Morgunblaðið - 28.10.1999, Qupperneq 14
14 FIMMTUDAGUR 28. OKTÓBER 1999
MORGUNBLAÐIÐ
AKUREYRI
Eyfirsk fyrirtæki hyggja á
markaðssókn í Færeyjum
UNDIRBUNINGUR ferðar full-
trúa eyfirskra fyrirtækja til
Færeyja stendur nú yfir en At-
vinnuþróunarfélag Eyjafjarðar
vinnur að honum. Farið verður ut-
an 15. nóvember næstkomandi. AUs
fara fulltrúar 11 fyrirtækja í Eyja-
firði til Færeyja, úr iðnfyrirtækj-
um, sjávarútvegi og ferðaþjónustu.
Tilgangur ferðarinnar er að koma á
tengslum og viðskiptasamböndum
á þessum markaðssvæðum.
íslensku sendinefndinni verður
í upphafi kynnt atvinnu-, við-
skipta- og þjóðlíf í Færeyjum, en
mun síðan hitta fulltrúa frá fær-
eyskum fyrirtækjum. Þannig
verður reynt að koma á beinum
samböndum í þeirri von að lagður
verði grunnur að framtíðarverk-
efnum. Utflutningsráð Islands í
samvinnu við Færeysku menning-
arstovuna hafa það verkefni með
höndum að finna færeysk fyrir-
tæki sem áhuga hafa á að senda
fulltrúa á fundina.
Að heimsókn lokinni mun
eyfirsku fyrirtækjunum standa til
boða aðgangur að markaðsfræðing-
um í Færeyjum og greiðir Útflutn-
ingsráð föst laun þeirra. Vinna fyr-
irtækjanna sjálfra mun þannig ráða
miklu um árangurinn af Færeyja-
heimsókninni, en fyrirhugað er að
fyrirtækjum gefist einnig kostur á
að taka þátt í sýningunni Ton’ek
2000 í Færeyjum á næsta ári.
Astæða fararinnar er m.a. sú að
fulltrúar fyrirtækjanna skynja
mai-kaðstækifæri í Færeyjum og
hafa mörg þeirra um skeið haft hug
á að kanna þann markað frekar.
Færeyingar virðast hafa áhuga á
Islandi og íslenskum vörum og fer
hann vaxandi. Þá má nefna að nú
bjóðast vikulegar áætlunarsigling-
ar vöruflutningaskipa milli Akur-
eyrar og Þórshafnar í Færeyjum.
Leikfélag Akureyrar og Menor
Atján handrit bárust
í leikritasamkeppni
LEIKFÉLAG Akureyrar og
Menningarsamtök Norðlendinga,
Menor, standa sameiginlega að
einþáttungssamkeppni en frestur
til að skila inn handriti rann út 1.
október síðastliðinn.
Alls bárust átján handrit og hefi
ur dómnefnd nú tekið tO starfa. í
henni eiga sæti Sigurður Hróars-
son, leikhússtjóri fyrir hönd Leik-
félags Akureyrar, Sigurður Hall-
marsson, leikari og fyrrverandi
skólastjóri á Húsavík, tOnefndur af
Menor og sr. Hannes Örn Blandon,
prófastur í Eyjafirði, tilnefndur af
Bandalagi íslenskra leikfélaga.
Stefnt er að því að verðlauna
ARBONNE
INTERNATIQNAL
Jurtasnyrtivörur
ón ilmefna
fyrir húð og hár.
Útsölustaðið um land allt.
þrjá einþáttunga og verður niður-
staðan kynnt í janúar á næsta ári.
Fyrstu verðlaun eru 150 þúsund
krónur, önnur verðlaun 75 þúsund
krónur og þriðju verðlaun sömu-
leiðis 75 þúsund krónur. Bankar og
fjármálastofnanir á Norðurlandi
gefa verðlaunin.
Leikfélag Akureyrar ráðgerir
að sýna einþáttunginn sem hlýtur
fyrstu verðlaun á árinu 2000. Þá
ætla LA og áhugaleikfélög á
Norðurlandi að setja upp fleiri
einþáttunga úr keppninni, jafnt
verðlaunaverkin sem önnur ef
áhugi er fyrir og um semst við
höfunda.
Skákmót
TÍU mínútna mót fyrir 45 ára
og eldri verður haldið á vegum
Skákfélags Akureyrar í kvöld,
fimmtudagskvöldið 28. októ-
ber og hefst það kl. 20.
Hausthraðskákmót Skákfé-
lags Akureyrar verður haldið
næsta sunnudag, 31. október
og hefst það kl. 14. Teflt verð-
ur í Skipagötu 18, 2. hæð.
Flytjum hjólbarðaverkstæði okkar í austurenda
Hekluhúss við Dalsbraut.
Opnum föstudagsmorguninn 29. október
í glæsilegu húsnæði og nú geta allir komið inn
í hlýjuna og fengið sér kaffisopa á meðan
Svenni Bjarman og hans lið sér um bílinn.
Oll bestu merkin í hjólbörðum á hagstæðu verði.
Felgur — nýjar og notaðar.
Verið velkomin!
Höldur ehf.
elsta hjólbarðaverkstæðið á Akureyri,
símar 461 3000, 461 5100, fax 461 5104.
Morgunblaðið/Kristján
Súlan EA á veiðar eftir 100 daga stopp
„Kominn tími til að
fara að gera eitthvaðu
ÍSLENSKU nótaveiðiskipunum
er farið að fjölga á loðnumiðun-
um við Kolbeinsey, eftir að
fréttist af ágætis veiði þar síð-
ustu daga. Bjarni Bjarnason,
skipstjóri á Súlunni EA, kallaði
sína menn til skips í gærmorg-
un og hélt á miðin við Kolbeins-
ey. Ekki var annað að sjá en
skipverjarnir væru nokkuð
glaðhlakkalegir á svip og til-
búnir í slaginn en Súlan hefur
Iegið við bryggju á Akureyri
frá því um miðjan júlí eða í ríf-
lega 100 daga.
„Það leggst alltaf vel í okkur
að halda til veiða, ekki síst nú
eftir langt og strangt stopp og
því kominn tími til að fara að
gera eitthvað,“ sagði Bjarni
skipstjóri skömmu fyrir brott-
för. Hann sagðist þó hafa vissar
áhyggjur af því að tíðarfarið
gæti haft áhrif á veiðarnar
enda erfiðasti tími ársins að
fara í hönd.
Skipveijar á Súlunni leystu
landfestar kl. 10 í gærinorgun
og á myndinni er Kristján Pét-
ursson að hífa kaðalinn um borð.
Félag vélsleðamanna
við Eyjafjörð
Aðalfundur
í Blóma-
skálanum
AÐALFUNDUR Félags
vélsleðamanna í Eyjafirði verð-
ur haldinn í Blómaskálanum
Vín við Hrafnagil í kvöld,
fimmtudagskvöldið 28. október,
og hefst hann kl. 20.30. Auk
hefðbundinna aðalfundarstarfa
verður myndasýning og einnig
verða ýmis hagsmunamál sleða-
fólks á svæðinu til umræðu.
Aðalfundurinn markar nokk-
urs konar upphaf vélsleðatíðar-
innar við Eyjafjörð ár hvert en
þar gefst kjörið tækifæri til að
spá í spilin fyrir veturinn og
rifja upp minnisstæða atburði
frá síðasta vetri. Boðið er upp á
kaffiveitingar í boði félagsins.
Markmið Félags vélsleða-
manna í Eyjafirði er að vinna
að hagsmunamálum vélsleða-
fólks á svæðinu og ekki síst að
stuðla að betri vélsleðamenn-
ingu, t.d. að hamla gegn óþarfa
akstri vélsleða í þéttbýli. Fé-
lagið stendur fyi’ir ýmsum við-
burðum og þar ber hæst árlega
útilífssýningu sem ber nafnið
Vetrarsport en hún verður
haldin í íþróttahöllinni á Akur-
eyri dagana 13. og 14. nóvem-
ber næstkomandi.
Listasafnið
á Akureyri
Fyrirlestur
um Tví-
æringinn
JÓN Proppé myndlistargagn-
rýnandi heldur íyrirlestur um
tvíæringinn, stærstu sýningu á
samtímalist sem haldin er
reglulega í Feneyjum. Fyrir-
lesturinn verður fluttur á
Listasafninu á Akureyri föstu-
daginn 29. október kl. 21.
Tvíæringurinn var haldinn í
48. sinn í sumar, en í á aðra öld
hefur hann verið einn af há-
punktunum í alþjóðlegu sýn-
ingarhaldi. Verk frá sextíu
löndum voru á sýningunni og
voni þau í sérbyggðum skál-
um, en auk þess var fjölmörg-
um af þeim listamönnum sem
mesta athygli hafa vakið boðið
að sýna í sérstöku sýningar-
rými þar sem yfir tíu þúsund
fermetrar voru til ráðstöfunar.
Jón Proppé fór á tvíæring-
inn í sumar og heldur erindi
um sýninguna í Listasafninu.
Með erindinu mun hann sýna
fjölmargar skyggnur af verk-
um listamannanna á sýning-
unni auk þess að fjalla um
helstu stefnur og nýjungar
sem þar mátti greina.
Bæjarráð fjallar um nektardansstaði
Ekki heimild til að
banna starfsemina
NEKTARDANSSTAÐIR voru til
umfjöllunar á fundi bæjarráðs
Akureyrar í gær, en nú nýlega hafa
tvö erindi vegna þeirra borist bæj-
arráði. Þrír skemmtistaðir á Akur-
eyri bjóða upp á slíka dansa um
þessar mundir.
Annað erindið er frá Norð-
andeild Stéttarfélags íslenskra fé-
lagsráðgjafa en í því eru bæjaryf-
irvöld spurð hvemig þau ætli að
bregðast við því ástandi sem skap-
ast hefur. Þá var lögð fram ákorun
til bæjarstjórnar Akureyrar frá
opnum fundi jafnréttisnefndar
sem haldinn var síðasta sunnudag
þar sem því er beint til bæjaryfir-
valda að nú þegar verði rekstur
nektardansstaða á Akureyri bann-
aður.
Bæjamáð bendir á með vísan til
núgildandi laga að bæjarstjórn hafi
ekki heimild til að banna slíka
starfsemi í bæjarfélaginu, en sam-
kvæmt upplýsingum bæjarráðs er
unnið að breytingum á þeim lögum
og reglum sem um þessi mál gilda.
Samþykkti bæjarráð á fundi
sínum í gær að senda umrædd er-
indi til félagsmálaráðuneytis og
dómsmálaráðuneytis með ósk um
upplýsingar um það hvaða vinna
er í gangi á vegum hins opinbera
til að stemma stigu við óæskileg-
um áhrifum umræddrar starfsemi
á íslenskt samfélag, en bæjarráð
telur að þær ábendingar og at-
hugasemdir sem fram hafa komið
um starfsemi nektarstaðanna og
áhrif þeirra séu þess eðlis að full
ástæða sé til að taka þær alvar-
lega.