Morgunblaðið - 13.02.1998, Qupperneq 4

4 FÖSTUDAGUR 13. FEBRÚAR 1998
MORGUNBLAÐIÐ
FRÉTTIR
Góður gangur í viðræðum Vélstjórafélags og LltJ
Ræða nýja útfærslu á
kröfu um aukinn hlut
✓
Islenskir
tómatar á
markað
Hrunamannahreppi. Morgunblaðið.
FYRSTU sendingar af tómötum
frá garðyrkjustööinni að Melum á
Flúðum eru farnar á markað £
Reyigavík. Frá stöðinni fara nú um
þessar mundir um 200 kg á dag.
Tómatarnir eru ræktaðir við
raflýsingu, en Guðjón Birgisson
garðyrkjubóndi hefur notfært sér
þann möguleika við ræktunina tvö
undanfarin ár og sett tómata á
markað svo snemma árs. Hann er
eini garðyrkjubóndinn sem nýtir
sér þennan ræktunarmöguleika.
Tómatar frá öðrum garðyrkju-
stöðvum koma ekki á markað fyrr
en í apríl. Á myndinni eru þau
Guðrún, Sigrún og Birgir, börn
þeirra Helgu Karlsdóttur og Guð-
jóns Birgissonar, sem eiga stöðina,
í gróðurhúsi foreldra sinna.
VIÐRÆÐUNEFNDIR Vélstjóra-
félags Islands og Landssambands
ísl. útvegsmanna komu saman til
sáttafundar hjá ríkissáttasemjara í
gærmorgun. Að sögn Helga Lax-
dal, formanns Vélstjórafélagsins,
gengu viðræðumar ágætlega. Eru
deiluaðilar meðal annars farnir að
ræða nýjar útfærslur á sérkröfu
vélstjóra á stærri skipum um
breytt hlutaskipti.
Tveir starfshópar munu
starfa um helgina
„Við fórum yfír sérkröfur okkar
og ákváðum að láta tvo starfshópa
vinna yfir helgina. Við komum svo
aftur saman á mánudaginn klukkan
tíu. Þetta var jákvætt og vinsam-
legt og það er allt í góðu gengi,“
sagði Helgi eftir fundinn í gær.
Akveðið var að skoða sérstak-
lega olíuverðtengingu og endur-
menntunarmál vélstjóra í starfs-
hópunum, auk kröfu vélstjóra um
aukinn aflahlut. Helgi vildi ekki
greina nánar frá hvað fælist í við-
ræðum aðila um nýjai- útfærslur á
kröfunni um aukinn hlut til handa
vélstjórum.
Kristján Ragnarsson, formaður
LÍÚ, sagði að aðilar hefðu farið yf-
ir málin á breiðum grundvelli á
fundinum í gær og menn myndu
halda viðræðum áfram.
Deiluaðilar á fund nefndar
sj ávarútvegsráðherra
Nefnd sjávarútvegsrráðherra
sem koma á með tillögur um breyt-
ingar á verðmyndun á fiski er þeg-
ar tekin til starfa og hefur boðað
fulltrúa samningsaðila í sjómanna-
deilunni á sinn fund næstkomandi
mánudag. Þá hefur ríkissáttasemj-
ari ákveðið að halda sáttafund í
deilunni á þriðjudaginn í næstu
viku.
Framkvæmdastj óri
útvarps
Halldóra
Ingva-
dóttir
skipuð
BJÖRN Bjamason mennta-
málaráðherra skipaði í gær
Halldóru Ingvadóttur, skrif-
stofustjóra
á skrifstofu
útvarps-
stjóra, í
starf fram-
kvæmda-
stjóra Rík-
isútvarps-
ins-hljóð-
varps.
í út-
varpsráði
hlaut Halldóra 3 atkvæði full-
trúa Sjálfstæðisflokksins en
Margrét Oddsdóttir, deildar-
stjóri menningarmála hjá
Ríkisútvarpinu, hlaut þar 4
atkvæði fulltrúa annarra
stjómmálaflokka í ráðinu.
Útvarpsstjóri hafði mælt
með því við menntamálaráð-
herra að Halldóra yrði ráðin í
starfið en hann taldi þær
Margréti hæfastar til starfs-
ins.
Fimm umsækjendur
um stöðuna
Umsækjendur vom fjórir;
auk Halldóm og Margrétar,
Freyr Þormóðsson, fram-
kvæmdastjóri í Bandaríkjun-
um og Sigurður G. Tómasson,
íyrrverandi dagskrárstjóri
Rásar 2.
„Ég held að tíminn skeri úr
um það en hér er engin bylt-
ing í vændum,“ sagði Hall-
dóra, þegar Morgunblaðið
spurði hana um hverju hún
hygðist helst beita sér fyrir í
starfínu. „Ég ætla að halda
áfram því góða starfi sem hér
hefur verið unnið fram að
þessu. Það hafa verið miklar
breytingar að undanfórnu og
það á eftir að koma ýmsu í
höfn af því sem hefur verið
mótað og stefnt að og ég mun
að sjálfsögðu vinna áfram að
því,“ sagði hún.
Morgunblaðið/Sigurður Sigmundsson
Félagsmálaráðherra á Alþingi í gær
Atvinnuleysi í
janúar um 4%
ATVINNULEYSI hér á landi
var rétt um 4% í janúar sl. sam-
kvæmt bráðabirgðatölum frá
Vinnumálaskrifstofu félagsmála-
ráðuneytisins. í sama mánuði í
fyrra var atvinnuleysi 5,1%.
Þessar upplýsingar komu fram
í máli Páls Péturssonar félags-
málaráðherra við umræður um
atvinnuleysi á Alþingi í gær. í
máli hans kom einnig fram að
samkvæmt bráðabirgðatölum liti
út fyrir að atvinnuleysi meðal
karla hefði verið um 2,8% í janú;
ar sl., en 5,5% meðal kvenna. I
janúar í fyrra var atvinnuleysi
meðal karla 3,9% en 6,7% meðal
kvenna.
Ráðherra sagði að þessar nýju
tölur um atvinnuleysi samanbor-
ið við tölur í fyrra hlytu að vera
fagnaðarefni. Allt væri á réttri
leið þótt tölurnar væru enn of há-
ar. „Við þurfum að gera betur til
að hjálpa fólki að finna vinnu,“
sagði hann. Ráðherra sagði hins
vegar rétt að hafa í huga að mik-
ill vinnuaflsskortur væri í landinu
og því þyrfti félagsmálaráðuneyt-
ið í sífellt auknum mæli að heim-
ila veitingu atvinnuleyfa til út-
lendinga utan evrópska efna-
hagssvæðisins. „Á síðastliðnu ári
veittum við um 1.600 leyfi fyrir
útlendinga til að koma hér til
vinnu. Við höfum ekki neina ná-
kvæma tölu um hvað margir eru
hér að störfum af evrópska efna-
hagssvæðinu, en ekki er ólíklegt
að það sé álíka stór hópur,“ sagði
hann.
Ráðherra sagði einnig að
meira en helmingur af þeim út-
lendingum sem hefðu fengið at-
vinnuleyfi á síðasta ári væri kon-
ur og að samanlagt væru líklega
um 2.000 erlendar konur að störf-
um í landinu.
Snarræði skipverja varð manni til bjargar sem fór
fyrir borð á kúfískbáti á Önundarfírði
Var í ísköldum sjónum
í tvær mínútur
SKIPVERJI á kúfiskbátnum Skel
ÍS slapp með minniháttar áverka
eftir að vír lenti í honum og svipti
honum fyrir borð um klukkan
22.30 í fyrrakvöld, þar sem bátur-
inn var á veiðum í Onundarfirði.
Félagar hans í áhöfn sýndu mikið
snarræði við björgun mannsins,
sem er vélstjóri á bátnum.
Á Skel ÍS er sex manna áhöfn
og voru þrír uppi við þegar at-
vikið varð. Maðurinn var í sjón-
um um tvær mínútur að því er
talið er, en á þessum slóðum var
lofthiti minus 5-6 gráður þegar
atvikið varð. Nýbúið var að hífa
upp plóg skipsins og poka þegar
vfr slitnaði sem hélt plóginum
með þeim afleiðingum að hann
féll fyrir borð og slóst vír í síðu
vélsljórans og hrifsaði hann með
sér.
Snarbeygði strax
„Hann stakkst ofan í sjóinn
en kom strax upp aftur, hélt
rænu allan tímann og saup lítið
af sjó,“ segir Jens Sigurjónsson,
skipstjóri á Skel.
Hann segir að um leið og vél-
stjórinn fór í sjóinn hafi hann
snarbeygt og í raun siglt hring
umhverfis manninn, sem náði
taki á kaðli sem hékk aftan úr
skut bátsins. „Ég var snöggur að
beygja þannig að við vorum
komnir strax upp að honum, en
auk þess að hafa tak á kaðlinum
hentum við til hans björgunar-
hring. Hann hélt sér liins vegar
áfram í kaðalinn, enda skynsam-
legra að halda sér í eitthvað sem
var fast við skipið. Ég og hinn
skipveijinn sem þarna var dróg-
um hann síðan að, tókum um
axlir hans og kipptum honum
um borð,“ segir Jens.
Hann kveðst telja að betur
hafi farið en á horfðist og hafi
hjálpað mikið til að tungl var
fullt og lygnt í sjóinn. „Hefði
hins vegar verið meiri sjógang-
ur eða verra veður er ekki gott
að segja hvernig hefði farið. En
hann er líkamlega vel á sig
kominn og gat haldið í kaðalinn
meðan við drógum hann inn,“
segir Jens.
Siglt var umsvifalaust með
manninn í land og hann fluttur
á Sjúkrahús Isafjarðar, þar sem
hann gekkst undir rannsókn í
gær. Hann marðist talsvert og
blæddi inn á vöðva. Gert var
ráð fyrir að Skel ÍS héldi aftur
til veiða í kvöld eða á morgun.