Morgunblaðið - 28.10.1999, Qupperneq 20
20 FIMMTUDAGUR 28. OKTÓBER 1999
URVERINU
MORGUNBLAÐIÐ
Ályktanir á aðalfundi SR
Islenskar áhafnir
á flutningaskipin
A AÐALFUNDI Sjómannafélags
Reykjavíkur sl. þriðjudag voru
tvær ályktanir samþykktar ein-
róma. Ananrs vegar ályktun um að
íslenskar áhafnir skuli vera á ís-
lenskum ílutningaskipum í varnar-
liðsflutningum og hins vegar krafa
um starfsemi við Reykjavíkurhöfn
sem tengist atvinnulífi hennar.
Ályktunin varðandi varnarliðs-
flutningana er eftirfarandi:
„Undanfarin ár hafa íslensk og
bandarísk skipafélög skipt á milli
sín vöruflutningum fyrir banda-
ríska varnarliðið í Keflavík.
Bandarísk lög gera þá kröfu til
þarlendra skipafélaga að áhöfn
þessara skipa sé bandarísk. í mill-
iríkjasamningum er venja að jafn-
ræði og gagnkvæmni ríki í við-
skiptum. Svo er ekki í þessu tilliti.
íslensk stjórnvöld gera ekki, þrátt
fyrir ítrekaðar kröfur íslenskra
farmannasamtaka þarum, að ís-
lensku flutningaskipin í varnarliðs-
flutningunum séu mönnuð íslend-
ingum.
Aðalfundur Sjómannafélags
Reykjavíkur, haldinn 26. október
1999, ítrekar hér með kröfu sína
um að stjórnvöld geri það að skil-
yrði að skip íslensku flutningsaði-
lanna séu mönnuð Islendingum.
Verði stjórnvöld ekki við kröfum
félagsins mun félagið áskilja sér
fullan rétt til að framfylgja kröfum
sínum með öðrum viðeigandi að-
gerðum.“
Lifandi starfsemi
Ályktunin varðandi Reykjavík-
urhöfn hljóðar svo:
„Um áratuga skeið var Reykja-
víkurhöfn miðpunktur allrar at-
vinnustarfsemi höfuðborgarinnar.
Þar barst á land mestur hluti að-
fluttra nauðsynja, þaðan voru
fluttar út verðmætustu útflutn-
ingsvörur landsmanna allra og
þangað komu nánast allir farþegar
til landsins sem sigldu með far-
þegaskipum.
Nú er hins vegar svo komið að
mestur hluti verðmætaskapandi
atvinnustarfsemi höfuðborgarinn-
ar hefur verið flæmdur frá gömlu
höfninni í miðborg Reykjavíkur og
í mörgum tilvikum langt út fyrir
borgina til annarra sveitarfélaga.
Menning sjómanna, hafnar-
verkamanna og annars alþýðufólks
hefur um aldir verið aðalsmerki
gömlu hafnarinnar og nánasta um-
hverfis hennar. Þetta fólk skóp það
samfélag sem við í dag búum við.
Aðalfundur Sjómannafélags
Reykjavíkur, haldinn 26. október
1999, gerir þá kröfu til Reykjavík-
urborgar að gamla höfnin lifi, ekki
sem aðsetur sinfóníu- og listmuna-
húsa, heldur lifandi starfsemi sem
tengist atvinnulífi hennar."
ESB gengur illa að
semja við Marokkó
DEILUR milli aðildarríkja
Evrópusambandsins hamla nú
samningum um veiðiréttindi ESB
innan lögsögu Marokkó. Núverandi
samningur ESB og Marokkó renn-
ur út þann 30. nóvember, en samn-
ingurinn er sambandinu mjög mik-
ilvægur, einkum Spánverjum og
Portúgölum. Hundruð skipa þaðan
hafa stundað veiðarnar við Marok-
kó.
Mörg ríki norðarlega í Evrópu-
sambandinu hafa lýst andstöðu
sinni við að miklum fjármunum sé
varið í kaup á veiðileyfum við Mar-
okkó. Þetta eru lönd eins og Eng-
land, Holland, Þýzkaland og Sví-
þjóð enda njóta þau í litlu eða engu
þeirra veiðiheimilda, sem um kann
að semjast. Þessar þjóðir vilja ekki
að meira fé sé varið til kaupa á
veiðiheimildum í framtíðinni, en nú
er varið til þess samkvæmt gildandi
samningi. Á fjárhagsáætlun
Evrópusambandsins til næstu sjö
ára er gert ráð fyrir að 125 milljón-
um ekú verði árlega varið til þess-
ara veiðileyfakaupa, en það svarar
til 9,5 milljarða króna.
Þá hefur komið fram krafa frá ít-
ölum um að þeir fái veiðileyfi við
Marokkó. Það kemur illa heim og
saman við þær fyrirætlanir stjórn-
valda í Marokkó að drega verulega
úr veiðum ESB innan lögsögu sinn-
ar. Það er því ljóst að erfitt verður
að ná samningi, sem allir aðilar
geta sætt sig við. Lögð verður
áherzla á aukin samvinnuverkefni,
auknar fjárfestingar í sjávarútvegi
Marokkó, auknar landanir ESB-
skipa í landinu og að skipverjar frá
Marokkó verði hluti af áhöfnum
skipanna. Þá er gert ráð fyrir að
Marokkó fari fram á aukinn aðgang
að mörkuðum ESB fyrir ávexti og
grænmeti. Sjávarútvegsráðherrar
Evrópusambandsins munu ræða
þessi mál á fundi sínum undir lok
mánaðarins.
Morgunblaðið/Gunnlaugur Arnason
Búið er að ráða starfsfólk hjá Útgerð Arnars við vinnslu á beitukóngi og starfsemin komin í fullan
gang. Á myndinni eru starfsmenn fyrirtækisins við vinnu fyrstu dagana.
Vinnsla á beitukóngi
hafín í Stykkishólmi
Stykkishólmi - Beitukóngur hefur
verið unninn í Stykkishólmi í nokk-
ur undanfarin ár. Fyrirtækið Is-
hákarl hf var stofnað í þeim til-
gangi. En fyrirtækið lenti í ýmsum
mótbyr og varð gjaldþrota nú í
spmar. Eignir þrotabúsins keypti
Útgerð Amars í Stykkishólmi og
hefur nú hafíð vinnslu á beitukóngi.
Það eru hjónin Guðbjörg Egilsdótt-
ir og Guðbrandur Björgvinsson
sem þar eru eigendur. Fyrir á fyr-
irtækið 147 tonna fiskibát ,Arnar
SH 157.
Guðbrandur sagði aðspurður
ástæðan fyrir því að hann keypti
eignir Ishákarls væru þær að hann
hefði trú á að beitukóngsveiðar og
vinnsla eigi framtíð fyrir sér. Til að
svo geti orðið þarf að auka veiðarn-
ar. Nú leggja upp hjá honum 3 smá-
bátar, sömu bátar og lögðu upp hjá
íshákarl og er það of lítið magn
sem frá þeim koma til að standa
undir rekstri. Lágmark er að vinna
10 tonn af beitukóngi á dag. Hann
ætlar sér að láta Amar SH 157 á
beitukóngsveiðar í vor og tryggja
með því nægilegt hráefni. Beitu-
kóngsvertíðin stendur frá miðjum
júní og fram undir áramót. Hafr-
annsóknarstofnun áætlar að veiða
megi 1000 -1200 tonn af beitukóngi
árlega í Breiðafirði. Til að brúa bilið
á milli vertíða ætlar Guðbrandur að
verka saltfisk í húsnæðinu. Arnar
SH er með 400 tonna þorskkvóta og
verður sá afli undirstaða í saltfis-
kvinnslunni.
Að sögn Guðbrandar er beitu-
kóngurinn seldur til Japans. Sölu-
horfur eru góðar og verðin á upp-
leið. Það er SH sem annnast söluna.
Hjá beitukóngsverksmiðjunni
vinna 7 manns.
Möskvastærð mæld í álnum
REGLUGERÐ um stærð möskva í
loðnunótum hefur verið breytt í
kjölfar Österbris-málsins svokall-
aða og er nú miðað við fjölda
möskva á hverja alin í stað innan-
máls möskvanna áður.
I meira en tvo áratugi hefur
möskvastærð í loðnunótum verið
miðuð við innanmál möskva, eða
19,7 millímetrar. í kjölfar Österbr-
is-málsins urðu nokkrar umræður
meðal sjómanna, útvegsmanna og
netagerðarmanna um hvernig
skynsamlegast væri að standa að
mælingu svo lítilla möskva og
hvaða reglur ættu að gilda þar um.
Hafrannsóknastofnun var falið að
skoða málið og lagði hún til að
reglugerðinni yrði breytt og ekki
yrði miðað við innanmálið heldur
við 64 umferðir á alin eða 32
möskva. Þá er netið strengt eftir
lengd netsins og möskvamir taldir
á alin. Þetta er talin heppilegri
mælingaraðferð og hentugri við
framleiðslu á netinu vegna þess að
gildleiki þess er misjafn og innan-
málið þar með einnig. Þessi aðferð
en einnig talin heppilegri til að ná
fram því sem alltaf hefur verið
stefnt að, þ.e. að sleppa smæstu
loðnunni í gegn.
Alin verið mislöng
Jón B. Jónasson, skrifstofustjóri
í sjávarútvegsráðuneytinu, segir al-
in hafa verið notaða sem mælik-
varða í sambandi við loðnunætur
áratugum saman, jafnt af ungum
sem öldnum. „Alin hefur reyndar
verið mislöng á ýmsum tímum, auk
þess sem talað er um danska alin og
norska alin. í þessu sambandi er
einnig talað um ákveðið margar
tommur og þumlunga í einni alin en
lengd þeirra er einnig mismunandi
eftir því hvaða alin er átt við. Nið-
urstaðan var hins vegar sú að miða
við danska alin sem er 62,7 sentím-
etrar eða 24 danskir þumlungar.
Þessi mæling hefur tíðkast meðal
sjómanna og netagerðarmanna og
við sjáum enga ástæðu til að breyta
því,“ segir Jón.
Við biájumst velvirðingar á því aó
flest hljómtæki okkar hljóma svo
skýrt að þú heyrir gjarnan eitthvað
sem þú áttir ekki von á.
i
Conrad-Johnson CAV50 lampamagnari
þigalltaf langað
til að heyra hvað hann er að segja
REYNISSON
& BLÖNDAL
WWW.ROGB.IS
SÉRVERSLUN MEÐ HLJÓMTÆKI • SKIPHOLTI 25 • 105 REYKJAVIK • SÍMI 51 I 6333 • INFO@ROGB.IS