Morgunblaðið - 24.12.1997, Síða 62

62 MIÐVIKUDAGUR 24. DESEMBER 1997
MORGUNBLAÐIÐ
Dýraglens
f THAT 5 THE / WHO CARE5 ?
DUMBE5T \ MERRV
THIN6 l'VE ) CHRI5TMA5,
EVÉRSEEN!/ SWEETIE!
Ég held að þú sért
ekki raunveruleg-
ur jólasveinn ...
Ef þú ert raunveru-
legur jólasveinn,
hvar eru þá hjál-
pendur þínir?
Hjálp hjálp hjálp
Þetta er það heimskulegasta
sem ég hef nokkurn tíma séð!
Hvaða máli skiptir það? Gleði-
leg jól, Ijúfan! Voff, voff, voff!
BRÉF
TTL BLAÐSINS
Kringlan 1103 Reykjavík • Sími 5691100 • Símbréf 569 1329
Megi friður
• / ••• X|
nkja a jorð!
Frá Guðrúnu G. Bergmann og Guð-
jóni Bergmann:
OFT er rætt um að „friðurinn hefj-
ist heima í stofu“. í táknrænni
merkingu er stofan manns eigið
sálartetur og manns eigin hugsanir
skapa friðinn í stofunni. Ef við
ímyndum okkur að allar okkar
hugsanir séu lifandi og hafi áhrif á
það sem í kringum okkur er, er það
á ábyrgð einstaklingsins að finna
frið innra með sér, ekki einungis
til að lýsa upp sína eigin stofu,
heldur einnig til að lýsa upp ann-
arra stofur, því við erum jú öll eitt,
öll búin til úr sama frumefninu, öll
upplýstar hugsandi verur.
Sem hugsandi verur vitum við
að orðið friður merkir mun meira
en vopnahlé milli stríðandi fylkinga.
Við vitum að ekki getur orðið varan-
legur friður í heiminum meðan tveir
deila, á meðan neikvæði ræður ríkj-
um, á meðan hugar okkar eru
mengaðir, á meðan við höldum
áfram að pirrast yfir smáhlutum,
meðan við lifum í skorti en ekki
gnægð, á meðan kærleikurinn er
látinn víkja fyrir smásmugulegum
eiginhagsmunum hversdagsleikans,
á meðan við sjáum ekki stærri
mynd alheimsins.
Friðarboðskap er því ekki ein-
ungis beint að stríðandi fylkingum,
þó nauðsynlegt sé að afvopnast
áður en lengra er haldið. Friðarboð-
skapur þarf að ná til allra þeirra
sem vilja vera meðvitaðir og ábyrg-
ir einstaklingar. Vegna þessa, hvet-
ur The World Peace Prayer Society
(alþjóðleg friðarsamtök) og við hér
á Islandi alla þá er þetta lesa til
að styrkja friðarboðskapinn með
orðunum „Megi friður ríkja á jörð“
um leið og þið óskið fjölskyldu og
vinum gleðilegs árs nú um áramót-
in. Fjölmargir íslendingar tóku und-
ir með borgurum heimsins um síð-
ustu áramót og sendu frá sér þessa
bæn og vonandi bætast margir i
hópinn um þessi áramót. í öllum
þeim hátíðarhöldum sem haldin eru
nú til dýrðar ljósi og friði megum
við ekki gleyma að kveikja ljós innra
með okkur.
Við deilum hér með ykkur tákn-
rænu ljóði sem 13 ára drengur með
hrömunarsjúkdóm samdi þegar
hann hafði misst not af höndum
sínum og fótum. Hann dó þegar
hann var 14 ára.
Kertið
Logandi kerti, aðeins eitt kerti
lifir af meiri tip en manneslqa.
Logandi kerti gefur af sér til allra.
Það vinnur, svitnar og bræðir eigin líkama,
dropa eftir dropa.
Þó líf þess sé stutt,
þó líkami þess muni að lokum hverfa,
hefur kertið aldrei áhyggjur, verður aldrei
reitt,
kvartar aldrei.
Það heldur bara áfram að lýsa öðrum veginn.
Ó kerti, ég vil vera eins og þú!
Mér líkar hvemig þú lifir.
Mig langar að vera kerti.
Við sendum öllum íslendingum
bestu nýárskveðjur. Megi friður
ríkja í hjörtum okkar. Megi friður
ríkja í hugum okkar. Megi friður
ríkja á jörð.
GUÐRÚN G. BERGMANN,
friðarfulltrúi WPPS á Snæfellsnesi,
GUÐJÓN BERGMANN,
friðarfulltrúi WPPS í Reykjavík.
Stutt athuga-
semd
Frá Auðuni Braga Sveinssyni:
NÝLEGA er komið félagsrit eldri
borgara er ber heitið „Listin að lifa“.
Mun það nú vera komið í hendur
allra félagsmanna í félögum eldri
borgara um allt land, en þau eru
nú 45 að tölu. Félagatalan er sam-
tals um 13000 eða meira, og er
helmingurinn félagsmenn í Félagi
eldri borgara í Reykjavík og ná-
grenni (F.E.B.).
Efni síðasta heftis fyrrnefnds rits
er fjölbreytt og skemmtilegt, prýtt
myndum. Ritstjórinn er Oddný Sv.
Björgvins. Hefur hún sinnt blaða-
mennsku og ritstörfum.
Þarna er grein um opnun félags-
miðstöðvar eldri borgara í Haga-
hverfi og Skeijafirði, sem hlotið hef-
ur nafnið Þorrasel, enda við Þorra-
götu. Fer vel á því. Opnunin fór fram
14. október sl., en borgin á hús-
næðið, sem kostað mun hafa 75
millj. Samningar tókust milli Félags
eldri borgara í Reykjavík og ná-
grenni og Reykjavíkurborgar um
rekstur þessarar miðstöðvar til loka
næsta árs fyrst um sinn. Er það í
samræmi við stefnu núverandi borg-
arstjómar Reykjavíkur að fela fé-
lagssamtökum rekstur stofnana og
fyrirtækja, sbr. íþróttamannvirkin í
Laugardalnum.
Við opnun Þorrasels flutti ég ljóð,
sem prentað er í ritinu „Listin að
lifa.“ Ljóðið er lítt áberandi þarna,
svo að ég er ekki viss um, að fólk
hafi tekið eftir villu, sem þar er að
fínna, og raunar tvær, ef vel er leit-
að. Ekki er ætlan mín að fá ljóðið
endurprentað hér, enda er það í
margra höndum. En meinleg villa
er í fyrra erindinu. Þar segir:
í „Selið“ flykkist „heldri“ hjörð
við Haga bæði og Skagaljörð.
Sjá nú ekki allir, að hér er málun
blandað? Auðvitað var þarna Sketja-
fjörður í tengslum við Hagana, en
ekki Skagafjörður!
Að lokum vísa ein, sem mér datt
í hug í sambandi við þetta mál:
Annars skil ég ekki neitt
í því góða blaði,
að Skeijafirði skyldi breytt
í Skagafjörð - með hraði.
AUÐUNN BRAGI SVEINSSON,
stjórnarmaður í FEB í Reykjavík
og nágrenni.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.