íbúi hússins
sturtað niður og slangan sog-
ast með. Hún skaut upp koll-
inum í salerninu fjórum tím-
um si'ðar og náðist þá. Slang-
an hvarf í apríl en eigandi
hennar bjó þá í íbúð Skules.
Dregur úr
kynhvötinni
HIN annálaða kynhvöt Frakka
fer nú dvínandi ef marka má
skoðanakönnun sem gerð var
á vegum tímaritsins L’Evene-
ment du Jeudi. Þar kemur fram
að yfir helmingur aðspurðra
segist geta afborið að vera
skírlífur um lengri tíma. Þá
kváðust 38% lifa minna kynlífi
nú en þeir hefðu gert en 42%
sögðu ástandið óbreytt.