Morgunblaðið - 30.10.1999, Blaðsíða 41

MORGUNBLAÐIÐ
LAUGARDAGUR 30. OKTÓBER 1999 41
MARGMIÐLUN
Nj ósnaraerjur
að hætti Mad
Windows 2000 árið 2000
NÝJUSTU fréttir frá Microsoft
herma að Windows 2000 stýri-
kerfið, arftaki Windows NT 4.x,
komi út 17. febrúar næstkomandi,
en upphaflega stóð til að stýri-
kerfið kæmi út snemma á þessu
ári. Til að ganga ekki alfarið á bak
orða sinna sendir fyrirtækið hug-
búnaðinn í framleiðslu fyrir ára-
mót.
Windows 2000 er ætlað að leysa
af hólmi NT-gerð Windows sem
er um margt frábrugðin Windows
98, enda ætluð fyrir fyrirtæki og
þyngri vinnslu. Útgáfan hét
reyndar Windows NT 5 framan
af, en þótti heppilegra frá mark-
aðslegu sjónarmiði að kalla hana
Windows 2000 þótt það hafi kallað
á ómældan misskilning hjá þeim
sem nota Windows 95/98. Þannig
verður yfirleitt illmögulegt að
keyra hágrafíska leiki á Windows
2000, því það er hannað með meiri
áherslu á stöðugleika en svo að
það leyfi hugbúnaði að tala beint
við jaðartæki eins og slíkir leikir
vilja gjarnan gera.
Seinkunin á útgáfu Windows
2000 kemur sér illa fyrir
Microsoft, sem hefur lagt gríðar-
legan kostnað í hönnun stýrikerf-
isins sem kallað hefur verið mesta
hugbúnaðarverkefni sögunnar, en
í stýrikerfinu eru 30.000.000, þrjá-
tíu milljón, línur af forritskóða.
Windows 2000 er ætlað að etja
kapp við UNIX-vélar sem sótt
hafa í sig veðrið í ljósi aukinna
krafna um netstuðning og hraðari
gagnaflutning í ílags/frálagsrásir.
Þótt ýmsar prófanir hafi verið
gerðar á getu Windows 2000 hef-
ur enn ekki reynt verulega á þan-
þol stýrikerfisins, en þess má geta
að Microsoft keyrir enn sitt
stærsta vefsetur, HotMail, á Un-
ix-netþjónum.

Kemco gaf nýlega út leikinn Spy vs
Spy. Leikurinn er fyrir Game Boy
Color-Ieikjatölvurnar
og byggður á njósnurun-
um í Mad-teiknimyndablöðun
um bandarísku.
32 BORÐ eru í Spy vs
Spy-leiknum, þar á
meðal fjölmörg
þjálfunarborð þar
sem spilandinn getur lært hvernig
spila á leikinn. Markmið leiksins er
að safna nokkrum hlutum sem faldir
eru í hverju borði, hvert borð hef-
ur að minnsta kosti níu herbergi
og í hverju herbergi eru hús-
munir, til dæmis hillur, regn-
hlífastandur og skápar. I
þessum húsmunum eru
venjulega faldir einhverjir
munir, þar á meðal sprengj-
ur, hnífar, fötur af vatni og svo fram-
vegis. Þessa muni á að nota sem
gildrur sem njósnarinn getur svo sett
upp um allt hús; vatnsfatan fer ofan á
hurðina, sprengjan undir skápinn og
svo framvegis. Þar sem nær ómögu-
legt er að vita hvar óvinanjósnarinn
hefur falið gildrur
er einnig hægt að
pota í hurðir
með priki og taka sprengjur úr sam-
bandi svo dæmi séu nefnd.
Hljómar kannski frekar flókið og í
raun er það svo í byrjun, Spy vs Spy
er ekki leikur sem er hægt að spila
án þess að leggja sig allan fram. Eftir
skamma stund lærir spilandinn
hvernig á að forðast flestar gildrur
og getur einbeitt sér að að finna hlut-
ina sem faldir eru um allt borðið, eða
einfaldlega drepið hinn njósnarann.
Grafík leiksins er fín og miðað við
hraða leiksins er ótrúlegt hversu vel
Kemco hefur tekist að
skapa andrúmsloftið
sem einkennir Spy vs Spy í
Mad-blöðunum.
Hljóðið er klassískt smá-
tölvuhljóð, frekar skrækt
og pirrandi, hins vegar
sér síbreytilegur
taktur leiksins
til þess að
spilandinn byrjar ekki að hata tón-
listina... strax.
Omissandi leikur fyrir þá Ga-
meboy Color-eigendur sem fíla
Mad-húmor og hraða leiki.
Fyrir aðra er hann góð afþrey-
ing og betri en flestir aðrir
GBC-leikir á markaðinum í
dag.
Ingvi M. Arnason
Ruslafata með rafheila
Á CEBIT sýningunni í Þýskalandi
fyrr á árinu vakti mikla athygli ör-
bylgjuofn frá bandaríska íyrirtæk-
inu NCR sem var með innbyggða
nettengingu, en felldur í hurð ofns-
ins var snertiskjár sem nota mátti
til að vafra um netið, kaupa í mat-
inn eða kíkja á fréttirnar. Nú hefur
fyrirtækið bætt um betur því það
kynnti á dögunum ruslafötu sem
sér um að flokka í-uslið sjálfkrafa
og kaupa inn ef vill.
Á CeBIT sýningunni var mikill
straumur gesta í bás NCR enda
þótti mönnum örbylgjuofninn nýi
merkileg smíð. Hann var þeim
kostum búinn að notandi gat lesið
inn í hann strikamerki á vörum um
leið og hann raðaði þeim í hillurnar
og síðan gat ofninn gefíð góð ráð
um matreiðslu, minnt á hvaða vara
í skápnum væri komin á síðasta
neysludag og vakið athygli á því ef
einhver tiltekin tegund matar væri
að ganga til þurrðar. Ruslafatan
nýja er um sumt svipuð þó hún fá-
ist við það sem er á leið út úr hús-
inu, en ekki inn í það.
Ný ruslafata NCR er úr ryðfríu
stáli með innbyggðri tölvu. Hún
stýrir meðal annars strikamerkja-
lesara sem les á strikamerki sorps-
ins sem í hana er hent og flokkar
síðan sjálfkrafa eftir því hvort um
er að ræða pappír, glervöru, málm
eða matarleifar. Til viðbótar við
þetta skráir fatan hjá sér neyslu-
venjur fólks með því að meta
hverju er hent og síðan er hægt að
láta hana prenta út innkaupalista
ef vill. Með tíð og tíma sjá starfs-
menn NCR fyrir sér að hægt verði
að tengja fötuna stórmarkaði og
láta hana þannig panta varning
sjálfkrafa þegar hún telur að
birgðir séu orðnar naumar. Jafnvel
megi hugsa sér að stórmarkaðir
kaupi síkar fötur og gefi föstum
viðskiptavinum enda komist þeir
þá yfir upplýsingar um neysluvenj-
ur þeirra í staðinn.
Ruslafatan nýja er ekki komin á
almennan markað og óvíst hvort
það verði einhverntímann. NCR
hyggst ekki fjöldaframieiða hana
sjálft heldur láta öðrum í té tækn-
ina. Að sögn myndi hver fata kosta
í kringum 10.000 kr. ef af verður.
Delta hornsófi kr. 94.500
Til í fjórum litum; Ijósbrúnn, dökkbrúnn, rauðbrúnn og svartur.
HUSGOGN
SíÖumúla 30 - Sími 568 6822
- ævintyri líkust
fös. 10:00 - 18:00 Fimmlud. 10:00 - 20:00 Laugard. 11:00 -16:00 Sunnud. 13:00 -16:00

5 "69069111191
Andi Afrt'ku i Fossvogi - Læknastofa barnanna - Halldór Briem býr á Hilton