Morgunblaðið - 12.09.1998, Qupperneq 68

MORGUNBLAÐIÐ, KRINGLAN 1,103 REYKJAVIK, SÍMI5691100, SÍMBRÉF 5691181
PÓSTHÓLF 3040, NETFANG: IUTSTJ@MBL.1S, AKUREYRI: KAUPVANGSSTRÆTl 1
LAUGARDAGUR 12. SEPTEMBER 1998
VERÐ í LAUSASÖLU 125 KR. MEÐ VSK
Islensk þátttaka
í lyfjaframleiðslu
á Möltu?
FJÁRFESTAR frá Bretlandi og
Kanada hafa síðustu daga verið að
kanna áhuga lyfjaframleiðenda hér-
lendis á samstarfi um lyfjafram-
leiðslu á Möltu. Er þessi athugun til
komin í framhaldi af samstarfs-
samningi sem heilbrigðisráðherrar
Islands og Möltu undirrituðu íyn- á
árinu, varðandi hugsanlegt sam-
starf á ýmsum sviðum í heilbrigðis-
málum.
Einar Magnússon, skrifstofu-
stjóri heilbrigðisráðuneytisins, upp-
^Jýsti Morgunblaðið um það í gær að
tveir fulltrúar fjárfesta frá Bret-
landi og Kanada hefðu óskað eftir
viðræðum við Islendinga í því skyni
að kynna sér hugsanlegt samstarf á
sviði lyfjaframleiðslu. Dvöldu þeir
hér í nokkra daga og héldu af landi
brott í gær. Ráðuneytið hafði milli-
göngu um að koma þeim í samband
við Samtök iðnaðarins og heimsóttu
þeir Omega-Farma, Lyfjaverslun
Islands og Delta. Engar sérstakar
hugmyndir voru lagðar fram í þess-
ari heimsókn en von er á tillögum
frá hinum erlendu fjárfestum eftir
tvær til þrjár vikur og munu fyrr-
greindir lyfjaframleiðendur þá
kanna þær.
Áhugi á markaðssetningu
í Evrópulöndum
Einar Magnússon sagði að Malt-
verjar hefðu áhuga á ýmsu sam-
starfi við íslendinga, þeir hefðu sótt
um aðild að Evrópusambandinu og
væru aðstæður þeirra á margan
hátt svipaðar aðstæðum hérlendis.
Um væri að ræða litla eyþjóð í út-
jaðri stórs markaðar og hefðu þeir
áhuga á að kynna sér hjá Islending-
um hvernig hægt væri að markaðs-
setja framleiðslu t.d. í Evrópulönd-
um.
Nýr heimur
opnast Keikó
ÞJÁLFARAR háhym-
ingsins Keikós eru
ánægðir með það hvern-
ig honum gengur að laga
sig að nýju umhverfí.
Fyrsta nótt Keikós í
Klettsvík reyndist tíð-
indalítil. Jeff Foster,
þjálfari Keikós, sagðist ánægður
með ástand hvalsins, hann virtist
fullur af orku og hefði synt vel.
Hann væri tilbúinn að takast á
við næsta verkefni.
Að sögn þjálfarans át Keikó 30
kfló af sfld og loðnu fyrsta dag-
inn. Sagði hann að fara þyrfti ró-
lega af stað vegna þess að hann
hefði ekkert étið meðan á flutn-
ingnum stóð. Skammturinn yrði
aukinn smátt og smátt.
Jeff Foster sagði að sex manns
hefðu verið í kvínni yfír nóttina
auk öryggisvarðar. Háhyming-
urinn hefði verið forvitinn um
umhverfi sitt, fylgst vel með öll-
um bátsferðum við kvína
og mannaferðum innan
hennar.
Dave PhiIIips, sljórn-
andi Keikó-stofnunarinn-
ar, var staddur í kvínni
og sagði að það hlyti að
vera eins og nýr heimur
opnaðist fyrir háhymingnum við
það að komast úr lokaðri laug í
víðáttu Klettsvíkur.
Þorsteinn Sigfússon, formað-
ur samstarfsnefndar Háskóla fs-
lands og Vestmannaeyja, segir
erfíð og spennandi verkefni
framundan í rannsóknasetri Há-
skólans í Eyjum. „I dag, daginn
eftir Keikó, erum við að ræða
við kennslufræðistofnanir víða
um heim, sem eru hér hjá okk-
ur, um miðlun upplýsinga og
hvers kyns samvinnu," sagði
hann.
■ Keikó í Eyjum/6/10
I afplánun
fyrir að
neyta
vímuefna
UNGUR piltur var hnepptur í fang-
elsi í gær eftir að hann braut skil-
yrði skilorðs vegna dóms sem hann
hlaut í sumar. Pilturinn hefur alloft
gerst brotlegur og var dæmdur til 6
mánaða fangelsisvistar, m.a. vegna
líkamsárásar, þjófnaðar og fíkni-
efnamála.
Framkvæmd dómsins skyldi
frestað í þrjú ár héldi pilturinn al-
mennt skilorð og auk þess var skil-
yrt að hann neytti hvorki áfengis né
fíkniefna þann tíma. Pilturinn braut
hins vegar af sér fyrir nokkru og
var handtekinn. Lét lögreglan þá
taka úr honum blóðsýni og kom í
ljós að hann hafði neytt vímuefna.
Var hann færður fyrir dómara til að
fá úr því skorið hvort hann teldist
hafa brotið skilyrðið. Urskurður
dómara var að svo væri og var hann
því hnepptur í fangelsi til að afplána
fyrri dóminn.
--------------
Damon og
Einar Örn
semja kvik-
myndatónlist
EINAR Orn Benediktsson og
Damon Albarn, söngvari bresku
sveitarinnar Blur, hafa tekið að
sér að semja
tónlist myndar-
innar 101
Reykjavík.
Baltasar Kor-
mákur er leik-
stjóri myndar-
innar og höf-
undur handrits
og er það laus-
lega byggt á
skáldsögu
Hallgríms
Helgasonar.
Tökur á mynd-
inni hefjast í
janúar.
Aðstandend-
ur myndarinn-
ar hafa enn-
fremur leitað til erlendrar stór-
leikkonu og boðið henni aðal-
hlutverkið, þótt ekki vilji þeir
gefa upp nafn hennar að svo
stöddu.
■ Damon og Einar Örn/60
---------------
Marin eftir
bílbeltin
HARÐUR árekstur varð við vega-
mót Ólafsvíkui'vegar og Borgar-
nesvegar í gærkvöldi. Tveir bílar,
sem voru að koma að vestan og
riorðan, rákust harkalega á. Sex
manns voru í bílunum og allir í
beltum.
Að sögn lögreglu komu beltin í
veg fyrir alvarleg slys á fólki, en
áreksturinn var það harður að
sumir voru illa marðir eftir beltin
og eitthvað var um rifbeins- og við-
beinsbrot. Fólkið var flutt á heilsu-
^æslustöðina í Borgarnesi til skoð-
unar. Bílamir eru ónýtir.

Morgunblaðið/Ásdís
Fastir á
Fjarðarheiði
15-20 bílar sátu fastir á Fjarðarheiði
í gær, en mjög hvasst var í veðri á
Norður- og Austurlandi og talsverð
úrkoma. Færð spilltist á fjallvegum.
Þungfært var á Öxarfjarðarheiði og
Lágheiði og Hellisheiði eystri var
ófær. Hálka var sumstaðar á vegum
norðanlands og á Vestfjörðum.
Reiknað er með að veður gangi nið-
ur í dag.
Hvasst var einnig á Suðurlandi í
gær. Fleki af gám fauk t.d. á lítinn
bát á Höfn í Hornafirði og er bátur-
inn talinn ónýtur.
-----♦-♦“♦---
Fyrsta saia
á kvótaþingi
FYRSTU viðskiptin á kvótaþingi á
þessu fiskveiðiári voru í gær, þegar
sex tonn af þorski voru seld, og var
svokallað viðskiptaverð 85 kr. á kíló.
Hæsta kauptilboð í ýsu var 25 kr.,
en sölutilboð lá ekki fyrir.
Sænskar rannsóknir um nýjungar frá Ossuri hf.
Sparnaður í sænska heil-
brig’ðiskerfínu 720 millj.
SÝNT hefur verið fram á að með notkun tvenns
konar tækninýjunga frá stoðtækjafyrirtækinu
Össuri hf. hefur tekist að gera mun fleiri sjúk-
lingum, sem hafa þurft að gangast undir
aílimunaraðgerð, fært að ganga á ný. Fram-
leiðsla Össurar sparar að auki miklar fjárhæðir
í sænska heilbrigðiskerfinu.
Hópur lækna, hjúkrunarfræðinga, sjúkra-
þjálfara og stoðtækjafræðinga við stofnanir í
Kristianstad og Hássleholm í Svíþjóð hefur
unnið að rannsókn, sem miðaði að því að bæta
meðferð sjúklinga eftir aflimun. 103 sjúklingar
voru í úrtaki rannsóknarinnar og leiddu niður-
stöðurnar í ljós að sílikonhulsa frá Össuri sem
sett var upp á stúf sjúklings fljótlega eftir
aflimun bætti líðan hans og kom í veg fyrir
bólgumyndun. Ennfremur var með sílikonhuls-
unni mögulegt að setja IceX-hulsu á fót sjúk-
lings innan þriggja vikna. Áður tíðkaðist að
vefja plástri og grisju um stúfinn, en sá umbún-
aður lagaði sig ekki að stúfnum eins og sílikon-
hulsan. Margir sjúklingar þurftu því að liggja á
sjúkrahúsi í kjölfar aflimunar og að meðaltali lá
hver sjúklingur 75 daga. Með nýju aðferðinni
var legudögum fækkað niður í 54 eða um 28%.
24 þúsund á dag sparast
Sjúkrakostnaður vegna hvers sjúklings á dag
í sænska heilbrigðiskerfinu er tæpar 24 þúsund
krónur þannig að með fækkun legudaganna
sparast um hálf milljón króna á hvern sjúkling.
Sé miðað við fjölda sjúklinganna, sem tóku þátt
í rannsókninni, er sparnaðurinn um 50 milljónir
króna. Við yfirfærslu þessarar tölu á alla Sví-
þjóð nemur sparnaðurinn 720 milljónum króna
á ári. Við meðferð sjúklinga er lögð áhersla á
mannlega þáttinn, hvað snertir þjálfun sjúk-
lings og fræðslu og ekki síst er hvatning mikil-
væg til að hann megi takast á við lífið á nýjan
leik.
59% ganga á ný
Icecross-sílikonhulsan og IceX-hulsan hafa
verið þróaðar af íslenska stoðtækjaíyrirtækinu
Össuri hf. og hefur sænski rannsóknarhópurinn
sýnt fram á að með notkun þessara nýjunga
hafi tekist að auka hlutfall þeirra sem geta
gengið á ný eftir aflimun úr 39% í 59%. Rann-
sóknarhópurinn hefur nú hafið kynningu á nýj-
unginni innanlands og utan. Niðurstöðurnar
hafa verið kynntar á alþjóðlegi’i ráðstefnu í
Hollandi og nú eru stjórnendur rannsóknar-
hópsins staddir hér á landi til að hitta íslensk
starfssystkini sín.