Morgunblaðið - 14.09.1999, Blaðsíða 60

^►60 ÞRIÐJUDAGUR 14. SEPTEMBER 1999
MORGUNBLAÐIÐ
FÓLK í FRÉTTUM
Ferill The Charlatans UK hefur verið þyrnum stráður
Stutt
Komnir á beinu brautina
Ný plata er væntanleg í næsta mánuði
frá bresku hljómsveitinni Charlatans UK.
Dóra Ósk Halldórsdóttir hringdi í Martin
Blunt, bassaleikara sveitarinnar, og innti
hann frétta af plötunni og skraut-
legum ferli sveitarinnar.
Hljómsveitin The Charlatans UK. Frá vinstri: Jon Brookes tromrau-
leikari, Tim Burgess söngvari, Martin Blunt bassaleikari, Tony Rogers
hljdmborðsleikari og Mark Collins gítarleikari.
MARTIN Blunt er staddur á hóteli í
Dublin þegar hann fær upphring-
ingu frá íslandi, en Charlatans voru
að spila fyrir írska áheyrendur efni
af nýju plötunni. Charlatans var
stofnuð árið 1989 og setti svip sinn á
tónlistarlífíð í Manchester á þeim
tíma þótt samtímasveitirnar Stone
Roses og Happy Mondays hafi á
þeim tíma verið meira áberandi.
Fyrsta vinsæla lag hljómsveitar-
innar var „The Only One I Know“
sem þótti gefa fógur fyrirheit um
það sem á eftir myndi fylgja, en tón-
listargagnrýnendum þótti sveitin
ekki uppfylla þær vonir að fullu. Arið
1991 lenti hljómsveitum í vandræð-
um með nafn sitt þegar til stóð að
fara í tónleikaferð til Bandaríkjanna
og urðu þeir að bæta UK aftan við
nafn sitt vegna þess að bandarísk
hljómsveit frá San Francisco hét
sama nafni. Mannabreytingar urðu í
hljómsveitinni eftir tónleikaferðina
vestanhafs og þegar önnur breið-
skífa hljómsveitarinnar, „Between
lOth & llth“ kom út var Madchest-
er-bylgjan þegar í rénun og platan
t fékk fremur slælega dóma. Hljóm-
borðsleikari hljómsveitarinnar, Rob
Collins, var mikið í sviðsljósi fjöl-
miðlanna og kom það ekki til af
góðu. Arið 1992 var hann dæmdui'
fyrir vopnað rán og fjórum árum síð-
ar lést hann í bílslysi eftir að hafa
ekið undir áhrifum. Martin Blunt er
beðinn um að rifja upp gamla tíma.
Brjálaða Manchester
„Það var rosalega mikið að gerast
í Manchester í tónlistarlífínu í lok ní-
unda áratugarins og byrjun þess tí-
unda og líklega nutu Stone Roses og
Happy Mondays meiri vinsælda en
við á þeim tíma þótt við ættum okkar
áhangendur. Þetta er tímabilið þeg-
ar Blur hóf feril sinn og margar aðr-
ar þekktar sveitir.“
- Var eitthvað sérstakt að gerast í
Manchester á þessurn tíma sem þú
getur tengt við þessa tónlistarbylt-
ingu sem varð í borginni?
„Sumarið 1989 var kallað sumar ást-
arinnar en þá var „acid-house“-tónlist-
in það nýjasta í bransanum og við urð-
um iyrir talsverðum áhriíúm frá þeirri
stefhu í okkar tónlist. Árið 1989 vorum
við komnir með stóran áhangendahóp
í Manchester og tónlistarpressan í
London fór að sýna okkur athygli.
, Þessi bræðingur frá Manchester sem
stundum er kenndur við Madchester
eða brjáluðu Manchester, skilaði sér í
öllu tónlistarlífi í Bretlandi og í upp-
hafí tíunda áratugarins má segja að
upphaf bresku bylgjunnar hafi byijað
með hljómsveitum eins og Oasis og
fleirum.“
- Nú eru bæði Happy Mondays og
Stone Roses hættar og ferill
Charlatans hefur ekki verið neinn
dans á rósum. Var mikið sukk í
kringum þessar hljómsveitir í
Manchester?
„Eg get ekki talað fyrir þá sem
voru í hinum hljómsveitunum. En
þegar vandamál koma upp og mikil
spenna er í kringum fólk eins og oft
er í tónlistarheiminum þá er misjafnt
hvernig fólk bregst við. Sumir fara
að drekka eða nota eiturlyf, og vissu-
lega höfum við kynnst því lífi,“ segir
Blunt en vill ekki fara neitt frekar út
í þá sálma. „En við í Charlatans höf-
um reynt að láta láta hag heildarinn-
ar ráða frekar en hag einstaklingsins
sem heíúr eflaust gert okkur sterk-
ari sem hljómsveit. Svo verður fólk
að hafa gaman af þessu og kannski
var kominn leiði hjá hinum hljóm-
sveitunum, ég veit það ekki.“
- Þó hefur ferillinn ekki verið
neinn dans á rósum og saga hljóm-
borðsieikara ykkar Rob Collins sem
lést árið 1996 í bílslysi vegna áfeng-
isneyslu við akstur dæmi um það.
„Rob átti við mörg persónuleg
vandamál að stríða sem hann hafði
enga stjóm á, og víst var áfengis-
neysla hans stærsti djöfull. Stuttu
áður en Rob lést voru komin vanda-
mál í hljómsveitina vegna neyslunn-
ar og hann var sífellt að færast fjær
okkur, vildi gera sína eigin hluti. En
dauði hans var okkur mikið áfall og
ég held að við höfum neyðst til að
horfast í augu við fortíðina og gera
upp við okkur hvert við vildum
stefna. Rob hafði gert marga frá-
bæra hluti með hljómsveitinni og við
vorum byrjaðir að taka upp plötuna
Telling Stories þegar hann lést. Eft-
ir dálítinn tíma ákváðum við að ljúka
við plötuna og fengum Martin Duffy
úr Primal Scream til að spila á
hljómborð á plötunni. En andi Robs
sveif yfir vötnum við gerð plötunnar
enda hafði hann sett mikið mark á
hljómsveitina. Núna erum við komn-
ir með nýjan hljómborðsleikara,
Tony Rogers, og ætlum að halda
ótrauðir áfram.
Óður til lífsins
- Nú er ný plata að koma út með
ykkur í næsta mánuði. Má vænta
nýrra hluta frá ykkur á henni?
„Já, platan er talsvert ólík því sem
við höfum gert áður. Þessi mikla
endurskoðun sem við allir gengum í
gegnum eftir dauða Rob gerði það að
verkum að við ákváðum að vera ekki
hræddir við að breyta til og halda
áfram með nýja hluti. Textar Tim
eru miklu beittari og persónulegri en
við höfum verið með áður og ég
myndi segja að platan væri óður til
lífsins."
- Hvað um tónlistina?
„Við leggjum miklu meiri rækt við
smáatriðin og erum að vanda okkur
mjög mikið. Við höfum prófað ýmsar
útfærslur og unnið meira í því að
finna bestu leiðina í tónlistinni. Eg
vona að það skili sér,“ segii- Blunt og
hlær hálf feimnislega.
- Hefur Manchester breyst mikið
frá Madchester-tímabilinu?
„Já, það er miklu rólegra yfir tón-
listarlífinu nú um stundir. En ég
hugsa að eftir svona eitt til tvö ár
muni meira fjör færast yfir borgina,
því það eru margar hljómsveitir að
gera ágætis hluti í Manchester sem ég
hugsa að skiU sér á komandi árum.“
- Stendur til hljómleikaferð vegna
nýju plötunnar?
„Við komum fram á Reading-há-
tíðinni á dögunum og þar á undan
vorum við með tónleika á Spáni. Eft-
ir tónleikana í Dublin verður hlé út
september, en í október byrjar ballið
og við verðum með fullt af tónleikum
í Bretlandi og síðan eru nokkrir tón-
leikar víðs vegar um Evrópu í nóv-
ember. I desember förum við til Jap-
an þar sem við munum spila á mörg-
um stöðum."
Vinsælir í Japan
- Hafíð þið ekki einmitt notið
meiri vinsælda í Evrópu og Asíu
heldur en íBandaríkjunum?
„Jú, við eigum stærri aðdáenda-
hóp þar en vestanhafs, en þó eigum
við okkar stuðningshóp í Bandaríkj-
unum. A síðasta ári spiluðum við í
Los Angeles og margir mættu og
tónleikarnir gengu mjög vel, og ég
hugsa að við gætum vel átt góðu
gengi að fagna þar. Þó hugsa ég að í
Japan sé okkar stærsti markaður.“
-Hvað heldur þú að það sé við
Japani sem gerir það að verkum að
þeir hafa svona mikinn áhuga á vest-
rænni tónlist?
„Eg veit það nú ekki alveg, en þó
held ég að Japanir eyði miklum tíma
í að hlusta á textana enda eru þeir
margir mjög hrifnir af ljóðagerð og
orðið hefur mjög sterka stöðu í þjóð-
arsálinni. Síðan held ég að þeir gefi
tónlist almennt meiri tíma en marg-
ar aðrar þjóðir og séu því þakklátari
hlustendur en sumir aðrir,“ segir
Martin Blunt að lokum.
J Aldamót með
Celine Dion
FRANSK-kanadíska söngkonan
Celine Dion sagði á laugardag að
nánast væri orðið uppselt á alda-
mótatónleika hennar í Montreal,
sem verður í siðasta skipti sem
hún kemur fram opinberiega um
langa hríð. Einn af skipuleggj-
endunum sagði að aðeins 1.200
4fcmiðar af 18.000 væru óseldir,
fjórurn dögum eftir að miðasala
hófst. Dion gaf það út á miðviku-
dag að aldamótatónleikarnir í
Molson Centre yrðu með óvænt-
um gestum á borð við Bryan Ad-
ams og sviðsspaugarann Steph-
ane Rousseau. Dion ætlar siðan
.. að taka sér nokkurra ára hvíld
'og stofna fjölskyldu með eigin-
manni sínum Rene Angelil.
Celine Dion með eiginmanni sfnum Rene Angelil.
Skrautleg
nafngift
NÝFÆDDUR sonur frska söngv-
arans Bono í U2 hefur verið skírð-
ur hvorki meira né minna en Elijah
Bob Patricius Guggi Q Hewson.
Þegar NetAid-heimasíðan var opn-
uð á miðvikudaginn var kynnti
djassarinn Quincy Jones Bono til
leiks sem „föður drengsins sem var
án nafns í sjö daga“. Síðan sagði
Jones áhorfendum fullt nafn
drengsins og bætti við: „Bono,
kæri vinur! Þetta er stórt nafn fyr-
ir lítinn dreng!“ Menn eru strax
farnir að velta nafngiftinni fyrir
sér og er talið að Q standi fyrir
kynninn sjálfan, Quincy Jones, en
hann og Bono hafa verið vinir um
langt skeið. Bob er talið vísa í
rokkkónginn frá Minnesota, Bob
Dylan, og Guggi sé vísun í sam-
nefndan Guggi í hljómsveitinni
Virgin Prunes. Elijah er þriðja
barn Bono og konu hans, Ali, en
fyrir eiga þau dæturnar Memphis
Eve sem er átta ára og Jordan sem
er tíu ára.
Hljómsveit
í boltanum
VELSKA hljómsveitin Super
Furry Animals hefur gert
styrktarsamning við velska
knattspyrnuliðið Cardiff City
FC. Munu liðsmenn Cardiff bera
nafn hljómsveitarinnar á bún-
ingunum á komandi vertíð
velska boltans og er talið að lið-
ið fái góða summu fyrir. Hljóm-
sveitin hefur löngum verið hrif-
in af boltanum og þeir sömdu
eitt sinn lag tileinkað fyrrver-
andi leikmanni Cardiff, Robin
Friday.
Raddir
aldarinnar
MEIRA en sex þúsund manns hafa
tjáð sig um ævi sína og reynslu í
tengslum við verkefni BBC tileink-
að árþúsundinu, „The Century
Speaks“ eða Raddir aldarinnar. Yf-
ir tíu þúsund klukkutímar af viðtöl-
um hafa safnast og þegar er búið
að búa til 640 hálftíma þætti úr efn-
inu. Talið er að efnisbanki viðtal-
anna sé nú þegar orðinn stærsta
munnlega heimild sögunnar um líf
á Bretlandi á öldinni. „Þetta efni
sýnir okkur þjóðina minnast tíðar-
andans og mun verða fjársjóður
fyrir komandi kynslóðir,11 segir
Will Wyatt sem hefur haft umsjón
með verkinu fyrir BBC.
Turner
fuglahræða
ROKKLÖG Tinu Turner eru
notuð til þess að fæla í burtu
fugla af flugbrautinni í
Gloucestershire í Vestur-
Englandi. Rödd Turner er
áhrifameiri til að fæla í burtu
fugla en sérstakar hljóðupptök-
ur með viðvörunarhljóðum
fugla, að því er slökkviliðsmað-
ur á flugvellinum, Ron John-
son, sagði í samtali við dag-
blaðið The Times. „Við notuð-
um áður upptökur af fugla-
hljóðunum en við komumst að
því að þau virkuðu ekki sérlega
vel - og það sem fuglarnir hata
virkilega er Tuna Turner,“
sagði Johnson.