Morgunblaðið - 05.09.1999, Blaðsíða 20

20 B SUNNUDAGUR 5. SEPTEMBER 1999
MORGUNBLAÐIÐ

-4'
A
Atök ungmenna og
tveggja heima
Kaupmannahöfn. Morgunblaðið.
ER nauðsynlegt að senda þrjátíu
lögreglumenn á átta bílum og einum
sendiferðabíl með rimlum fyrir
giuggunum til að handtaka tvo
stráklinga fyrir að stela bíl og úr
búðum? Það áleit lögreglan í Oðins-
véum fyrir skömmu, þar sem hand-
takan fór fram í hverfí, þar sem inn-
flytjendur eru í meirihluta.
Lögreglan hafði áður lent í að fara
fámenn inn í hverfíð og vera skyndi-
lega umkringd ógnandi götustrák-
um. Handtakan var hámark óeirða
og átaka í Óðinsvéum undanfarnar
vikur, sem hafa leitt athyglina að fé-
lagslegum vanda ungra innflytjenda.
Þótt margt hafí verið reynt hefur
ekki tekist að fá harðan kjarna í
þessum hópi til að fara að lögum og
reglum dansks samfélags. Það vek-
ur athygli að kjarni götustrákahóps-
ins í Oðinsvéum er yngri bræður
ungi-a manna, sem þegar sitja í
fangelsi.
Poul Nyrup Rasmussen forsætis-
ráðherra boðaði meira fé til lögregi-
unnar og ný lög, meðan aðrir sögðu
að enginn vandi væri að taka á mál-
inu með þeim lögum, sem væru, líkt
og gert hefði verið í öðrum borgum.
Frank Jensen dómsmálaráðherra
ákvað í vikunni að senda tuttugu
manna aukalið til Óðinsvéa og
fimmtán í viðbót innan skamms.
Segja má að það sé nokkurn veginn
maður á mann, því hópurinn sem
veldur vandræðum er ekki stór, þótt
hann sé harðsnúinn. Málið hefur orð-
ið til þess að minna enn á ný á þann
menningarklofning, sem gætir í
ákveðnum hópi innflytjenda í nokkr-
um dönskum borgum.
Heiðurshugtakið og
illa stæðar fjölskyldur
Óeirðirnar í Óðinsvéum snerust
meðal annars um götuátök milli inn-
flytjendagengja og danskra mótor-
hjólagengja. Lögreglan giskaði á að
um væri að ræða uppgjör vegna eit-
urlyfjasölu, en efasemdir eru um að
svo sé. Líklega væru þetta aðeins
óvenju harðsnúnir hópar stráka.
Um er að ræða táninga, sem
margir eiga eldri bræður í fangelsi.
I Óðinsvéum kom því upp sú hug-
mynd að réttast væri að taka af
heimilunum yngri stráka í fjölskyld-
um með eldri bræður, sem komist
hafa í kast við lögin. Þeirri hugmynd
hefur þó verið hafnað, því forsendur
þess að fjarlægja börn væri velferð
barnanna, ekki að halda þeim frá
glæpum. I þessum fjölskyldum
þyrfti að taka öðruvísi á málunum.
Hluti af þeim vanda, sem ung-
lingsstrákar frá Tyrklandi og Mið-
Austurlöndum eiga við að etja, er að
í þeirra menningu er heiðurshugtak-
ið miðlægt. Það hafa þeir svo yfir-
fært á eigið líf, sem oft þýðir að þeir
eru fljótú að móðgast og reiðast og
hyggja á hefndir. Danskur hugsun-
arháttur virðist oft ekki hafa náð til
þeirra, þótt þeir hafi gengið í danska
skóla. Athyglin beinist nú meðal
annars að því hvernig megi kenna
þeim að hugsa út frá dönskum að-
stæðum.
Góður árangur
hefur náðst
Þótt erfrtt hafi reynst fyrir bæjar-
yfirvöld í Óðinsvéum að ná tökum á
hörðum kjarna unglingsstráka hefur
góður árangur náðst víða annars
staðar. A Norðurbrú í Kaupmanna-
höfn, sem hefur átt við sömu vanda-
mál að stríða, hefur hópur feðra í
hópi innflytjenda náð tökum á strák-
um í hverfinu. Þar er einnig með-
ferðarheimili, sem unnið hefur gott
starf í þessum hópi.
c.

Á

»
Grunnnámskeið
Námskeiðið hefst 14. sept. og stendur til 17. nóv.
Kennt er mánudaga og miðvikudaga frá kl. 17:00-20:00,
Námskeiðið kostar kr. 84.000,-
Dagbókarfærslur
Laun
Launaútreikningar, skilagreinar, og launafærslur.
Virðisaukaskattur
Útreikningur á virðisaukaskatti og meðferð hans í bókhaldi
Afskriftir
Afskriftir samkvæmt íslenskum skattalögum.
Lokafærslur
Útreikningur kostnaðarverðs seldra vara o.fl.
Námskeiðið hefst 14. sept. og stendur til 18. nóv.
Kennt er þriðjudaga og fimmtudaga frá kl. 17:00-20:00
Námsskeiðið kostar kr. 84.000,-
Tölvubókhald
Tölvunotkun í bókhaldi.
Dagbókarfærslur í bókhaldsforriti.
Laun
Meðferð launaútreikninga í tölvubókhaldi.
Bðkhaldslög / Tekju- og eignaskattur
Útreikningar og færslur þeirra í bókhaldi
Uppgj örsvinna
VIÐSKIPTA- OG
TÖLVUSKÓLINN
Faxafeni 10 • Framtíöin ■ 108 Reykjavík
Símí 588 5810 • Bréfasími 588 5822
framtid@vt.is • www.wt.is
Hvað cr kennt?
Hvað er kennt?
Rússum
fækkar
ÍBÚATALAN í Rússlandi hefur
enn lækkað á þessu ári, og telja
stjórnvöld þessa þróun vera ógn
við þjóðaröryggi, að því er blaðið
Izvestia greindi frá. Rússum fækk-
aði um 406.200 á fyrri helmingi árs-
ins, eru nú alls 145,9 milljónir.
Lækkunin hefur næstum því tvö-
faldast frá því í fyrra, og virðast
stjórnvöld ekki geta stemmt stigu
við þróuninni. Samkvæmt opinber-
um tölum sem gefnar voru út í síð-
asta mánuði er meðalævilengd
rússneskra kvenna nú 66 ár og
karla 60 ár.
Lifðu af mánuð
í eyðimörk
YFIRVÖLD í Súdan hafa fundið
átján Pakistani sem höfðu hafst við
í eyðimörk í rúman mánuð eftir að
vörubíll, sem þeir voru á, bilaði.
Fjórtán Eþíópíumanna og Eritrea,
sem munu hafa verið í för með
Pakistönunum, er enn saknað.
Pakistanarnir fundust fyrir tilvilj-
un, en þá höfðu þeir verið á reiki í
35 daga og höfðu dregið fram lífið á
jurtum eftir að matarbirgðir þeirra
þraut. Súdanskir embættismenn
segja að nýlega hafi rignt á svæð-
inu og það hafi orðið Pakistönunum
til lífs. Þeir voru sagðir við góða
heilsu, en erindi þeirra til Súdans
mun hafa verið atvinnuleit.
Hjól datt af
farþegaþotu
ENGAN sakaði þegar þota frá
bandaríska flugfélaginu Southwest
nauðlenti í Burbank í Kalifomíu í
síðustu viku eftir að eitt aðalhjóla
hennar hafði dottið af í flugtaki.
Farþegar sögðu nauðlendinguna
hafa tekist vel. Um borð voru 127
farþegar og fimm manna áhöfn.
Hins vegar slösuðust fimmtán far-
þegar um borð í Boeing 737 frá
United Airlines sem lenti í ókyrrð í
kjölfar annarrar þotu.
Króatar til
friðargæslu
KRÓATÍSKAR hersveitir munu
taka þátt í friðargæslu á vegum
Sameinuðu þjóðanna í Sierra Leo-
ne, og er þetta í fyrsta sinn, frá því
landið varð sjálfstætt ríki 1991,
sem Króatía sendir mannskap til
friðargæslu, að því er varnarmála-
ráðuneytið greindi frá. Munu sveit-
irnar halda til starfa í lok mánaðar-
ins. Stjórnin í Sierra Leone og
uppreisnarmenn skrifuðu undir
friðarsamkomulag í júlí og lauk þá
blóðugu borgarastríði sem staðið
hafði í níu ár.