Morgunblaðið - 20.01.1998, Blaðsíða 54

54 ÞRIÐJUDAGUR 20. JANÚAR 1998
MORGUNBLAÐIÐ
FÓLK í FRÉTTUM
•MYNDIN af Sveinbirni Beinteinssyni er tekin fyrir
nokkrum árum rétt áður en hann dó. Hún var tekin
fyrir tímaritið Heimsmynd vegna viðtals sem birtist
við allsherjargoðann. „Eg held að það hafí varla verið
hægt að taka ómögulega mynd af þessum manni og
mér finnst þessi mynd af honum skemmtiieg með fal-
lega lýsingu."
• SÓLA tók myndasyrpu fyrir Tónverkamiðstöðina
af öllum tónskáldunum. „Þetta er mjög einföld por-
trettmynd af Hjálmari H. Ragnarssyni en hann mynd-
ast mjög vel. Ljósið leikur vel við andlitið á honum og
það kemur skemmtilegur karakter í það. Það eru
alltaf ákveðnar reglur í portrettmyndun og þetta er
frekar hefðbundin mynd.“
• ÞESSA mynd tók Sóla á ferðalagi með „Holgu“ sem er
plastmyndavél með plastlinsu. „Með því að nota þessa
plastvél fer maður frá öllu tæknilegu. Það kemur Ijósleki,
það er ekkert í fókus og er í raun bara lítið box. Við fór-
um Þrengslin og komum að fallegri Iítilli kirkju við Þing-
vallavatn. Vigdís og Ingrid Jónsdóttur krjúpa við leiði
ungrar konu sem bjó þarna í sveitinni."
Úr myndaalbúmi Ijósmyndara
„Einfaldleikinn
helsta einkennið“
SÓLA lærði auglýsingaljós-
myndun í Brooks skólanum í
Santa Barbara í Bandaríkjunum.
' Að námi loknu vann hún sem að-
stoðarmaður Ijósmyndara í San
Francisco í eitt ár áður en hún
kom heim til íslands. Sóla er
með Ijósmyndastúdio í borginni
og fæst helst við portrettmynd-
ir. „Ég hef mjög lítið farið út í
auglýsingaljósmyndun en hef
alltaf haft mikinn áhuga á fólki.
Ég fann það strax þegar ég var í
skólanum að það var mitt
áhugasvið.“
Sóla segir eitt helsta einkenni
sitt vera einfaldleika og að hún
lagi myndirnar ekki til eins og
sumir geri. „Ég leita helst eftir
því að ná fólki eins og það er.
Ég er til dæmis algjörlega á
móti því að „fegra“ fólk með
ákveðinni tegund af fókus. Ég
vil helst reyna að ná einhverju
út úr þeim sem ég mynda og vil
ekki nota neinn „glamúr“.
Stundum er betra að þekkja fólk
en stundum getur það verið
verra. Ég sækist umfram allt
eftir því að fólk sé eðlilegt á
myndunum sem ég tek,“ sagði
Sóla.
Verðíhádegi kr. 1395,-
Verð á kvöldin kr. 2100,-
HÓTEL LO
I C E L A N D A I
Símar 562 7575 & 5050 925, fax 562 7573
Opiðfrákl.mO
23j
Þú klippir út myndina hér til
hliðar og límir á svarseðilinn
sem birtist á síðu 49 í
Morgunblaðinu 14. janúar.
Þá átt þú möguleika á að
vinna ferð fyrir tvo í Tívolí í
Kaupmannahöfn, miða á
sýninguna Bugsy Malone
eða geisladisk með tónlist-
inni úr sýningunni.
Mynd 5 af 10__________ fflslflÍNld JHorðuttÞlaMþ
Morgunblaðið/Sóla
• „MYNDIN af Vigdísi
Grímsdóttur er hluti af
seríu sem var tekin í
fyrra fyrir bókaforlagið
hennar. Vigdís er oft
mynduð eins og hún sé
dularfull en það er hún
alls ekki og ég vildi ná
henni eins og hún er.
Birtan í myndinni er fal-
leg og augun hennar eru
skemmtileg og óráðin."
• SÓLA ljósmyndari séð
með augum Þorkels
ljósmyndara Morgun-
blaðsins.
• „KRISTÍNU Ómarsdóttur myndaði ég fyrir túnaritið Allt og var ein
af mörgum listamönnum sem blaðið fjallaði um. Myndin er tekin heima
hjá henni og mér fannst þetta svolítið Kristínarlegt, það sést til dæmis í
einn putta með naglalakki á hurðinni. Þetta er samt ekki skírskotun í
bókina hennar sem kom út í fyrra og hét Dyrnar þröngu.“