Morgunblaðið - 24.12.1997, Síða 14

14 MIÐVIKUDAGUR 24. DESEMBER 1997
MORGUNBLAÐIÐ
Vetrarstarf
í Vestur-
farasetri
Hofsósi - Að loknu erilsömu sumri
er að jafnaði skellt í lás á flestum
söfnum á landsbyggðinni. En þá
hefst hjá mörgum vetrarstarf sem
yfirleitt fer ekki hátt. í Vesturfara-
setrinu á Hofsósi er ýmislegt starf-
að á vetrarmánuðum og þar er aldr-
ei lokað fyrir gestum þó aðalferða-
mannatíminn sé liðinn. Vigdís Esra-
dóttir, upplýsingafulltrúi setursins,
segir að opnunartíminn sé að vísu
ekki sá sami og á sumrin, en að
tekið sé á móti gestum á venjuleg-
um skrifstofutíma og ævinlega
reynt að koma til móts við óskir
fólks um sérstakan opnunartíma.
Starfsemi setursins á vetuma
segir Vigdís einkennast af skrán-
ingar- og skipulagsvinnu. „Okkur
hafa borist margar bókagjafir,
gömul bréf, skjöl og afrit. Á sumr-
in gefst lítill tími til þess að svara
þeim íjölmörgu sem hafa samband
við okkur bréfiega, svo þessa dag-
ana höfum við verið að reyna að
komast niður úr staflanum af fyrir-
spurnum. Fjöldi fólks er að leita
upplýsinga um ættmenni sín, hvort
heldur er hér heima eða vestan
hafs,“ sagði Vigdís. „Einnig felst
mikil vinna í að skipuleggja kynn-
ingar- og fræðslustarfið. Vestur-
farasetrið er ekki nema rúmlega
ársgömul stofnun og framundan er
mikið þróunarstarf."
Skólaheimsóknir
í októberlok var haldinn í Vest-
urfarasetrinu á vegum Skólaskrif-
stofu Skagafjarðar fræðslufundur
fyrir kennara á svæðinu. Þar kynnti
Helgi Skúli Kjartansson kennslu-
hefti sitt „Vesturfarar", sem Náms-
gagnastofnun gefur út og sýningin
í setrinu var skoðuð og skeggrædd.
Gestir fundarins tóku þátt í hóp-
vinnu um kennsluhugmyndir tengd-
ar aðstöðunni í setrinu og námsefni
um Vesturheimsferðir Islendinga.
Um tuttugu manns sóttu fræðslu-
fundinn og nú þegar eru kennarar
farnir að birtast með nemendur sína
til að njóta þess sem Vesturfara-
setrið hefur að bjóða.
Magnús Rafnsson kennari í
Grunnskóla Drangsness var einn
þeirra sem drifu nemendur sína upp
í rútu og gerðu sér ferð í Vestur-
farasetrið. Námsefnið telur Magnús
falla vel inn í samfélagsfræðina,
því saga vesturfaranna tengist bæði
mannkynssögu og landafræði. Við
bættist að krakkarnir voru óðara
komnir á kaf í ættfræði. Flestir
komust að því að einhveijir ættingj-
ar þeirra höfðu siglt vestur. Krakk-
arnir höfðu einnig notað Netið til
að komast á snoðir um afdrif ætt-
ingjanna í Vesturheimi og fengið
svör við fyrirspurnum. Að lokum
stefndu þeir að því að komast í
kynni við jafnaldra sína í skólum á
landnámssvæðum íslendinga.
Þannig tengdist þetta námsefni
einnig tölvu- og tungumálakennslu.
Vigdís Esradóttir sagði að enn
væru þessar skólaheimsóknir
bundnar við Norðvesturland, en
vonandi gæti skólafólk komið
lengra að þegar fram liðu stundir.
„Við stefnum líka að því að gera
heimasíðuna okkar betur úr garði
með fjölbreyttu efni og gefa þannig
kost á auknum Ijarskiptum. En
þeir sem hafa áhuga geta fundið
okkur á slóðinni http://drang-
ey.krokur.is/vestur/ og netfangið
okkar er: vestur@krokur.is“
Blaðamannafundur
vegna bókaútgáfu
Við útkomu bókarinnar „Nýja
ísland - Örlagasaga vesturfaranna
í máli og myndum", þótti höfundin-
um Guðjóni Arngrímssyni tilvalið
að efna til blaðamannafundar í
Vesturfarasetrinu um leið og hann
færði stofnuninni bókina að gjöf.
Prófastur settur
í embætti
Eyrarbakka - Biskupinn yfir ís-
landi, herra Ólafur Skúlason, setti
séra Ulfar Guðmundsson inn í
embætti prófasts í Árnesprófasts-
dæmi við guðsþjónustu í Eyrar-
bakkakirkju síðastliðinn sunnu-
dag. Að sögn biskups er þetta eitt
síðasta opinbera biskupsverk hans.
Viðstaddir athöfnina voru
kirkjumálaráðherra, Þorsteinn
Pálsson, fráfarandi prófastur, séra
Guðmundur Óli Ólafsson, sem las
erindisbréf prófasts, fjölmargir
prestar auk sóknarbarna og gesta
víðsvegar að úr prófastsdæminu.
Kirkjukór Eyrarbakkakirkju söng
undir stjórn Hauks Gíslasonar org-
anista.
Að athöfninni lokinni var öllum
kirkjugestum boðið í kaffi af sókn-
arnefndum Gaulveijabæjar-,
Stokkseyrar- og Eyrarbakka-
sókna, en þær mynda Eyrarbakka-
prestakall.
Morgunblaðið/Óskar Magnússon
ALTARISGANGAN í Eyrarbakkakirkju er eitt síðasta opinbera
biskupsverk hr. Ólafs Skúlasonar.
LANDIÐ
Morgunblaðið/Áslaug Jónsdóttir
KRAKKARNIR í Grunnskóla
Drangsness kynntu sér sögu
vesturfaranna.
VIGDÍS Esradóttir svaraði spurningum um það sem Vestur-
farasafnið geymir.
Guðjón kynnti síðan ritverkið og
sagði Vesturheimsferðir íslendinga
hafa verið áhugamál sitt um margra
ára skeið. Þá hefði honum komið á
óvart hversu fátæklegar íslenskar
heimildir væru og ekkert sagn-
fræðirit væri til sem fjallaði ítarlega
um fólksflutningana.
Guðjón vildi þó ekki kalla bók
sína sagnfræðirit, fremur alþýðlegt
fróðleiks- og skemmtirit þar sem
hann beitti aðferðum blaðamennsk-
unnar og safnaði_ upplýsingum í
gott uppsláttarrit. í bókinni er mik-
ill fjöldi mynda, m.a. margar mynd-
ir af landnemum í Nýja íslandi í
daglegu amstri og víða er gripið
niður í bréf og frásagnir fólks sem
lifði þessa umbrotatíma.
Bókakynning á aðventu
Meðal jólabóka ársins er að finna
áberandi margar bækur um Vest-
urfarana og landnám í Ameríku. I
Vesturfarasetrinu var því efnt til
kvöldskemmtunar þar sem nokkrar
þessara bóka voru kynntar. Höf-
undarnir Kristín Steinsdóttir og
Guðjón Arngrímsson lásu úr verk-
um sínum, auk þess sem bókin
„Brautryðjandinn" var kynnt, en
hún fjallar um vesturfarann Júlí-
önnu Jónsdóttur skáldkonu og er
skráð af Guðrúnu P. Helgadóttur.
Kristín Steinsdóttir las úr nýrri bók
sinni, „Vestur í bláinn“. Þar segir
frá unglingsstúlku á okkar dögum,
sem með ótrúlegum hætti kynnist
jafnöldru sinni frá síðustu öld og
upplifir með henni þrautagöngu ís-
lenskra landnema í Vesturheimi.
Á milli upplestra lék ungur Skag-
firðingur, Jón Þorsteinn Reynisson,
á harmonikku. Að lestri loknum
ræddu höfundarnir við gesti um efni
bókanna og árituðu bækur sínar.
Veitingar á bókakynningunni
áttu rætur sínar að rekja til kokka-
bóka Vestur-íslendinga. Þar var í
boði heimabökuð vínarterta með
sveskjusultu og heitur, kanilkrydd-
aður epladrykkur færði gesti enn
nær álfunni í vestri. Jafnvel jólatréð
fór ekki varhluta af amerískum
áhrifum: að gömlum sið var það
skreytt hvítum keðjum úr popp-
korni. „Við stefnum að því að gera
bókakynningu Vesturfarasetursins
að árlegum viðburði á aðventunni,"
sagði Vigdís Esradóttir upplýsinga-
fulltrúi, og bætti því við, að verslun
setursins seldi bækur og handunna
muni sem væru tilvaldar gjafir á
öllum tímum árs.
Morgunblaðið/Gunnlaugur Árnason
ÞEIR eru sannir herramenn karlkennararnir við Grunnskóiann í Stykkishólmi því þeir bjóða
starfsfólki grunnskólans í jólamat að loknum litlu jólunum. Á myndinni bera þeir fram hangi-
kjötið og kartöflunar með sælubros á vör.
Karlkennarar bjóða í jólamat
Stykkishólmi - Sá siður hefur
skapast hjá kennurum við Grunn-
skólann í Stykkishólmi að borða
saman áður en haldið er í jóla-
leyfið. Síðasti starfsdagur í skól-
anum var 19. desember. Litlu
jólin voru haldin hátíðleg um
morguninn.
í þessum skóla eins og flestum
öðrum skólum landsins er kven-
fólkið í miklum meirihluta af
starfsliði skólans. Þessir fáu karl-
kennarar hafa undanfarin ár
sýnt hversu mikil hörkutól þeir
eru og boðið kvenþjóðinni í há-
degismat að loknum litlu jólum.
Á matseðlinum eru hangikjöt og
uppstúf með kartöflum og að
sjálfsögðu möndlugrautur á eftir.
Meira að segja sjá þeir um uppv-
askið á eftir!
Kvenfólkið kann vel að meta
þessa hugulsemi og nýtur þess að
láta stjana svona við sig áður en
haldið er heim í jólaundirbúning-
inn, eftir góða törn í desember
sem fylgir prófum og jólaföndri.