Morgunblaðið - 30.07.1999, Blaðsíða 22
22 FÖSTUDAGUR 30. JÚLÍ 1999
MORGUNBLAÐIÐ
Dæmt í
Guerin-
morðmálinu
Dublin. Reuters.
ÞRJÁTÍU og fjögurra ára gamall
írskur maður var í gær dæmdur í
lífstíðarfangelsi fyrir morðið á rann-
sóknarblaðamanninum Veronicu Gu-
erin árið 1996. Saksóknarar sögðu að
Brian Meehan hefði keyrt bifreiðina
sem ók upp að bíl Guerin við umferð-
arljós í Dublin þar sem Guerin var
síðan skotin sex sinnum. Annar mað-
ur var í nóvember á síðasta ári
dæmdur fyrir aðild að verknaðinum.
Morðið á Guerin vakti mikið umtal
á sínum tíma enda hafði hún á blaða-
mannsferli sínum ljóstrað upp um
starfsemi vel skipulagðra glæpahópa
á Irlandi, m.a. um starfsemi „hers-
höfðingjans“ Martins Cahills en
kvikmynd var gerð um ævi Cahills á
síðasta ári.
Kvikmynd um Guerin sjálfa er nú
í undirbúningi og mun bandaríska
leikkonan Joan Allen fara með aðal-
hlutverkið.
Talið er að glæpahópar hafi ákveð-
ið að myrða Guerin eftir að hún hóf
nýja rannsókn á starfsemi þeirra, og
í kjölfar morðsins efndi írska lög-
reglan til umfangsmikilla aðgerða
gegn skipulögðum glæpahópum.
---------------------
Flak banda-
rískrar herflug-
vélar fundið
Bogotá. AFP.
FLAK bandarískrar herflugvélar
sem fórst í frumskógum suðurhluta
Kólumbíu ásamt sjö manna áhöfn
fannst í gær eftir vikulanga leit. Allir
sem um borð voru fórust.
Bandaríkjamennirnir sem um
borð voru eru fyrstu bandarísku her-
mennirnir er farast við skyldustörf í
Kólumbíu en Bandaríkin hafa veitt
landinu aðstoð við að sporna við
ólöglegum útflutningi á eiturlyfjum.
ERLENT
.. Reuters
BJORGUNARMENN slæða Brienzer-vatn í leit að llkum tveggja manna sem enn er saknað eftir harmleikinn í svissnesku Ölpunum.
Gljúfraferðin í svissnesku Ölpunum sem breyttist í harmleik
Tekið getur allt að þrjár
vikur að bera kennsl á líkin
Interlaken, Sydney. Reuters, AFP.
SVISSNESK yfirvöld sögðu í gær
að búið væri að bera kennsl á tvö af
þeim nítján fómarlömbum sem lét-
ust í slysi á þriðjudag þegar gljúfra-
ferð erlendra ferðamanna í sviss-
nesku Ölpunum breyttist í harm-
leik. Er talið að það gæti tekið allt
að þrjár vikur að bera kennsl á öll
líkanna.
A.m.k. nítján fórust og sex særð-
ust eftir að fjallalækur í Saxeten-
bach-árgljúfrinu, nærri ferðamanna-
staðnum Interlaken, umhverfðist í
beljandi stórfljót og hreif fólkið með
sér. Tveggja var enn leitað í gær og
slæddu björgunarmenn vötn við ósa
árgljúfursins og jafnframt var leitað
með aðstoð leitarhunda í fjöllunum,
nálægt þeim stað þar sem slysið
varð. Ekki var þó talið líklegt að
mennimir fyndust á lífi.
Ulrich Zollinger, aðstoðarlæknir
á meinafræðisstofnun í Bern, sagði
að búið væri að rannsaka lík tíu
fómarlambanna en erfitt væri að
bera kennsl á fólkið því allir ferða-
langanna, sem voru flestir frá
enskumælandi löndum, voru
íklæddir leigufatnaði, höfðu ekki á
sér gimsteina, úr eða aðrar per-
sónulegar eigur, sem aðstoðað
hefðu getað við að bera kennsl á þá.
Zollinger sagði að þessir tíu, sem
búið væri að rannsaka, hefðu
drukknað en hins vegar fundust
einnig umtalsverðir áverkar á líkun-
um sem grjóthnullungar og rekavið-
ur í ánum ollu.
Fjórtán þeirra sem létust eða er
saknað vora Ástralir, tvö fómar-
lambanna vora frá Nýja Sjálandi,
tvö frá Suður-Afríku og tvö frá
Sviss, á meðan eitt fómarlambanna
var breskt.
Maður sendur til að vara fólkið
við yfirvofandi hættu
Deilt var um það í gær hvort
komast hefði mátt hjá þessum
harmleik en heimamenn veltu því
fyrir sér hvers vegna fólkið hélt af
stað í áhættusama för sína vitandi
það að von var á stormi. Fullyrtu
talsmenn svissnesku neyðarhjálpar-
innar að þeir hefðu sent mann á eft-
ir fólkinu á þriðjudag til að vara það
við yfírvofandi hættu.
Ný-Sjálendingurinn David Eric-
son, sem starfaði um þriggja ára
skeið sem leiðsögumaður hjá Ad-
venture World, fyrirtækinu sem
skipulagði gljúfraferðina sem fór
svo illa, að slíkur harmleikur hefði
verið óhjákvæmilegur á endanum.
Sagði hann að Adventure World
hefði í æ ríkari mæli sent yngri og
óreyndari leiðsögumenn til starfa í
gljúfraferðunum og kvaðst hafa
hætt störfum hjá fyrirtækinu vegna
þess, og vegna spamaðaraðgerða
sem hann taldi koma niður á öryggi
ferðamannanna.