Morgunblaðið - 05.09.1998, Page 22

22 LAUGARDAGUR 5. SEPTEMBER 1998
VIÐSKIPTI
MORGUNBLAÐIÐ
Útflutningsráð stendur fyrir „Venture Iceland“ í annað sinn
Ah ugi fjárfesta
hefur aukist
ÁHUGI innlendra fjárfesta á ís-
lenskum fyrirtækjum í upplýsinga-
iðnaði hefur aukist undanfarin ár
samhliða almennum vexti í hugbún-
aðargeiranum hér á landi. Engu að
síður vantar enn talsvert upp á að
hægt sé að segja að rekstrarum-
hverfíð í greininni sé viðunandi hvað
varðar fjármögnun. Petta var meðal
þess sem fram kom á Fjárfestingar-
þinginu Venture Iceland 98 sem Ut-
flutningsráð stóð fyiir í annað sinn á
Hótel Sögu í gær.
Alls tóku níu fyrirtæki þátt í þing-
inu sem miðar að því að kynna ís-
lensk hugbúnaðarfyrirtæki innlend-
um og erlendum áhættufjárfestum
og auka þannig möguleika þeirra á
framtaksfé. Þátttakendur að þessu
sinni voru Axel hugbúnaður, Fjar-
hönnun, Hótellausnir, Hugfang,
Kerfí, Tæknival, Memphis, Softis og
Taugagreining.
Mikið breyst til batnaðar
Skúli Mogensen, framkvæmda-
stjóri OZ, var meðal framsögumanna
á Fjárfestingarþinginu. Hann sagði
mikið hafa breyst til batnaðar á þeim
átta árum sem liðin væru frá stofnun
félagsins. Enn sem komið væri væri
íslenskur hugbúnaðariðnaður afar
lítill sem sjá mætti á því að ekkert
fyrirtæki væri skráð á erlendum
mörkuðum. Hins vegai- væru mögu-
leikar í þessum geira miklu betri en
áður og áhugi bæði innlendra og er-
lendra fjárfesta vaxandi.
Bandaríski fjárfestirinn Jim
Rogers lagði í ræðu sinni m.a.
áherslu á mikilvægi þess að auðvelda
erlendum fjárfestum aðgang að
mörkuðum hér. Hann sagði þróun
undanfarinna ára jákvæða, fjánnála-
markaðir hér væru opnari og áhrif
landfræðilegrar legu íslands færu sí-
fellt minnkandi. Hins vegar yrði að
vinna að því í auknum mæli að fá er-
lent fjármagn og þekkingu inn í
landið.
Stefán Halldórsson, framkvæmda-
stjóri Verðbréfaþings, sagði mikla
þróun hafa átt sér stað á íslenskum
hlutabréfamarkaði, en engu að síður
ættum við langt í land með að standa
jafnfætis mörgum nágrannalöndum
okkar. Hann sagði aukna einkavæð-
ingu, færri höft á erlenda fjárfesta
og aukna fagmennsku í upplýsinga-
iðnaði almennt, jákvæð merki sem
væru hvetjandi á rekstur fyi'irtækja
í greininni.
Langur aðdragandi
Guðný Káradóttii’ hjá Útflutnings-
ráði segist nokkuð sátt við þann
áhuga sem þingið hefur vakið er-
lendis í Ijósi þess hversu gifurlega
hörð samkeppni ríkir á þessum
markaði. Hingað hafi komið tólf er-
lendir gestir, þar á meðal fulltrúar
ESB, ráðgjafar sem unnu að
fræðslu- og kynningarmálum með
þátttakendum auk átta erlendra
fjárfesta, m.a. frá Singapore, Banda-
ríkjunum og víðsvegar að úr Evrópu.
Guðný segir verkefnið eiga sér
langan aðdraganda, en undii’búning-
ur hófst í febrúar sl.: „Kostnaður
hvers þátttakanda er 200 þúsund
krónur, en segja má að megin skuld-
bindingin liggi í þeim mikla og tíma-
freka undirbúningi sem fyrirtækin
hafa gengið í gegnum á þeim sjö
mánuðum sem liðnii’ eru frá því að
við fórum af stað. Þátttakendur
þurfa að sækja reglulega vinnufundi
og námskeið. Þar er t.d. kennd gerð
viðskiptaáætlana, fjallað um áhættu-
fjármagn, eðli þess og hvar það er að
fínna, fjallað um hugbúnaðar- og há-
tækniiðnað almennt, eftir hverju
fjárfestar leita, veitt þjálfun í kynn-
ingu o.s.fí-v. í lokin liggur síðan fyrir
nákvæm viðskiptaáætlun sem full-
trúai’ fyrirtækjanna kynna á þing-
inu.“ Guðný segir fjárþörf og mark-
mið fyrirtækjanna eðlilega af ólíkum
toga, en að þessu sinni liggja fjár-
mögnunarmarkmið þeh-ra 9 aðila
sem skráðu sig til leiks á bilinu 17 til
210 milljónir íslenski’a króna.
Vín í nóvember
Fjölmai’gir aðilar koma að fjár-
mögnun Fjárfestingarþingsins,
t.a.m. Nýsköpunarsjóður og Útflutn-
ingsráð, auk þess sem Evrópusam-
bandið hefur lagt verkefninu lið frá
upphafi í tengslum við upplýsinga-
tækniáætlun sína. ESB sendir einnig
eigin fulltrúa til landsins meðan á
þinginu stendur til að fylgjast með
framvindu þess og kynna sér þátt-
takendur. Hliðstæð vinna á sér stað í
öðrum Evrópulöndum, en í lok árs-
ins eru valin út þau 40 fyrirtæki sem
þykja hvað álitlegust að mati tilsjón-
armanna ESB og fá þau tækifæri til
að kynna sig á sérstöku Fjárfesting-
arþingi Evrópusambandsins. Af
þeim sex aðilum sem tóku þátt í ís-
lenska verkefninu í fyrra var tveim-
ur, Margmiðlun og Netverki, boðið
að mæta, svo telja verður líklegt að
einhver af þeim 9 sem nú eru með
verði á meðal hinna 40 útvöldu á
þingi ESB sem fram fer í Vín í nóv-
ember.
Hafnarstræti 100, Akureyri
í DAG, LAUGARDAG,
frákl. 14.00 til 18.00 eru til
sýnis og sölu nýjar 2ja herb.
55 fm íbúðir og ein 4ra herb.
ca 130 fm íbúð á tveimur
hæðum.
íbúðirnar eru með glæsilegum
innréttingum frá ALNO og ein
íbúðin er sýnd fullbúin með
húsgögnum frá
H.P HÚSGÖGNUM
í Reykjavík.
Ibúðimar kosta frá 5,9 millj. og á þeim hvíla húsbréf ca 1,6 millj. Möguleiki er þó að fá
lánað allt að 70% af kaupverði yfir 25 ár með hagstæðum vöxtum. Ekki þarf
húsbréfamat en lánastofnun þarf að samþykkja lántakanda.
Reynald Jónsson verður á staðnum og býður alla velkomna.
Nánari upplýsingar og teikningar hjá:
REYKJAVÍK
Ármúla 1, sími 588 2030 - fax 588 2033
AKUREYRI
FASTEI6MSALAIV
BYGOl)
BREKKIGÖTU4
SP-fjármögm Úr árshlutareikningi iin hf.9 1. janúar til 30. júní SK*
Rekstrarreikningur 1998 1997 Breyting
Vaxtatekjur Milljónir króna 262,8 158,1 +66,2%
Vaxtagjöld 164,9 90,9 +81,4%
Hreinar vaxtatekjur 97,9 67,3 +45,5%
Aðrar rekstrartekjur 20,5 8,6 +138,4%
Hreinar rekstrartekjur 118,4 75,8 +56,2%
Önnur rekstrargjöld 40,4 29,5 +36,9%
Framlög í afskriftareikning 32,1 19,7 +62,9%
Hagnaður fyrir tekjuskatt 46,0 26,7 +72,3%
Tekjuskattur 18,5 7,4 +150,0%
Hagnaður tímabiisins 27,5 19,3 +42,5%
Efnahagsreikningur 30/6'98 31/12-97 Breyiing
| Eignir: | Milljónir króna
Sjóður og kröfur á lánastofnanir 40,1 9,1 +340,7%
Útlán 4.304,9 3.604,4 +19,4%
Eignarhlutir í félögum 0,2 0 ■
Aðrar eignir 71,5 56,1 +27,5%
Eignir samtals 4.416,8 3.669,6 +20,4%
| Skultlir og eigið fé: | 1 3.928,6
Lántaka 3.220,6 +22,0%
Aðrar skuldir 4,2 8,4 ■50,0%
Tekjuskattsskuldbinding 35,6 16,9 +110,7%
Víkjandi lán 161,2 153,9 +4,7%
Eigið fé 287,2 269,8 +6,4%
Skuldir og eigið fá samtals 4.416,8 3.669,6 +20,4%
SP-Fjármögnun skilar
27,5 milljóna króna hagnaði
Stefnt að aukn-
ingu hlutafjár
EIGNALEIGUFYRIRTÆKIÐ SP-
Fjármögnun hf. skilaði 27,5 milljóna
króna hagnaði fyrstu sex mánuði
ársins á móti 19,3 milljónum á sama
tíma í fyrra. Útlán hafa aukist um
20% frá áramótum og er til umræðu
að auka hlutafé félagsins til að fylgja
eftir örri aukningu í starfsemi þess
allt frá stofnun.
Hreinar rekstrartekjur SP-Fjár-
mögnunar námu rúmum 118 milljón-
um á þessu tímabili á móti 76 millj-
ónum á sama tíma í fyrra. Önnur
rekstrargjöld voru 40 milljónir og
lagðar voru 32 milljónir í afski'ifta-
reikning útlána þannig að hagnaður
fyrir skatta var 46 milljónir. Hagn-
aður fyrir skatta var 27 milljónir á
sama tíma á síðasta ári.
Framlög í afskriftareikning námu
tæpum 20 milljónum í milliuppgjöri
í fyrra og hafa því aukist verulega á
milli ára. Kjartan Gunnarsson fram-
kvæmdastjóri segir þó að félagið
hafí ekki lent í miklum útlánatöp-
um. Aukningin væri vegna al-
mennra framlaga í afskriftareikning
og fyrst og fremst gerð í varúðar-
skyni.
Betra en reiknað var með
„Eg get ekki annað en verið
ánægðm-. Afkoman er jafnvel betri
en reiknað var með,“ segir Kjartan.
Starfsemin hefur einkennst af aukn-
ingu, ekki síst í bílalánum. Þannig
jukust útlán um tæp 20% frá ára-
mótum og voru komin í 4,3 milljarða
í lok júní.
Eigið fé félagsins er 287 milljónir
kr., þar af 200 milljónir hlutafé.
Kjartan segir að lítið eigið fé tak-
marki mjög möguleika fyrirtækisins
til að gera stóra eignaleigusamninga
og þar með að vaxa enn hraðar
vegna ákvæða laga um að lán til ein-
stakra viðskiptamanna megi ekki
nema meira en 25% af eigin fé fé-
lagsins. Segir hann að til standi að
auka hlutaféð og býst við ákvörðun
um það í þessum mánuði.
SP-Fjármögnun er í eigu spari-
sjóðanna og tók félagið til starfa í
maí árið 1995.
Seðlabanki íslands
Gjaldeyrisforði minnkaði
um 1,2 milljarða
GJALDEYRISFORÐI Seðlabank-
ans lækkaði um rúma 1,2 milljarða
króna í ágúst og nam í lok mánaðar-
ins 29,2 milljörðum ki’óna (jafnvii’ði
408,4 milljóna bandaríkjadala á gengi
í mánaðarlok). Erlendar skammtíma-
skuldir bankans hækkuðu um 1 millj-
arð króna i mánuðinum og námu 1,2
milljörðum króna í lok hans. í ágúst
endurgreiddi ríkissjóður erlend lán
að jafnvii'ði 1,7 milljarða króna. Á
gjaldeyrismarkaði voru hrein gjald-
eyrisviðskipti Seðlabankans neikvæð
um 796 milljónir ki-óna í ágúst.
Gengi íslensku krónunnar, mælt
með vísitölu gengisskráningar, lækk-
aði í ágúst um 0,3%. Heildareign
Seðlabankans í markaðsskráðum
verðbréfum jókst í ágúst um 2,3
milljarða króna og er þá miðað við
markaðsverð. Eign bankans í spari-
skíi'teinum ríkissjóðs og ríkisbréfa-
eign stóðu í stað en ríkisvíxlaeign
jókst hins vegai- um 2,3 milljarða
króna og nam í mánaðarlok 4,1 millj-
ai'ði ki'óna. Kröfur Seðlabankans á
innlánsstofnanir hækkuðu um 2,3
milljarða króna í ágúst en nettókröf-
ur bankans á ríkissjóð og ríkisstofn-
anii' lækkuðu um 1,2 milljarða króna
og voru jákvæðar um 4,6 milljarða
króna í lok ágúst sem þýðir að inn-
stæður ríkissjóðs í bankanum námu
lægri fjárhæð en brúttókröfur hans á
ríkið. Grunnfé bankans lækkaði um
2,5 milljarða króna í mánuðinum og
nam 23,5 milljörðum króna í lok
hans.