Morgunblaðið - 14.09.1999, Blaðsíða 25

MORGUNBLAÐIÐ
ÞRIÐJUDAGUR 14. SEPTEMBER 1999 25
ÚR VERINU
Norðmenn andvígir útgerð fslendinga í Eystrasaltsríkjunum
Veiðum Islendinga
líkt við „laumuspil“
ÁRSFUNDUR Norðvestur-Atl-
antshafsfiskveiðiráðsins (NAFO)
hófst í Nova Scotia í Kanada í gær
og stendur fundurinn fram á fostu-
dag. I nýjasta tölublaði norska
blaðsins Fiskeribladet er þátttöku
Islendinga í útgerð í Eystrasalts-
ríkjunum líkt við „laumuspil" sem
hafi það að markmiði að auka
rækjaafla Islands á Flæmingja-
grunni. Sagt er að málið verði sett á
oddinn á ársfundinum.
Stjórn rækjuveiða á Flæmingja-
grunni fellur undir NAFO og hefur
verið uppi ágreiningur um veiði-
stjómunina, þar sem Islendingar
hafa mótmælt sóknardagastjórnun
en þess í stað viljað úthluta kvóta til
aðildarþjóða NAFO. íslendingar
hafa engu að síður tengst útgerðum
skipa frá Eystrasaltsríkjunum sem
stundað hafa veiðar á Flæmingja-
grunni á sóknardögum.
Hagnast í skjóli fána
Eystrasaltsríkjanna
I Fiskeribladet segir að Flæm-
ingagrunn hafi á fyrri hluta þessa
áratugar breyst úr gjöfulum rækju-
miðum í ósköp venjuleg fískimið
vegna mikillar sóknar Islendinga á
svæðið. NAFO hafí að lokum þurft
að grípa í taumana og sett strangar
reglur og aðildarríki ráðsins neyðst
til að skerða fjölda sóknardaga. Is-
lendingar hafí hinsvegar haldið
áfram veiðunum í skjóli fána
Eystrasaltsríkjanna. Þannig hagn-
ist þeir meðan Eystrasaltsríkin
byggi upp veiðirétt. Þetta orki mjög
tvímælis því þannig dragi ekki úr
veiðigetunni, eins og stefnt sé að,
heldur þvert á móti aukist hún.
í samræmi við
reglur NAFO
Vinnuhópur á vegum NAFO hef-
ur fjallað sérstaklega um úthlutun
veiðiheimilda og leigu á skipum og
verður skýrsla hans lögð fram í alls-
herjamefnd á ársfundinum. Aðrir
vinnuhópar hafa starfað á milli árs-
funda og fjallað m.a. um varúðar-
leiðina svokölluðu, úrlausnir deilu-
mála og gagnsæi í störfum NAFO,
þ.e. hvort heimila eigi óháðum fé-
lagasamtökum að sitja fundi ráðs-
ins.
Þórður Ásgeirsson, fiskistofu-
stjóri, veitir sendinefnd Islands á
ársfundi NAFO forstöðu. Hann seg-
ist ekki vita betur en að öll skip sem
stundi veiðar á Flæmingjagrunni,
einnig skip sem séu í eigu Islend-
inga en undir flaggi annars ríkis,
stundi veiðamar í samræmi við
reglur NAFO. „Þau em að veiða af
sóknardögum þeirra ríkja sem skip-
unum er flaggað undir. Ég sé ekki
hvers vegna menn ættu að setja sig
upp á móti því að sóknardagar, sem
NÁFO úthlutar, séu nýttir. Þegar
dögunum er úthlutað hlýtur að vera
gert ráð fyrir því að dagamir séu
nýttir. Það er út í hött að gagnrýna
íslensk stjórnvöld fyrir það, því þau
sýna ábyrga stefnu með því að tak-
marka sókn íslendinga á svæðið, þó
þau séu ekki bundin af þessu sókn-
ardagakerfi, með þvi að ákveða
kvóta og úthluta honum á íslensk
skip. Ef það leiðir til þess að ís-
lenskir hagsmunir leita eitthvert
annað þá er það í lagi svo framar-
lega sem það er í samræmi við þá
stjóm sem NAFO vill viðhafa," seg-
ir Þórður.
Morgunblaðið/Ágúst
Börkur NK í Neskaupstað eftír vélarskiptin í Bretlandi.
Börkur úr vélarskiptum
beint á kolmunnaveiðar
BÖRKUR NK er byrjaður á
kolmunnaveiðum eftir að hafa verið
í vélarskiptum í Bretlandi. Hann
hefur farið í tvo reynslutúra og fékk
20 til 30 tonn í hvoram túr en hélt á
miðin í gær eftir að hafa komið
snöggt inn til Neskaupstaðar til að
láta gera við rifið troll.
„Við höfum lítið verið að veiðum
síðan við komum heim, verið að
staðsetja okkur og lent í bilunum,"
segir Sturla Þórðarson skipstjóri.
„Þetta hefur ekki gengið nógu vel
en vonandi fer það að koma.“
Þrjú skip, Sunnuberg, Sveinn
Benediktsson og Þorsteinn, voru á
kolmunnaveiðum norðan við Fær-
eyjar en Þorsteinn, Óli í Sandgerði,
Faxi og Hoffell á Þórsbankanum og
þangað var ferðinni heitið hjá
Berki, en veiði hefur verið dræm að
undanförnu. „Við höfum verið út af
Þórsbankanum en alls staðar virðist
vera lítið um að vera,“ segir Sturla
en bætir við að haldið verði áfram á
kolmunnanum svo framarlega sem
eitthvað veiðist.
Börkur fór í vélarskipti í mars og
átti þeim að vera lokið í júm' en
skipið kom ekki heim fyrr en um sl.
mánaðamót. Skipt var um vélarrúm
og settur nýr botn auk þess sem
skipið var breikkað um þrjá metra
að aftan. „Hann gekk 18 og hálfa
mílu í prufusiglingu," segir Sturla
um Börk eftir breytinguna og er
ánægður með hana.
Kvótabók Skerplu
UT ER komin hjá Skerplu ehf.
Kvótabók Skerplu fyrir fískveiðiár-
ið 1999/2000. Bókin er í handbókar-
broti, innbundin í gorma með skilju-
blöðum sem aðskiija kaflana og
verður bókin þannig aðgengilegri.
Bókin skiptist í fimm kafla. í
fyrsta kafla er fjallað um stjórnkerfi
fiskveiða, rakin er saga fiskveiði-
stjómunar og þær hugmyndir sem
aflamarkið byggist á. I öðram kafla
er fjallað um úthlutað aflamark fyr-
ir fiskveiðiárið 1999/2000 og þar er
skrá um öll skip á aflamarki og út-
hlutun þeirra. I þriðja kafla er fjall-
að um krókabáta og það kerfi sem
þeir búa við. Þar er skrá um alla
krókabáta eftir þeim flokkum sem
þeir skiptast í. I fjórða kafla em
ýmsar upplýsingar. Fjallað er um
þróun afla ýmissa fisktegunda, afla-
mark verstöðva og landshluta og
fiskveiðiflotann. Fjallað er um fyrir-
tæki í greininni og nokkur þeirra
stærstu skoðuð nánar og rakin þró-
un aflamarks þeirra og staða þeirra
nú og framtíðarhorfur. I fimmta
kafla er orðasafn þar sem skýrð em
helstu hugtök er varða fiskveiði-
stjómina með tilvísunum í lög og
reglur.
Höfundur og ritstjóri Kvótabókar
Skerplu er Ari Arason, hagfræðing-
ur.
Námstefna um
nytsamlegar
ábendingar
fyrir alla
stjórnendur
Þriðjudagur. 21.september
Kl. 13:00-17:00
Staður: Hótel Loftleiðir,
Þingsalur 1
Megnat'löWa
ásKorendaverður
hessinámsstetna
nú endurtetón.
Samkeppnishæfni fyrirtækja byggist að miklu leyti á þekkingu
stjórnenda, viðhorfi þeirratil starfsfólks, yfirsýn og viðbragðs-
flýti. Á þessari námstefnu fá stofnar árangursríkrar stjórnunar
nýja nálgun, sem ber með sér mikilvæga stjórnunarreynslu
verkfræðings og markaðsmanns. Úr verður „5x5“ stjórnun,
sem þarf að vera Ijós hverjum yfirstjórnanda og millistjórnanda.
Yfirsýnin verður skýrari. Hugmyndir að lausnum verða fleiri.
Á 4 klst. verður fjallað um 5 atriði sem eru:
1. Framtíðin - og hvernig fyrirtækið er búið undir
breytingarnar sem eru framundan.
2. Ferlar - í öllum fyrirtækjum skipta vinnuferlarnir miklu
máli - en allt of fáir gera sér grein fyrir því að ferlarnir eru
samkeppnistæki sem verða að vera í lagi, skráð á blað og
undir eftirliti.
3. Frammistaða - Árangursstjórnun er mest umtalaða
stjórnunaraðferð nútímans...Mæling frammistöðu er
lykilatriðið.
4. Fyrirtækið - Dagleg stjórnun þarf að vera jafnvægi milli
agaðra vinnubragða og uppörvandi samskipta. Aðaleign
fyrirtækisins þegar öllu er á botninn hvolft er fólgin í
þekkingu, ímynd og stjórnunar“kúltur“.
5. Fólk - er það sem allt snýst um. Þekkir starfsmaðurinn
markmið fyrirtækisins, forgangsraðar hann sínum verkefnum
rétt, skipuleggur hann tíma sinn þannig að hámarksárangur
næst.
Þessi námstefna er fyrir stjórnendur sem vilja ná enn betri
árangri, vilja fá betri yfirsýn yfir stefnur og strauma í stjórnun
eða vilja endurhæfa þætti í stjórnun sinni! Markmiðið er að
þátttakendur fái staðfestingu á því sem vel er gert og tugi
hugmynda til að breyta stjórnun og starfsháttum í
fyrirtækjum/stofnunum sínum.
Um 2000 manns hafa hlýtt á stjórnunarefni Thomasar Möller,
sem hann hefur stöðugt unnið við að þróa og er hér í fyrsta
sinn tekið saman í heildstæða nálgun um aðalatriði í umhverfi
stjórnandans. Enginn stjórnandi lætur þessar fjórar stundir
fram hjá sér fara.
Höfundur og leiðbeinandi er
Thomas Möller, hagverkfræðingur.
Hann hefur 18 ára stjórnunarreynslu.
Thomas er framkvæmdastjóri
markaðssviðs þjónustustöva OLÍS og
var áður í stjórnunarstörfum hjá
EIMSKIP. Hann er höfundur met-
sölubókar um stjórnun og hefur verið
eftirsóttur fyrirlesari ífyrirtækja-
umhverfi. ATH! Námstefnan verður
einning haldin á Akureyrir 14. okt.
Skráning og nánari uplýsingar
í síma: 533 4567 og
www.stjornun.is
A
Stjórpunarfélag
Islands