Morgunblaðið - 05.09.1999, Blaðsíða 7

MORGUNBLAÐIÐ
SUNNUDAGUR 5. SEPTEMBER 1999 B 7

Innan um sorfna klettana í Mungo-þjóðgarðinum.
Sólsetrið í Mungo var stórfengiegt og varpaði rauðgullnum bjarma á mæðgurnar frá Fróni.
legu) hross og knapa þeirra. Við
horfðum í beinni sjónvarpsútsend-
ingu á Jezibel vinna æsispennandi
hlaupið á síðustu sentimetrunum og
verða sjónarmun á undan næsta
hesti, hvers nafn er gleymt enda
man enginn eftir þeim sem tapar.
Potturinn kom að mestu leyti í hlut
tveggja ríkustu manna Astralíu,
sem höfðu á síðustu stundu veðjað
stórfé á hrossið. Var skítalykt af
málinu? Við urðum þó að viður-
kenna að við sáum örlítið eftir því
að hafa ekki rennt suður til Melbo-
urne tii að taka þátt í öllum herleg-
heitunum, uppábúin að sið enskra
aristókrata með glæsilegan höfuð-
búnað og teygandi kampavín.
Gróðureftirlit
á gresjunni
Næstu tvo dagana fór ég vítt og
breitt með Roger um sveitimar um-
hverfis Deni. Leiðin lá á nokkur
bændabýli á svæðinu og hvað eftir-
minnilegust er heimsóknin til
Boonoke. Petta er afar myndarlegt
býli, u.þ.b. 120 þúsund ha með um
110 þúsund fjár! Það er þekkt fyrir
ræktun á merino-hrútum og fer ár-
legt uppboð fram síðasta föstudag
septembermánaðar (ef einhvem
skyldi vanta góðan hrút). Merino-
féð er einkum haldið vegna ullarinn-
ar, sem getur verið afar fíngerð. Á
svæðinu umhverfis Deni er merino-
ullin oftast um 22 míkrómetrar að
þvermáli en austar í landinu, t.d.
kringum Canberra, er fmleikinn allt
niður í 15 míkró. Til samanburðar
má geta þess að ullin af íslenska
fénu er almennt ca. 30-47 míkró
(þ.e. togið, en þelið getur jafnast á
við merino-ullina að fínleika).
Árið 1978 komst Boonoke-býlið í
eigu fjölmiðlajöfursins Ruperts
Murdock en hann er fæddur og
uppalinn í Ástralíu. Áður hafði land-
areignin um langt skeið tilheyi-t
Falkiner-fjölskyldunni sem stofnaði
sauðfjárbú sitt árið 1861. Á jörðinni
vinna að jafnaði 50 manns en meðan
rúning stendur yfir, í mars og apríl,
bætast um 30 „rakarar" við og eru
þeir gjarnan maoríar frá Nýja-Sjá-
landi. í meðalári fást 7-9 kg af ull af
hverri skepnu. Það er eins gott að
féð sé rúið á réttum tíma því annars
Gresjurnar um-
hverfis Boonoke
minntu ótrúlega
mikið á mynd-
arleg túnin í
Gunnarsholti á
Rangárvöllum
getur það sligast undan þunga ull-
arinnar. Hinn náttúrulegi eiginleiki
að ullin losni sjálfkrafa án þess að
mannshöndin þm-fi að koma nærri
er löngu glataður.
Auk fjárhópa mátti sjá talsvert af
nautgripum á sléttunum umhverfis
Boonoke, en hluti landsins er leigð-
ur öðrum bændum til beitar. Féð
gengur í beitarhólfum sem eru allt
frá 5 ha og upp í rúma 2000 ha að
stærð. En þama voru einnig skepn-
ur sem ekkert leigugjald greiða;
hópar af áströlskum strútum
(emu’s) voru allvíða og m.a. gaf á að
líta stolta strútsmóður skokkandi
um sléttuna með hvorki fleiri né
færri en sex unga. Því miður tókst
okkur aldrei að smakka kjötið af
þessum ski'ingilegu skepnum í
Ástralíuferðinni, en flest annað var
reynt, þ.á m. kengúra og krókódíll.
Hiklaust má mæla með kengúru-
kjötinu þótt það jafnist ekki á við
hina einu sönnu íslensku villibráð.
Raunar sannaðist það á Boonoke
að oft má finna hliðstæður með hálf-
an hnöttinn á milli. Gresjurnar um-
hverfis Boonoke minntu ótrúlega
mikið á myndarleg túnin í Gunnars-
holti á Rangárvöllum, þar sem
Landgræðslan hefur aðalstöðvai’
sínar. Veðurfarið er þó afar ólíkt á
þessum fjarlægu stöðum. Á svæð-
inu við Deni fer hitastgið upp í 45° C
um hásumarið og á vetrarnóttum
getur orðið frost eða allt að -5° C.
Arleg hitasveifla er því gríðarleg
(og sama má segja um hitasveifluna
á hverjum sólarhring). Ársúrkoman
er einungis u.þ.b. 350 mm en til
samanburðar er hún um 800 mm í
Reykjavík og um 500 mm á Akur-
eyri. Þar að auki er úrkoman hér á
landi miklu jafnari yfir árið; á slétt-
um Ástralíu rignir almennt aðeins í
mjög stuttan tíma á ári hverju. Úr-
hellinu fylgja oft mikil flóð enda
tekur hinn ævagamli jarðvegur ekki
við regni með sama hætti og gerist
hér á landi. Því er óhætt að segja að
öfgarnar séu miklar í áströisku
náttúrunni þegar flóð bresta á í
kjölfar langvarandi þurrka.
Áður en við kvöddum Roger var
gripið til málbandsins og því skellt
umhverfis nokkur stærstu „river
red gum“ trén við ána. Það sverasta
Geföu baraiau þíau
Tölvuskólinn Framtíðarböi sérhæfir sig í tölvukennslu fyrir börn og unglinga á aldrinum 5 -14 ára. Námið
er byggt upp í kringum 10 ákveðna þætti tölvunotkunar og má þar m.a. nefna:
• Ritvinnslu
• Myndvinnslu
• Tölvusamskipti
• Margmiðlun
• Töflureikni
• Umbrot og útgáfu
í vetur munu meira en 4.000 börn á íslandi fá að njóta námsefnis Framtíðarbarna í tölvufræðum og
upplýsingatækni. Við bjóðum upp á nýtt námsefni á hverju ári, þýtt og aðlagað að íslenskum aðstæðum.
Markmið námsins er að gera tölvunotkun skemmtilega og lifandi og er unnið eftir ákveðnu þema á hverju
námskeiði.
Vetrarnámskeið Framtíðarbarna hefjast 20. september nk. Skráning fer fram frá 6.-20. september,
alla virka daga frá kl. 13-17 og laugardaga frá kl. 9-13 í síma 553 3322.
Skráðu þig strax og gefðu barninu þínu forskot á framtíðina.
• Sérstakur afsláttur fyrir félaga Landsbankaklúbba.
Nemendum er skipt í bekki eftir aldri og
í hverjum bekk eru hámark 8 nemendur.
Bronshópuz: $-6 áza
Silfurhópux: 7-8 áza
Gullhópuz: 9-11 áza
Platinuhópuz: 12-14 ára
FRAMTÍDARBÖRN
Grensásvegi 13
sími 553 3322
SÍMINN
internet