Morgunblaðið - 30.07.1999, Blaðsíða 14

14 FÖSTUDAGUR 30. JÚLÍ 1999
MORGUNBLAÐIÐ
AKUREYRI
Morgunblaðið/Arni Sæberg
SALLY og Greg Chabot frá Bandaríkjunum nutu veðurblíðunnar í Lystigarðinum á Akureyri í gærdag.
BJÖRGVIN Steindórsson, forstöðumaður Lystigarðsins á Akureyri.
Lífið í Lysti-
garðinum
LYSTIGARÐURINN á Akur-
eyri er paradís í hugum heima-
manna og aðkomumanna. A
sumrin flykkist fólk í garðinn.
Sumir koma eingöngu til að
njóta náttúrunnar og rölta um
garðinn. Aðrir grandskoða blóm-
in og jurtirnar og eru áhugasam-
ir um tilvist þeirra. Þetta og
fleira kom fram í samtali við
Björgvin Steindórsson, forstöðu-
mann Lystigarðsins.
Betra sumar
en í fyrra
„Mér virðist sem við fáum
fleiri gesti í sumar heldur en í
fyrra. Það getur helgast af því að
sumarið í ár er betra og við höf-
um fengið fleiri sólardaga," sagði
Björgvin. Hann sagði að íslend-
ingarnir tækju alltaf við sér þeg-
ar sólin færi að skína og
streymdu þá í garðinn. Erlendu
ferðamennirnir koma hins vegar
á öllum tímum. „Það er stutt
hingað frá tjaldstæðum og hótel-
um og því er mikið um að ferða-
menn rölti hingað í garðinn til að
njóta hans,“ sagði Björgvin.
Seljum ekki blóm
Björgvin sagði að svæðið með
íslensku jurtunum nyti mikilla
vinsælda hjá erlendu gestunum.
„Þeim finnst mjög gaman að sjá
þessar jurtir sem þrífast hér
uppi á Fróni. Það má eiginlega
segja að við höfum flestar þær
plöntur sem vaxa hér á landi.
Það eru eingöngu þessar allra
sjaldgæfustu sem okkur vantar,“
sagði Björgvin.
Björgvin gat þess að sumir
kæmu í garðinn til að njóta veð-
urblíðunnar, njóta þess að liggja
á grasflötunum eða eingöngu til
þess að rölta um í garðinum.
„Aðrir eru hins vegar mjög
áhugasamir um blómin sem eru
ræktuð hérna og spyrja mikið út
í einstakar jurtir. Sumir spyrja
jafnvel hvort við seljum blóm en
það gerum við nú ekki,“ sagði
Björgvin.
Framkvæmdir
í garðinum
í garðinum er nú verið að
leggja lokahönd á nýtt gróður-
hús og uppeldisbeð í nágrenni
þess. Björgvin sagði að nýja
gróðurhúsið væri mun stærra en
það gamla og þetta gjörbreytti
vinnuaðstöðu þeirra. „Við erum
líka að vinna í því að gera upp
hluta af gamla garðinum. Við ríf-
um upp beð og flatir og sáum aft-
ur í þetta. Mér finnst samt mjög
mikilvægt að við minnkum ekki
grasflatirnar, fólk vill hafa þær
óbreyttar. Við reynum að taka
garðinn svona í gegn í smá-
skömmtum, enda er markmiðið
að hann líti alltaf vel út,“ sagði
Björgvin. „Þess má geta að við
erum að ljúka við framkvæmdir í
kringum styttuna af Matthíasi
Jochumssyni og stefnum á að
hafa það tilbúið fyrir verslunar-
mannahelgina," sagði Björgvin
enn fremur. Aðspurður sagði
hann að alltaf kæmi mikið af fjöl-
skyldufólki í garðinn um verslun-
armannahelgina, enda væri bær-
inn þá fullur af fólki.
ÞÆR Óla Kallý, Rannveig og Guðrún vinna í Lystigarðinum og eflaust öfunda margir þær af því,
einkum þegar sólin skín.
VINKONURNAR Líf og Þórdís brugðu sér í Lystigarðinn í gær en þær voru að passa Hildi Karitas.
Bókmenntadagskrá
í Deiglunni
Gallerí Svartfugl
Einar
sýnir
EINAR Gíslason opnar á laugar-
dag, 31. júlí, kl. 15 sýningu í Gallerí
Svartfugli. Þar sýnir hann grafík-
myndir unnar með tréristu og er
þetta hans fyrsta einkasýning. Ein-
ar útskrifaðist árið 1996 úr grafík-
deild Myndlista- og handíðaskóla
Islands og rekur nú Gallerí svart-
fugl ásamt Sveinbjörgu Hallgríms-
dóttur. Sýningin stendur til 22.
ágúst næstkomandi og er opin alla
daga nema mánudaga frá kl. 14 til
18.
Kara-
melluregn
FJÖLSKYLDUHÁTÍÐIN Halló
Akureyri var sett á Ráðhústorgi í
gær, en ferðafólk var þá þegar farið
að streyma til bæjarins. Hljómsveit-
ir léku og þá var sælgæti dreift yfir
torgið við mikinn fognuð yngstu kyn-
slóðarinnar.
Dagskrá verður á torginu í dag,
föstudag, og eins um helgina. Mikil
gæsla verður á vegum lögreglu en
allt tiltækt lögreglulið verður á vakt
um helgina auk þess sem lögreglu-
menn úr nágrannabyggðarlögum að-
stoða að sögn Ólafs Ásgeirssonar að-
stoðaryfirlögregluþjóns. „Við mun-
um gera það sem í okkar valdi stend-
Morgunblaðið/Ámi Sæberg
ur til að sporna gegn unglinga-
drykkju og hún mun ekki líðast,“
sagði hann. Umferðareftirlit verður
einnig öflugt og hefur Akureyrarlög-
reglan fengið liðsauka frá ríkislög-
reglustjóra, en tveir bflar frá emb-
ættinu, þar af annar með hraða-
myndavél, verða norðan heiða um
helgina. Þá verða einnig fjórir úr
fíkniefnalögreglunni á vakt með
heimamönnum um helgina.
FJÖLBREYTT bókmenntadagskrá
verður í Deiglunni við Kaupvangs-
stræti á Akureyri um helgina.
Heimur ljósins er yfírskrit fyrstu
dagskrárinnar sem verður annað-
kvöld, fostudagskvöld kl. 21. Kvöldið
verður tileinkað kvæðum eftir Jón
Helgason og Bertold Brecht en Þor-
teinn Gylfason sér um lesturinn. Sif
Ragnhildardóttir og Michael Jón Cl-
arke sjá um söng við undirleik Ric-
hards Simm.
Jón Erlendsson hefúr umsjón með
bókmenntadagskrá frá kl. 15 til 17 á
laugardag og er hún tvískipt. Annars
vegar lesa öndvegisskáld úr eigin
verkum og ber sá hluti yfirskriftina Af
skífum en hin heitir Ur skúffum en
þar lesa svonefnd skúffuskáld úr
verkum sínum.
Kvölddagskráin sem hefst kl. 21
heitir Fluglína í andrúmsloftinu og er
tileinkuð Davíð Stefánssyni. Þráinn
Karlsson les og Tjamarkvartettinn
syngur.
Á sunnudag verður dagskráin Af
skífúm og Úr skúffúm endurtekin frá
kl. 15 til 17 en um kvöldið eru Ijóð
Jónasar Hallgrímssonar í öndvegi.
Nokkrir lesarar koma fram og þá
verður flutt tónlist, m.a. lög Atla
Heimis Sveinssonar við ljóð Jónasar.