Morgunblaðið - 01.02.1998, Blaðsíða 40

40 SUNNUDAGUR 1. FEBRÚAR 1998
MORGUNBLAÐIÐ
Dýraglens
Hvernig gekk í réttinum í dag?
Ég spurði dómarann hvort ég Hann sagði „Nei!“ Hann sagði
gæti komið nær dómarasætinu. að ég ætti að halda mig í
bakgarðinum.
BREF
TIL BLAÐSINS
Kringlan 1 103 Reykjavík • Sími 569 1100 • Símbréf 569 1329
Bæjarmálafélag
Hveragerðis
Frá Jóhanni ísleifssyni:
DEILUR sjálfstæðismanna í
Hveragerði undanfarið hafa verið
áberandi í bæjarfélaginu og í
brennidepli fjölmiðlanna.
Með brottrekstri fjögurra bæjar-
fulltrúa af D-lista úr Sjálfstæðisfé-
laginu Ingólfi í apríl má segja að
smiðshögg hins algjöra trúnaðar-
brests hafi verið fullkomnað.
Fljótlega stofnuðu bæjarfulltrú-
amir 4 ásamt fjölda stuðnings-
manna nýtt félag, Bæjarmálafélag
Hveragerðis. Jafnframt þessu
hófust fjöldaúrsagnir félaga úr
Sjálfstæðisfélaginu Ingólfi, og hafa
lamað alla eðlilega starfsemi í því
félagi síðan.
Markmið hins nýja félags, Bæjar-
málafélags Hveragerðis, er fyrst og
fremst það að sameina bæjarbúa í
því að vinna að framgangi og bætt-
um lífsskilyrðum í Hveragerði og
efla þátttöku almennings í bæjar-
málaumræðunni.
Pess misskilnings hefur gætt
undanfarið í fjölmiðlaumfjöllun að
hér sé á ferðinni annað féiag sjálf-
stæðismanna í Hveragerði. Svo er
ekki. Félagið á ekki aðild að neinum
stjómmálaflokki, stjómmálaskoð-
anir einstakra félaga eru eflaust
mjög breytilegar. Eðlilega em mjög
margir félagar sjálfstæðismenn, en
innan vébanda þess era líka mjög
margir sem eru á vinstri væng
stjómmálanna. Pað traflar ekki
markmið og baráttumál Bæjar-
málafélagsins, sem eru okkur ölium
sameiginleg.
Bæjarmálafélagið lítur á sig sem
boðbera nýrra tíma í Hveragerði,
með eitt markmið, í öflugri sam-
vinnu fólksins í bænum, þar sem
fagleg og metnaðarfull sjónarmið
ráða ferðinni.
Pólitísk vígaferli undanfarinna
ára, sundrung og persónulegar ill-
deilur, hafa markað djúp spor í bæj-
arsálina og verið dragbítur á eðli-
lega uppbyggingu og velferð bæjar-
búa.
Hornsteinninn í starfsemi hins
nýja félags eru „Laugardagsfund-
irnir“. Milli klukkan 10 og 12 á laug-
ardögum eru bæjarbúar boðnir í
„Opið hús“ þar sem bæjarmálin era
rædd yfir rjúkandi kaffibollum.
Bæjarfulltrúar era alltaf viðstaddir
og bæjarbúum gefst kostur á að
ræða einstök málefni, jafnframt
hafa verið fengnir fyrirlesarar víða
að, til að ræða ýmis mál sem hafa
snert hagsmuni bæjarbúa og verið
ofarlega í þjóðmálaumræðunni.
Bæjarmálafélagið stendur líka fyrir
öflugri blaðaútgáfu sem er vett-
vangur opinberrar umræður um
bæjarmálin. Mjög hefur verið vand-
að til útgáfunnar og hefur henni
verið vel tekið.
Undirbúningur fyrir kosningar á
vori komanda er hafinn. Kjörnefnd
er að störfum og vinna við val full-
trúa á framboðslista er langt komin.
Eg vil að lokum, fyrir hönd fé-
lagsmanna í Bæjarmálafélagi
Hveragerðis, bjóða sérstaklega vel-
komna til starfa brottreknu bæjar-
fulltrúana fjóra, þau Öldu Andrés-
dóttur, Aldísi Hafsteinsdóttur, Gísla
Pál Pálsson og Hafstein Bjamason.
Frammistaða þeirra og barátta fyr-
ir hagsmunum bæjarfélagsins hefur
verið aðdáunarverð. Prátt fyrir
marga erfiðleika og gegndarlausan
óþverra, sem hefur dunið yfir þau
úr herbúðum fyrram félaga þeirra,
hafa þau aðeins styrkst í afstöðu
sinni.
Ef ég byggi svo vel að eiga hatt,
mundi ég ávallt taka hann ofan í
viðurvist þeirra í virðingarskyni.
JÓHANN ÍSLEIFSSON,
formaður Bæjarmálafélags
Hveragerðis.
Misnotkun
Árna Sigfússonar
Frá Sigurbjörgu Ásgeirsdóttur:
HVERNIG stendur á því að Árna
Sigfússyni, efsta manni á lista
Sjálfstæðisflokksins við borgar-
stjórnarkosningarnar í vor, er liðið
að misnota fjöldasamtök á borð við
Félag íslenskra bifreiðaeigenda
(FÍB) til að reka kvöld eftir kvöld
áróður fyrir sjálfan sig í sjónvarpi?
Petta er afar ósmekklegt gagnvart
þeim fjölda félaga í FIB sem era
einlægir stuðningsmenn Reykja-
víkurlistans. Fyrir utan siðleysið
sem felst í því. í raun og vera sýnir
þetta vel innræti frambjóðandans.
Hann svífst einskis þegar um hann
sjálfan og almannafé er að ræða.
Það kom raunar í ljós þá 100 daga
eða svo sem hann gegndi embætti
borgarstjóra árið 1994. Þá jós hann
10 milljónum króna á dag úr borg-
arsjóði í algjörlega heimildalausar
greiðslur, eingöngu til að reyna að
slá sjálfan sig til riddara fyrir kosn-
ingar. Það var fullkomið siðleysi,
eins og auglýsingarnar núna.
Enda er það nýjung á íslandi að
frámkvæmdastjórar almennra fé-
lagasamtaka noti þau sjálfum sér til
framdráttar í kosningabaráttu.
Hefur Vilhjálmur Egilsson, svo
dæmi sé tekið, komið daglega fram
rétt fyrir alþingiskosningar í aug-
lýsingum fyrir Verslunarráð Is-
lands eða Ögmundur Jónasson fyr-
ir BSRB? Hvað sem annars má
segja um þessa tvo menn þá sjá
þeir þó sóma sinn í að misnota ekki
svo berlega aðstöðu sína. Og sam-
tök þeirra era líka vandari að virð-
ingu sinni en svo að þau láti slíkt
henda sig.
Ég hvet Reykvíkinga til að mót-
mæla harðlega misnotkun Árna
Sigfússonar á FIB. Hann getur
sjálfur kostað sína kosningabaráttu
eins og aðrir frambjóðendur eða
látið Sjálfstæðisflokkinn gera það.
SIGURBJÖRG ÁSGEIRSDÓTTIR,
Fjólugötu 25, Reykjavík.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.